Unicode
ကိစ္စတွေသည်လျင်မြန်စွာပဲပြီးဆုံးသွားခဲ့သည်။
လီလီဂျိမ်းရော ဟယ်ရစ်ဆန်ဝိန်းပါထောင်ထဲရောက်သွားကာ ၂ယောက်လုံးကိုရုရှားသို့တရားမဝင်ယမ်းရောင်းဝယ်မှု၊နိုင်ငံတော်သစ္စာဖောက်မှုဖြင့်တစ်သက်တစ်ကျွန်းထောင်ချလိုက်သည်။
ကျန်ရှိနေသောအဖွဲ့ဝင်များကိုလည်းအစိုးရကရသမျှစုံစမ်းကာဖမ်းနိုင်ခဲ့သည်။
ရိုင်ယန်ကတော့မူရင်းလန်ဒန်ရုံးကိုပြန်သွားကာဘာတွန်ကိုနောက်တစ်ခေါက်ခြေမချတော့ပါ။
သူမပြန်ခင်လေးတွင် တောင်ကုန်းပေါ်မှအုတ်ဂူဖြူဖြူလေးကိုလာတော့တွေ့ခဲ့ပါသေးသည်။
ဤနေရာတွင်ဖီးလီးယက်စ်အာသာလဲလျောင်းသည်။
မြင်နေရတဲ့စာတန်းလေးကိုကြည့်လိုက်ရင်းရိုင်ယန်တစ်ယောက်မျက်ရည်များဝဲလာသည်။
သန့်ရှင်းနေသောအုတ်ဂူလေးမှာမြက်ပင်တစ်ပင်မျှတောင်မရှိ။
ရိုင်ယန်ယူလာခဲ့သောပန်းစည်းလေးကိုအုတ်ဂူပေါ်တင်လိုက်ကာ...
"ငါပြန်တော့မယ်နော် ဖီးလီးယက်စ်"
ဖီးလီးယက်စ်ရဲ့ဝိဉာဉ်ကပျက်စီးသွားခဲ့ပြီဆိုပေမယ့်လည်းရိုင်ယန်ကတော့ဖီးလီးယက်စ်ကြားလိုကြားငြားစကားတွေတော့ပြောနေခဲ့သည်။
"ငါနောက်တစ်ခေါက်မလာဖြစ်တော့ဘူးထင်တယ်
မင်းငါ့ကိုစိတ်မဆိုးပါနဲ့"
ရိုင်ယန်သည်ဝဲတက်လာသည့်မျက်ရည်စများကိုမျက်တောင်ခတ်ကာပြန်သိမ်းလိုက်သည်။
ဖီးလီးယက်စ်ကရယ်တာကိုမကြိုက်သလိုငိုတာကိုမကြိုက်ဘူးလေ။
နှစ်များကြာခဲ့တာတောင်ဒီအုတ်ဂူဖြူဖြူလေးကိုတွေ့ရင်သူ့မှာနာကျင်ရတုန်းပဲ။
"ငါဒီနှစ်တွေမှာတွေးခဲ့သေးတယ်
လောကကြီးကငါ့ကိုရွေးချယ်ခွင့်မပေးခဲ့ဘူး
မင်းလည်းငါ့ကိုမပေးခဲ့ပါဘူးလေ"
"ဘာလို့လဲ ဘာလို့လဲကွာ"
"ငါတကယ်ကို...."
နောက်ဆုံးတော့ရိုင်ယန်ထိန်းထားသောမျက်ရည်များမှာကျဆင်းလာတော့သည်။
သူ၏နှလုံးသားတစ်ခုလုံးကိုတစ်စုံတစ်ယောက်ကအပိုင်းပိုင်းအစစဆုတ်ဖြဲပစ်နေသလိုပင်။
ထို့နောက်ရိုင်ယန်ကတိုးတိုးလေးထပ်ပြောလိုက်သည်။
YOU ARE READING
Two Men In One Look (Completed)
FanfictionThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
