#جواهر.. هوس الادهم
للكاتبة: ســدرة الطــآئـي
- عَينَـاكِ كَالتِمثـال يَروِي
قِصّةً عَبرت ولا يَدرِي الكَـلام
وعلى شَواطئِهَـا بَقـايا من حُطـام..
تصويت فضلاً 🖤
ــــــــــــــــــــــــــــــــــــــــــــــــــــــــــــــــــــــــــــــــــ
دخلت للغرفه تعبان سبحت طلعت انشف شعري واتذكر كلامها ودموعها ذبيت المنشفه بعصبيه فتحت البلكون وطلعت اتنفس افرك عيوني واتذكر تصرفاتها، الاحسن ابتعد عنها وماافكر بيها راح اكسر گلب اخويه راح اخسر لثنين ضربت السلم بيدي اول مره احس نفسي تايه.. ادهم رجعت تحب مجرد مشاعر تكدر تنسى تتجاهلها هيَ لاخوك...
ــــــــــــــــــــ
كعدت من النوم بعدني منعسه حضنتني ماما تبوس بيه
سهام. صباح الورد ياورده شنو هالجمال من الصباحيه هيج
جواهر بنعاس. مامااا
سهام. هههه خجلتني بنيتي غير تخبلين انتي
جواهر. عليج طالعه
ضحكت وحضنتني تبوس بيه وتكرص خدودي وتسولفلي من جنت طفله وتكمطني وجانت تخاف عليه من العين لان عيوني حيل كبار اكبر من وجهي
سهام. مايصدكون هذني عيونج وانتي طفله جنت اطلعج كدامهم انتي ونايمه بس انتي نحسه تكعدين تفتحين عينج وينصدمون من جمالج ودبدوبه عمرج كم شهر
جواهر. اوفف لحد هسا
سهام. بالعكس زعلانه عليج لان ضعفانه هواي ماجاي تتغدين بالبيت ولااعرف شجاي تاكلين بره
جواهر. لاتخافين عليه اريد احافظ على رشاقتي
كمت غسلت وجهي وبدلت نزلت تريكت واخذت جنطتي وصلت للمستشفى شفت دكتور ادهم هستوه دخل سلمت عليه رد ببرود ورئسا دخل لغرفته
دخلت الغرفه سلمت على صبا باوعتلي بزعل وتجاهلتني
جواهر باستغراب. شكو اليوم الكل زعلان البارحه جنه ملتمين ومتونسين
صبا بزعل. حرام عليج اني صديقتج لاحاسدتج ولاعيني عليج ليش ماكايلتلي عموما مالي دخل اني
جواهر. شنو تقصدين
انفتح الباب دخل يوسف يباوع بزعل
يوسف. دكتور ادهم يريدج
جواهر. شنو يريدني شوكت صاحني هو؟
كمت رحت الغرفته دكيت الباب وفتت لكيته واكف وخال ايده على كصته
ادهم بعصبيه. من وين تجيني المصايب انا؟؟
جواهر بخوف. شكو كلكهم متزاعلين
ادهم بعصبيه. شوفيي
ذب الموبايل حيل لزمته اباوع للصوره من جان ينتظرني وفتحلي الباب مالت السياره اتصنمت بمكاني اباوع صورتنا بكروب الدكاتره كلهم ومكتوب رساله طويله
💬علاقه حب بين دكتور ادهم ودكتوره جواهر واحتمال جبير يكونون متزوجين وعايشين بنفس البيت ولاحظت دكتوره جواهر تغار على زوجها وكت سألته عن العلاقات تسائلت ليش تغار بعدين شفت النظرات بينهم ويوحي انهم جانو متعاركين علمود هاي الطلعه والله اعلم كدرت اوصلكم هالاخبار من صادفتهم بره طلعت مجذبه علينا من كالت ابوها جاي ياخذها وقبل كلشي دكتور ادهم مجان مقتنع يجي لان كال عنده شغل اظن الدكتور جواهر قنعته ...
ماكدرت اكمل القرايه لان كلام واسلوب محلو ابد جان ذبيت التلفون منحرجه وكعدت ابجي
جواهر. شهل حجي منو صورنا
ادهم. دكتوره هدى. ماخذه إجازه اليوم
جواهر. خابرها هسا معليه كوله اي شي خلي تمسح الصوره شوهت سمعتي كبال الدكاتره
ادهم بعصبيه. خابرته الف مره ترفض
جواهر بدموع. شلون عزا اخاف توصل الصور الابوي
ادهم. لاهذا بس بين اصدقائنا.. اخخ جواهرر جاي تسببيلي هواي مشاكل
جواهر. مو اكثر منك
ادهم. اتصلي بيها
كعدت اتصل بيها ماتجاوبني اخر شي فتحته
هدى. الو
جواهر. ولج ليش هالاشاعات شمستفاده لاهو زوجي ولاعندي علاقه وياه احذفي الصوره احسلج
هدى. الي اريد افهمه ليش تخبون
جواهر. احذفي الصوره والكلام وراح اكولج شنو علاقتنا
هدى. تمام يلا حذفت احجي
جواهر. ابن خالتي يصير وابوي وصاه عليه يجيبني ماردنا نكول هالشي علمود لاتصير هالمشاكل الي هسا انتي جنتي سببها شكول عليج حسبي الله ونعم الوكيل على ظنج
هدى. جواهر ماجنت اقصد شي تره حتى لو جان ابن خالج ممكن يكون زوجج يعني شنو السبب تخبين
جواهر. لامبينه نيتج وماراح اسامحج ابد بعدج شاكه بعلاقتنا تعالي حاجينا واجهينا مو تنزلين اشاعه وتسقطين بينه مسحي الصوره من يمج وحطي عينج بعين الله مو جهال احنا
هدى. تمام مسحته اسفه وجنت قاصدته بشقى
جواهر. هذا ابد مو شقى مااسامحج
سديت الخط بوجهه وبجيت
ادهم. جواهر انمسحن الصور والرسائل خففي عن نفسج روحي كملي شغلج واعتبري ماصار شي
جواهر. لو مارايحه وياهم احسن
أنت تقرأ
جواهر الأدهم (الرحيل الأبدي)
Romanceالحب من أجمل التجارب التي يمر بها الإنسان، ولكن عندما يفارق الإنسان حبيبه يصبح الحب عندها أصعب ذكرى، ودون سابق إنذار يفارقونا بعد أن امتلكوا كل شيء فينا فأصبحنا نتنفسهم وينبض قلبنا بوجودهم معنا. #جواهر
