خلكم متفاعلين عشان ننزل الحلقات يومياا لو في تفاعل على الروايه حنكمل بإذن الله❤️🥺.
خل نبدووو ...........
صبح الساعه 10 الكل كان مشغول كل واحد في حاجه ولانا وليان كانو في الكلية وناا قعده في الغرفه ماطلعتشش من هداكا الموقف حسيت الكل يرمي عليا في كلام زي السم لان ماعندي سند ولا حد نلجأله 💔 .
رن رن. . ردت ندى على التلفون وكان ايمن
ايمن :صباح الورد
أنا:صباح النور
ايمن:نا ونور قدام الحوش انزلي نراجو فيك
أنا :امم تمام جايه ..سكرت ونا نفكر لي توا ماقلتش لي خالتي...نزلت لقيت خيرية سألتها فاتلي انه ايهاب روح للعسكريه اطمنت اني نقدر نتحرك برااحتي ومشيت لي خالتي قاتلي امشي غيري جوو رقيت غيرت لي مازن ونا لبست عبايه ووشاح ومعاها اسبيدرو ونزلنا أنا ومازن لقينا ايمن واقف يراجي فيناا
ايمن:اهلين شن حالك
انا:الحمدلله...سلم علينا ورفعنا وكنا نهدرز نا نور وكداا رفعنا للملاهي على خاطر مازن ومشينا للمطعم تغدينا وروح بينا للحوش اول مانزلت تلاقيت مع ايهاب واقف قدام الحوش وكأن كان يستناا في حد وصح ايهاب في العسكريه شن جابهه مخي استكك
أنا نزلت ورفعت مازن لان كان راقد وايمن نزل يهدرز على ايهااب ...ونا مشيت بسرعه خشييت
ليان:ليه زماان الامر ماباان ...قرصتها لااناا
أنا سلمت عليهم ورقيت لي غرفتي بسرعه
رقدت مازن ونا لبست توته شوي نسمع في عياط تحتت وبدون مانفكر عرفت انه ايهااب يلي اول ماجيت قعد يبي يتحككمم بيااا زي خواته ويبي يمشي كلمته علياا نزلتت تحت بهدوء ولقيته قالب الدنياا
ايهااب راقيتله:يمااا أنا قلتت يلي عندي اخر مره تطلع بدون ادني شنوو فاتحين فندق نحنااا
خالتي (زينب):ياولدي اكسرر الشر وامشي راي تسمعك البنت
ايهاب :خل تسمعع شن بدير يعني دايرتلي موااعيد وتطلع امتى تبييي اخررر مره نسمع انهاا طالعه والله كرعيهاا نعلقهمم ليهاا
خالتي(زينب):هياا استأدنت مني وانت مش شوورك
ايهااب :الصبررر بسس نا قلتت وبعدين حتشووفو فعللل..وطلع وقربع الباب ورااه
خالتي(زينب):استغفرالله هدا الولد بيجيبلي الجلطهه...ومشت لي دارهااا
رقيت لي داري وفتحت المذكره وقعدتت نكتبب ادن العصر نضتت توضيت وصليت وقعدت نقرا في القرآن على روح هلي وبعدهاا فاق مازن نزل يلعبب ونا قعدت في داري شوي وجت خالتي
أنا:اهلين خالتي تفضلي ...قعمزت جنبي
خالتي:ماتزعليش ايهااب ديماا هكي عصبيي ومعقد و..
انا:لا يا خالتي مش زعلاانه ولا شي وأنتي كيف امي
خالتي :نجكك لي عقلك مايعطيش انك صغيره متفهمه وعقلك كبير ربي يعطيك مافي بالك
أنا حضنت خالتي :تدكري فيا بي ماماا خالتوو ماتخلينيش
خالتي:مش حنخليك ماتخافيش إنتي امانة الغاليه ....نزلتني خالتي درنا نسكافيه انا ولااا وقعدت ندير في الكيكه البارده
لانا:ندى إنتي قريب تتخرجي ولاا يعني اخر سنه وقفتي
أنا:اي اخر سنه وقفت قيدي
لانا:امم يعني مش مفكره تردي
أنا:تصدقي امس كنت نفكر نجدد قيدي ونرد عشان ملييت
لاناا:اي ليش ماتسجلي في كليتناا وتمشي معانا هكي احسنلك
أنا:نشوف خالتي شن تقول
لاناا:به انشالله خير
أنا:الكيكه طابت خل ندير سفره ونطلع الطواسي ...دارو سفره مقومه وطلعوها لجنان وقعمزو يهدرزو
ليان:ماما بكراا كلمي بابا يرفعنا عشان نشرو لعرس قريبتناا
لانا:مزالل اسبوعين ليش الاستعجال ..وتشرب في النسكافي
لياان:إنتي اسكتيي ها شن قلتي
خالتي :نكلملكن ايهااب غير تتعبن باتك
لياان:لالاا كان هداا بلااها المشيه
خالتي:يصير خير ..
لاناا:ماما صح امتى ولدكك المطرشق يردد من السفرر
خالتي ضربتها بالمخده يلي جنبهاا
خالتي:خوك يا كلبه تقولي عنه هكيي
لاناا:يييه شن قلناا نحناا
ليان:نبع الحنان ماتحملش في كبيداتهاا شي
....نشوف فيهم كيف يضحكوو ويبصرو وجوهم سمح ونذكر في هلي هكي كناا نضحكوو ونبصرو وعائله هاديه على حالناا بس في يوم وليله تغير كل شيي💔.
جاا اليوم يلي بعده ونضتت ضميت داري والبنات رفعهم باتهم للمحلات ونا قلتلهم لالا تعبانه وفتحت الموضوع. مع خالتي قاتلي توكلي ونكلم ايهاب يسجلكك
أنت تقرأ
آمال خفية🔐❤️
Narrativa generaleرواية باللهجة الليبية . تتيتّمت في يوم وليله وعاشت ظروف صعبه هل ستبتسم لها الحياة لكي تعيش في سعاده ام لا💔 النهايه حتكوون صدمه 🙈🔥 روايــات وعـــد ابــراهــيم🌷
