بسم الله الرحمن الرحيم
في أحد القرى بجانب الرياض
صحت الريم مع أذان الفجر استغفرت ربها وأبعدت عن فراشها ترتبه بكل هدوء طلعت لحمامها اللي بجنب غرفتها غسلت وجهها وتوضت
وصارت تردد بهمس
أشهد أن لا إلا الله واشهد ان محمداً عبده ورسوله
اتجهت تلقائيا لغرفة أبوها وأمها طقت الباب مره ومرتين
الريم : يبه يمه أذن الفجر الصلاه
أبو الريم : هلا يابنتي قايمين قايمين يا أمي ، مري صقر قوميه
الريم : ان شاء الله
مشت متجهة لغرفة صقر ضربت الباب مره وفتحته
شافته نايم بالمقلوب والفراش طايحه
وغرفته كلها مقلوبه من الملابس والكتب وعلب الببسي والشبسات بكل مكان
الريم : يالله ياصقر وشهذا وش هالقرف
سحبته مع رجله
الريم : صقر يله قوم الصلاه لاتفوتك اعجل لا يجيك أبوي
صقر : ها هاا طيب خلاص
الريم : قم احسن لك لاتفوتك الصلاه
صقر رفع راسه : ها قمت قمت
ابتسمت الريم : شاطر ، وطلعت
اتجهت لغرفتها لبست جلالها وكبرت
وبدت تصلي وتتسنن سلمت
وجلست بمكان مصلاها تستغفر وتقرأ اذاكر الصباح
وتدعي ربها وتقرأ وردها وهي مخصصه كل بعد صلاه تقرا وجه من القرآن
بعد ربع ساعه
خلصت تسكر القرآن الكريم وتروح لغرفة أمها
طقت الباب ودخلت
الريم : صباح الخير يالغاليه
مزنه : صباح النور يابنتي
الريم تبتسم : ياحلو هالصباح بك كيف صرتي يمه أمس ابوي يقول امك تعبانه شوي بس مارضى أجيك قال انا اقوم بها
ضحكت مزنه : ذا شيبه يكبر المواضيع يأمك ولا ها شوفني انا بخير الحمدالله
ضحكت الريم من ضحك أمها : الحمدالله أهم شي أنك بخير
طق الغرفه ودخل بهدوء وشماغه بيده
وتميزه لحيته البيضاء اللي ما زادته ألا هيبه وجمال
فزت لأبوها تمسك يده وتحب عليها
الريم : صبحك الله بالخير يبه ، كيف صرت
أبو الريم : بخير ياجعلني قبلس يا ريم القلب مازان صباحي ألا بتس يابنتي
ابتسمت الريم ورجعت تحب على يده
الريم : ياجعلني ماخلا منك يالغالي
ضحكت الريم : ولا منك ، أجل يأبو ذيب غرفتك وتطق الباب
ابتسم أبو الريم : للغرفة حرمتها وهذا الشي تعلمته من امك
ابتسمت مزنه : تعلمت الدرس عقب سنين طويله يبو ذيب
ابتسم أبو الريم : صقر ويينه ماصلى معي
الريم : افا وانا طالعه منه يقول قمت قمت
لعب علي اوريك فيه
أبو الريم زفر بغضب : لحول الله يهديه يذا الولد كل شي الا صلاه
الريم : عندي يايبه ماعليك رح دكتك شوي وزهب لك فطورك وصحي هتيس النايم
دخلت غرفته ومعها قدر مليان ماء بارد
وبدون اي ندم كبته كله عليه وهو نايم
فز صقر بفجعه وهو يشهق : اهبي اهبي هبيتي انتي وش تبين من محرضس علي
الريم : اهب انت احترم عمتك عمى عيونك حرضتني الصلاه قم والله ان يلعب فيك ابوي
فز صقر من مكان ينقز للحمام : اما فاتتني الصلاه حسبي عليك يا ابليس
الريم تكتفت : اي والله حسبي عليه وعلى اللي حاذف له راسه يسمع له
وايق صقر مع باب الحمام وهو يتوضى
ابتسم بسخرييه : لي ثار عندس ياعميمه حركت الماء ماني أحبها
طلعت ريم وهي تلوح بيدها : اعلى ما بخيلك اركبه
كل شي الا صلاه
