#فـي_لمـح_البصـر
#الحلقـة_الثـانيـة
حناي / دااااانه نووووضي صاحباتك جو راا
انا نضت مخلوعة / 😳😳 اه شني ، وشفت الساعة ، اوووووو 6 الا ربع وطلعت لقيتهم ف الصالة كيف جاييني
سنابل / تيي وينك ليا ساااااعة نتصل بيك
انا / سوووري كنت راقدة ، باهي ع السريع عبايتي بس ونطلع !
خشيت لبست عبايتي وطلعت
انا / حنينة تو نكلم ياسين يجي يحطك عند عمتي مسعوده " ام ياسين " باهي ؟
حناي / باهي توكلي إنتِ
انا طلعت وركبت وخوها كان متكنطي لكن ساكت ومتحشم منا بس باين وجهه احمر 😂 ، وحي علي سنابل حي
سنابل / عصام حطنا حتى هنا بندورو شوية
عصام / انا ساعة بلكتير ونجيكم
سنابل / باه.. نزلت وهي مش عاجبها
سنابل تقلد فيه / شاعة بلكتير ونكون عندكم ، ساعة شن بنشري فيها بالله ؟
حنين / شن ساعة شن بتسدك يا سبولة انتِ بتشري لبسة وحدة وحاجات التقديم ماكش مبتتة توا يعني
سنابل / باه ضمي فمك معش تقولي سبولة 🌽
انا / خلاص اس ياسر ، وخشينا للمحل وقعدنا ندورو والحق في هلبا حاجات حلوة لكن غالية 💔 وف نفس الوقت سنابل دوقها صععععب 💔ومش اي شي يعجبها
انا / سنابل شوفي اهيا 😍
سنابل / الله محلاهااا تجنن 😍
حنين / اي حلوة حلوة خوديها
سنابل / كم سعرها هادي ؟!
صاحب المحل / 200
سنابل / باهي ناخدها هيا و100 للسروال وخلاص
حنين / والكندرة ؟؟
سنابل / هيا بيضا عادي ناخدلها سروال جينز هادي ونركبلها الكعب الاحمر متاعي الفرنيز
انا / بسيطة وحلوة ❤🙈
سنابل / خلاص يا خوي اعطيهالي ، اعطيني رقم 38
صاحب المحل / تمام هي..
وخديناها وطلعنا ودرنا شوية وخدت اللي تبين وخطمت خدت حاجات التقديم وكيف بتتصل بعصام اتصل بيها
عصام / ها شن كملتو ؟؟
سنابل / اي كيف بنكلمك
عصام / خلاص تلقوني مدرس ف نفس لمكان
سنابل / جايين هي !
ومشينا ركبنا وروحنا لحوش سنابل خشينا سلمنا علي ام سنابل " مبروكة " وسلسبيل اختها ❤
سلسبيل / وروني شن شريتو
انا / حمارة خيرك ممشيتيش
سلسبيل / اسكتي متفكرينيش قريب نموت نبي نمشي بوي قالي لا غدوة عندي امتحان نصفي 💔
