" လူတွေကပြောင်းလဲတတ်တယ်။ ငါတို့အချိန်ကြာတော့ပြောင်းလဲသွားကြသလိုမျိုးပေါ့။ "
Author - Kitt(Su)
_______________________________________________________
PEOPLE YOU KNOW TO YOU DON'T .
" ဝူးလေး! အာ..."
- ဟန်မြစ်ကမ်းဘေးတွင် ပျော်ပွဲစားထွက်လာသူများထဲမှကောင်လေးနှစ်ယောက်သည်သစ်သီးတွေကိုအပြန်အလှန်ခွံ့ကျွေးနေသည်။ -
" စားလို့ကောင်းလား။ "
" ကောင်းတယ်။ ကိုကိုခွံ့ကျွေးလို့ထင်တယ်။ ချိုနေတာပဲ "
" ဟုတ်လား။
ဒါဆိုဝူးလေးများများစား...ဟပါဦး။ အာ..."
- ဝူးလေးဆိုသူက ပါးစပ်ကိုအဆင်သင့်ဟကာ ပါးစပ်ထဲသို့သစ်သီးဝင်လာရန်စောင့်နေသည်။ သို့သော်သစ်သီးကဝင်မလာပဲ သူ့ဘေးမှကောင်လေးကသူ့ဘာသာသူစားလိုက်သည်။ -
" ဟာ ကိုကိုနော်။ "
" ဟဲဟဲ စတာပါ ဝူးလေးရယ်။ "
- ထိုကောင်လေးကပါးကိုဆွဲညစ်လိုက်သည်။ ထိုတော့မှဝူးလေးဆိုသူလည်းအပြုံးကြီးကြီးဖြင့်ပြုံးလာခဲ့သည်။ -
" ဒီမှာ...!
မင်းတို့နှစ်ယောက်တည်းရှိတယ်ထင်နေတာလား။ လွှတ် အွန်းဟက်ဂီ! ကိုကို သူတို့ကိုကန်ရမှဖြစ်မယ်။ "
- ကောင်လေးတစ်ယောက်က ခြေထောက်ပြင်နေချိန်နောက်ထပ်ကောင်လေးတစ်ယောက်ကဆွဲထားပြီးတားနေခဲ့သည်။ -
" ဘာလဲ မြောင်ဂျယ်ဟျွန်းရ...ငါတို့ကိုမနာလိုဖြစ်နေတာလား။ အေးပေါ့လေ....မင်းကလေးလေးက anti romantic ဆိုတော့လည်း...ဟဟဟ"
" ဂါးးးးး အွန်းဟက်ဂီ ကိုကို့ကိုလွှတ်။ ဒင်းတို့ကိုတစ်ချက်လောက်ကျွေးမှရတော့မယ်။ "
" လာပါ ကိုကိုရာ။ ရှက်စရာကြီး။ တခြားနေရာသွားရအောင်။ ခဏနေမှပြန်လာမယ်နော်။ "
" အေး အွန်းဟက် "
- အွန်းဟက်က ဂျယ်ဟျွန်းကိုဆွဲခေါ်သွားကာ ထိုနေရာတွင်တော့နှစ်ယောက်သာကျန်ခဲ့သည်။ -
" ကိုကို! "
" ဗျ "
" ကိုကိုက ဝူးလေးကိုဘာလို့ကြိုက်တာလဲ "
