<آمال خفية🔐❤️>
للكــاتبة وعـد ابـراهيم .
<قداش من واحد فينا لقي "الخير" فِ البراني قبل مايلقاه فاللي من دمه ، وقداش من حد براني حبيناه و حبنا أكثر من القريب
وقداش حد مافهمناش وطلع فينا عيوب ، وقداش من شخص براني خاف علينا و فِ ضيقتنا معانا 24 ساعة
أوقات ماتلقاش الخير فالقريب اللي ليك ، و تلقاه فِ البراني اللي بعيد عليك ♥️>
:::::::::::::::::::::::::::::::::::::::::::::::::::::::::::::
صبــاح جديد ❤️🔐
أنا "فقت الفجر صلييت وقعدت على الصلاية ندعييي ونقراا في القرآن ومع دموعي يلي جفوو من كثر لبكاا
أنا:يااارب صبرني وخليني قد المسؤوليه يلي هلي امنوني فيهااا "كملت تنيت الصلاية ورفعت تلفوني لقيتها الساعه 9 قعدتت ندعي ونقراا ليااا 5ساعات ماحسيتش بالوقتت لقيت رنا متصله بياا وااجد رديت عليهاا "
رناا"بصوت عالي":يا حقيره يا تافهه يا حيواانه ليش ماتردي على خربتك ولا دايرته زينه
أنا"بعدتت التلفون عن ودني": طرشتيلي ودنيي يا بقرة مافضيتش
رنا:به المهم شن اموركك كويسه وخبريني عن أمس كيف كاانو الاجواااء وكل شي
أنا:يي على مهلك شوي شوي وانتي ماتعييش من القصقصه
رنا:به به بدوون محاضراتك الي ملهاش لزمه احكيلي بالتفصيل
أنا"حكيتلهاا كل شي بالتفصيل "
رنا:الله على الجوو
أنا:ماندمجتش بكلل نحس فيهم متكبراات ويلي هدي عندي وعندي
رنا:ماتعدليش مش معااك ديماا خليك ريلااكس
أنا:المشكله الاسبوع الجاي عرس بنت خالتهم وبيمشو وأكيد حيصرو علياا نمشي معااهم
رنا :امشي معاهم غيري جوو وماتعدليش
أنا :انشالله يصير خير هي خل ننزل تحت نساعدهم في الضمان
رنا:مهوننه "كملت مع رنا لبست الملايه بمإن ايمن موجود ونزلت لقيت مرت خالي تدير في الفطور
أنا:نساعدك في شي
سميرة:لالا حبيبتي كملت شوفي نور تحوس في لجنان
أنا:تمام "أنا طالعه تلاقيت مع ايمن"
ايمن:صباح الخير
أنا:صباح النور"وطلعت لقيت نور تحوس حست معااها وضميناا لجناان وخشيناا فطرناا ولبست مازن ومشي لي مدرسته ونا لحد الام موقفه قيدي لين يفرجهاا ربي "
أنا :نوور وين عمتي سميره وخالي بنحكي معاهم في موضوع
نور :اكيد في مكتبب بابا شوفيهم
أنا"مشيت شور المكتب متاع خالي بنطق على الباب سمعت مرت خالي
سميرة:والله ماشفت منهاا الا كل خير لاكن مايجيش يقعدو نفس البيت
خالي:وين تبيني نلوحهاا مهما تكون هي بنت اختي المرحومه
سميره:عطيها لي عمامها ملزومين بيها مهما يكون بنتهمم
خالي:كان تقوليلي من لحسلك مخككك
سميره:غير يا علي افهمم ودور الكلاام في مخكك
خالي :سكري على الموضوع وماتتحسيش البنت
سميره:يصير خير لاااكن الموضوع ماتسكرش عندي نا نحبهاا لاكن ولدي بياخد راحته
خالي:هو دوالك
سميره:لاا وحق اغلا ماعندي مادوالي ولا شي
خالي :هي كلمه سكري على عقابه
أنا"كنت نسمع في كل كلمه كانو ينزلوو علياا كيف السكاكين مهما يكون كلاامهاا صحح ونا نفس الموضوع بنحكيه مع خالي حسيت ايد على كتفي تلفتت بخوف ورهبه"
ايمن"قارن حواجبه":عادة سيئة التنصتت من ورا الباب وناا مانحبهااش
أنا"بخوف":بسس كنتت بنحكي مع خالي وو
ايمن"برفعة حاجب":وشن تااني
أنا"بخوف ":وو
خالي :شن تديرو هناا
ايمن:جاي بنقولك كلمتين وبنتوكل للخدمه
أنا"مرت خالي تشوف فياا بشك انسحبتت بهدوء تام لي غرفتي وسكرتها بالمفتااح وطحت على آلأرض انهرتت وبكييت بكييت شعور يقهر لماتحسي روحك عبأ على حدد ولاكن يبينلك انه متقبلك وتماام ومهما كان كلامهاا صح قعدتت نلم في لبسي وكل شي يخصني وحاجات ماازن في شنطة سفرر وحطيتهاا تحت السرير وغسلت وجي ونزلت نساعدهم في الغدا"
نور:ندووش خيره صوتتك مبحوح
أنا:مريضه شووي
نور:لاباس انشالله شن رايك بعدين نمشو للمحلات نغيرو جوو
أنا:لالا امشي انتي نا تعبانه ماخاطريش
نور :على خاطري قلته لي بابا ماشيه نا وندى وكلم ايمن بيرفعناا
أنا:ما إنتي مجهزه ومتكمه كل شي ومزال تبي موافقتي
نور:عارفتك بترفضي زي اي مره فقلت نحطها قدام الامر الواقع 😂
أنا:كلا انتيي ينخااف منكك الله يعين عبدو
نور :ااه يؤبشني عبدوو
أنا:كان يسمعك ايمن يعلقكك بعدين لاعبدو لا غيره
نور:علااش تفاولي تفي من فمكك
أنا:😂"تغديناا ورفعت السفره غسلتهاا نا ونور ونور قعده حايسه في الدولاب كله عشان ماشيه للمحلاات ضروري تديير سرييب "
نور"تشوف فياا"
أنا:خير يا طيير
نور:نبي سوريتك الموڤ هديكاا
أنا:البسي هوني قدامك
نور:نجكلييي خل نشوف كان تطلع عليااا
أنا:تديري في سريب ملااش لزمه بكلل
نور:يراا طلعه مره في السنه ومعااش يطلعووك خلك ساكتهه
أنا:لنقنك اووفرر😂
مازن:ندوش بنمشي معااك
أنا:لالا ماعندك علاش ماشي
نور:خليه يمشي براا البسس وناا نرفعك معااي
مازن:نونو احسن وحده
نور:نجكليي
أنا:تبووديع زاايد
انتهى البارت قراءة ممتعه💓
<آمال خفية❤️🔐>
أنت تقرأ
آمال خفية🔐❤️
General Fictionرواية باللهجة الليبية . تتيتّمت في يوم وليله وعاشت ظروف صعبه هل ستبتسم لها الحياة لكي تعيش في سعاده ام لا💔 النهايه حتكوون صدمه 🙈🔥 روايــات وعـــد ابــراهــيم🌷
