#فـي_لمـح_البصـر
#الحلقـة_الــ24
ع.مسعودة طلعت روحت وانا قعدت بروحي ، خلاص جت اللحظة اللي مكانش خاطري نشعر بيها ، اللحظة اللي فضي فيها الحوش عليا ، قعدت ندور ف الحوش وندوّر ، ندوّر ف حسها 💔 ندور ف صوتها ، نشم ف ريحتها ، خلتني بروحي خلاص ، انا ماما سيبتني ، وبابا سيبني ، وتوا حناي اللي كانت سندي سيبتني ، سيبوني صحباتي ، وسيبني اللي داير روحه راجلي💔 قعدت ندور وانا خانقتني العبرة وغصة ف قلبي ، قلبي قريب ينشق من الوجع..
طق الباب ومشيت فتحت ولقيته ياسين
انا قعدت نشوفلع متع شن في / ؟؟
ياسين خش وسكر الباب وقعمز ع الكرسي ف الجنان /
انا انوض فيه / نوض الكرسي مبلول
ياسين ناض / منبيكش تقعدي بروحك
انا دخلته للحوش / قعمز ياسين
خشبت جبتله فوطة وعطيتهاله / امسح شعرك
ياسين / تي لالا عادي مش لازم
انا / امسح كلك مبلول تو تمرض.. مطر قوية برا ..
ياسين حطه علي راسه وقعد يشوفلي /
انت ولعت الدفاية وقعمزت جنبه
ياسين / شن جوك توا !
انا / باهي💔
ياسين مدلي شنطتي / شنطتك لوحتيها هي وتليفونك يومها
انا خديتهم وحطيتهم جنبي /
ياسين / هدرزي خيرك ؟
انا شفتله / شن بنقولك ياسين ! ، محروقة نار ف قلبي ، مش قادرة نقول شي ولا حتى قادرة نتنفس
ياسين / ادعيلها بالرحمة ، حناك محتاجة دعائك بس..
انا شفت للسماء / يااااارب..
ياسين / دانه نزل تعيينك
انا / ..
ياسين /دانه!
انا / ياسين انا محتجاتك💔
ياسين ابتسم / وانا جنبك ، مش ح نسيبك تمام!
انا / خاايفه ياسين
ياسين / متخافيش ، اللي ف بالك عارفه متخافيش منه ، نبي منك شي توا ولو ليا معزة عندك مترديليش طلب
انا / شني!
ياسين / نبيك ترجعي زي قبل وتعيشي حياتك
انا / مش قادرة ننساها يا ياسين 😢
ياسين / وانا مطلبتش منك تنسيها دانه!
انا طلبت منك ترجعي زي ما كنتي رغم الحزن اللي ف قلبك ، حناك ف قلبك حزنك احتفظي بيه ف داخلك ، متخليش الناس تقرب منك ف لحظة انتي ضعيفة فيها
انا تفكرت كلام حناي / سلم بنتي لا تعدلي علي صحبات ولا تعدلي علي حد عيشي حياتك وما تخلي حد يوقف ف طريقك ولا حتى حاجة تزعلك توقف ف طريقك ، متندريش ع الدنيا مرات تجيك ايامات تخليك حزينه ومش قادرة تعيشي لكن يا بنتي لازم نرجع نوقف علي رجليا ، لازم نوقف ع شان نفسي وع شان الناس اللي تبينا فهمتيني يا دانه
