هيام ابتسمت بحب وهي عارفة انها خذت رجال يسوى قبايل .
.............................
عند صالحة وجميلة
جميلة بصدمة : ششووفيي كيفف كانن لاززق فييهااا
صالحة بقهر وهي حالفة م تعديها لهم وتفضح كاسر : اه ي جميلة من بيجبر بقلبيي كييف حب وعد وانا اللي اتعب واحاول اوصل له حبي
جميلة : يعيونيي خلااص اصلاً واضحة القط يحب خناقة وكاسر طاح على وعد وجاها ع وجهه
صالحة صرخت : شششللوون ابيي افهممم !
جميلة شهقت : ششااففهااا !!
صالحة : متتى !!
جميلة : فالعيييد م تذذكريين !
صالحة شهقت وقالت : الا والله اتذكر عشان كذا وبعدين حشى امداه يحبها !
جميلة ضحكت : طبعًا احد يشوف وعد وم يحبها وخصوصًا انه رجل ؟
صالحة : جمييييللة !!
جميلة بهمس : افضحيه وانتقمي
صالحة : هذا اللي بسويه طيب
جميلة : كففو
صالحة ضحكت : كفوتس الطييب
راحت صالحة ودخلت داخل وقالت : حنيني
حنين لفت لها : يالبيه ي صالحة
صالحة بأبتسامه زائفة : عطيني جوالتس شوي
حنين استغربت وقالت : ليه وش بغيتي ؟
صالحة : بوريتس شيء م عرفت له
حنين مدت جوالها لصالحة اللي اخذته ودخلت ع سجل المكالمات وطاحت عينها ع رقم ( الرعد ) وصورته بجوالها علططول وقالت : خلااص عرفت
حنين ضحكت : طيييب
صالحة راحت وارسلت المقطع لرعد وقالت : وقسم بالله اذا م ربيت اخوك اني لا افضحه عند اللي يسوى واللي م يسوى سااامع !
وسكرت جوالها وهي تتراعد وتقول ( يويللتتس ي صاللحة ذاا ررععدد يييمهه )
جميلة جات : بنت شفيتس ؟
صالحة : ارسلته لرعد
جميلة شهقت : لا لااا لااااا رععدد لييييهه !!!
صالحة شهقت : وشففييتتسس
جميلة صرخت : اممسسححييهه
صالحة فتحت جوالها وطيرته اول م شافت رعد يكتب وقالت : شاااففهاااا
جميلة كانت ترجف برعب وقالت : الله ينكبتس يالملعونه رععدد ذا مححدد يمززح مععه !!
صالحة كانت تناقز بخوف وقالت : انتي شوفيي مقدر والله
رفعت جميلة جوال صالحة وشافت رسالته اللي هززتها برععب وكان كاتب
رعد : صالحة صح ؟ اذا بتصورين احد مره ثانية حاولي انتس م تتكلمين فالمقطع لأني اقدر العب عليتس واقلب الدور والبستس الجريمة ولا نسيتي اني العميد رعد ؟
جميلة صرخت : الله ياخخذذتتسس طحتتتيي في شبااك رعد ومسسك عليتتس شيء
صالحة شهقت وفزت : وشو وشوو !!
جميلة مدت الشاشة عند وجهها وقرت وانهبلت خوف وقالت : ييمهه ي جميييلة وش اسسوويي
جميلة بعصبية : مدريي لا تسأليننيي
صالحة ردت وقالت : بحذفه بشرط انك تبعد كاسر من وعد
رعد رد علطول وقال : وعد طاحت بين اخوان الطناخة والعناد تسري بعروقنا مسرى الدم والله م يفكها مننا الا زواجها بكاسر وانتي اطلعي منها لا ادخلتس فراسي !
صالحة : خلاص طيب والله بحذفه وم بقول لأحد بس لا تسوي لي شيء
رعد : ايييه اعققلليي
صالحة علطول بلكت رعد وحذفت كل شيء وهي ترجف وقالت : م اقول الا الله يكون بعون وعد
جميلة استغربت : ليه وش قالتس ؟
صالحة قالت لها رسالة رعد وقالت جميلة : يويلها ويلاه صدق طاحت بين اسوء اثنين
صالحة ضحكت : قصدتس اجمل اثنين ؟
جميلة ضربت كتفها : انشهد بالله بس امشي خلاص وطلعي كاسر من راستس
صالحة بضيق : تمام
مشوا الثنتين طالعين من الغرفة واتجهوا للصالة وفزوا ع صوت كاسر يقول : يعمة عبييير
ام شوق فزت : لبيه يالكاسر
كاسر كانت عيونه تطلع شرار وقال : تعاللي هنااا
ام شوق بخوف : وشفييك ؟
كاسر : سؤال واحد بس
ام شوق : اسلم يالكاسر
كاسر بحدة : انا طالبتس يعمة م تكسرين ظهري بوعد
ام شوق شهقت وقالت : كااسر وش تققول انت !
كاسر بضيق : وعد لا تأخذ بدر وبس
ام شوق بخوف : ونرد العرب بعد م عطيناهم كلمة !
كاسر صرخ : وعععدد
وعد فزت فالمجلس والكل فز معها وقالت : هلااا
كاسر : تعااللي
وعد كانت ترجف برعب وتقول ( الله ياخذك فضحتني يويلي ويلاه )
كانت ورا الباب بحكم انها ماهي لابسة الا فستانها وقالت بهدوء عكس العواصف اللي تصير داخلها : نعم يالكاسر
كاسر ارتخى بعد صوتها وقال : يعمة هذي بنتتس قدامتس وانا طالبها منتس ع سنة الله ورسوله ومستعد اسوي كل شيء لو يكلفني عمري بس عشان اخذها زوجة لي تكفيين يعمة والله اني احبها لاتكسريين ظهري بوعد
ام شوق فزت بحب وحضنت كاسر وقالت : لييه يالكاسر م تكلمت من اول
كاسر : وشدررااني انااا ! وبعدين باقي م كتبوا الكتاب
وعد بسرعة طلعت وهي مغطيه راسها بشال ع لون فستانها وقالت : الا كتبنا الكتاب وصرت خطيبة بدر
كاسر كان لاصق بوعد حرفيًا كانت قدامه وم بينهم مسااافة ابدًا وكان مصددوم منها ويشوف كيف الفستان ناحت خصرها وراسم جسمها رسم مد يده وحاطوها بهدوء ولامس خصرها بيده وهو هيمااان وقال : العن ابوتس صدق !!
ام شوق شهقت وسحبت بنتها ودخلتها وقالت : انهبللتتيي انتتيي !
وعد كانت هايمة بكلام كاسر عنها وكانت شوي وتموت وتعيد لمسته لها وقالت عكس مشاعرها : يمه م ابي كاسر !
ام شوق بعصبية : خلااص ادخليي طيب
كاسر كان صاد وقلبه يدق بقوة وكان يتخيل خصرها قدامه وكيف كانت قصيرة بالنسبة له وقال بصوت شبه مسموع : اششهد بالله انتس يعمة جبتي موتن حمررر
وعد ارتعد قلبها من كلمته وركضت داخل وقلبها يقرقع بصدرها ومسكته وقالت : يويلل حااالييي اعنبووك وش سوييت بقلببيي بس حتى لو كنت تجذب وتذبح مستحيييل انسى انك نسونجي وحق بنات !
ام شوق : كاسر والله م ودي اكسرك ولكن الكلمة وعطيناهم وتمموا وخلصوا وانت ودك بشوق تراها اصغر منك
كاسر بحدة وبجدية : يوعد والا والله م اخذ غيرها سمعتيني ؟
ام شوق : وش جاك انت من متى تحبها ولييه م كلمتني قبل بدر !
كاسر صرخ : ملعووون الثووى ذاااك لعاااد تجيبيين سيرته عنديي !!!
ام رعد فزت وجات ركض : كاااسر خييرر !
كاسر رمى شماغه عند رجول عمته وقال : هذاا جاههي عند رجولتس يعمة وانا طالبتتس تعطيني وعد حلالي !
ام شوق وام رعد فزووا علطوول وشلوا شماغه من الارض وقالت ام شوق : حرام يالكاسر اللي تسويه بنفسك
كاسر ابتسم بضيق وهمس لها وقال : خلاص طارت من يديني ؟
ام شوق كانت ترتعد وهي م كانت تتوقع احد من بناتها ياخذون عيال محمد وقالت : لا يالكاسر اذا انت صامل اقنع بدر يفسخ الخطوبة وابشر بعا
ام رعد : لحظة لحظة تعال يمعفن !
كاسر قرب وباس راس امه وقال : لبيه
ام رعد بخوف : تبي وعد ؟
كاسر : ايه نعم
ام رعد همست له : بس البنت م تبيك وانخطبت
كاسر : محد يبي رايها والحين الخطبة كتبوا كتاب ؟
ام شوق وام رعد : ايه
كاسر فز : هااااه !!!!
ام شوق : يوم ناديتني كانت قدام الكتاب بس مدري هي وقعت ولا لا
كاسر صرخ : ووععدد لا توقعييين وتكسسررين قللبي يوععدد
الكل عرف بحب كاسر لوعد وكان كأنه مجنون فيها
وعد جات ركض : كاسر خلاااص وقعتت انسى انا م ابيييك
كاسر وام رعد وام شوق فزوا وقالوا : ااايششش !
كاسر كان يرجف بعصبية : وشش تقولييين انتتي !!!
وعد كانت تناظر من ورا الباب وقالت : مالي دخل خلاص يكاسر تكفى رح خلااص
كاسر بعصبية : اعنبوتتس والله م اخلييتس له !!
وعد شهقت اول م دخل كاسر داخل البيت وراح لأم سعيد وقال : يخالة !!
ام سعيد شهقت : لبيييه
كاسر بحدة : ويين الكتااب ؟
ام سعيد اشرت ع مجلس الحريم والبنات كانوا هناك وقام ركض وقال : ليييين وحننيين
فزوا خواته وركضوا برا وسكروا الباب
حنين : شففيييك !
كاسر : الكتاااب وينه ؟؟
لين : داخل ليه ؟
كاسر بعصبية : جيبييييه ومن دون لييه !
حنين مسكت وجهه وقالت : وش بتسسووي !
كاسر بعدها وقال : وعد م وقعت صح !!
حنين استغربت وقالت : الا وقعت قدامنا !
كاسر لف وشياطين الارض فوق راسه وطلع ركض للباب ومسك رسغ وعد وقال : ااااه يالوععد كسرتييني وانا الكاسسر !!
وعد بهمس وعيونها تدمع من حالته : كاسر خلاص تكفى خلاص ابعد مني
كاسر طلع من البيت وصرخ بأعلى صوته وقال : تككففى يالرععدد وييينك
رعد نزل ركض من سيارته بعد صوت كاسر وقال : احتتززمم العنبوو غييرك
كاسر ركض وحضن رعد وهمس له : طلعني يالرعد طلعني بتنزل دموعي يالرعد
الكل طلع سواء رجال او حريم : ررعععدد ؟؟؟
اما عند رعد وهيام خلصوا اخر يوم وهو شرح لهيام الوضع ووافقت بحكم انها م تقدر تكسر الكاسر وتشوف انه بريء وم يستحق الا الحب وقالت : خلاص يحبيبي مشينا
رعد ابتسم وباس راسها : يالله توكلنا ع الله
ومشوا للمطار متجهين للرياض ووصلته المقطع من صالحة وهو نازل من الطيارة ع اراضي السعودية واتجهوا للبيت بسسرعة وهو عارف ان كاسر م يتحمل وعلطول بيطيح عليهم بحكم ان فيه نقص فالحديد وجدًا وكان م يقدر يعصب بقوة
رعد شّد عليه وقال : لا يالكاسر لاتكسر اخووك !!
كاسر نزلت دموعه بحرقة وقال : راحت من يديني راحت لواحد والله م يحبها كثر حبي لها راحت وبتصير له وحلاله واحلامي معها وعشقي وهيامي لها ضاعت كلها اه يالرعد قلبي يحترررق
رعد حس ان كاسر طاح من يدينه وشّد عليه وقال : كااااسسرر !!
كاسر نزل ضغطه علطول وطاح وكان يتكلم وعيونه غرقانه دموع ونزل شماغه بتعب وتلطم وقال بصوت قوي يعكس الدموع اللي نزلت : وعد الله يوفقتس مع رجلتس لكن اعرفي اني م بستسلم وباخذتس لو بعد ١٠ سنين
وقف واخذ مويه وهو يرجف ومسك ذراع رعد وشّد عليه رعد وقال : اسمعونني !
الكل لف لرعد وهم يهابونه وقالوا : وش ، سم ، ولبيه
رعد احتد صوته وقال : علي الطلاق انه بعد دموع اخوي ان وعد م تاخذ بدر والله م تاخذه وان يحرم عليهاا
الكل فزوا وقالت ام شوق : ابشروا باللي يرضيكم
وقالت ام سعيد : معلييك خلاص هونوها وتهون
هيام قالت بهمس : رعد خلاص يالرعد خلوها وبيجي كاسر اللي احسن منها
طلع رعد وشّد ع كاسر وخذاه معه وقال : لبى روحتس بس معتس اعند اثنين وبناخذها لكاسر غصب
هيام بزعل : الله يعين وتراك زعلتني يوم تقول علي الطلاق
رعد ابتسم وغمز لها : اعرف ارضيتس
طلع هو وكاسر وكاسر بدا يجمع نفسه وقال : يعني خلاص ؟
رعد ابتسم : ابشر بها يخوي
دخل رعد بدون كاسر للمجلس والكل بدون استثناء بزران وشيبان ورجال وقالوا : ارررحححببب
رعد رفع يده وقال : الله يبقيييكم جمييع
فارس راح ركض وباس خشمه وضحك وقال : ياحيي ذا الششووف
رعد ابتسم : حي نبباااك
فارس : لبى والله عيينك جيت لعيون اخوك
رعد بحدة : اذا م جيت عشان كاسر من اجي عشانه ؟
رعد : المهم اسمعوني
ومد يده لشماغه ورماه عند ابو سعيد وقال : هذا جاهي ياعم وان كانك تغليني خل بدر يطلق وعد
الكل فزوا ركض وشالوه من الارض وقال ابو سعيد : والله انك غالليي وابشر بيطلق بددرر اصلاً م بعد تمموا ولا وصلنا الكتاب ولكن ان كانها وقعت خلوه يتزوجها ويطلقها
بدر ابتسم لأنه عارف ان وعد صغيرة وم بتقدر عليه وقال : تم يالرعد والله لا اطلق بس خلني اتمم واتزوج وتجيكم
رعد بحدة : كلامي ماهو معك ولاهو انت اللي تكلمني ! ولكن والله اللي رفع سبع ونزل سبع لا تقرب من البنت اني لا اذبحك
بدر بوجه بريء : لا لا على خشمي
كاسر بحرقة قال : وانا من المكان ذا وقدامكم كلكم اتقدم لوعد بعد بدر
الكل : ماشاءالله
( كاسر كان طيار فالطيران الحربي )
كاسر : تم ي بدر ؟
بدر بأستفزاز : تم بس شرط اتزوجها بأسبوع وبس عقد زواج بدون حفل
الكل : تتمم
انهوا الموضوع بسرعة والكل فز يسلم ع رعد ويتحمد له بالسلامة وخلصوا ووصل الخبر للحريم وبكت وعد وقالت : ليين ماابيي كااسسر بيخررب حياااتي
لين شهقت : وعد وجع يوعد انتي م شفتي دموعه !!!
وعد بضيق : الا والله وكسرتني بعد عشان كذا وافقت انه زواج وبعده يطلقني
لين استغربت : وبعدين وش غيير رايتس ؟
وعد : مقدرت ارفضه والله مقدرت وانا بتحمل بعدين صح اني للحين م احبه بس مؤمنه انه طيب
لين : اكييد طيب باقي عندتس شك فأخوي ؟
وعد ابتسمت : ازعجتينا ترا
لين ضحكت وحضنتها وقالت : مستحيييل تتخطين بتتزوجين بأسبوع وتتطلقين وتتملكين بعدها بثلاث شهور علطول
وعد ضحكت : اهم شيء ان معي ٣ شهور اقدر اتجهز فيها
لين : اي والله صادقة
عند الثلاثي
سلمى بفرح : اشتتققت لتس يهياام
هيام ضحكت وحضنتها : والله اكثر
سلمى : بنااات باقي ع زواجي شهر واحد بس
هيام شهقت : وججعع قرريييب !!!
حنين : كذاااببه !!
سلمى ضحكت : والله العظيم بعد شهر بس
حنين : يووهه لازم نجهزز اكبر وافخم عرس
هيام رفعت راسها : اكييييد هذي سلمى !
سلمى ابتسمت : لبى عيونتس انتي وياها
هيام : بنات مو صاحيين رعد وكاسر
حنين صغرت عيوونها وقالت : خيير يالطيبة نسيتي انهم اخواني ولا كيف ؟
سلمى ضحكت : والله ان الطناخة تسري مسرى الدم فيهم يساااتر صدق
هيام ضحكت : شفففتتييي
حنين تخصرت : وبعدين انتي وياها ؟
هيام تخصرت بعد : يحلوتي نسيتي انه زوجي ؟
سلمى : ونسيتي انهم عيال خالي ؟
حنين : بس انا اقرب !
سلمى : لايعيوني هيام اقرب لرعد منتس
حنين : ادري م اقصد رعد اقصدهم الاثنين
هيام : ايه عاد هنا نسكت
حنين ابتسمت : شاطريين
سلمى : احس وعد م تبي كاسر
هيام : طيب هي م تبيه اصلاً
حنين : وقسم بالله اول مره اشوف كاسر كذا واضح يحبها من قلبه
هيام بضيق : الله يطمن قلبه ويجمعهم مع بعض ع خييير والله يبنات ان حالة رعد توجع صدق م كان مصدق اننا وصلنا وكان يمشي بسرعة واول م نزلنا ركض لكاسر اول م زهم بأسمه
سلمى ابتسمت : الله يجعلني يالرعد م توقعته كيوت كذا
هيام غارت : خخيييررر
سلمى وحنين ضحكوا : شخباااار الغيييرة ؟
هيام : اف والله م اتحمل يبنات قلبي يحترق ع اتفه شيء
حنين بجدية : الله يلوم اللي يلومتس انا بعد احتترررققق
سلمى : طيب شرايكم باللي تغار وهي للحين م تملكت ولاتدري مين معه ووش يسوي ووش م يسوي ؟
هيام بزعل : يحبيبي ي سلمى
حنين : دقي عليه طيب ؟
سلمى : تقولونه ؟
هيام : ايه والله صادقة حنين شوفي وش يسوي وحرصي عليه يبعد من البنات ترا دوامهم صار مختلط
شهقت سلمى : كذذااابببهه !! يوييلليي ع منصورر
ضحكوا حنين وهيام وفزت سلمى واخذت جواله ودقت عليه ووصلها صوته : اررحبييي يادهر قلببي
سلمى ابتسمت : الله يبقييك يبعد اهلي كلهم
منصور بحب : تصدقين اني صرت اعششق ذي الكلمة منتس
سلمى بجدية : اسمع منصور
منصور كان هايييم بصوتها وقال : يعيونه
سلمى : عندك سكرتيره ؟
منصور فهم علطول وكان يبي يجرب غيرتها وقال : ايه ليه ؟
سلمى بدت تعصب وقالت : بنت ؟؟
منصور ابتسم : ايه شفيتس ؟
سلمى : وش تسوي انت وياها !
منصور : والله نتساعد فالمعاملات وكذا
سلمى : انت بغرفة وحدة معها ؟
منصور كان كاتم نفسه وقال : ايه بمكتبي ليه ؟
سلمى بحدة : خييير ان شاءالله ولا كأنك خاطب ولا شيء !
منصور : شدخل الحين ؟
وبعدها سكت وقال : حلا حبيبي تعالي شيلي الملفات ذي
سلمى مسكت قلبها وقالت : منصوري تكفى لا تكفى لاتجرب غيرتي وتختبرها
منصور كان يبي يشوف غيرتها عليه وقال : حلوتي حلا تعالي
( حلا سكرتيرة منصور بس م كانت معه في نفس المكتب )
سلمى صرخت : منصصصوورر !! وش حللووتك اناا ميين
منصور ابتسم : انتي قلبي وروحي وشراييني وضلوعي وحياتي ودنيتي وناسي واهلي وكلي
سلمى بزعل : م ابيها ذي كلها ابييك لي
منصور فز بعد كلمتها وقال : هاااه ؟
سلمى انفجرت : ابييك لي ابيك حولي وحواليني وابيك تجي تملك بكرا ولا والله لا احرم علييك سامع !
منصور : وحرام بالله اني عندتس بكرا واملك ولا تجلس بخاطرتس ي سلومتي
سلمى ابتسمت : حلووه سلومتي من منطوقك
منصور : الله يجعلني انا و منطوقي لتس فدوه
سلمى بحب : ابوسهم والله
منصور كان في حالة انهييااار م توقع سلمى كذا وقال : اعنبوتس سكري لا اجيتس طيراان
سلمى : يلا يحبيبي معسلامة
منصور بحدة : سللمى !
سكرت سلمى وقالت : يع الله يقرفني وشذا سلمى صحصحي على نفستس !
( كانت سلمى تجيب راسه عشان م يفكر بغيرها وهو فعلاً م يدري عن هوا داره وشغله الشاغل سلمى بس شخصية سلمى قوية وماهي تلين بسرعة وم تحب المغازلة ولا الكلام الحلو دفشة بأختصار )
رعد دخل : يوللدد
هيام جات ركض : لبيه يالرعد
رعد حاوط خصرها وباس فكها وقال : لبيتي في منى ابي ادخل غرفتي
هيام : اصبر يحبيبي اشوف لك طريق
رعد : يعيون حبيبتس والله
هيام راحت ودخلت البنات اللي كانوا فالصالة وقالت : رعد تعال
رعد دخل مستعجل وطلع وقال : هيامي تعالي معي
هيام طلعت وقالت : وش ناقصك ؟
رعد م رد ودخل غرفته مستعجل وكانت نظيفة وعلى حالها وقال : تعالي اجلسي بس لاتصارخين وتسوين دراما
هيام خافت : وشفييك !
رعد : سكري الباب بالمفتاح بسرعة
سكرت هيام الباب ولفت له ونزل ثوبه وفنيلته وقال : ظهري يوجعني شوفي فيه شيء
هيام : لف طيب
لف رعد وكان في زي الضربة كبييرة منتشرة ع ظهره كامل شهقت هيام وقالت : رعّوودديي وشذااا !
رعد لف بسرعة وسكر فمها بيده وقال بحدة : وبعدين معتس !!
هيام بعدت يده : فيه شيء كبيييير وكأنها لسعة سوط احد ضربك ؟؟
رعد ابتسم : انا تسأليني ذا السؤال ؟
هيام : رعد !
رعد سحبها وسدحها ع السرير واعتلاها وقال : عيون رعد
هيام صدت بوجهها بسرعة وقالت : وش ريحة الدخان ذي !!
رعد ابتسم : اخوتس محمد
هيام : اها قلنا يدخن بس حشى وش الريحة ذي كلها ! لايكون دخنت معه ؟
رعد قرب اكثر وقال : وبتحاسبيني ؟
هيام احتد صوتها وقالت : طبعًا بحاسبك !!
رعد نزل وباس نحرها وقال : يحظ السلاسيل كل يوم حاضنه نحرتس !
هيام ارتخت بعده وقالت : ابعد وراي عزيمة تبيني اروح لهم وانا احترق
رعد بعد وقرب من وجهها وقال : كيف كيف ؟ تحترقين ليه ؟
هيام : رعد انت لاصق فيني متوقع م احترق !
رعد ضحك وقال : المهم موضوعنا تعالي عالجيني يطبي وعلاجي
هيام : طيب يغبي وخر
رعد ابتسم ووخر منها وقال : وخرنا يغبية
هيام ضحكت ولامست الضربة بأناملها وارتعش جسم رعد بعد لمستها وقال : ااه يالهيام
هيام خافت وقالت : اوجعتتك ؟؟
رعد : اوجعتي قلبي
هيام ضربته بخفه وقالت : مررره مرووق الشيخ
ضحك رعد بقوة وقال : انشهد بالله اني مروق اللي يشوفتس م يروق
هيام تبي تقهره : محد قالك ترجعنا السعودية كنت منفرد فيني واقدر البس قدامك اللي ابي احسن احسسسن
رعد سحبها لحضنه وقال : طيب والحين ؟ م تقدرين
هيام : لا طبعًا
رعد قرب اكثر وقال : وبيتنا فيه ناس غيرنا ؟ انا منفرد فيتس بالحالتين يحلوه
هيام فزت وقالت : والله م عندك سالفة قم اطلع للرجال بس
رعد قام ودفها بخفه للجدار وحاوطها وقال : وبعدييين معتس ؟؟
هيام شهقت : وش سويت !
رعد صد وقال : ولا شيء خلاص اطلعي وشوفي لي طريق
هيام مسكت ذراعه ولفت لها وقالت : وشفييك ؟
رعد كان يتامل كل انش بجسمها وقال : ابيتس بين يدي ابيتس في حضني الان
هيام فهمت وقالت : بطلع اشوفك لك طريق
رعد سحبها وقال : لييه رجعتي تلمسيني وانا قلت لتس اطلعي الحين تسحبين بخليتس تروحين !
هيام خافت وقالت : رعد انا لك وم عندي مشكلة بس وقتك غلطط استوعب ع نفسك !
رعد لف ومسح وجهه وقال بصوت عالي : اطلللعيي
هيام لفت وطلعت بهدوء وقالت : بنوتاتي ادخلوا شوي رعد بيطلع
وعد ابتسمت : الله يبنوتاتي
هيام ابتسمت لها وقالت : يلاااا بسس
ضحكوا البنات ودخلوا وطلع رعد متلطم وقال بخبث : الليلة تكونين تحتي ان شاءالله
هيام لفت له بقوة وقالت : تخسى !
رعد نزل ركض وطلع وهو م يبي يلتفت لهيام وصقع بفارس
فارس : صل ع النبي يرجااال
رعد ابتسم : اللهم صلي وسلم علييه
فارس شك : شفيك متلطم ؟ معصب ولا زعلان ؟
رعد : م فيه خيار ثالث ؟
فارس م فهم : لا يحبيبي انا اعرفك من زمان وم تتلطم الا بالسببين ذي ؟
رعد : واذا كنت متزوج بتضيف خيار ثالث ؟
فارس ضربه وقال : وججعااااه ي رععدد
رعد ضحك : حشى شفيك !
فارس بصوت عالي : ياحنييين
ولف لرعد وقال : دز امها تحسبني م فهمتك
رعد ضحك ومشى للمجلس بهيبة ودخل وسلم وجلس جنب كاسر وقال : وش اللي شدك في وعد ؟
كاسر ابتسم : الواضح من حالتك انك م انت ناقص مدح فالبنات
رعد شهق : واضحح ؟؟؟
كاسر ضحك : مررره
رعد احتدت نظرته : اعنبوها رفضت تخليني اقرب منها
كاسر : قم صل لك ركعتين بسرعة
رعد فز وراح للمغاسل وتوضىء بنية ان الشهوة تبعد منه وصلى بخشوع ركعتين وحس انه احسسن بكثييير ورجع للمجلس
كاسر : ايه يشيخ نور وجهك
انفجروا الاثنين يضحكون بقوة
محمد ابتسم : خيير ابي اضحك معكم
كاسر كان بيتكلم بس كتمه رعد وطاح عند رجوله يضحك
كاسر انفجر يضحك وقال : الله يقطعك ي رعد
رعد كان حاط راسه ع فخذ كاسر ويرجف ضحك
كاسر : رعد ققمم جديي جاااء
رعد طلع من المجلس ركض وهو يرجف من الضحك كاسر طلع معه وشافوا وجيه بعض وطاحوا ع الباب يضحكون
محمد جاء ركض : يويلكم يعيال جدي يتحلف فيكم
رعد انسدح ع الباب وقال وصوته مبحوح : الله ياخذ عدوك يكاسر بطني تسلخ يكلب
كاسر ضحك وقال : تكفى خلاااص بططننيي
رعد قام ومد يده لكاسر اللي وقف وحضن رعد وقال : وحشتني يحيوان
رعد ابتسم : لبى عينك انا اقرب لك من روحك متى م بغيت رعد ازهم بأسمي وازهلل
كاسر : لبى والله روحك
ورفع كاسر نفسه وباس راس رعد وقال : ندخل بإحترام ؟
رعد تحولت ملامحة باردة وجدية وقال : سم بالله
محمد ابتسم وارسل المقطع لهيام وقال : سلميلي ع رعد شوي ويموت من الضحك والحين تحول ولا كأنه كان يرجف من الضحك قبل شوي
......................
حنين فزت : لبيه يالفارس
فارس حضنها وقال : اسمعيني نص ساعة وبنسافر شهر العسل م بننتظر ويخرب نفس رعد وهيام
حنين ضحكت : ابشر يحياتي
فارس بحدة : حنيني خلاص !
حنين ابتسمت : من عيوني خلاص
فارس باس راسها وطلع للمجلس وشاف رعد وكاسر طالعين منه ركض وهم يرجفون من الضحك
فارس : حششى لا اله الا الله ذا رعد !!؟
اتجه لهم وهو يمشي ببطيء ويتأمل ضحكهم وكان متيقن ان رعد مستحييل يضحك ذا الضحك كله الا مع كاسر
وماهي الا ثواني وتبدلت ملامح رعد ودخل المجلس
فارس ضحك : ايه الحين تأكدت انه رعد
دخل وجلس بينهم وقال : خيير انتوا وش الضحك ذا كله
رعد ابتسم : خلاص يرحم ابوك لا تفتح الموضوع
فارس انفجر يضحك: اوووه عررففتتت !!!
رعد كتمه وقال بحدة : جدي بيموتنا خلاااص
فارس سكت علطول وقال : الله ياخذكم يعيال فيني الضحكة
كاسر تلطم وانهار يضحك ورعد اخذ شماغه وتلطم وكان جامد ولا ضحك ولا اهتز ابدًا
كاسر سكت بعد م شّد رعد ع ذراعه وقال بصوته الرخّيم : يالكااسر بسس
كاسر مسح دموعه وقال : ابششر
بدر جاء وقال : عيال بنطلع كوفي والله جلسة الشيبان جابت لي الخنقة
رعد بحدة : رح طيب !
بدر : تخاووني طيب ؟
رعد صد بقرف وقام وبان فرق الطول وقال : ورا م تتوكل ع الله ! محد رفع علومنا الا شيباننا !
فارس : ورعد صادق !
كاسر م كان يناظر حتى وكان جالس ع جواله
بدر بعصبية : طيب اعوذبالله صدق ان الحوار معكم ذنب !
رعد رفع صوته وفتح عيونه بقوة وقال : توووكلل !
طلع بدر وقال بأستفزاز : يبه الحين ابي الشوفة الشرعية قبل اطلع مع عيال عمي
ابو سعيد : حقك ي بدر رح كلمهم
فز كاسر ومسكه رعد وقال : اههججدد !!
كاسر بحدة : وخر مني والله م يشوفها !!
رعد مسك فكه وقال : يحماار هو بيتزوجها يعني اكيد بيشوفها خلاااص هونها ع قلبك !
كاسر بضيييق : مقدر ع فرقاها ومقدر اخلي غيري يناظر فيها اغاااار يالرعد احتترق علييها من انعكاسها فالمراية واحترق من نظرة الحريم لها وامووت من ظلها اللي م يفارقها !
رعد باس راسه وقال : خلاص يالكاسر
كاسر لبس سماعته وطلع من المجلس واتصل ع خويه ياسر
ياسر : ااررححببب
كاسر ابتسم بضيق : ابيك خوي تجي ؟
ياسر فز : ابششرر بي
كاسر سكر ولف وشاف بدر دخل البيت ولحقه بهدوء وسمعه يقول : هلا والله بوعد
واحترق قلبه بعد م سمع صوت وعد الطاغي وهي تقول : هلا بدر
كاسر طل براسه وشافته وعد وشهقت وم كانت قادرة تتحرك وقالت : خلصت بدخل ؟
بدر : حشى م امداني اتأمل
وعد كانت ترجف من نظرة كاسر لها وقالت : اخلص طيب
بدر شك : شفيتس انتي ؟
كاسر فك لطمته وقال بصوت م ينسمع : اعنبوتتس صددق
وعد كانت تناظر فيه وترجف وقالت : بدر سكر الباب اخاف احد يجي
بدر كان بطيء استيعابه ودخل كاسر بحكم انه بيتهم ودخل فالغرفة الصغيرة اللي جنب المجلس وراح بدر وطلع وسكر الباب وهو منقرف من وعد
وعد شهقت ولفت تبي تفتح الباب بس قاطعتها يد كاسر اللي لفتها لوجهه وقال : نععمم ؟
وعد كانت تتنفس بقوة وقالت : كاسر صد يكاسر حرام عليييك
كاسر ناظرها وم كان يرمش وقال : النظرة الاولى حلاااال
وعد حطت يدها ع عيونه وارمش وقالت : خلاااص اطلعع
كاسر كتمها بيده وقال : انا وش قلت لتس ؟ انتي حلالي بدر ياخذتس واعتبريني بدر
وعد بهمس سمعها كاسر فيه : حرام انه يخسى عندك
كاسر ابتسم وقال : يناحلة الخصر ارحمي حالي وقلبي ولا تطوليين غيابتس عليها
وعد رفعت راسها وقالت : كاسر
كاسر كان هايييم فيها وقال : يروح كاسرتس
وعد بحدة : اطلع برا انا م ابييك !
كاسر رفع شعرها وهمس بأذنها وقال : يعيوني م قلت لتس تبيني ولا لا معسلامة وتراتس لي واستوعبي الفكرة احسن لتس
وعد ارتعد جسمها بعد لمسته وقالت : اعنبوك م تدري وش تسوي فيني بعد لمساتك المحرمة ذي !
كاسر لف لها وغمز قبل يطلع وقال : حلوه لمساتي صح ودتتس م تخلص
وعد ارتعدت بعد كلمته وابتسامته وغمزته وقالت : اااه يالكاااسر
طلع كاسر وتلطم وركب مع ياسر وهو فرحاااان بعد شوف وعد عكس وعد اللي م تدري وش صار فيها وتمنت ان كاسر حلالها وانه هو اللي دخل بدال بدر كانت تعض اصابع الندم وتواسي نفسها وتقول ( عادي خيرة يمكن بدر احسن من كاسر ) وهي تدري ان م فيه احسن من كاسر شكلاً وجسدًا وروحًا ومظهرًا واهم من ذي كلها م فيه ارجل من عيال محمد لا رعد ولا كاسر .
::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( حلويني البارت خفيف ومتوسط الطول ويجنن ومليااان اشياء كثيير ، بكرا بينزل بارت في نفس الوقت ذا استمتعوا واسفه تأخرت اليوم بس اشغاااال احبكم ولاتحرموني كومنتاتكم 🫶🏻 )
