آمـــَال خـــفِــية🔐❤️ .
روايــــــات وعـــد ابــــراهيم🔥
[إهِتماماتي صَارت محدودة ، هدفي هُو مُستقبلي وحَاضري وراحَة بالي ، ومَطلبي السّلامة، غِيرها ما يسّتاهل مِني الشقى] .
خل نبـــدو 🍃........
ندى...
كنت نشوف لي المنطقه يلي ماشيلهاا لانها كانت بعيده شوي ومازن غفا علياا وكانت خالتي تهدرز على ايهااب وايهااب ساكتت مش عارفه خالتي علااش تتعب في روحهها عموما وصلناا قداام بيت أو بالأحرى قصرر كانوو 3طواابق وكان التصميم فاخرر وكانو واقفين زوز قدام الباب كأنهم حررس فتحو الباب وخشت السياره نزلناا ونزلت مازن في غمري ووقفتت نشوف للحوش
خالتي زينب:سلمم بنتي هاتيه عنكك نرفعه
أنا:لا ياخالتي رزين يتعبكك
خالتي:ماعليك غير هاتيه عنك...خالتي رفعت مني مازنن وايهاب طلع الشنااطي وقلهمم وانا خشيت وراهم ونا متوتره بنمووت شوي فتحت بنتت ملامحهاا هاديه لابسه توته عالبينك ودايره الطربوش على راسهاا ابتسمتت ..تفضلوو
خشينا جواا ورفعت من خالتي مازنن
خالتي :لين وري بنت خالتك دارهاا عشان تتريح
لين:حاضر ماما تعالي ندى معااي ...مشيت معاها وناا نكر في رجلياا كرر من. كتر التوتر ولوين وصلناا من بيت لي بييت😓
لين :هادي غرفتك رتبتهاا ليك مش عارفه كان عجباتك
أنا بتوتر:صحيتي تعبتك معااي
لين ابتسمت:سلمك اي حاجه تبيهاا غرفتي اخر الممر دوريني
أنا هزيت برااسي ..وطلعتت ..حطيت مازن على لفراش و قعدت نشوف للغرفه كان تصميمها كلاسيكي وهادي وكان اللون الابيض طاغي عليهاا حولتت وشاحي وفتحت شنطتي يلي كانت على كتفي وطلعت منها الدفتر وقعدتت نكتب وهدا الدفتر كان مرافقني من يوم وفاة هلي ونا كل شي نكتب فيه لان نحس فيه يخفف من كمية الحزن والهم يلي في قلبي 💔
فتحته وقعدتت نكتبب...
بابا وماما لمن خليتوني ني ومازن تصدقو اليوم شن صار اليوم طلعناا من بيت خالي يلي كنا حمل عليه وجيناا لي بيت خالتي زينب قعدناا من بيت لي بيتت والملجأ الوحيد كان لياا عزلتي مع دفتري ربي يرحمكم يا احننن من شفتت في الدنيا💔😓 ....سكرت الدفتر وكنت كاتمه غصةة ودموعي ينزلوو لااردياا كتمتت شهقاتي يلي تزامنو مع دموعي ونا ندكر كل شي صارلي يومتهااا في بيت جدي وعماامي شن دارو لما خبرتهممم ظلموووني والظلمم وااعر 💔
=شن صاير لي ندى؟!!
الكاتبه=مع الوقت تعرفو السر يلي ندى كانتت تخفي فيه !
=هل هوا سبب يخلي ندى تبكي كل ليله
الكاتبه=كل شي في وقته حلو
=متحمسه نعرففف😭
&&&&&
صبــاح جديــد ملــيان احــداث🔥.
أنا فقتت صليت الفجر وقعدتت نقرا في القرآن لان بجد القرآن كان يصبر فيا على الدنياا كملتتت وفتحت النافده يتجدد الهواء وكانت نسمه بارده وجو غيووم وباين انه المطر حتصبب سكرتت النافذه وفتحت تلفوني لقيت 11مكالمه فائته من رناا
أنا:صبااح الخير
رناا:لا صباح لا مساء ليش ماترديش على تلفونك
أنا حكيتلهاا شن صار امس
رنا:امم يعني توا في بيتت خالتكك امورك تماام
أنا:الحمدلله .
رنا:قوليلي وين حوش خالتك بكرا بنجي نكسدد لياا وقتت عليك
أنا:تمام نتبلاقو بكراا سلميلي على عمتي زهره
رنا:يووصل هي سلاام..سكرت منهاا وطلعت من الغرفه لي غرفة لين لانها كانت في اخر الممر وقفت نصيب ندق على الباب اولا ويمكن راقده شوي نسمع صوت خشن وبارد
ايهاب:علاش واقفه هكيي
أنا توترت:اا كنتت م.. قص عليها ايهاب
ايهاب ببرود:مصددع ومش فاضي ماعندك علااش واقفه يا خشي يا ولي لي غرفتكك..ومشاا
أنا قعده واقفه في مكاني مصدومه من اسلوبه وكلاامه الجاارح عيوني رغرغو بالدموع ورديت للغرفه
أنا:خززي حقيير ماخلالي مجال نتكلمم ..قعدتت على تلفوني نقلبب بملل شوي جاني مسج من ايمن
ايمن:صباح الورد
أنا:صباح النور😊
ايمن:البيت مكسد بلااك
أنا توترت معرفت شن نقول:مش مهاجره نا حنولي ونصدعلك راسك ماتخافش
ايمن:خفيي عليناا😂
أنا:شن جوو نور نبعتلهاا ماتردش
ايمن:قعده قالبه وجهاا من طلعتي وهياا خاربه
أنا:قوليلها قاتلك ندى تعالي بكراا كسدي
ايمن:توا نا براسي نجيبها ليك..وقعدناا نهدرزوو
لقيتت الساعه 10 لبست توته عالاصفر وحطيت الطربوش على راسي ومشيت خبطت على ليان فتحت لاانا نزلناا لقيناا الفطور واتي طلعت مرا كبيره شوي
لين ولانا:صباحوو عمتي خيرية
خيريه:صباحكن ورد ..وشبحتلي اهلين خيريه نخدم في الحوش
أنا مديت يدي:اهلين تشرفناا..وقعدنا نهدرزو وجو عمي الطاهر وخالتي وكان عمي الطاهر متفهم وكانت حاكيتله خالتي عني كان محسسني كيف بناته وكلمته مسموعه
وكملو وكل واحد مشى لي خدمته ولميت السفره مع عمتي خيرية
خيريه:خلها نا نرفعها ماتعبي روحك
أنا:تعبك راحه خل نساعدك
خيرية هزت بالايجااب ...ساعدتهاا وغسلت معاها الماعين خلني ونخليك(بالسيف)
خيرية:صحيتي بنيتي
أنا:سلمكك إنتي حسبت امي الله يرحمهاا
خيرية:الله يرحمهاا
أنا :عمتي خيرية بنسألك ماشفتش ايهاب معاهم علاش؟؟!
خيرية:ايهاب من يومه نادرا مايجي لي حوشهم بإعتبار عنده حووش ومستقل
أنا:امم وندكر انه عنده اخ اسمه ناذر لاني نا كنت نسكن في منطقه بعيده فمانعرفهمش وااجد
خيرية:ناذر مسافرر وايهااب ديما برا لان يخدمم في العسكريه يقعدد براا بالاسابيع
أنا نسمعلهاا شوي طلعت نشوف مازن لقيته نايض غيرتله بمأن اليوم عطله قعدتت نلعب معااه في الغرفه
مازن:ندوش علاش مانلعبوش في لجناان هلو تواشفته
أنا:لالا حبيبي مانبوش نزعجو النااس ونا وياك نلعبو هناا مع بعض
مازن:به ..وقعد يلعبب ..شوي ورن تلفوني لقيته ايمن نزلتت لجنان نرد عليه
أنا:نشوف خالتي
ايمن:نا عازمك إنتي ومازن ورافع معاي نورر بمأن عطلة مازن مش حتمانعي
أنا ضحكتت:قدااش صعبب نرفضض
ايمن:وناا نررفضض اصلاا
أنا ضحكتت:عبدالواثق 😂..سكرتت وتلفتت شفتت ايهااب وراياا وعيونه مايبشرنش بالخير
أنا خفت من نظرته
ايهاب ببرود:مدي التلفوون
أنا انصدمت شن يبي في تلفوني
أنا:معلش يعني لو سكتتلك امبكري مش يعني تركب فوق رااسي ايواا وتلفوني مايخصكش
ايهاب رقاله:كلمه هي مدي الخراا احسنلكك
أنا خفتت بس درت روحي قوية:خصوصياات مالكش علااقه فياا ليا يوم بس نعرفك وتبي تتحكم فياا لاا والله
ايهاب بلمح البصر كر تلفوني من يدي وحدفه على الساس تكسرر طرف طرفف ونا مفتحه عيوني بصدمهه
ايهاب :نحنا ماعنداش بنات يواعدن والجو هدا فأنتي تحترمي اقل شي خالتك يلي جاباتك لي حوشهاا
أنا رغرغو عيوني بدموع:حييي تلفووني ...وشبحت لي ايهااب ...حقيرر وتافهه نكرهككك ...ومشيت نجري خشيت لي غرفتي للحمام( حشا القارئ) وقعدتت نبكي وجعني كلامه اكتر من كسره لي فوني .
ايهاب🍃
جيت من الخدمه ونا راسي بينفجرر وتعباان خشيت للحوش لمحتت ندي واقفه في لجنان وماسكه التلفون في يدهاا وتضحكك قربتت شوي سمعتهاا تقول :قداش صعبب نرفضض وتضحكك مش عارفه علااش شاطت فياا النار وقلتلها مدي التلفون وهياا عندتت فسحبته منهاا وكسرته وقعدتت تبكي نا وقتهاا غمتلي لما شبحت دمووعهاا ...رفعت التلفون وخشيت لي غرفتي لان كاانت غاامه .
🔥 روايــــات وعــــد ابـــراهيم🔥
انتـــهــى البــــارت قـــراء ممتــعة❤️🔥 .
#شن السر ورا ندى🔥.
#وشن سبب ردة فعل ايهاب 🔥.
#وشن قصة ايمن🔥.
أنت تقرأ
آمال خفية🔐❤️
General Fictionرواية باللهجة الليبية . تتيتّمت في يوم وليله وعاشت ظروف صعبه هل ستبتسم لها الحياة لكي تعيش في سعاده ام لا💔 النهايه حتكوون صدمه 🙈🔥 روايــات وعـــد ابــراهــيم🌷
