#فـي_لمـح_البصـر
#الحلقـة_الــ18
زين طلع وسكر الباب وولع دخانه وبدا يدخن شوية وخش لحوشهم لقي امه تستنى فيه ف الصالة
زين / يمة خيرك مرقدتيش لتوا ؟ الساعة قريب 3 را
نجوى / لا بيجيني نوم والله وحضرتك متردش ع الكصيرة اللي ف ايديك ؟
زين / تي كنت عند واحد صاحبي ونسيته ف السيارة
نجوى / كنت نقول نطمن امي اللي قلبها نار من بكري عليك
زين / يا عمري انتي اسف والله حقك عليا يا امي " وباس علي راسها "
نجوى / يا وليدي انا من عندي غيرك انت واختك 💔
زين / ربي يحفظك لينا اميمة يا ودادة 😍💓
نجوى / سلم وليدي ياربي ، كلم مرتك ؟
زين / اي كنت عندها
نجوى / اه نهار مزقحح 😱
زين / خيرك ؟؟
نجوى / علاش ماشيلها ف هالوقت ؟
زين / مرتي شن فيها؟
نجوى / تربح سلم ولدي معش تمشي الا بعلم حناها عيب كان يشوفكم حد والله يشهدر بيكم
زين / خلي يشهدر يمة مرتي حلالي شن هدا
نجوى / يا زين مرتك ما قلنا شي لكن مزال ما جبتها لحوشك ، يعني خاف حتى علي سمعتها مرات حد شافكم ف هالليل مع بعض وميصيرش نصيب لا سمح الله شن بيقولو عليها ؟ مش بيطلعو عليها دوة؟
زين / ان شاء الله تكون من نصيبي وما نتفارقوا💔
نجوى / ان شاء الله.. نحطلك تتعشى ؟!
زين / حطيلي را ميت جووووع
نجوى حطتله / تعشى ونوض ارقد سلم زوينة يا ربي باش الصبح تنوض بكري
زين / علاش بنوض بكري معنديش جامعة غدوة؟ جمعة وبنستريح
نجوى / تي يا خرية بيجوني خالاتك يتغدو الصبح علي خاطرك بيباركو علي فاتحتك بتنوض تجيبلي النواقص
زين / باهي حاضر من عويناتي ، الحمدلله
نجوى / صحيحة..
زين / سلمك يا ست الكل❤ تصبحي علي خير
نجوى / قدامك كل خير..
.
.
انا خشيت لقيت لبنات قاعدين يهدرزو
حنين / شن صار ؟
سلسبيل / خيرك مكتئبة !
انا تنهدت / شي منعرفش خيرني
حنين / تي قولي بلا برادة
انا قعمزت / قصدي حنين خوك جوه مش حلو ابداً علي قد ما حاولت نعرف خيره ما باش يقولي ، كلامه ونبرة صوته ، واضح واضح صايرة معاه حاجة وميبيش يقول
