#جواهر... هوس الأدهم
للكاتبة. ســدرة الطــآئي
ثمةَ مشاعرٌ ..
تأتي كهزةٍ عنيفةٍ تأكلُ اخضِراركَ بوحشية
تستنزِفُ كلَ طاقَتِك
وتعبثُ في امانيكَ الخصبة
تأتي حتى تبقى سمومُها كدرسٍ قاسٍ لا تنساه
كلَّما ابتغيتَ الهُروبَ لأرضٍ لا تليق بك .
ـــــــــــــــــــــــــــــــــــــــــــــــــــــــــــــــــــــــــــــــــ
مسحت دموعي ادي ترجف من الوجع بقيت منصدمه اباوع لجسمي مجرح كله بدلت حسيت الملابس ضيكه عليه لان اني مربربه وهمه ضعاف.. طلعت انشف شعري بره البيت فارغ كل واحد بغرفته
ادهم. احمم
التفتت شفته واكف يم الدرج لابس روب وجسمه طالع وبيده كوب گهوه
خليت المنشفه فوك راسي وصلت غرفه رند وهو اجى يطب للغرفه التفتنا اثنينا واحد يباوع للثاني بقيت صافنه اباوع للوشوم اول مره اشوفهن ماتوقعت هلكد متهور لدرجه جسمه منترس وشوم هاي عود هو الطبيب وينصح رفعت عيوني شفته مركز بعيوني خجلت
ادهم بهمس. جان يناظرج بنفس الطريقه وتخجلين منه مو؟
انصدمت من كلامه تجمعن دموعي ردت اشهگ كدامه
جواهر بغصه. شنو المعنى من كلامك
هز راسه وابتسم بسخريه طب وصفك الباب فتت للغرفه انتجيت ع الباب ابجي اجت رند تسألني
رند بصدمه. ياهاي ليش تبجين ياروحي تعالي تمددي وارتاحي مو حجيت وياج وكلتلج بعد لاتفكرين
جواهر. اتركيني روحي جاي تحترك
تمددت واخذت جهازي فتحته شفت هواي رسائل من علي يعتذر مني ماقريت كلشي رئسا حضرته وحذفت حساباته ورقمه حجيت ويا صبا وطمنتهم عني وحجيتلها الصار
💬احسن شي سويتيه اتركيه خلي يولي هالحقير اذا شفته بعد بالمستشفى راح اكتله
جواهر. ماله عين يجي وهو يحب شخص غيري اصلا
💬حبيبتي تحملي الله يساعدج بس تدرين احسن حل سويتي عقدتي انتي وادهم احس هالشي يطمن هم مايظلون يلحكوج عمامج
جواهر. مادري صبا اني حايره شلون راح اكمل حياتي مادري باجر شلون راح اعيش
💬ارتاحي كم يوم وتعالي راح اخذلج اجازه
جواهر. تمام
💬ارتاحي وانسي هالحقير ميستاهلج ولج انتي جوهره ثمينه شنو هو
جواهر . فهمت فهمت حنام
سديت وظليت ابجي لحد مانمت وماحسيت كلش تعبانه كعدت اباوع للساعه بال11الظهر كمت توضيت وصليت شفت جنطة ملابسي طلعت ملابس وادور على ذهبي فتحت علبتي ناقصه محبسين ظليت ادور عليهن وشكيت بيهن بس استحي اكللهم حتى اذا اخذوهن بالعافيه عليهن ماريد اتهمهم رجعت الذهب بمكانه ولبست تركسود ردن وطويل لحد ركبتي وحجابي نزلت جوه اعرج باستني خاله وحضنتني كعدت جابتلي ريوك استحيت اكل اكلت شويه واني جنت كلش جوعانه كمت اريد اساعدهن
رانيا. من كل عقلج شوفي حالج ارتاحي
نسرين. احنا هواي بالبيت ماعدنا شي
كعدت ويا خاله هي طبخت الغده وهمه ينظفون اجت كعدت وياي وكلساع تجيبلي اكل وحلويات وسوتلي عصير
أنت تقرأ
جواهر الأدهم (الرحيل الأبدي)
Romanceالحب من أجمل التجارب التي يمر بها الإنسان، ولكن عندما يفارق الإنسان حبيبه يصبح الحب عندها أصعب ذكرى، ودون سابق إنذار يفارقونا بعد أن امتلكوا كل شيء فينا فأصبحنا نتنفسهم وينبض قلبنا بوجودهم معنا. #جواهر
