سلمى حضنتها وقالت : عادي يروحي
هيام : م زعلت بس شفيني استفرغ !
سلمى : خلاص روحي مع رعد وحللي وشوفي وشفيتس
هيام بهمس سمعتها سلمى فيه : م ابي اروح له اصلاً
سلمى : ليه ؟
هيام فزت : هاه ولاشيء
سلمى عصبت : انططقيي
هيام : مدري والله معاد ابي اقرب من رعد
سلمى : وليه ان شاءالله ؟
هيام همست : مره سمعته يكلم مشاعل
سلمى صرخت : ننععممم
هيام : لا لا بس عشان م تبلغ عليتس
سلمى : طيب وانتي وشفيتس تحسستي
هيام : اسلوبه معها كان يحرق قلبي
سلمى : وش كان يقول مثلاً ؟
هيام : مثلاً م كان معصب بالعكس مبتسم طول المكالمة ويضحك ومدري وش كانت تهمس له ااااه احرق قلبي واغلب ردوده كان يهمس فيها عشان م اسمعه !
سلمى انفجرت ضحك : عشااان كذا م تطلعين قدامه بالله متى اخر مره شافتس ؟
هيام : قبل اسبوع ونص
سلمى : كفو بنتتيي لاتطلعين قبل العيد
هيام ضربت صدرها بخفه وقالت : معلييتس خابزته خبز
ضحكت سلمى وقاطعهم صوت رعد : يوللد طريق
حنين فزت وقالت بصوت عالي : رعد لا تدخل محد فاضي لك
رعد عصب : م بدخل بس وين هيام ؟
حنين لفت تبي تشوف هيام وحصلتها تأشر لها وتقول لا لا حنين فهمت وقالت : مو موجودة
رعد بحدة : نععممم ! ويينها ؟
حنين : لا هي موجودة فالبيت بس مو عندي
رعد : شوفي لي طريق
لين بحدة : يخي اذلف تفهم انت !
رعد : لين اذا انتي قد الكلمة اطلعي لي
هيام بهمس لسلمى : الكلب واحشني بروح له بس م بوضح له
سلمى : يالله روحي بس خليتس ثقيلة
هيام وافقت وراحت لرعد
رعد ابتسم اول م شافها : ياهلا بالروح وهلا بالهيام
هيام بدون نفس : هلا هلا
رعد : افا كذا تقابلين زوجتس بعد اسبوع !
هيام : تراك ازعجتنا كل م اقابلك وانا منفسة تقول زوجتس ومدري وش
رعد ضحك وحضنها : لبى والله المنفسيين
هيام م حاوطته بالعكس كانت تبعده منها
رعد بعد وجهه وناظرها وقال : ابعد منتس ؟
هيام : لو تفضلت يعني
رعد بعد ولف علطول وتلطم وطلع بدون اي رد ثاني
هيام شهقت وقالت : رعععد
رعد لف لها من بعيد واشر لها تدخل وطلع
هيام دخلت وقلبها يدق وتأنيب الضميير اشتغل وقالت / يويلليي ي سلمى ززععلل
سلمى : زعل جدي ان شاءالله !
هيام ابتسمت بضيق وقالت : اف شفيتس عليه
سلمى تخصرت : اقووول تعالي ساعدينا بس
جلست هيام وكملت شغلها اللي تركته ناقص
" عند الرجال "
محمد : الله يستر وراه ذا تلطم
فارس فز وراح لرعد
فارس : افا زعلان ؟
رعد : لا لا
فارس : اجل ليه تلطمت ؟
رعد ابتسم : بس كذا بدون سبب
فارس ابتسم : وين بتروح ؟
رعد احتدت نظرته : للموت تخاويني ؟
فارس : هاااه !
ركب رعد سيارته وطاار فارس وركب معه
فارس بحدة : ولد فيك شيء ؟
رعد تغير موده وطلع عصبيته وقال : ايييهه فيينيي كل شيء
فارس : احتزم يولد العم وش خاطرك فيه
رعد : فالهيام
فارس ابتسم : يوووه اجل عود خلنا نأخذها
رعد : هذي هي المشكلة
فارس قطب : ليه عسى م شر
رعد بزعل : ابد يالفارس لي اسبوعين م شفتها ويوم شفتها تغيرت وم تبيني وتبعد من حضني !
فارس : غرييييب والله يمكن تعبانة
رعد اشر له : لا يحبيبي م فيها الا كل خيير لكن في وحدة من البنات تحشي راسها كلام وتجيني البنت مقلوبة !
فارس شهق : تتوقعها !!
رعد : ايه سلمى
فارس ضحك : لا يخي سلمى في حالها احس
رعد : انت اللي في حالك يعيوني
فارس : الله يستر بس انت لاتقول شيء واثقل وخلك رزييين
رعد : عمرك شفتني خفيف ؟
فارس : ايه اول م شفت هيام
رعد ابتسم اول م تذكر اللقاء بينه وبين هيام وقال : غير الهيام ؟
فارس : اييه اول م تعزوت مشاعل فيك
رعد : تعقب انت وياها م خفّيييت بس كنت ابي اعرف وشفيها وتراني اكلمها ابيها تتنازل وتراها رفعت قضية ع سلمى
فارس ابتسم بخبث : عادي حولها لمنصور
رعد صرخ : العن شكلك والعققلل كيف م فكرت فيهاا
فارس : ايه من اول
علطول رعد دق ع منصور وقاله كل شيء
( واحترق منصور وجاب القضية له وقال انا المسؤول عنها واستدعوا مشاعل وكانت عليها ضربات خفيفة ويدوب توضح وعلطول قفل ملف القضية في ليلة وحدة وتنازلت مشاعل علطول ومن بعدها اختفت من الانظار ورجعت للأمارات علطول )
" عند البنات "
هيام : بنات ادق ؟
سلمى عصبت : يختي اشغلتينا دقيي
دقت هيام ع رعد ووصلها صوته : لبيه
هيام هامت فيه وعلطول قامت ركض للغرفة وقالت : لبيت حاج يالرعد
رعد : امريني ؟
هيام : وين رحت ؟
رعد : موجود والله
هيام : وين ؟
رعد ضحك بخفه : فقلبتس
هيام انهارت بعد ضحكته وقالت : يالبيه يالضحكة
رعد : يوه سمعتيها ؟
هيام استغربت : ايه
رعد : عيوني وش بغيتي ؟
هيام : كأنك تبي تسكر
رعد : والله اني مشغول
هيام : وش تسوي
رعد : مع فارس
هيام فهمت وقالت : اجل سلامتك
رعد سكر بدون اي رد وجلست هيام تتذكر ضحكته وقالت : ااااه يحظ فارس
حنين بصوت عالي : وش الاهات ذي اختي وبعدين وشدخل فارس !
هيام راحت لها وقالت : اخوتس حسبي الله علييه يذبحنني في ابسط تفاصيله وحركاته
حنين ضحكت : الله يحلوكم صدق !
هيام : قصدتس يحلوه هو
حنين ضربتها : والله انه ولا شيء عندتس اعنبوتس انتي اجمملل منه !
هيام : تستهبلين صح ؟
حنين : لا طبعًا انتي تشوفينه اجمل ؟
هيام : ولا اهون والله بس قسم بالله ان اخوتس شششقق
حنين ابتسمت : اكيييد يروحي طالع علي
هيام ضربت راسها بخفه وقالت : يغبية هو اكبر انتي اللي طالعه عليه
حنين : يوه اللي هو
هيام شافت الساعة وكانت " ٣ " وقالت : بنات بنام صحوني قبل الاذان
سلمى كانت فالمطبخ وقالت : باقي عشرين دقيقة اشربي ماء وانتظري الصلاة وصلي ونامي
هيام : تقولينه ؟
سلمى جات : ايه والله
صملوا البنات واذن وصلوا وناموا كلهم وكان بيت ابو رعد للحريم وبيت ابو محمد للرجال
" ليلة العيد "
هيام بصراخ : مييينن اللي خذتت الفير ابي اسوي شعرريي !
بيان : معي معي اصبري باقي خصلتين
هيام جات لبيان ركض : دامتس خذيتيه وانا اللي سخنته بتسوين شعري غصبن عليتس
بيان : تم
جلست هيام عند رجول بيان تنتظرها تخلص
بشرى جات ركض : بناااات احط جمر تتبخرون ؟
سلمى : هيه سلامات لا خليه بكرا
بشرى : والله ؟
الكل : ايه
بشرى جلست تشوف حنين اللي كانت تحني يدينها وتنقشها وقالت : وه يحنين يحظ فارس فيتس
حنين ابتسمت : يعيوني ي بيشو ويحظ محمد فيتس
بشرى لفت : وين هيام
سلمى : عند بيان فالغرفة
بشرى : ايه قبل انسى ترا رعد برا يبيها
سلمى رمت كرتون عصيرها وقالت : حمار انتي اقولتس فالغرفة وتعلمينا !
بشرى : طيب شفيتس عصبتي
سلمى : بشرى قومي من وجهي
بشرى راحت وهي تضحك ودخلت الغرفك وقالت : هيام رعد ازعجنا روحي له
هيام : خليه معليتس منه
بشرى راحت وجلست ع جوالها
لين طلعت : هااه يرعد هااااه
رعد : هويتي في جهنم وانا استغفر الله وين هياام !
لين : ماتت هيام خلاص ؟
رعد مسك فكها بقوة وقال بحدة : تراتس مانتي عاجبتني من فترة اعقلليي قبل اذبحتسس !
لين : يوه مره خفت ترا
رعد صرخ : ليييننن !!!
لين شهقت : وي كنا نمزح خلاص
رعد بعصبية : قولي لهيام رعد يتحلف فيتس
لين دخلت ووصلت الكلام لهيام ومع ذلك م هز فيها شيء وكملت تسوي شعرها وخلصت بدري ونامت
الكل ناموا الا سلمى وحنين
سلمى : بنت بتنامين
حنين بتعب : ايه بس باقي نص ساعة واغسل الحنى
سلمى : كويس بنسدح انا وبحاول انام
حنين : طيب
انسدحت سلمى وكانت تحاول تنام وفعلاً نامت بعد م قامت حنين تغسل الحنى حقها
" الصباح عند الرجال "
ابو محمد : رعد جبت عيدك ؟
رعد : ايه بذبحه بعد عيد ابوي
ابو محمد ابتسم : جعلها اعيادك دايمه يولدي
رعد باس راسه : وانت معنا يجد
ذبح ابو رعد عيده وبعده رعد علطول وكان فاتن كالعادة ودخل ركض لبيتهم وكان فاضي وقال لأمه : ارتاحي يمه بتروش واحلق واجي اسلم عليتس
ام رعد ضحكت : طيب يروحي شف هيام فبيتك
رعد فز وطلع ركض لسيارته وطلع لبيته
وصل وفتح الباب وقال : هيامي
هيام كانت تحط اخر لمساتها خاتم زواجهم وقالت : يعيوني
رعد طلع للغرفة وانهبل اول م شاف هيام كانت لابسة فستان ابيض حرير يوصل لحد ركبتها وفيه فتحة صغيرة توضح لنا فخذها وماسك ع جسمها وبارز كل تفاصيله وشعرها الاسود كان لحد اسفل ظهرها وشامتّها وغمازتها واكسسواراتها الناعمة كانت كافية انها تخلي العاقل ينهبل وريحة عطرها اللي وصلت لأخر البيت انهت رعد اللي تقدم وباس راسها وقال : كذا كثييير ياهيامي
هيام ضحكت بخجل وقالت : طيب روح تروش وتعال بدل وتكفى لاتطلع قدامي وانت بمنشفتك ماني ناقصة اهيم فيك فالصبح
رعد ابتسم وراح يتروش وكانت هيام تبخر ثوبه بالعود اللي مسك في فستانها بعد وخلصت كل اغراضه وطلع رعد بمنشفته اللي حاوطت خصره ودخل وقال : تعالي احس اني جبت العيد فالحلاقة
هيام كانت واقفة ومتخصرة وقالت : انا وش قلت
رعد سحبها وجلس ع الفراش وقال : اخلصي
هيام ضحكت وقالت : جزء من شنبك اقصر من الثاني
وتقدمت وباست شنبه وقالت : بس تهبل بكل حالاتك
رعد عطها المقص وقال : اوثق فيتس ؟ تراه شنب انتبهي
هيام تقدمت بهدوء وكانت قريبة منه وقصت الزايد بهدوء وتركييزز وفجأة قطع تركيزها بوسة رعد لمبسمها وقال : لبى الزيييين يعرب
هيام حطت شعرها ورا اذنها وقالت : ولبى الرعد يعرب
رعد قام وشاف شنبه وكان كويييس جدًا وطلعت هيام تجدد الفحم عشان تبخره اذا لبس شماغه
لبس رعد شماغه وقال : قربي
ابتسمت هيام وهي تعودت ع حركته ودخله معه وتبخروا وخلصت وحضنته ونطقت : كل عام وانت عيدي واجمل ايام عمري وكل عام وانت فرحة قلبي وحظي الحلو وكل عام وانت لعيدي فرح
رعد شّد عليها وقال : في قربتس كل عمري اعيااد انتي رضا عمري وانتي عيدي بكل عام !
هيام ابتسمت بحب وقالت : ي عساني م اعيش عيد بدونك
رعد احتدت نظراته وقال : ولامنتس ياهيام الرعد نمشي قبل اهيم فيتس واكنسل ابو الكشخة ؟
هيام ضحكت : لا لا امش يالله
رعد مسك يدها وشّد عليها ونزلوا مع بعض بعد م لبست هيام عبايتها
وصلوا الاستراحة اللي كل العايلة كانوا متواجدين فيها
سالم : ارحبوواا
رعد اشر له فالسيارة وابتسم
نزل هيام عند باب الحريم وقال : والله م الوم العذااال فيتس خلييهم في غيضضهم واحرقيهم يالهيام استودعتس الله وسحب يدها وباسها بقوة وكمل امريني ناقصتس شيء ؟
هيام : وياك يروح هيامك ولا جعلك تسلم انتبه ع نفسك
رعد ابتسم ونزل معها ووصلها للباب ورجع اخذ حزامه وسلاحه وربطها ع صدره ودخل للرجال وهو يرمي من مسدسه وقال : الله يبقييكم جميع وجعله عييد ينعاد عليكم يا اهلي
الكل فز بحكم انه رعد وسلموا عليه وعايدوه وجلسوا يسولفون
جاء كاسر يصب القهوة : حسبي الله صرت قهوجي عندكم !
ومد فنجال لفارس وقال فارس : لا صايم
كاسر : اممسسك الفنجال لا اكسره في وجهك
الكل ضحك وكمل كاسر يصب وم صدق يخلص ومسك يد ذيب وطلعوا برا
" عند البنات "
دخلت هيام وراحت للمغاسل تضبط شكلها
وعد : ماشاءالله تهبليييين يالهيام تعالي اسلم عليتس
هيام : حياتي والله
سلمت عليها وكملت تضبط شكلها ودخلت المجلس والكل قام وكان مجلس الحريم مو اقل من مجلس الرجال كان مليييااان بالعجز وبالحريم الكبار والصغار وصولاً للبزران
ام رعد : بسم الله عليتس يالهيام
ام هيام مسكتها وحصنتها
هيام ضحكت : لذي الدرجة !
سلمى : ايه واسوء بعد !
هيام فزت اول م سمعتهم يشغلون اغاني وقامت ترقص وتتمايل وهي ماسكه فنجال قهوتها وجوالها وتصور رجولها مع يدينها شاركتها حنين وقامت ترقص وحنين اخذت الانظار كلها بحكم انها العروس وبكرا عرسها
هيام زغرطت اول م شافت حنين وقالت : عاشت حنيني عاااشت عروستنا
فزوا الحريم وزغرطوا كلهم واللي ساكته وهي ميته غيض انها اخذت فارس وقالت حنين : يالبيتس يهيام
هيام ضحكت ونزلت فنجالها ومسكت يد حنين وصارت تراقصها
سلمى تحمست وقامت تشاركهم والكل قاموا يصفقون
شوق بأنبهار : بنات مو طبيعية هيام تجننن !!!
جميلة بحسد : شفتي وجع وش تسوي ذي ! وقسم بالله م الوم رعد فيها اصلاً حرام فيه هي
شوق عصبت : نعممم ! حبيبي وقسم بالله التناسب والتناسق بينهم يوججعع
جميلة : ادري طيب
صالحة : انا م حارقني الا حنين كيف جابت راس فارس
وعد بقرف : الله يقرفكم خلاص !
سكتوا البنات علطول
ودخلت وعد ترقص مع البنات ومسكت يد هيام وكانت يدها نااااعمة ويوجع القلب شكلها كانت فاتنه بكل م تعني الكلمة
رعد دخل صحون الغداء وهو يقول : يولللد طرييق
محمد كان وراه وقال : ييووللدد
ام رعد : هيام تعالي معي
هيام مسكت يد ام رعد وراحت معها للمطبخ
كان رعد متعصب ومتشمر وكان يفتن صدق
هيام جلست جنبه وقالت : شفيك جيت
رعد كان مشغول لف علطول لها وباس خدها بقوة وقال : اليوم مقدر اتحملتس مقدر
هيام لفت وكانوا الشغالات يناظرونهم وقالت
الكساندرا : واو ماما انتا وبابا مرره هييلوو
هيام كان خدها ينبض ويحترق احراج وقالت : ايه بس بابا م يستحي ع وجهه
رعد لف وجه هيام وباسها اقوى من قبل وكان قريييب من شفايفها وقال : حررام حرم الدم ان معاد معي عقل
هيام : رععدد خلااص
رعد ضحك وقام وقال : يمه ذي الاربع صحون صحنين عندكم وصحنين عندنا وباقي فيه صحنين بيجيبها محمد
ام رعد كانت داخل فالمطبخ وم شافت شيء وقالت : طيب طيب
رعد لف قبل يطلع وقال : هيامي
هيام : عيونها
رعد ابتسم : اجيتس ؟
هيام : يوه وش
رعد : تعالي ضبطي حزامي يديني وسخة
هيام قامت تشّد حزامه وهمست في اذنه وقالت : يحظه الحزام شاد عليك قدامي صدق ان الانانية اصبحت لا تطاق
رعد بخقة : ورب البيت ي هيام اني لا اجرم فيتس
هيام ضحكت : اه احبك يكلب مقدر
وباست فكه بقوة وراحت تركض ضحك رعد وقال : اعنبوها الـ اه محلاها منتس
ضحكت هيام قبل تدخل وقالت : دز يالله
طلع رعد وهو يضبط شماغه
ودخل فارس مخالف رعد وقال : ولد فيه احد
رعد : لا لا رح
دخل فارس ونزل الصحنين وقال : يخالة ناديه وين حنين ؟
ام رعد : مدري بس موجودة ناد عليها وبتجيك
فارس : يالحنين
حنين فزت وطلعت له من المجلس وقالت : يالله وشذا الكشخة روف ع قلبي يالفارس
فارس ضحك وقال : ماشاءالله تشوفيني ولاتشوفين نفستس !
حنين حاوطته وحضنته بقوة وقالت : هانت بكرا وانا بين احضانك
فارس شدّ عليها وقال : م تشوفيني مييت سعااادة الله يسهلها يارب وبعدين اغاااار واحترق الكل يشوفتس بذا الزييين كله اه يقلبي يحنيني
حنين ضحكت وهي خجلانه منه وقالت : كل عام وانت عيدي يالفارس
فارس بحب : وكل عام وانتي ايامي وكل اعيادي يالمهّرة اللي م شدت الا فارسها
ابتسمت حنين وقالت : شرايك تطلع قبل تصفقنا جدتي
ضحك فارس اول م شاف ام محمد تناظرهم وقال : استودعتس الله من الحساد يالحنين
وباس راسها وطلع ورجعت حنين ركض للمجلس بعد م سمعت اغنيتها المفضلة ورقصت بحب وهي تتذكر كل تفاصيل فارس بحب
::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم🤍
( البارت نوعًا ما قصير بس يجننن صدق استمتعوا وبكمل اكتب انا واذا امداني نزلت واذا غلبني النعاس خليته بكرا 🫶🏻 )
