Unicode
အတိတ်ကဆွေမျိုး(သို့)ရန်သူ
"ဒါဆို..."
"ဘာတွန်မှာအလုပ်သမလေးတစ်ဦးအဖြစ်ကိုယ်ရောင်ဖျောက်ထားနိုင်တဲ့သူမရဲ့စွမ်းပကားကတော့အံ့သြစရာပါပဲ"
"ကျွန်တော်တို့ဒီကိစ္စပေါ့လျော့လို့မဖြစ်ပါဘူး မြို့တော်ဝန်ဝိန်း"
"ကိုယ်ခဏလောက်စဉ်းစားပါရစေဦး
ဝီလီယမ်အာသာကိုတွေ့အောင်ရှာပါ ပြီးရင်သူ့ကိုခေါ်ခဲ့ ဖမ်းပြီးခေါ်ခေါ် ချုပ်ပြီးခေါ်ခေါ် ကိုယ့်ဆီရောက်အောင်ခေါ်ခဲ့"
"ဟုတ်ကဲ့ပါ မစ္စတာဝိန်း"
ထိုလူကပြန်လှည့်ထွက်သွားသည်။
ဝိန်းသည်စိတ်ရှုပ်စွာဖြင့်ထိုင်ခုံပေါ်ထိုင်ချလိုက်သည်။
ဒီလိုဆိုရင်တော့အစ်ကိုကလီလီဂျိမ်းကိုမတွေ့ခင်သူအရင်အစ်ကို့ကိုဖမ်းခေါ်မှပဲရတော့မည်။
ဟယ်ရီချားလ်စ်ကိစ္စကတကယ့်ပြဿနာမဟုတ်။
လီလီဂျိမ်းကတကယ့်ပြဿနာဖြစ်သည်။
ခက်တာကအစ်ကိုသည်ဘယ်ကိုရောက်သွားမှန်းမသိ။
"ဘာလုပ်ရမလဲ ဘာလုပ်ရမလဲ"
သူရုတ်တရက်အဖြေတစ်ခုကိုစဉ်းစားလို့မရနိုင်။
ပြဇာတ်ရုံမှအချိန်သည်၁လကျော်လိုသေးသည်။
သူဝီလီယမ်ကိုသာဖမ်းထားလိုက်ပြီးဒီတစ်လလုံးဖွက်ထားလိုက်လျှင်ထိုဖြစ်ရပ်မျိုးဖြစ်လာစရာအကြောင်းမရှိ။
လန်ဒန်တုန်းကဘာလို့များပြန်လွှတ်ပေးမိလိုက်တာပါလိမ့်။
၃ရက်၄ရက်ခန့်ကြာသည်အထိသတင်းသည်ပြန်ရောက်မလာခဲ့။ဂျီမင်းလည်းဝိန်း၏စိတ်ပင်ပန်းနေပုံကိုရက်ဆက်မြင်နေရတာကြောင့်သွားတောင်ဂျီမကျရဲပါ။
"ဝိန်း.."
"အင်း"
"ဘာတွေဖြစ်နေလို့လဲဟင်"
"အစ်ကိုကပျောက်သွားပြန်ပြီ"
"ဗျာ"
"အစကတည်းကမလွှတ်ပေးခဲ့ရမှာ
အစ်ကိုကအန္တရာယ်ရှိနေပြီ ကိုယ်ဘာလုပ်ရမလဲ ကိုယ်ဘာများလုပ်ရမလဲ"
ဝိန်းကဂျီမင်း၏ပုခုံး၂ဖက်ကိုကိုင်ကာတုန်လှုပ်စွာဖြင့်မေးသည်။ဂျီမင်းလည်းဒီမေးခွန်းအတွက်အဖြေမရှိ။
YOU ARE READING
Two Men In One Look (Completed)
FanficThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
