الرياض
عند حرم الغيث
ابتسمت أوجان تشوف بنت أختها تسبح وتلعب بوناسه
جلست تراقبها بحب وهي تتمتم بداخلها : الله يرحمك يا أختي لو تشوفين بنتك كيف كبرت وحلوة اخ
مافيه شي يعوض غيبتك عنها لكن اوعدك اني اكون لها ام بما تعنيه الكلمه سرح بالها بعيد
وهي تتذكر وعدها لأختها قبل ٥ سنوات وقت ما كانت على مشارف الموت
وعدتها تاخذ زوجها وتربي بنتها ولا تدخل عليها مرت أب ولا تكون هي عليها مرت أب
قطعت حبل أفكارها غيم وهي تنادي جوجو
ابتسمت اوجان : عيوني عيوني انا
يله ماما نطلع عشان ماتخذين برد مسكتها وهي تشيلها وتلاعبها
مشت لغرفة التبديل لبستها ومشطت شعرها وعطرتها
ابتسمت اوجان وهي كلها حب : عيوني وقلبي البنات الحلوين
تقدمت المريبه وهي جايه بالآيباد : ماما هذا فيه اتصال
اخذت اوجان الايباد : اوف هذا غيث تعالي مامي تعالي
مسكت اوجان غيم جلستها على كرسيها المخصص ثبتت الآيباد قدام غيم وفتحت الكام لها وطلعت برا الغرفه لأنها تشوف الافضل يكون بين الاب وبنتها وقت مخصص
ضحكت غيم بصخب : بابا بابا
ابتسم غيث : لبيه ياروح بابا وقلبه كيف حالك
ضحكت غيم وبلهجتها البريئه : انا زينه بابا
غيم مسيو بابا مرره
ضحك غيث : وبابا مسيو غيم مره
جلست غيم تسولف لأبوها عن روضه واصحابها
و غيث يسمع لها بدون لا كلل ولا ملل
بعد نص ساعه دخلت اوجان على غيم متوقعه ان المكالمه انتهت
صاخت غيم : جوجو تعالي شوفي بابا
نادى غيث : اوجان انتي هنا
ردت اوجان وهي ورا الايباد قدام غيم : تو دخلت
غيث وبلهجه جديه : كيفكم كيف امور البيت وغيم
ردت اوجان : الحمدالله
غيث : ناقصكم شي تبون شي
اوجان : سلامتك
غيث : زين يابنت عمي الله الله في بنتي
ابتسمت اوجان بسخيره وبان في صوتها : بنت اختي وبنتي لا توصي حريص يله غيمي قولي لبابا باي
التمس في صوتها السخيره والاستفزاز : على خير فمان الله
اشرت لها غيم ب مع سلامه وهو بالمثل
سكرت اوجان الايباد بسرعه وبنرفزه واضحه : بعد هذا اللي ناقص
خارج حدود المملكه :
وبآخر الليل مشى سعود يتسحب وسعد وراه بدون صوت
سعود : شف انا بدخل المطبخ بسرق البريق وانت عليك الحطب
سعد : ازهلني
توجه سعد لمكان الحطب وحط ثنتين على ظهره ورجع يركض للمكان اللي اتفقوا عليه
قرب سعود من المطبخ بهدوء اخذ بريق الشاهي وسكر وورق الشاهي وطلع يلحق سعد
جتمعوا اللي يواسي الضو واللي يزين الشاهي
سعد : يا اني حنيت لديره جدا
سعود : وانا بعد اشتقت للوالد والوالد واختي حتى النتفه مسعود اشتقت له كبر صار عمره ٧ سنين متخيل
وهو يأشر له ب بسبعه من اصابعه
ابتسم سعد بحزن خفيف : امي لي فتره منها كل ماكلمتها بكت وانا ما اصبر على دموعها ودي اطق التذكره وروح لها
ربت سعود على كتفه : هانت ياخوك هانت معاد الا القليل
فزوا كلهم من سمعوا صوت وراهم
سعود : اخو وضحى ابك هذا وش
سعد مسك طرف عود عليه نار : تقول خل نبعد بعيد شعرفنا بديارهم وجبالهم يطلع لنا دب الحين ولا شي حتى سلاح مامعنا
فزوا ثاني مره من قرب الصوت
وقف سعود : يمكن جني
وقف معه سعد ونار بيده : الجني اهون ياخوك
فجائه طلعوا عليهم العيال يضحكون
خالد : يا الخونه مضطبين الشاهي وساحبين علينا
بندر : كنت حاس من شفت سعود كل شوي ينغز سعد
تركي : يالبيه يالجو
سعود بضحك : حسبي الله علييكم روعتوني
سعد ابتسم ويضرب خالد : تعالوا تعالوا تو زان الجو
قربوا كلهم حول الضو
تركي بحزن : مستوعبين باقي اقل من شهر ونرجع كل واحد لديرته
سعد بتنهيده : الحنين الف
التفت تركي على سعد : كلنا مشتاقين بس كيف بفارقكم
ابتسم خالد بحزن: والله احس اني ماقدر اعيش بدونكم تعودت عليكم
بندر : صادق
ضحك سعود : افا عيال كلنا بدوله وحده بنتلاقى قريب بعيد بنتلاقى
دف خالد بندر بكتفه : لا بندر متعود ينام بحضني
تغيرت ملامح بندر لقرف : الله يقرفك ياشيخ وخر وخر معاد الا انت
ضحك سعد بصخب : والله بفقد خالد
طالبك ياخالد كل فتره مرني الجنوب
ابتسم خالد : ابد يالرجال كل صيف عندكم ابشر بي
بديرة الريم :
صقر : ابوي شرايك نروح نتعشاء كلنا يم الابل يوم الجمعه
ابتسم سيف : عز الطلب يأبوك والله انه ودي
صقر : وناخذ الريم وجدتي ونشوي
سيف : اللي تبون يابوك اللي تبون علم بركات من الحين
قام صقر يحب راس جده : ابشر الله يديمك لنا
جت الريم وبيدها صينة الشاهي فز صقر : عنس عنس
خذا الصينيه منها وهو يجلس ويصب لأبوه وعمته
ابتسمت الريم : لبى عينك ، وش عندكم وين بتروحون
سيف : بنتعشاء يم الابل يوم الجمعه زهبي عمرك
الريم : الله بوقتها وليله ليلة قمرا ومبطيه عن الابل
صقر ابتسم : فكرتي الله يطول بعمري قلت نغير جو واشتقت لشقحاء
ضحكت الريم : مايجي منك الا زين بس لاتشوف نفسك
سيف قام : بروح أشوف عجوزي ومنها اعلمها
الريم : تقرا قران يا يبه
ضحك صقر : خليه خليه مايقدر يعيش ساعه بدون مايشوفها
ابتسمت : الله يمديهم لبعض ولنا يارب
ابتسم صقر : امين
بنفس الديره وببيت ابو منيف
ليلى بصراخ : منيييييف يازفت تعال هنا احسن لك
طلع منيف من غرفته مفجوع : لا إله إلا الله علامس انتي علامس صوتس واصل لاخر الدنيا
ليلى : من جا عدة قهوتي وكسر سيرفر من لمسها
منيف : لحول تجيك التهايم وانت نايم ذا نياف ماهو انا
ليلى : نياااااففففف
طلع نياف من نفس الغرفه : وانتي يالخبله اي شي يقوله تصدقينه هو كاسرها وحطها بي
طالعت فيهم ليلى وهم يتحاذفون ومن القهر دمعت عيونها : اوريكم والله لا اعلم ابوي مشت تتعداهم تنزل تحت
فزوا كلهم يلحقونها وبصوت واحد : افا افا يا اختنا
منيف : قلبي لولي انتي تدرين ابوي وش بسوي اذا شافك بالحال بيكسر فينا الدنيا
نطق نياف : يخيتي الدلوعه الحلوه ابشري بجديد اطلق منه
التفت ععلييهم ليلى وهي تمسح دموعها ورفعت اصبعها : وعد؟
منيف ونياف بنفس اللحظه : وعد
مسكها منيف وهو يضمه : بس افا يا اختي كل هالدموع
شفيك
ابتسمت ليلى بفشله : هرمونات بس
ضحك نياف وهو مو فاهم شي : والله انتم يا البنات حاله خاصه
منيف : شرايكم بس نمسك خط الرياض ونتقهوى ونغير جو
فزت ليلى : صدق تكفون من اليوم ودي اغير جو وابي اروح المول ابي مكياج
نياف : شف شف قلتك البنات حاله خاصه نقول نتمشى وتبي مكياج
ضحك منيف : مريم وينها
نياف : تلقاها تبلع في الكتب
طلعت مريم من صاله على طاريها وهي تصفق راس نياف بكتابها : احترم اختك الكبيره
نياف بدارما واضحه : اه ياختي راسي راسي الحين بصير غبي وسبه انتي
مريم : لا ماعليك ضربتك بكتاب كيف اصبح عاقلا ان شاء الله تصحصح بعده ويصير لك عقل
نياف وهو يفرك راسه : ههههه حتى نكتك سامجه
ضحكت ليلى : مريومه بنطلع الرياض تطلعين معنا
مريم : شعندكم
تكى منيف على ليلى : نغير جو ونراضي هالدلوعه
مريم تعدتهم تروح غرفتها : تم بس بمر المكتبه
نياف صاح : ها خذلك الثانيه دودة كتب صدق
مريم بصوت عالي : ترا بجيك
نياف مسك راسه بسرعه : اسفين اسفين
ضحك منيف على خبال أخوه : يله تجهزوا عشان نرجع بدري
