"اليوم أدركت حقيقة أنَّ من يُحبك ويريدك فعلًا سيبقى مهما حدث، أن الذي يريد البقاء بجانبك سيبقى ولن يمنعه شيء عن البقاء معك، الذي يريدك سيبقى رغم الحزن والكوارث والألم والخيبات والمُشكلات التي لا تنتهي، الذي يريدك فعلًا لن يمنعه شيء من البقاء بجانبك إلى الأبد
♡♡♡♡♡♡♡♡♡♡♡♡♡♡♡♡♡♡♡♡♡♡
رجعت من الدوام تعبانة كلش بس بقة ابالي وافكر اسر شنو راح يسوي خطيه هذا الطفل شنو ذنبة
قاطعني صوت ماما
فضة
ريومة ماما تعالي اكلي لگمة صبيتلج اكل
اريام
اييي ماما جااية
بعدني ماطالعة من الغرفة واجتني نمارق ولازمة الموبايل بايدها
نمارق
اريام موبايلج يدك هسة يلا دخلت للغرفة وشفتة
اريام
هااا منو بالله
اخذيت الموبايل من ايد نمارق باوعت واني فتحت عيوني بكل وسعهن جنت ماحافظة الرقم بالجهاز بس حافظتة بكلبي بقيت مترددة بين الرد والتجاهل
نمارق
شوفي منووو جاوبي
اريام
روحي يم ماما واجي وراج لا تبقة تصيح
نمارق
احمممم بس لا البالي غمزت الهة وضحكت
اريام
اهوووو نمارق شو اطلعي
من بعد ماطلعت فتحت خط حسيت كلبي يرجف كلت خاف واكع بمشكلة لو صاير وياه شي لا ارادي نطقت
... هااا اسر
اسر
ياروح اسر اسمعيني اني قررت وخلاص ماكو رجعة بقراري ومتاكد راح تكونين احن ام واحلى زوجة الي
اريام
عقلي وكلبي وگفن من كلامة ومانطقت ولا كلمة
اسر
احمممممم تقبلين تتزوجيني واكون سندج بكلشي
اريام
واني صحت بصووت شنوووو شلووون اتخبلت انتة
اسر
اييي اتخبلت والله وداعت عيونج مو لان اريد ام لابني بس اني متخبل بيج احببج اريام
اريام
بقيت مااعرف شحجي ماجنت متوقعة هيج مكالمة من اسر بقيت سااكتة...
اسر
اريام بوية انتة وياي الوووووو..... تسمعيني
اريام
هااا ايي وياك
اسر
اسمعي اخذي راحتج وفكري وبس انطيني اشارة واني تلكيني يمكم فكري زين هالگلب مشتريج من اول ما شفتج
اريام
هااا..... الله كريم
اسر
باب كلبي مفتوح الج شوكت مافكرتي تعاي هالگلب بيتج
اريام
يلا مع السلامه
سديتة من عنده واني جسمي كلة يرجف لا مو جسمي كلبي.... كلبي يرجف من الفرح كلبي يرجف من الحب ماانكر اني احبة بس جنت مامتاكدة من كلبي وهسة اتاكدت...... اي اتاكدت من حبي ل اسر رحت صرت اكبال المرايا واخيراً اسر كال احبج
اسر وضحلي مكانتي بحياتة.... من بعد كلشي مريت بي ومن بعد كل العواصف الي عصفت بية كلبي كدر يفرح لاول مرة هالگلب ينبض لشخص
رجعت فكرت اووووف اريام شنو وقت زواج اباوع للمرايا واحجي هاااا وقت زوواج لا مو وقتة ماريد استعجل
أنت تقرأ
قــــــلَوُب الحًرمِــــــــآن
General Fiction"لو فقدتَ ما فقدتَ لو كسرَ الحرمانُ قلبَكَ ستجتازُ هذه الحياة كما يجتازها كل أحد فاختر الرضى يهُن عليك العبور ولا تيأس إذا حرمك الله ما تحب ولا تحزن إذا اضطررت للعيش في وضع يؤلمك بل ابتسم لأن الله قال بكل رحمة : وعسى أن تكرهوا شيئاً وهو خيرٌ...
