مشى رعد راجع لمنصور واتجهة ذيب لمكتبه الجديد اللي كان بنفس مبنى رعد
وجلس ع مكتبه وقال في نفسه ( رعد رجع لحلاقته القديمة ؟ غرييبة والله الدقن كان احلى عليه ) قال ذيب كلامه وهو مصدوم وكمل وقال ( وانا دبشة حتى نعيمًا م قدرت اقولها ! )
قاطع تفكيره دخولية هادي لمكتبه بكل قوة وسكر الباب وراه وقال : ذيب ؟
ذيب فز ودق التحية لهادي وقال : سم حضرة اللواء هادي
هادي : استرح بقولك كم كلمة وبطلع
ذيب استراح وقال : امرني ؟
هادي : شوق وش سويتوا فيها !!
ذيب تقشعر جسمه وقال بحدة : انت هاااادي !!!
هادي بحدة : اييه انا حبيبها والبنت وش سويتوا فيها
فز ذيب ومسك هادي مع رقبته وكان ذيب اعرض واطول من هادي بمراحل وقال بصوت هز روح هادي : تتستتهببلل انننت منتت برججاال اصلاً خرربتت حياااتي معهاا وجااي تسأل ولا استحييت ع دم وججهك !
هادي ابتسم وقال : والله ؟ الحين حبيت شوق ولين وين راحت ؟
انصعق هادي من الكف اللي جاه من ذيب وقال بصراخ : عاهرتك وخذيتها حبيبتي م تنطق اسمها ع لسانك سااامع !
هادي كان ماسك وجهه وضحك وقال : عشقتها يالذيب وابي منك طلب ابيك تستر علينا وتزوجني شوق وانا مستعد اخدمك طول عمري
ذيب ضحك بقرف وقال : ومن قالك اني محتاج مساعدة منك ولا ناسي ان ولد خالي في رتبتك ؟
هادي قطب وقال : ولد خالك ؟
ذيب م كان مشابهة لأسم رعد بحكم اختلاف الجدان بس كانوا نفس الهيئة والملامح وقال بحدة : رعد
هادي انصعق وقال : ررععد محممد !!
ذيب ضحك : وفيه غير الرعد ؟
هادي : شوق تقرب لرعد !!!!
ذيب قطب وقال : ايه بنت عمته
هادي بصدمة : اسألك بالله !
ذيب : شفيييك ولاهونت ؟
هادي بحدة : تعقب م هونت ولا بهون وبأخذها بس ساعدني تكفى م اقوى اكلم الرعد
ذيب كان ناوي ينتقم من هادي وقاله : مالي دخل انا مالي كلمة فالمجلس بس رعد الكل يحسب حسابه عشان كذا انت مضطر تكلمه
قال ذيب كلامه وهو يكذب كان الكل له كلمة في مجلس جدهم بس سكت عشان يرتاح من هادي وتقدم وفتح الباب لهادي وقال : تفضل بلا مطرود يعني
هادي طالع فيه بحدة وقال : دق التحية
ذيب بحدة : تخسسسي وانقلع من مكتبي !!
هادي انصدم كانت حركات رعد يشوفها ع ذيب ووضح الشبهة الحين وطلع من مكتب ذيب وهو يقول بنفسه ( شوق ورعد عيال عم ! )
طلع وهو ناوي يروح لبيت الجد قاضي ويقولهم كل السالفة ويأخذ شوق منهم
...................
في بيت ام شوق
شوق وسط انهيارها ودموعها : تكفى يحمد خلاص يخوي انا غلطت واستروا علي وراضية تزوجوني اي احد وربي راضية بس خلااص من الضرب تعبتوني خلاااص
حمد بحدة : انطمممي وربي اذا عاد سمعت لتس حس اني لا اذبحتس بيديني سااامعة !!
شوق لفت وجهها عنه وابتسمت وقالت بنفسها ( معليه كلها يومين وهادي جاي ياخذني منكم )
طلع حمد وضرب الباب وراه بقوة وقال بصوت هز البيت : وقسسم اللي اشوففه فاتح للكلبة اللي داخل انه م يحصل له طيب سامعييين !
ام شوق بحزن ع بنتها وخوف عليها من حمد قالت : ابشر
سامي ابتسم : معلييك بوقف عندها بعد
حمد طلع من البيت وهو كارهه حياته ووده يتزوج ويشوف انه مو مستعد للزواج وانه راح عمره ع الفاضي ركب سيارته والضيقة خانقته وقال بصوت مهزوز : يارب متى اتزوج وترزقني بنت الحلال اللي بتصونني وتبعدني عن كل هم شايله ع صدري ويارب متى يجي الزفت هادي اللي شوق متأملة فيه واعطيه ياها ويستر عليها يااارب والهم ذا !
مشى لمكتب المحاماة وهي قافلة معه من كل شيء
..................
في بيت رعد
رعد لمنصور : خلاص ابشر الله يستر عليك
منصور : معسلامة
مشى منصور من قدام بيت رعد ودخل رعد لبيته وقال : هيااامي
مسك رعد قلبه علطول وقال : بسم الله شفييني انا !!
كان رعد كل مره يرجع من الدوام ينادي هيامه ودخل والبيت كئيب ويجيب الغلقة بكل م فيه ودخل للغرفة وكانت فاضية تعود عليها سنة كاملة واغراض هيام موزعة بكل زاوية وبكل طاولة كان في شيء يخص هيام اتجهة للدولاب وطلع الكاميرا حقته وكان رعد مصور محترف بس محد كان يعرف هالشيء غيره هو وكاسر وفارس ومحمد طلعها وشغلها وقال : اذا جابت ايهم بالسلامة بصورهم فيها واطبعها واعلقها بدولابي
وصار يشوف تصويره قبل وشوي وقاطع عليه اتصال هيامه ورد وفتح السبيكر ووصله صوتها وهي تقول : رعد شوف يويلك تكذب بسألك وجاوبني بصراحة
رعد قطب وهو مبتسم : بسم الله الناس تسلم وانتي تهدديني ؟
محمد بضحك : رعد
رعد بعتب : خير يالورع وشتبي !
هيام ضحكت : ياليييييل باقي زعلان عليك
محمد : لا وين مستحيل رعد يزعل
رعد : الا زعلت عليك الصدق يعني
محمد ابتسم : ابشر بالرضاوة والله
رعد : اخذ الجوال منها
هيام كان ودها تسمع اسمها من مبسم رعد وقالت : من مين ؟
رعد استغرب وقال : منتس ليه الجوال مو معتس ؟
محمد فهم هيام وقال : الا معها
رعد : طيب اخذه منها
هيام بزعل : رعد انا مين ؟
رعد تووه يستوعب وضحك وقال : محمد اخلص !
هيام رمت جوالها ع محمد وطلعت من الغرفة وقفل السبيكر وقال : اسلم يولد العم
رعد ابتسم : الله يسلمك ابيك يطويل العمر تستأجر جناح كامل عندك بأسمي وتودي هيام فيه بحكم انه غيرتوا السكن حقكم لأني اخذت اجازة اربع ايام وبجي اقضيها معها
محمد بجدية : لا لا يالرعد ابوي حالف لحد يجي منكم
رعد : اسألك بالله عمي منجده ؟
محمد : اي بالله
رعد : زوجتي طيب وقسم يولد لو تشوف بيتي كيف يجيب الكئابه والغلقة !
محمد بحزن ع حال رعد : والله انه واضح حتى من صوتك يبو ايهم لكن مقدر اسوي شيء والله
رعد : ااااه حموود تكفى بجي يوم ع الاقل ابي اشوفها
محمد : مقدر وربي تكفى لا تلوي ذراعي فيك يالرعد وانت عارف اني مقدر ارد لك طلب !
رعد استسلم وقال : سلمني عليها السلام الواجد
محمد ابتسم بضيق وقال : يوصل
سكر رعد وانسدح وزفر بضيق وقال بصوت عالي : اااااه يالهييااام لييتتس طعتييننيي ولا رحتتي معهمم !
وقاطع عتابه اتصال كاسر ورد وسمعه يقول : ارحب يالسند والعضيد ومحزمي وسلاحي
رعد فز وقال : الله يبقييك يالعضيد امرني لبى عينك
كاسر : اليوم بسوي عزيمة استفتاح بيتي وقلت لازم اكلمك اول واحد فاضي اخليها اليوم ولا وش ؟
رعد ابتسم : اول شيء البيت مبارك والله يعطيك خيره ويكفيك شره ثانيًا انت جدول دوامك كيف ؟
كاسر ابتسم : اللهم اميين والله اليوم وبكرا م عندي شيء لكن بعدها مررره م اقدر بنكون في منطقة بعيدة نسوي تدريب طيران للمبتدئين
رعد : الليلة اجل ؟
كاسر : تم
رعد : اشوفك ع خير
كاسر : الله لايحرمني منك يالرعد
رعد ابتسم : ولا منك يالكاسر
سكر كاسر ورعد سامح له بالذات م يشيل عليه شيء وقام يتجهز بحكم ان الساعة صارت ٤ العصر والعزيمة تبدأ ٨ الليل
...................
في بيت ابو محمد الكل كان مستنفر للعزيمة
ابو محمد : فااارس هات جوالي
فارس قام وعطاه جواله واتصل ع ابو هيام
ابو هيام : ارحب
ابو محمد : الله لايسلمك يقليل الخاتمة !
ابو هيام ضحك : ليييه جعلني قبلك ؟
ابو محمد بعصبية : بقول كلامي وبسكر وان م نفذته لا انت ولدي ولا اني ابوك سااااامع !
ابو هيام انصاغ لأبوه وقال : تم والله ان تبشر
ابو محمد : كاسر اليوم مسوي عشاء وملزم علينا كأهله نحضر له ونقدم اللي يستاهله ولا حنا من اللي يكسرون ولدهم ولعلمك الليلة العشاء معك ٥ ساعات من الان ان م جيت علمتك وش بيصير !
سكر ابو محمد بدون م يسمع رد ابو هيام اللي ابتسم وقال بصوت عالي : جهزوا اغراضكم يولد
محمد فز : وش العلم !
ابو هيام : وش م فيه الا ان كاسر نكبنا ولازم نحضر عشاه في بيته الجديد
محمد ضحك : يالله يالله والله انه يستاهل كل علمن طيب
ابو هيام : يالله
اتجهوا لأم هيام وهيام وقالوا لهم وفزت هيام وقالها ابوها : اسمعيني
هيام : لبيه ؟
ابو هيام : رعد لا يدري اننا جايين لاتتعبينه توه مترقي وماهو ناقصنا
هيام انفجعت : ترقى !!!
محمد ابتسم : ايه ارسل بالقروب حق العايلة اليوم واظن ان عشاء كاسر لرعد
هيام : مدري والله م اعرف بس علموني وش صار ؟
ضحكوا ابو هيام ومحمد عليها وقالوا بنفس الوقت : لواء
ام هيام : بسم الله الرحمن الرحيم الله يبارك له ويستاهل كل خير رعد
هيام ابتسمت ودمعت عيونها وقالت : يالله يحبيبي هو يستاهل كل خير وربي
محمد ابتسم : يالله تجهزوا
هيام : تمام
قاموا كلهم واستنفروا يخلصون كل اغراضهم وانتهت سفرتهم بأقلاع الطائرة حقتهم من مطار جازان للمطار الرياض
..................
في بيت كاسر
دخل بيته بعد م رجع من دوامه ع صراخ وركض وفتح الباب بكل قوته وسرعته وقال بصراخ : شففيييككمم !!
وعد وهي تضحك : لييينن انقببلتت بمستشفى فاارس
لين : صررتت دكتتووررة جررااحة فييهه !!
كاسر ابتسم ونزلت دموع الفرح والفخر وقال : تعاالي يكل اهلي
لين ركضت لكاسر وهي منهارة وترجف وحضنته بكل قوتها وشّد عليها بكل قوته وقالت : يالله ي كاسر تذكر ايام كنت احلم اصير دكتورة وشوفني سوييتها
كاسر مسح ع راسها وباسه وقال : اي والله وكيف انسى اجل عشانا الليلة بمناسبة قبولتس وبمناسبة ترقية رعد
لين بعدت عن كاسر وقالت : صااار لووااء !!!
كاسر ابتسم : ايييه سواها الرعد وباقي بيكمل للفريق
لين مسكت راسها بقوة وقالت : صددعتت من الفخرر
كاسر : ايه انا طيار فالقاعدة الجوية ورعد لواء وانتي دكتورة وحنين مديرة تنفيذية بشركة اونلاين !
لين : اييهه اقولك فخرر
قامت لين ترقص وتتنكس بشعرها وهي تقول : وبنااات وعيال محمد خيااالة
وعد ضحكت وهي تصفق وقالت : كاسر تتغدى ؟
كاسر مسك لين مع بطنها وقال : بس ي مجنونة وايه بتغدى
وعد غمزت للين واتجهت للمطبخ وهي برضو انقبلت وصار مديرة بنفس قسم ومكتب كاسر وصار مديرته وهو م يدري
لين ضحكت وقالت : ايييه العشاء متى ؟
كاسر : احسبي كلها ساعة وبيتي مليان
لين بهدوء : من اللي بيجون ؟
كاسر م فهم وقال : الكل كل اهلنا بيجوون
لين : وعمي سيف ؟
كاسر : بيجي هو بعد
لين شهقت : الله يعني رعد بيقابل هيامه
كاسر : الله اللي يشوفه يقول له سنة منها تووه ماله الا ثلاث ايام
لين : حتى ولو رعد تعلق فيها وصرت اخاف من اي مكروه يصيب هيام لأني عارفة محد بياكلها وبينهار كثر رعد وانت ملاحظ كيف تغيير معها
كاسر بحزن : الله لايوريهم باس يارب ويديمهم لبعضهم اشهد بالله انها غيرت فالرعد شيء م يتغير !
لين : اميين يارب
كاسر : نسيت اكلم ذيب
لين فزت من اسمه وقالت : ليه م بيجي ؟
كاسر ضحك : ودتتس انه يجي ولا اطرده ؟
لين رجعت شعرها ورا اذنها وقالت : مدري مدري بكيفك وشدخلني انا
كاسر ابتسم وفتح السبيكر وقال : اررحب
ذيب بصوته الرخّيم : الله يبقيييه ويسلمه
لفت لين بكل حواسها لصوته اللي اشتاقت له وقالت بنفسها ( اي والله ارحب يادهر قلبي ورجعانه )
كاسر : جاك علم ان عندي عشاء ؟
ذيب : ايه ليه م تبيني اجي ؟
كاسر ضحك وقفل السبيكر واشر للين تدخل داخل ولفت وهي متفشلة ودخلت ركض لجناحها
كاسر : تستهبل صح ؟
ذيب ضحك : ييب استهببل
كاسر : اصلاً اعرفك حتى لو قلت لك لاتجي بتجي
ذيب ثقل صوته وقال : اييييعهه ناااشب نااشب الله لايعووق بشر ونااشب عشان الحلى كله اللي يعيش معك حظك والله فيه
كاسر : الله يجمعكم ع خير المهم يبو عبدالله تعال الليلة لازم تكون من الحاضرين
ذيب : امييين اميين وابشر بعزك يبو محمد
سكر كاسر وطلع يجيب الذبايح بحكم انه ذبح خروفين
.....................
في مباني هيئة الضباط
ذيب سكر مكتبه وطلع واستوقفه صوت هادي وهو يقول : ذيب
ذيب لف له والكل كان يناظر فيهم وكان غصب ع ذيب يدق لهادي التحية بس ذيب م دقها وتجاهل هادي وطلع برا المباني واتجهة لسيارته تحت صدمة الكل
عسكري : حضرة اللواء يمكن انه م سمعك
هادي : ايه شكله
طلع هادي ورا ذيب ووصلوا للمواقف وقال : ذييب م تسمع !
ذيب لف له وقال بحدة : خييير يخوي وش تبي ؟
هادي : سمعت مكالمتك مع كسار مدري كاسر
ذيب مسح وجهه واستغفر وقال : وبعدين ؟
هادي : بجي معك للعزيمة وبخطب شوق ع سنة الله ورسوله منكم
ذيب سحب جواله وطلع رقم حمد وكان مسجله " محامينا حمود " وقال : سجل عندك
سحب هادي جواله وسجل رقم حمد وقال : مين ذا ؟
ذيب بعصبية : اخوها حمد يالرخمة بدال م تكلمها وتأخذ رقمها كان طلبتها رقم اخوها وخطبتها
هادي علطول رفع السماعة ودق ع حمد ووصله رده : الو ؟
هادي مشى متجاهل ذيب اللي ركب السيارة وطلع من المباني وقال : حمد ؟
حمد : وصلت خير من ؟
هادي : والله مدري وش اقولك واني متفشل منكم كلكم لكن القلب طلب وليفه وجيتكم والله ابيها وابي استرها والله لو اسوي اللي اسوي ادري اني م بقدر اكفر غلطتي لكن تكفى لاتردني وتلوي ذراعي في شوق
حمد كان مصدوم وم توقع ان هادي فعلاً بيدق كان يحسبه لعاب ولعب ع اخته وهرب وقال بصوت حاد : هادي ؟
هادي : امرني
حمد : انا معطيك شوق ولكن بيننا تفاهم تعال مجلسنا الليلة مع اهلي واهلك واطلبها مننا
هادي بفرحة عظيمة قال : ابششر والله باللي يطيب خاطرك
سكر حمد بدون م يعطيه اي رد ثاني واتجهة هادي لبيته وهو يبي يقول لأهله كل شيء
.......................
في بيت رعد
صحى مفجوع من الاتصالات وفتح جواله ع مكالمة فارس
رعد بصوته الثقييل : هلاا يخووي الواحد م ينام !
فارس بصراخ : ررععد تستههببل ؟؟
رعد وهو فاتح نص عينه : يخووي وشتبي ؟
فارس بعصبية : الضيوف وصلوا والساعة ٨:٤٠ وانت للحين نايم !!
رعد فز بقوة من نومته وقال : ااايششش !!!
فارس : ايش ؟ اخلص علينا اخلص
سكر فارس وطار رعد للحمام وهو مفجوع واخذ شور سريع وطلع ركض لدولابه وطلع ثوبه الاسود بحكم ان ايام الشتاء دخلت فالرياض وسحب شماغه الابيض وتكشخ وتعطر وتبخر واخذ جواله وطلع من الغرفة وطاحت عينه ع الساعة اللي فالصالة وكانت تشير لـ " ٦:٤٠ " وصرخ وقال : الله يااخذ نفسسسك ي فااارس
طاح رعد ع الدرج وجلس وتمسك وكان قلبه يدق ويرجف بشكل مو طبيعي وقوم نفسه بصعوبة واتجهة للصالة وانسدح ورفع رجوله وهو نزل ضغطه وقال بتعب : اه يالهيام وينتس من رعّودتس ؟
اخذ نفس وجلس دقيقتين وقام للمطبخ واخذ موزة وطلع لسيارته وركب وشغلها ومشى لبيت كاسر
...................
في بيت كاسر
فعلاً الكل كان موجود والبيت كان مزدحم وقال كاسر : هاه رد عليك ؟
فارس ابتسم : اشهد بالله اني فجعته بس اني في وجهك ؟
كاسر ضحك : احتزم بس اهم شيء انه يجي
فارس : بيجي ونتلاطم انا وياه
محمد دخل ومعه ابوه : سلااام علييكم
كاسر لف وهو يضبط شماغه وقال : اررححبوواا علييكم السلام
الكل قاموا وسلموا وقال كاسر : وين اهلكم قلتوا لهم ان المدخل من ورا ؟
محمد : ايه معليك يبو محمد استريح
كاسر ابتسم وجلسوا وماهي الا دقايق ودخل رعد مع الباب وقال : هذا بيته ؟ اخس يالكاسر والله وطلعت تعرف تختار
دخل وقال بصوته الرخّيم : سلااام علييكم
الكل فزوا لرعد وقالوا بنفس الصوت : علييكم السلااام
كاسر تقدم وسلم ع اخوه اللي مد مبلغ وقدره وحطه بجيب كاسر وقال : البيت مبارك يبو محمد عساه م يخلى من حسك يارب
كاسر ابتسم وباس خشمه وقال : م تقصر والله وجميلك سابقك يبو ايهم ونردها لك بالأفراح
تقدم رعد وسلم ع اهله وانفجع اول م شاف عمه سيف وشّد عليه وقال : مرحبا والله يبو الهيام مرحبا تردفها مرحباا ليين م يبقى من المرحبباا مررحببا
ابو هيام ابتسم وقال : الله يبقييك يالرعد شرايك بس بالمفاجأة
رعد : مقدر اقولك شيء والله لكن بدق وجه محمد ولدك
اتجه رعد لمحمد اللي قال : ارررححبب
فز رعد لحضن محمد اللي كان فاتح يدينه له وهو يشوف هيامه في عايلتها وحضنه وقال : الله يبقيك يحمود وش الفجعة اللي اتمنى انفجع طول عمري اذا هي كذا حلوه
محمد ضحك وابتعد رعد عنه وقال : والله عشان خاطر كاسر
رعد بصوت عالي : يالبى الكاااسر وخاطره
كاسر ضحك وقال : لبيييه يعيوني
رعد مشى وسلم ع الباقيين وشوي ودخل فارس للمجلس وطاحت عينه بعين رعد وفز ورجع يركض وطار رعد وراه وم كان فيه الا اهلهم وضحكوا الرجال وقال فارس من برا : كاااسسر انا في وجهكك
ذيب دخل البيت وقال : سلام عليكم وش العلم
رعد : ارحب خاطرك تضرب احد ؟
ذيب تشمر وقال : اي بالله
رعد : يالله ع فارس
مشى ذيب وحشر فارس ومسكوه وطلع كاسر بعد م صب لعمانه وابوه وجده قهوة وقال : ذيييب والله م تلمسه
ذيب غمز لرعد وقال : وكاسر يحامي ذلحين ؟
رعد : ايه معليك منه
ذيب ضحك وطلع فارس من جنبه وهو يركض ولا قدر ذيب يمسكه بس من سوء حظ فارس انه ارتطم برعد اللي مسكه وهو يضحك وقال : جاااابك الله
كاسر ضحك وقال : يبوي شفيك ع الضعيف
فارس صرخ وقال : تععقبب انتت وياااه ماني بضعيف
حمد طلع من المجلس وقال : رعد تعال بكلمك ضروري
رعد قرب من اذن فارس وعضها وصرخ فارس : اااذذنننيي
رعد فكه وضحك وقال : عشان تتأدب
مشى لحمد وقال : امرني
حمد مد يده لرعد اللي مسكها وطلعوا برا البيت وقال حمد : بقولك موضوع الليلة بيصير
رعد قطب : عسى خير ؟
حمد حكى لرعد كل شيء قاله هادي وانه فعلاً ناوي يجي بالحلال وبيخطب في شوق وكذا
رعد : طيب كويس انه فكر يجي المهم جات شوق ؟
حمد : ايه داخل
رعد : تمام اذا جاء نشوفه وترا بنقبل فيه بنتكم منفلته والله يستر لا تطيح لها بمصيبة غيرها
حمد بحدة : طيب بنتنا بنتكم وم يصلح ذا الكلام عنها صح انها غلطت لكن بتحاول تصحح غلطها
رعد بجدية : انا ماني عاطفي مثلك وانا م يهمني ولو انه وحدة من خواتي اللي مسويتها زوجتها واحد ثاني وبأسرع وقت انا احكم جسمي بعقلي يحمد ماهو عاطفيتي اللي تحكمني
" م كان احد يعرف بشخصية رعد قدام هيامه وكيف يصير لها طفل يحتاج حضن امه وكيف يخضع لها ولا ينطق بحرف واحد "
حمد : ابشر يصير خير
دخل حمد وهو يدعي ان كل شيء يتم ويزوج شوق ويفتك من الحمل اللي كاسر ظهره ورعد وراه وقال : حمد لاتشيل هم
حمد ابتسم وقال : ان شاءالله خيير
دخلو وبدؤا خوال كاسر ورعد يجوون والكل من ضيفان واقارب وجيران
" عند الحريم "
وعد : لين
لين : لبيه
وعد : جهزتي الصالة صح ؟
لين : معليتس كل شيء بمكانه
وعد وقفت وشوي ودخلوا اهلهم وبدأ السلام والترحيب من جهة وعد ولين وجهة الهدايا والتقديم من اهلهم
ام شوق : المنزل مبارك يبنتي وعساه عامر فيتس وفي الكاسر
تجاهلت ام شوق طاري لين وحتى السلام م سلمت عليها وهي للحين تشوف انها الملامة في سالفة شوق وذيب
وعد ابتسمت : امييين يمه
لين ضحكت وقالت : اميين يعمة بس انا م بطول كلها فترة ويا اني ارجع لأهلي ولا اتزوج وافلح
ام شوق بأستحقار : ايه ع خير ان شاءالله
دخلوا كلهم وقالت شوق : منزل مبارك يالوعد
وعد ابتسمت بكلافة : الله يبارك فيتس
شوق مرت من جنب لين وهمست لها وهي تقول : لاتنتظرين ذيب ترا ماهو بصوبتس
لين دق قلبها برعب من كلمة شوق الواثقة وقالت بنفسها ( بسم الله الرحمن الرحيم الله يخسها وش فيها تتكلم بكل ثقة لا تكون سحرت الولد !! )
جلسوا وشوي ودخلت حنين وام محمد وام رعد وهم يقولون : ياهل البيت ، سلام عليكم ، يجماعة ؟
وعد فزت لأهل زوجها وقالت : اقلطوا ارحبوا ياهل حبيب الروح
ضحكت ام رعد وقالت : الله يبقيتس والبيت عليكم مبارك
لين بصوت عالي : ارحبوا ياهلي
حنين ضحكت : الله يبقيها بنتنا
سلموا ع بعضهم وجلسوا وبدأت السوالف والضحك وماهي الا دقايق ودخلت ام هيام وهيام وهم يقولون : سلام عليكم
وعد : ارحبوا
قاموا الكل يسلمون عليهم ومدوا ام هيام وهيام هداياهم وجلسوا وقالت هيام : لين يعيوني تعالي
قامت لين ومسكت بطن هيام وقالت : يووونهه المااما الحلوة
هيام ضحكت وقالت : الماما الحلوة اشتاقت للبابا
لين ضحكت : اهااا تبيني اناديه ؟
هيام ابتسمت بخجل وقالت : يمديتس ؟
لين : والله اني مدري لكن بناديه وبشوف
هيام هزت راسها بنعم واتجهت للمغاسل تضبط شكلها بعد م علقت عبايتها ولفت ع صوت سلمى وهي تقول : يجماعة وينكم ؟
هيام : هنا هنا
وعد : اهلييين سلومتنا
سلمى ضحكت وتقدمت بهديتها وعطتها وعد وسلمت عليها وباركت لها بالبيت واتجهت للحمامات وقالت بحماس : قابلتي رعد ؟؟
هيام ضحكت : لا للحين والله
سلمى حضنت هيام وقالت : وبعديين وشذا الزييين ؟
هيام بخجل : وربي انتيي الزييين كله
سلمى ابتسمت وقالت : الله يجعلني يحظ الرعد وربي
" فالمقلط "
كاسر : هاه لين وشتبين ؟
لين : رعد وينه ؟
كاسر : فالمجلس ليه ؟
لين : ابيه
كاسر ابتسم ولف وقال : رععدد
رعد فز وقام لكاسر ودخل وقال : لبيه
كاسر : لبيت حاج تعال لين تبيك
رعد تقدم وقال : هلا والله ليونه
لين سلمت ع اخوها الكبير ورجعت خطوتين ورا وقالت : ميين اللي صارت دكتورة ؟
رعد قطب وقال : من ؟
كاسر ضحك : ليين صارت دكتورتنا
رعد توسعت عيونه وقال : اسألتتسس بالله !!
لين ضحكت : وربيي
رعد فز وشالها بين يدينه وهو يضحك وقال : كفو بنتنا كفوو اخت الرعد
لين : كفووك الطييب يروح اختك
نزلها رعد وباس راسها وقال : يالله والفرحة
كاسر : واخوها صار لواء بعد
رعد : بس والله م اشوفه شيء عند انجازها
لين بفرحة : ررععد الله لا يحررمني وبعديين حشى وكلا الا اكبر انجاز اقولهم اخوي الرعد لواء الله صدق
رعد ابتسم وقرب من المراية يضبط شماغه وقالت لين : اييه صح نسيت
كاسر ورعد لفوا لها وقالوا : وش ؟
لين : كاسر نعم شتبي ؟
كاسر قطب : ايش !
رعد ضحك وقال : الموضوع يخصني يعني ؟
لين : ايه هيام تبيك
رعد دق قلبه بحب وارتفع الادرينالين عنده كان فعلاً محتاااج للقاء ذا وقال بأبتسامة : خليها تجي طيب
لين لفت ودخلت وقالت : هيام روحي لرعد
هيام ابتسمت وقامت ومشت واستوقفها صوت ام ضاري وبناتها وخولة وعيالها وهم يقولون : السلام عليكم
الكل سلموا واعطوا وعد عطيتها وكرامة سكنها لبيتها وجلسوا بعد م سلمت هيام وطلعت للمقلط وهي تقول بهمس : يارب اني م تأخرت
دخلت المقلط ورعد منزل راسه ع جواله وقالت بصوتها الانثوي اللي يأسر رعد : رعد
رعد رفع راسه وقال بصوته الثقييل : عييونه
ابتسمت هيام وتقدمت له وهو للحين جالس ويتأمل حبيبة عمره وكيف ان الابيض يحليها ووقفت قدامه وقالت : انزل يعني ؟
رعد ابتسم بتخدر وقال : ماني قادر اقوم والله
هيام جلست ع ركبتها وهي ماسكه ركبته وكانت قدامه وقالت بحب : وحششتنني مرره
رعد رفع ظهره وقرب منها وقال : م يوحشتس غالي يالهيام
هيام ضحكت : للحين تلعب دور الثقيل ؟
رعد : مالعبته لكن مدامتس تشوفيني العبه خليني اكمل
هيام عبست وقالت : طيب حضن بوسة شيء ؟
رعد لف وجهه عنها وقال : محرومة
هيام ضحكت وحاوطت رقبته وقالت : طالع فيني
لف رعد بقوة وهو حاط مبسمه ع مبسمها ووصلها كل الشوق اللي حس فيه ببعدها عنه وتركها بعد فترة وقال بتخدر : هيامي
هيام كان قلبها يدق برعد بس وم فيه غيره احد وقالت بخجل : عيون هيامك
رعد ابتسم : اشتقت لتس واشتقت لحستس وسواليفتس وضحكتتس وقصرتس ومزحتس وبطنتس وولدنا اشتقت وهي ثلاث ايام حسيتها سنين طويلة وحشتيني والله
هيام ضحكت وقالت : اهم شيء قصري للحين حالف يتنمر مو صاحي والله معلينا يروحي م يوحشك غالي يالرعد وانا والله اشتقتتت لك اضعااف شوقك لي
رعد ضحك وقال : اوقف عشان تشوفين الفرق ولا م يحتاج ؟
هيام قامت وقالت : وقف اشتقت لطولك اصلاً
رعد ابتسم وقام وبان فرق الطول بينها وبينه وقال : اشيلتس ؟
هيام توسعت عيونها وقالت : هااه لا لا
فز رعد وحط يده ورا خصرها والثانية عند ركبها وشالها بين يدينه وهو يضحك وقال : جوووي العناد
هيام حاوطت رقبته وقالت : حيوان م تفهم
رعد : الحيوان ذا يهيمتس ي حيوانه
هيام ضحكت وقالت : اهااا بنجلس نسب مو بصالحك !
رعد بنظرته الحادة : اجل في صالحتس وانتي قد اصبعي ؟
هيام نزلت من حضنه وقالت : اي في صالحي لأنك طايح عندي وجاييني ع وجهك !
رعد صفق وقال : الثقة اللي بمحلها
ضحكت هيام وضحك رعد وباس فكها وقال : يالله يروحه ادخلي
هيام : برجع معك ؟
رعد : وتسألين ؟
هيام : اوووه شكلي بنخطف
رعد : ايه بس لاتعلمين احد ولاتبلغين علي
هيام : بجيك طواعية اصلاً
رعد ضحك ولف وركض لها وباسها بقوة وقال : تكفين مقدر امسك نفسي والله مقدر
هيام غطت شفايفها بأحراج وقالت : ررعد
رعد كان حاط خشمه ع خشمها وقال : روحه وعيونه وحياته لبيه ياهيامه
هيام ابتسمت وباست خده وقالت : نعيمًا يحبيبي اللحية راحت ورجع رعد القديم ؟
رعد مسح ع شنبه وقال : ايه بالله رجع والله ينعم عليتس
دخلت هيام وطلع رعد واثنينهم طاييرين ببعض
حمد جاء يركض : ررعد جااوا
رعد شّد ع كتف حمد وقال : روق وارتاح
دخل كاسر اهل هادي وفزوا اهل قاضي لهم وانصفقوا رعد ومنصور اول م طاحت عيونهم ع هادي وقال رعد بحدة : اررححبووا يرجااال
ابو هادي : الله يبقيييكم
دخلوا وسلموا ووصل هادي لرعد وقال : هلا بالخوي
رعد ابتسم : ارحب طلعت انت اللي مخرب بنتنا يقليل الخاتمة
هادي ضحك وقال : والله محد خربني الا هي جيتكم متعني ومعي اهلي وابي وقفتكم يالرعد
رعد شّد ع كتفه وقال : معليك هونها وتهون
جلسوا الرجال ووقف ابو هادي وقال : اولاً نعتذر قاطعنا مناسبتكم السعيدة يرجال المعذرة والله وم نبي الطويلة ولا لكم فيها جايين نطلب كريمتكم شوق ع ولدنا هادي
ابو محمد ارتاح انه جاء شوق عوض عن ذيب اللي كان متلطم بأخر المجلس وكارهه كل شيء وقال : م بيننا معذرة يبو هادي وابشر باللي يطيب خاطرك والشور شور خوات البنت وشورها
حمد قام : عطيناكم بنتنا وامانتنا عندكم
هادي فز : فالحفظ والصون والله
ابو رعد همس لحمد : والبنت ؟
حمد بهمس وهو يصر ع اسنانه : مالها رأي بعد اللي سوته
ابو رعد : اللي تشوفه
ابو هادي : يعني متى نتمم ؟
حمد : يناسبكم كتب الكتاب بعد اسبوع ؟
ابو هادي : ابد يناسبنا
حمد : ع البركة اجل
قاموا الرجال وسلموا ع بعض وحلف كاسر يجلسون للعشاء ولبوا دعوته وجلسوا
ابو هادي : ورعد وينه ؟
رعد لف له وقال : هنا يعم امرني
ابو هادي ابتسم وقال : ماشاءالله تبارك الله ماشاءالله صدق رجال ونعم الرجال عرفتك من ولدي واليوم ترقيتك لواء صح ؟
رعد ابتسم : معلييك زود والله وابشرك بنسبق ولدك
هادي ضحك : يرجال تبطي عظم
ابو رعد : ذا هادي ؟؟؟
هادي ابتسم وتوتر وقال : ايه يعم انا هادي
ابو رعد ابتسم وقال : ماشاءالله تبارك الرحمن الله يخليك لأهلك يارب
رعد فز لأبوه وقال بهمس سمعه عمه سيف وجده قاضي وهو يقول : الرجال اخطئ وجاء يصلح غلطه والرجال يبي قربنا لا اشوفكم تفشلونه قدام اهله اللي واضح انهم م يدرون عن شيء تكفون يربعي !
ابو محمد : معليك يالرعد لو بنفشله فشلناه من اول م دخل مجلسنا
ابو رعد : لا لا ماهي من طباعنا ولا سلومنا
رعد ابتسم : جعلني اخذ ضيمكم ياهلي
ابو رعد ضحك : للحين ناشبه لهجة اهل الجنوب معك ؟
رعد : اربع شهور وزيادة معهم
جلسوا الرجال وبدأت القهوة تدور والسوالف
فارس : رعد تعال
رعد قام لفارس اللي كان عند الباب وقال : هلا
فارس : اذبحه ولا اذبحه ؟
رعد ابتسم : منهو ؟
فارس اشر ع ذيب وقال : ذيب م يبي شوق تأخذ هادي
رعد توسعت عيونه وقال : وش العلم !
ذيب : يخوي م اقصد اني ابيها بس بعد م دمرتني تروح تأخذ اللي تبيه ؟
رعد بحدة : ذيييب اعققل !
ذيب : ياللييلللل
لف ذيب بيطلع بس سحبه رعد وقال : ويين ؟
ذيب : بطلع ادخن
رعد : لا
ذيب قطب : بخاطرك شيء ؟
رعد : لا بس بسألك
ذيب : امرني
رعد : عاد لين فالبال ولا طارت ؟
ذيب ابتسم : والله انها فيه ولا بطلعها من راسي الا وهي حلالي !
رعد : طيب حلوييين سؤال ثاني
ذيب : هات
رعد : انا ادخن ؟
ذيب استغرب وقال : هاه ؟ لا
رعد : الا بس م عمري دخنت قدامكم عشان كذا محد يدري انا اللي خليت كاسر يدخن وادمنه من بعدي
ذيب ضرب كتف رعد وصرخ وقال : اااخخسس طلعتت زاااحف
طاحوا فارس ورعد يضحكون وقال : يحمار كنت زاحف
فارس وهو يمسح دموعه : رعد كان يدخن بس الحين لا
ذيب ابتسم وحك راسه وقال : اها طيب تبي تدخن معي يبو ايهم ؟
رعد ابتسم : دز بس
دخلوا وطلع ذيب وبعدها فكر بكلام رعد واستوعب انه مقصده انه م يدخن فالجمعات ورجع ركض وقال : اهااا استوعبت
رعد ضحك : يخوي فيك شيء انت ؟
ذيب ضحك : استر بس
كاسر : عيال واحد يجي يساعدني بالصحون
رعد : يالله كلنا معك
طلعوا العيال كلهم يشيلون الصحون ويرتبونها ورجعوا للمجلس اما ذيب كان واقف عند باب المقلط وقال : يوولدد
لين فزت وكانت بتتكلم بس دخل ذيب وم كان يشوفها بحكم انه جالسة والطاولة مغطتيها وقالت بهمس : لحد يدخل
ذيب فز ع صوتها وقال : لييني
لين دق قلبها بقوة وقالت : هلا
ذيب ابتسم : يامرححبااا والله يدهر قلبي ورجعانه
لين ابتسمت وقالت : ها يدهر قلبي ممكن توخر عشان ادخل
ذيب : لا ادخلي وانا اشوفتس
لين تجاهلت ذيب وهي عارفه انه بيصد ومشت قدامه وهي تركض وكان ذيب صاد عنها وقال : دخلتي ؟
م وصله رد لين وعرف انها دخلت ودخل وشال العصيرات وفز ع صوت كان يكرهه
شوق بحدة : اووه ذييب هنا ولين تووها طلعت ماشاءالله وبعدها تسبون فيني وانتوا اسوء مني !
ذيب لف لها بقوة وقال : ههيييهه انتيي تفكييرتس وحركاتتس ووصاختتس م تحطيينها فييني وفيي ليني !!
شوق انصدمت ان ذيب للحين مصر حتى وهو معصب يقول ليني وقالت : ليني بعد !
ذيب صد وقال : جاتس خطاب ووافق عليهم حمد الله يوفقتس ويستر عليتس
طلع تحت صدمة شوق اللي نزلت دموعها وقالت بصراخ : لاااا
فزوا الحريم لها ومسكتها سلمى وقالت بحدة : خخييرر وشذا الصووتت استحيي ع وجهتتس !
شوق برعب : ييمه حمد عطااني لواحد م اعرفه !!
لين قطبت : ايش ؟
ام شوق بخوف حضنتها وقالت : يبنتي خليه يسترتس خلاص
حنين : شوق شفيتس خايفة طيب ؟
شوق وسط انهيارها : انا ابي هادي وهادي وعدني يجي يخطبني
حنين توسعت عيونها وقالت : طيييب ؟ هادي اللي جاء يخطب ووافقوا عليه اهلنا
شوق وقفت بكاء وقالت : اسألتتتسس بالله !!
حنين ابتسمت : والله الله يوفقتس يارب معه
الكل انصدموا مع شوق وسلموا عليها وباركوا لها ووصلت للين وقالت : مبروك شوق ويارب يكون قد الهقوة
شوق ضحكت : دامه جاء وم خذلني فهو قدها
لين : خلاص الصلح ؟ بتبعدين من ذيب ؟
شوق : ولا كنت حوله اصلاً والله يكتبه من نصيبتس
لين ابتسمت : ان شاءالله يارب
دخلوا الحريم وتعشوا وبدأت فقرة السوالف والحش عن البنات والكل فرحان لشوق وانها م حبت واحد لعاب
:::::::::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هاااااي ادري مالي وجه بس وش اسوي اعذروني ومن حب عذر😔 ، المهم رجعت لكم ببارت حلو وخفيف ومليان احداث عطوني رايكم ع كل شيء احبكم نشوفكم قريب ببارت ثاني ❤️ )
