آمال خفية🔐⁦❤️⁩

🔥part3🔥

روايــــات وعــد ابرهيم 🔥⁦❤️⁩

نبدووو..........

ندى🍃

طلعناا ايمن للمحلات وغيرنااا جوو برغم الموضوع متاع أمس ماطلع من مخيي بس لماا نشوف مازن فرحاان نبتسم تلقائياا لان هوا اخر شي قعدلي من اهلي وريحت الغوالي

نور صفقت في وجهي :ويييين وصلتي
أنا:لا غير كنتتت لاهيه
نور:ايمن قال نتعشو في مطعمم
أنا:يلي يعجبكم
ايمن :تمام نمشو نتعشوو ونروحو
مازن:احلاا ايمو في العالم
ايمن يضحك:حيي حتى اسمي تغيرر
نور وندي:😂
تعشيناا وروحناا ومرت خالي كانت قالبة وجهاا عليا من جيتت وتصرفاتهاا تغيرو 180درجه قعدو باينه انهاا معاش تبيناا فأنا خديت قراري وكلمتت خالتي زينب لانها من قبل مصره عليا نعيش معاها لان ماما مأمنتها علينا لاكن نا قلتت نتقلوو عليك وقلت خالي عشان مش غريب عليااا بس طلعع يمشي بودنه برغم انه كويس معانا لاكن مرت خالي يلي كانت تبين انها كويسه كان تظاهر بسس

أنا:ايوا خالتو شن حالك
خالتي زينب:اهلين بخير بنيتي وشن حال ميزو
أنا:بخير يا خالتوو
خالتي زينب:كلهم كويسسين مافيكم شي
انا:بخير خالتوو غير بنقولك كلاام مانبيش تقوليه لخالي اني قتلك
خالتي زينب:شن فيه يابنتي خوفتيني 😨
انا حكيتلهاا كل شي بالتفصييل
أنا:والله يا خالتو معاش حد يبيناا قعدنا مقطوعين من شجرة 😭
خالتي زينب:لا ياقلبيي ماتقوليش هكي من بكراا نجي نرفعكك إنتي وصية المرحومه
أنا نبكي :خالتوو بالله مانبيش نتقل علييك
خالتي زينب :اسكتي شن الكلاام هداا تتقلي علياا لاا ياقلبي بكراا نجي نرفعك ماحد يقدر يقولي شي
أنا :شكراا خالتوو والله حاسباتكك كيف اميي
خالتي زينب:وانتي بنتيي بلااش كلاام فاضي هي توا بري تريحيي بكراا نجي
أنا:مع السلامه نشوفكك بكراا ...وطفوو
ندى🍃
كلمت خالتو حسيت اني تريحتت ولبست ملاية الصلااة وصليت العشاء والبيت كله رقدد وناا قعده ماسكة تلفووني نراسل في رناا شوي خشيت كتبت منشور على الفييس
(- اللي تتباهى بيه قدام ناسك ، حـ يكسرك كسرة تخلي ناسك وناسه يدوو بيها ⁦💔🔥.(
طفيت تلفوني ونراجي في بكراا على ناارر

روايـــات وعــد ابــراهيــم🔥

صبــاح جديــد مليــان احداث🔥💔

ندى🍃
فقت صليت الفجر وقعدت على السجادة ندعي انه اليوم يمر على خير ونزلتت ندير في فطور لان كسدت ماعندي ماندير ونا ندير في الفطور خش ايمن
ايمن:صباح الورد
انا توترت:صباح النوور
ايمن:نايضه بكري
أنا:اهه اي كسدت ماعندي ماندير
ايمن جا قعمز على كرسي جنب الباب:بالله صبيلي قهوة راسي مصدع
أنا :حاضر هي ..صبيتله وعطيته ليه
ايمن:مش مفكره تردي تقري
أنا:ااه لين ربي يفرجها انشالله
ايمن:انشالله هي سلاام عندي خدمه
انا:مهونه ..طفيت على الشاي وطلعت لي الغرفه
أنا:نوور زيدي انخمدي خلل تفوتك المحاضره
نور عين مفتحه وعين مغمضه:بالله يا عبدو فكني منكك
أنا:تو ينفعك عبدوو هداا مش مفكره تنوضي خل السهر على التلفون ينفعكك..جبتت ميه وبزعتها عليهاا
نور ناضت مخلوعه:صبحح بسم الله شن صايرلك
أنا:شوفيي الساعه كمم تواا
نور شافت تلفونهاا:حييي الساعه 8:30 وعندي محاضره على ال9..وناضتت تجري
أنا نضحك:خل عبدو ينفعكك بعدين
نور من جواا:الاا عبدوو ايوااا
انا:هدا لمودركك😂
مشااا الوقتت وجت الساعه12 ونور روحت من الكليه وكسدنا نا ويااها نديرو في نسكافي
نور :ندوش عندي فضوول نبي نعرفف حاجه
أنا:ادوييي
نور:حبِّيتي في حيااتك ولا قلبكك تعلق بحد
أنا :لا
نور:جدياات تدوي
أنا:والله
نور :ربي يطيحكك في الشخص يلي يقدر يسعدك
أنا ضحكت:انشالله ...شوي وخبط الباب حطيت عليا لملايه وطلعت فتحت الباب لقيتهاا خالتو
أنا فرحت:اهلين خالتوو وحضنتهااا ...شفت واحد جاي معاهاا لابس عسكري وعاطيني بالظهر
خالتو :ماتبيش تدخليني
انا:تفضلي خالتوو وخشت سلمتت على نور
خالتو:وين اهل  البيتت
نور :عمتي في دار الجلوس تلقيهم ..مشت خالتو ونا قعمزت مع نورر
نور:غريبه عمتي مش في العاده تجييناا
انا رفعت كتوفي بعلمي علمكك
نور:انشالله خير ..
انا:نور بنسألك في حد جاي مع خالتي لابس عسكري ماشفتش وجهاا كان عاطيني ظهره
نور بتفكير :امم طويل وعريض صحوو
أنا:اهاا
نور :ايهااب ولد خالتك مش عارفته
انا:وين نندري عنهمم ماشفتاش قبل
نور:هداا عسكري رتبه كلمته في المنطقه هياا يلي تمشي وعنده كلاامه وتم الكلاام بعده
أنا قعدتت نسمع لي نوور
أنا:اممم
نور:شخصيته معقده وعصبيي لابعد حدود وديماا مكشرر نا عن نفسيي نخااف منه يقتلني
😂
أنا:مش لدرجه هديي
نور:واكتررر ...شوي طلعو خالتو ومرت خالي وخالو
خالو :ندي بنيتي تبي تمشي مع خالتكك ويلي تقوليه حاضر
أنا توترت:اهه اي يا خالوو بس مانبيش نزعلك
خالو:ماحد يجبرك على شيي
مرت خالي :اي يا علي خلي البنت على راحتهاا
أنا:يا خالوو نا كلمت خالتي من قبل وبنقعد معااها نغير جوييي
خالو:كيف تبي يا بنتي ..وطلع خالي لي ايهااب يسلم عليه ونا مشيت لبستت سروال امريكي وسوريه طويله شوي مووڤ ووشاح موڤ وطلعت الشناطي شوي وجتني نور بتبكي
نور :بتخليني برووحي تعودت عليك يا خراا..وجت حضنتني
أنا:يا بايخه بنجيك مش مسيبتكك عشان عارفتك ماتقدريش بدوني
أنا ونور:😂...شوي وجاا ايمن سلم عليا وقالي اي شي تبيه كلميني قتله تماام وطلعت أنا ومازن مع خالتي كاان ايهااب متكي على السياره ولابس نظارات شمسيه وفيده التلفون جيناا رفع راسه فيناا كانت شخصيته تجلط حرفياا كاريزما وحضور وتواا نعطيكم التفاصيل بعدين😂
ايهااب بجمود:اهلاا..ومشا فتح السياره وحط الشناطي
مازن:ندوش مانبييش نبي ايموو ..وقعد يبكي
انا:ميزو عييب ..جا ايمن ورفع مازن
ايمن:عييب صححح انتت رااجل والراجل مايبكيش ماتخافش كل يوم نجي نرفع ندهوركك
مازن:وعدد
ايمن ضحك:وعدد..
ايهاب ببرود:مطولييين ..ايمن نزل مازنن
ايمن شافلي:اي شي تبيه رقمي عندك كلميني
أنا:صحييت...ايهااب ركب السيارة
خالتي:هي ندووش
أنا:نشوفك على خيرر
ايمن:😁
ندى🍃
ركبتت السيارة وكان الصمتت سيد الموقف ومازن كان زعلاان ناا قعدت نشوف لي براا ونفكر في يلي جااي وهل حتتحسن حياتي
كنت ماشيه للمجهول ...

🔥روايـــات وعـــد ابـــراهــيم🔥

تعالو نعرفكم على عيلة خالتي زينب
خالتي زينب حنينه راجلهاا اسمه الطاهر وعندهاا ولدين وبنتين توأم
ايهااب 29سنه كان أكبر واحد في خوته كانت شخصيته غامضه عصبيي وديماا حواجب مقروناات عسكري طويل ومعضل وعنده هيبه الكل يهابه
ناذر 24سنه يخدمم مهندس شخصيته عفوية وديماا يضحكك وينكتت واموره فرييي ومتااع بناات لاكن جديي احياناا طويل وشخصيته جنتل وكل بناات طايحاات عليه مش متاع مسؤولية بكلل😂
التوأم لاناا ولياان
لاناا 19سنه تقراا تخصصها طب قنينه وهاديه وعلى حالهاا ملامحهاا جميله
لياان متخصصه قانون وشخصيتها حازمه ونقشهاا نفس خالتي هادي وديماا دايره مشكله مع حدد لسانها متبري منهااا
الطاهر باتهمم كانتت شخصيته كلمته مسموعه وطيب وحازم مع ظنااه

انتهى البــــارت قــراءة ممتعه⁦❤️⁩🔐.
آمـــال خفــيــة⁦❤️⁩🔐.