رعد ضحك وراح اما هيام حطت شيلتها ع نحرها وهي تدعي ع رعد وجلست مع الحريم وهي متفشلة ووجهها احمر وكل شوي تتذكر وجه رعد اللي يشّدها وتنسى كل شيء اول م يجي ببالها
سلمى استغربت هدوء هيام وتكلمت : هيام شفيتس ؟
هيام لف له بقوة : هاه وش م فيني شيء
سلمى ابتسمت : بسم الله عليتس شايفتنا رجال طيب ؟ شيلي شيلتتس احتريت وانا مالي دخل
هيام ابتلشت والكل صار يناظر فيها وقالت بنفسها ( اني والله عارفة ان مالتس دخل )
حنين قربت من هيام وهمست لها : هيام وشفيتس ؟
هيام همست لحنين بحدة : فيني اخوتس اللي عض نحري وباستي بقوته كلها وعلم فيني
حنين تفشلت انها سألتها وقالت : الله الله وقسم بالله ماني متخيلة رعد كذا
هيام بسخرية : شدعوة احس كنت اتوقعه كذا واسوء
سلمى صفقت بيدينها : يهووه وشسالفة !
حنين سحبتها وهمست لها وش سوا رعد وشهقت سلمى : اعنبووه م يستححيي
الكل لفوا لسلمى وصاروا يتسألون وشسالفة ؟
لين جات من ورا هيام وسحبت الشيلة منها بسرعة وبدون م تنتبه لها هيام وقالت : اعتقي نفستس يبنت !
هيام فزت وحطت شعرها ع المكان وقالت : يخي جيبيها م ابي احطها بعيد خوفي يدخلون العيال فجأة
لين ضحكت : طيب تغطين شعرتس وجسمتس لا ؟
حنين بحدة : لين تعاالي
لين راحت لحنين وقالت حنين : رعد باسها برقبتها وعلمت رجعيها بسرعة
لين شهقت وقالت : ععشششنناااا
راحت لين لهيام واعطتها شيلتها وراحت هيام وعلقتها وطلعت للحمام واخذت فاونديشن وحطت عند العلامة واخفتها بمهارة وطلعت روجها وجددته وطلع ع صوت لين وهي تضحك : هيام رعد يبيتس
هيام استغربت : وينه ؟
لين اشرت بيدها عند غرفة الحريم اللي جنب الباب فهمت هيام واتجهت لرعد ودخلت الغرفة وقالت : خيير
رعد ابتسم : اح م علمت شكلتس تبين وحدة اقوى
هيام بأستحقار : تكفى ! ارحمني والسماجة
رعد ضحك وقال : تعالي قربي مني
هيام مشت ووصلت قدام رعد اللي حتى وهو جالس كان طويل ويوصل راسه لصدر هيام وقال : وش عاجبتس انتس اطول مني ؟ انزلي ابي اكلمتس
هيام شكت : ولد فيك شيء ؟
رعد ابتسم ومسك فكها بقوة ونزل وجهها له وقال : لا م فيني شيء بس كنت جاي اقولتس تروحين مع محمد يوصلتس لبيتنا عشاني بداوم الليلة
هيام بزعل : طيب وصلني معك
رعد : بمشي بعد ١٠ دقايق عادي ترجعين البيت بدري
هيام شهقت : ييوه لا لا هونت
رعد ضحك : دريت والله
هيام مسكت يده وكانت بتبعدها من فكها عشان ترفع نفسها بس صدمها رعد اللي حط مبسمه ع مبسمها وكأنه يقولها انها تحت سيطرته من قوتها وبعد عنها اول م طلبت هيام النفس وقال بتخدر : م اهلكني الا مبسمتس الخدري
هيام كانت هايمة بشكل رعد اللي يجذب وقالت : وم اهلكني الا لمساتك لي وبصماتك وبوساتك !
رعد فز ومسك خصر هيام وشدّها له وباسها مره ثانية واستسلمت هيام لرعد اللي كان محاوطها من كل جهة وضاعت هيام بين يدين رعد وكان يشّدها له وو🌚...
.............••...........
في مجلس الرجال الكل حضر خطبة زايد وجيهان وحددوا الملكة بعد يومين
كاسر ناظر ساعته وكانت ٧ وابتسم وقام وطلع للحوش الخلفي
حنين طلعت له : جيت
كاسر كان يضبط شماغه ع المراية الكبيرة اللي توسطت الحوش وقال : ايه
حنين دخلت ركض وقالت : وعد تكفين اطلعي للحوش وجهزي لنا قعدة انا وانتي وسلمى وهيام ولين وشوق وبشرى وبيان
وعد قامت وابتسمت وقالت : ابشري
حنين ضحكت : تبشرين بالجنة يعيوني وضبطي شكلتس ترانا بنتصور
وعد لفت : امانه اجل خليني اجهز شكلي
ابتسمت حنين بنصر وراحت وعد وجددت روجها وضبطت شعرها وتعطرت بدون اي سبب للعطر بس كانت تجدد كل شيء وطلعت للحوش وفزت حنين وسكرت الباب وراها بالمفتاح
وعد فزت اول م شافت كاسر وهو يشخص عند المراية وقالت : كاسر !
كاسر لف لها وقال : ارحبي
وعد تقدمت بخجل وقالت : الله يبقيك بس ترا البنات بيجون الحين
كاسر فهم خطة حنين وقال : وش علي منهم طيب ؟
وعد ابتسمت : يعني عشان تروح وكذا
كاسر تقدم وقرب من وعد وبان فرق الطول بينهم وقال : وحشتيني يالوعد
وعد حاوطت رقبة كاسر وقالت : م يوحشك غالي يعيون وعّودك
كاسر لف يده ع خصرها وقال : قالوا لي انتس بتسافرين
وعد بتخدر : خلها بعدين مو وقتها
كاسر ابتسم بخبث وقال : وشو وقته طيب ؟
وعد كانت تتأمل عيونه وصوتها يرجف من الحب اللي انزرع بقلبها لكاسر وكانت مجنونة فيه وقالت بحب : سولف لي عنك انت خلني اهيم فيك زيادة
كاسر شّد عليها وقال : تبين تهلكيني انتي ؟
وعد رفعت رجولها وباست خشم كاسر وعلطول رفع كاسر وجهه واستقر مبسمها ع مبسمه وبادلها شعور الحب العظييم وبعدت منه بخجل وقالت : كااسسر
كاسر ابتسم : لبيه يعيونه
وعد ضحكت وكان وجهها احمر وقالت : لبيت حاج يعيوني بس وجهي الحين وش يهجده
كاسر بحدة وهو مبتسم وكان يشّد : خلي وجهتس ع خير انا وش يوخر روجتس من شفايفي
وعد نطت وباست خده وكانت قريب من شفايفه وقالت : العن ابوك م احلاك يكلب !!
كاسر حط راسه ع كتفها وضحك بقوة وحاوطته وعد وضحكت معه وقالت : اسفه بس تعبتني
كاسر ابتسم : م شفتي نفستس !
وعد ضحكت وقالت : اسلم صدق ودك تسولف عشان اذا بنجلس كذا بدخل عليهم وعلطول للمستشفى
كاسر ابتسم : والله مستعجل جيت اشوفتس قبل تسافرين ولاتطولين ع كاسرتس
وعد اشرت بأصبعها ع خشمها وقالت : ع خشمي
كاسر بعد اصبعها وباس خشمها وقال : ابوس كل شيء فيتس انا
وعد ضحكت وراح كاسر وقالت : يالكاسر
كاسر لف لها : قلبه
وعد بحب : انتبه لك يحبيبي
كاسر ابتسم : ولتس يعيوني وشوفي راح روجتس ؟
وعد ضحكت : ايه ايه راح ينمسح معليك
كاسر ضحك واتجهة للمجلس مره ثانية ودخلت وعد للبيت وشافت الباب مسكر وفتحت لها حنين علطول وقالت وعد : كان قلتي لي تحسبين برفض كاسر ؟
حنين ضحكت : عاد م ينعرف لتس
وعد ضحكت ودخلت ومسحت روجها اللي انمسح من كاسر وضبطته من جديد ورجعت لمجلس الحريم
في مجلس الرجال
فارس بشك : ورع وين رحت
كاسر : حنين كانت تبيني
فارس : وشعندها حنيني من اليوم تناديك
كاسر ابتسم اول م تذكر وعد وقال : خلها مستورة احسن
محمد ضحك : الا رعد السلوقي وينه !
كاسر وفارس انفجروا ضحك وقال كاسر : مدري عنه
فارس ابتسم : يولد صدق وينه ؟
محمد : مدري حتى جواله هناك في مكانه
كاسر وفارس لفوا لجهة مكان رعد وكان جواله ع الطاولة
فارس : مدري والله
كاسر : فالأخير فالحمام
ذيب جاء من الحمام : منهو ؟
كاسر لف : رعد
ذيب : لا ماهو فالحمام
كاسر : يهووه وين الرجال !
سكتوا العيال وماهي ثواني الا ودخل رعد متلطم وجلس مكانه واخذ جواله وجلس يقلب فيه فز كاسر وجلس جنبه وفاحت ريحة عطر انثى وقال بضحك : اهاااا وانا اقول وشفيك متلطم
رعد ناظره بطرف عين وقال بحدة : وش وراك ؟
كاسر : انت اللي وش وراك ؟
رعد ابتسم : انا فجرتها ولا م وراي شيء
كاسر ضحك : اسألك بالله !
رعد : والله العظيم شفايفي وشنبي حمراء والسبب معروف
كاسر لف وهو يضحك وقال : كلنا فالهوا سوا
رعد لف له بقوة : واننتت !!
كاسر : ايه بس انا لحقت نفسي
قاطع سواليفهم دخول ضاري وهو طايح ويدمع من الضحك وذيب وراه وهو يقول : العن والدينه صدق
كاسر ابتسم : وش السالفة ؟؟
ذيب قالهم سالفة ولد ضاري اللي حصلوه يقضي حاجته ع سيارة ابوه والكل بلا استثناء انفجروا وطاحوا ع الارض من الضحك ومن طريقة سرد ذيب
ذيب بضحك : الله ياخذ شكله يعيال اقرفني
ضاري ضربه وهو منهار من الضحك وقال : خييير ولدي ترا
ذيب : وم كسرني الا اني عمه
الكل كانوا منهارين وفز ذيب لرعد وقال : الله رعد يضحك واخيرًا وبعدين والله م تروح علي ضحكتك
وسحب شماغ رعد بسرعة وكانت شفايف رعد حمراء مايلة للون الاحمر الدامي وشوي ع شنبه وقال ذيب بصدمة : اعقب ياصبي !
رعد فز بسرعة وسكت وانقلب موده ولا كأنه كان وحط يده ع شفايفه وقال بحدة : وكسسر يكسرك هات الشماغ يالحرمة !!
كاسر فز ووقف في وجه رعد وبعد يده وبدأ يلطمه بشماغه وقال : احتزم يالعاشق
رعد ابتسم وباس خشم كاسر وقال : اشهد بالله اني محتزم دامك وراي يعضيدي
فارس بخبث : غرييبة يالرعد كل ذا حساسية ؟
العيال طاحوا يضحكون وقال زايد : خل مني اشهد انها قضى عليها
رعد ابتسم : اعنبوكم م فيكم طب ولاطبيب !
فارس رفع يده وهو طايح من الضحك وقال : انا طبيب
رعد نزل له وهو يضحك وضربه بخفه وقال : اصه لا اخليك مريض
............
اما عند هيام ورعد
هيام م كانت قادرة تسيطر ع رعد اللي فقد نفسه وهجم بكل حب على هيام وقدرت بكل قوتها تبعده وقالت بخوف انه يتمادى : رععدد خخلاص ااببععدد
رعد ابتسم ع جنب وقال : هو انا بقدر ؟
هيام بحدة : بس خلاص وخر
رعد ابتسم وبعد منها ولف ومسح وجهه بيدينه وقال : يالله انك لاتحرمني من هيامي يالله
هيام ابتسمت : ولا منك ينظر عيني
رعد ابتسم : انتبهي لتس
هيام هزت راسها بمعنى " ابشر " وطلع رعد وهو يتراعد ويترنح ولاهو قادر يتحكم بنفسه
.............
فارس ضحك : رعد دوامك
رعد فز وقال : الله يذكرك بالشهادة وانت يحمود لاتنسى هيامي رجعها لبيتي
محمد : ابشر معليك
رعد طلع من المجلس بعد م استأذن من اهله وطار لبيتهم ودخل ولبس بدلته ورجع للسيارة وطلع سيارته الصغيرة ودخل الجيب بدالها وسكر البوابة وطلع ع الصغيرة للدوام
منصور زفر بعصبية : ويينه ذا !
صالح ضحك : مدري والله انت كنت معه
منصور : ايه ذا الكلام قبل ساعة ونص وقلت له دوامك يبدأ ٨ بالضبط والحين صارت ٨:١٥ وهو للحين م شرف
صالح : معليه معليه
رعد دخل وهو يركض ووقف قدام صالح ومنصور ودق التحية
دق صالح التحية له وقال منصور : استريحوا
رعد : والله اني اعتذر تأخرت عشان ابوي وجدي
منصور ابتسم : معذور يبو محمد ادخل ووقع وابدأ
صالح توسعت عيونه : ولا كأنك معصب منه
رعد ابتسم ع جنب وقال : يعصب وراي بس م اتحداه يرفع صوته قدامي
منصور : الصدق اني مقدر والحين تقشع لمكتبك
رعد دق التحية واتجهة لمكتبه بعد م سمعهم يقولون : استررح
دخل المكتب ووقع دخوله وجلس ع مكتبه واستلم المعاملات وبعد ساعتين من الشغل الكثيف فتح رعد قضية وانصدم من الاسم اللي طلع له وكان
( يتقدم السجين سعيد بن ظافر ال***** برفع شكوى وتهمة على المواطنة " هيام بنت سيف بن قاضي ال **** " وذلك لجعله يقوم بخطفها واجباره بضربها والاعتداء عليها بقسوة ومن ثم رفع شكوى على السجين وسجنه بدون اي تهمة موجهة و.... ) رعد كان يرجف من العصبية وكان يرجع كل ثانية ويقرأ اسم حبيبته ومعشوقته وهيامه ويرعد قلبه ويعصف بعصبية وحرقة سكر الملف وحطه فالدولاب حقه وسكر عليه بالمفتاح وهو حالف محد يشوفه وطلع بعد م خلص اخر ملفين وشاف صالح
رعد تقدم : صالح
صالح لف له بهدوء ودق له تحية بحكم ان رعد اعلى منه رتبه وقال رعد : استرررح
صالح استرح وقال : امرني
رعد مسك كتفه : م يأمر عليك عدو بس لحد يدخل مكتبي وحتى اللي ينظفون انا نظفته وفيه معاملات خاصة وتعرف صاروا يزورون موافقاتنا من العمالة ذولا وانا م اضمن احد والله شفني سكرته وقل ممنوع احد يدخل
صالح تفهم : ابشر طال عمرك بوصلهم
رعد : تسوي خير والله
طلع رعد ودق له صالح التحية وكان كل خطوة يمشيها رعد يدق قلبه برعب ع هيامه وكل خطوة يمشيها كانوا يدقون له التحية وكان ينزل راسه بهدوء لهم وطلع وهو يحلف ان فيه حديدة طايحة وكاسره ظهره بعد م قرأ اسمها
.............•••............
الساعة ١٢ بيت ابو محمد
محمد دق بوري : يالله ي بشرى الله يهديتس ونادي هيام
بشرى طلعت وهيام وراها وركبوا وقالت بشرى : مدري شفيك مستعجل !
هيام بملل عشان سالفة سلمى اللي انقطعت وقالت : دقيييققة لا تمشي سلمى بتجي
محمد بحدة : ماشاءالله منصور ورعد مشغليني سواق !
بشرى ضحكت : احتسب الاجر يحبيبي
هيام بحدة : انا غصب عنك تأخذني غبي !
محمد ابتسم : تمونين ع رقبتي ياهيام الرعد
هيام شافت سلمى طالعه وركبت وقالت بهدوء : سلام عليكم
محمد : هلا هلا عليكم السلام كان نمتي الله يصلحتس
سلمى توسعت عيونها : احلف م شفت زوجتك واختك !
محمد ضحك : خلاص اسفين اسفين
سلمى ضحكت : اييه خلك مؤدب يالنسيب
بشرى مسكت يد محمد اللي مشى وكان بيطلع من البوابة بس وقف بقوة اول م قابله رعد
محمد بصراخ : الله يخرررششكك !!
رعد رفع يده بمعنى " سلام "
محمد رفع يده ورجع بسيارته ودخل رعد ووقف جنب محمد ونزل شباكه وقال : هيامي معك ؟
محمد : ايه
رعد : خلها تنزل طيب
محمد بحدة : والله فيك انت ومنصور يحمير
رعد ابتسم : اما عاد سلمى معك
محمد بقهر : ايييه
نزلت هيام وركبت جنب رعد اللي كان يسولف مع محمد ولف لها ومسك يدها وشابكها بيده وقال : ارحبي
ورجع يكمل سواليفه مع محمد وسمع رد هيام له : الله يبقي من يرحب والله يبقي اللي له فالقلب مكانه
رعد سحب يدها بدون م يلتفت وباسها بقوة وقال : جعلني فدوة انا
محمد : اجل انا استأذن
رعد ابتسم : الله يستر علينا وعليكم
مشى محمد ودخل رعد الحوش عشان يعدل لفت سيارته وطلع من البيوت وقال لهيام : هيامي
هيام : عيوني
رعد بجدية : احد قالتس شيء فالأيام ذي ؟
هيام استغربت : كيف يعني ؟
رعد : احد كان يتكلم فيتس ؟
هيام حست بالنرجسية وقالت بثقة : انا حديث الحريم اصلاً
لف لها رعد بقوة وقال وهو مبتسم : هاه ؟ اسللمم صدق
هيام استغربت : وشفيك والله اني صادقة
رعد كان يضحك وقال : اقصد كلام مو كويس او عن الخطف اللي صار
هيام شكت : لا ليه ؟
رعد بخوف عليها : اشوا لا بس اسأل
هيام تجاهلت وقالت : طيب تراني حديث الحريم صدق
انفجر رعد يضحك وقال : اااااه ياهيامي ادري ادري احد يشوفتس وم يتكلم وبعدينن شخبااار النرجسية ؟
هيام ضحكت : اوه لا لا مو نرجسية
رعد مسح ع راسها وباس يده وقال : اشهد انتس اخت محمد
هيام ضحكت بقوة : ايييه محمد نرججسيي
رعد ناظرها بقوة : مثلتس يحلوه
هيام : وانت نرجسي بعد
رعد : تعقبين في ذي
هيام ابتسمت : بكيفك
رعد كمل طريقه لبيتهم وهو كل شوي قلبه ينغزه ع سالفة هيام
...........••...........
بيت ابو رعد
ام رعد : محمد
ابو رعد : لبيه ؟
ام رعد بجدية : شرايك م نسوي زواج لكاسر احس اهلكونا بالمصاريف يعني حفلة بسيطة بيننا وبينهم
ابو رعد : والله انه احسن خلاص ناديه نكلمه
ام رعد هزت راسها بنعم ونادت كاسر وكلها دقايق ونزل وهو بمنشفته وقال : لبيه يمه
ام رعد شهقت : يويلي وراك نازل كذا !
كاسر ضحك وحك راسه بعفوية : وش كنت اتروش
ابو رعد بحدة : طييب البس وانزل !
كاسر لف بضيق وقال : سم
طلع واتجهة لدولابه وطلع له ملابس يلبسها ودق جواله ولبس ملابسه الداخلية وخلص واخذ عطر الجسم وتعطر منه ورد ع الجوال وقال : ارحبي يكُل اهلي وناسي
وعد ابتسمت : يالبيه يالصوت وجعله يبقى من يرحب يعيوني
كاسر ابتسم وفتح الكام وشهقت وعد : وييين ملابسسسك !
كاسر ابتسم : متروش شفيتس ؟
وعد من الاحراج والخوف قالت وهي مستعجلة : انا فالطيارة معسلامة
وسكرت وانفجر كاسر يضحك وقال : ذي غبية يعني كلها شهر وبتشوفني كذا يوميًا
اما وعد كان قلبها يدق بسرعة وناظرت بشوق اللي كانت جنبها بس نايمة وزفرت براحة وقالت في نفسها ( الله ابي اجرب احضنه وهو كذا ) وعلطول ضربت راسها بخفه وقالت : لا عاااااد
شوق فزت بخوف : وشش طااحتت الطيياارة
وعد ضربتها ع راسها : يحماررره وانا بقول لا عاد اذا طاحت نامي تكفيين نامي
شوق ضحكت ورجعت تنام ولحقتها وعد بعد فترة قصيرة
عند كاسر اللي خلص ونزل وقال ابوه : اجلس يولدي
كاسر جلس وقال : لبيه امروني
ام رعد ابتسمت : ترا عادي لك رأيك بس ودي م نسوي لك عرس تعرف تك...
قاطعها صوت كاسر اللي ارتفع وقال بحدة : نععمم !!!
ابو رعد عصب : وجعع اقصصصر صوتكك يكلبب !
كاسر كان يفور وقال : وش فررق بيني وبين حنين ورعد !!
ابو رعد احتد صوته : مافي فررق بس التكالييف يولدي
كاسر : انا بدفع اناا بس بسوي عرس وبخلي الكل العالم كلها تتكلم عنه
ابو رعد : كاسر استخير وخلها حفلة بسيطة اهم شيء تجتمع بوعد
كاسر تضايق وكان وده بعرس فخم وهو عارف انه مستحييل يقدر يسوي بنفسه وقال : من اللي جاب الفكرة ؟
ام رعد بهدوء : انا ي امك عشان التكاليف والله
كاسر ابتسم بضيق : اجل شوركم وهداية الله
وطلع لغرفته ودخلها وسكر الباب بالمفتاح واخذ البوكيت وولاعته وطلع ع الشرفة وشغل سيجارته وكان يحاول ينسى ويتذكر وعد وفعلاً تغييير موده ودق عليها بس م ردت وقال بحرقة : اه وحلوتي مسافرة للشرقية عشان الزواج واخر شيء حفلة صغيرة !
كان كاسر يكتب شعره في وعد وقت ضيقته وحزنه وكتب فيها ابيات بسيطة وكان يقول فيها :
كان المبتغى اسوي لتس افخم زواج
بس حدتني الظروف واهلي ع حفلة
ولا عاد بي قوة ولا بخاطري مزاج
ويهمني شوفتتس واجتمع وياتس بغرفة
وتضميني لتس وتكونين لي علاج
وانسى العالم كله معتس بغمضة
وتمحين كل الهموم والشقى والعجاج
يالوعد اشهد انتس جبر وخفى لكل غصة
—
طفى سيجارته واتجهة لغرفته ونام بعمق وهو يفكر بالوعد اللي اخذت ٩٠٪ من تفكير كاسرها
:::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( كاسر كسر خاطري بس لاتدعون ع امه 😭🤌🏻 ، سعييد رجعع !!! اسفه لكم صدق عطوني رايكم وانتظروني ببارت جديد فالليل ع الساعة ١ او ١٢ 🌚 )
