يـــــــّفــــــثًــــــــحً الانسان ذراعيه.. للحياة فيصلب
____
فضة...........
طلع ضياء من عدنه وبقينه اني ومهيمن دايخين بزمانه يعني تالي عمري اتزوج حماي كلش مو مناسبه
مهيمن........
ها ماما شقررتي
فضة........
والله يا ماما حتى عقل ما بقه براسي انته تعرف عمك شكد نذل وهاي اخوانك اخذاهم من كدام عيوني وحرك گلبي عليهم
مهيمن.......
ماما لهنا وكافي اني رايح اخذ اخواني وشيسوي خل يسوي شنو احنه وين عايشين
فضة........
لا فدوه لاتروح محد يعرف حقاره عمك مثلي وهذولي اخوانك صغار مايفتهمون الله يحرك گلبة مثل ماحرك گلبي
مهيمن.......
ماما كافي عاد مكبرين راسه والله ادوسه ومااعترف باكبر راس يطلع وراه واذا عمي شنو نخلي يدوسنا
فضة.......
ماما اهواي اشياء ماتعرفهن ابوس راسك اترك عمك ماريد تتاذة ولك يمه انتم قطعه من روحي اذا يصير على واحد منكم شي اموت
مهيمن.....
بس ماما...
فضة.....
لا بس ولا شي ابداعتي عليك اترك عمك فدوه اروحلك
مهيمن........
ونفرض اني تركت الموضوع شنو ناويه تقررين
فضة.......
الله كريم منا لباجر
_______________________
من بعد نقاشي ويه مهيمن مستحيل اخاطر بابني لان محد يعرف سلمان بكدنا اني وسليم الله يرحمه كل سوالفه اعرفهن واعرف ايده طويله ويكدر يأذي اولادي احاول اهدىء مهيمن وكدرت اهدئة وماعرف شنو اقرر بقيت اتكلب بفراشي شلون حال آريام ومؤمل وية هذا الظالم عيني مااخذت النوم والتفكير والقلق ارهقني
آريام.......
رحنه اني ومؤمل ويا عمو بس ما جنت متوقعه عمو يمتلك هيج قساوة اخذنا غصب دخلنه للبيت رغم اني طفله بس اتذكر كلشي
لحظات لظلم والقساوة بعمرها مانكدر ننساها حتلو چنه اطفال ومافاهمين
الايد لقدمت النه حنان ماننساها
والايد لنمدت علينا بقساوة ما ننساها
دخل مؤمل للبيت واني بقه يسحل بيه وياه وماجنت اعرف وين ماخذني ودموعي تصب من الخووف
آريام......
فدوه عمو اتركني اريد ماما
سلمان.....
مامتج خلي تفكر عدل لمصلحتكم
آريام.......
عمو. فدددد فدوووة اتركني ايدي وين ماخذني
سلمان......
امشييي لج الة اربيكم واربي امكم
آريام......
مستمر يسحل بيه واني دموعي صارن شلال واشهك ولا ذره رحمه بي دفعني بغرفه مثل المخزن وقفل الباب
عمووو فدوة افتح الباب فدوه
اني اخااف عمو لا تروح
الله يخليك عمو تعااال لا تروح
بقيت اضرب بلباب حيييل وابجي واصيح لا تعوفني
بس راح وعافاني بلغرفه الظلمه لميت رجليه ودنكت بقيت ابجي واشهك اول مره بحياتي ابقه الوحدي وبمكان ظلمه حسيت وصلت للموت من خوفي بقيت ابجي ومحد يسمعني
الشي الوحيد البقيت اكررة
يالله ياربي ماجنت اعرف شي غير بس الله هوة ربي واتذكرت كلام بابا من كال محد يسمعنا غير الله ومحد يساعدنا غير الله
بقيت اردد يالله ساعدني ياربي اني ماشايفتك بس احبك يالله ساعدني اني اخاف من الظلام يالله
بقيت اردد واشهك ومن خوفي و رغم الظلام بس جنت مغمضه عيوني ماعرف بعد شصار بس غفيت
أنت تقرأ
قــــــلَوُب الحًرمِــــــــآن
Ficción General"لو فقدتَ ما فقدتَ لو كسرَ الحرمانُ قلبَكَ ستجتازُ هذه الحياة كما يجتازها كل أحد فاختر الرضى يهُن عليك العبور ولا تيأس إذا حرمك الله ما تحب ولا تحزن إذا اضطررت للعيش في وضع يؤلمك بل ابتسم لأن الله قال بكل رحمة : وعسى أن تكرهوا شيئاً وهو خيرٌ...
