#جواهر الأدهم(الرحيل الأبدي)
للكاتبة: سـدرة الـطـآئـي
ــــــــــــــــــــــــــــــــــــــــــــــــــــــــــــــــــــــــــــــــــ
كعدت بال6 غسلت وبدلت اجى ادهم اخذ ملابسه وطلع... طلعنا بسرعه
وصلنا المطار اخذو الجنط وصعدنا بالطياره الطريق كله هدوئ ماحجينا غفيت بعد ساعات كعدت على صوت باوعت اني نايمه على جتفه وهو متجتف كمت بسرعه عدلت شالي شويه وكعد رفع راسه حك رگبته توترت..
نص ساعه ونزلنا وصلنا للعراق نزلت اشم هوى الوطن واخيرا يمكن لان مامتعوده ع الغربه
لكينه آدم منتظرنا سلم علينا واخذ الجنط طلعنا صعدنا بالسياره كعدت ورى ادم ظل يسولف ويسألنا شلون كضينه العطله ظليت ساكته ماجاوبته وادهم يجاوبه برسميه وصلنا البيت والباب جان مفتوح دخل السياره ونزلنا ذبو علينا جكليت وخالتي تهلهل اجو يبوسوني ويحضنوني ابتسمت الهم
ورده. ماشاء الله شهل جمال حليانة ومتغيره بعد الزواج ولج اخاف احسدكم
جواهر بخجل. ههه لاخاله وين متغيره
نسرين. تردين الصراحه سمنانه شويه
جواهر باستغراب. صدك والله؟
جوري. ماعليج تره جسمج حلو مليان
ورده. يلا فوتو ارتاحو لان جايين خطار عمامهم جاين وبيبتج رادت تجي
جواهر بقلق. بيبي سماح
ورده. لاتخافين يجوز جاي تتطمئن عليج انتي تزوجتي بعد منو يكدر ياخذج
جواهر بتوتر. مادري بس احس جيته ماخاليه
ورده. احنا وياج شراح تسويلج مثلا
سكتت طبيت جوه شفت هواي حلويات ع الميز وريحه اكل بالمطبخ حيل جوعانه ادهم صعد الجنط ترددت اصعد وياه
ورده. ليش بعدج جوه صعدي بنيتي شوفي رجلج شيحتاج
صعدت متوتره ماراح اخذ راحتي مثل الفندق
دكيت الباب وماسمعت صوته ظليت واكفه شوي وفتحته اكيد هو يدري راح اصعد فتت للغرفه فارغه وصوت المي بالحمام طلعت الملابس والاغراض وعزلتهن طلع من الحمام لبالي راح يلبس شي درت وجهي بسرعه
جواهر. شنو هذا استغفرلله يعني ليش ماتلبس شي وتدري انت مو وحدك بالغرفه
ادهم. نسيت مامتعود اشوفج بغرفتي انطيني ملابس من يمج
جواهر بتوتر. لحظه
كمت فتحت الكنتور ومغمضه عيوني اشرت
جواهر بتوتر. ياتيشرت اجيبلك
ادهم. التركسود الرصاصي
جواهر. الرياضي؟
ادهم. اي
توترت لان بالرف الفوك رفعت جسمي واني مغمضه اخاف يطلع كدامي هيج كمزت وراسي نضرب بيه فتحت عيني شفت ايده فوك راسي اخذ التراك باوعلي وهز راسه بأسف
ادهم. تؤوو قزمه انتي
جواهر رفعت حاجبي. اني قزمه لو انت طويل بعدين الكنتور حيل ضخم وعالي اني وين اوصله اكو واحد يخلي ملابسه هنا علكه ويا بقيه الملابس
أنت تقرأ
جواهر الأدهم (الرحيل الأبدي)
Romanceالحب من أجمل التجارب التي يمر بها الإنسان، ولكن عندما يفارق الإنسان حبيبه يصبح الحب عندها أصعب ذكرى، ودون سابق إنذار يفارقونا بعد أن امتلكوا كل شيء فينا فأصبحنا نتنفسهم وينبض قلبنا بوجودهم معنا. #جواهر
