#جواهر الأدهم(الرحيل الأبدي)
للكاتبة: ســدرة الـطـآئي
ثمةَ مشاعرٌ ..
تأتي كهزةٍ عنيفةٍ تأكلُ اخضِراركَ بوحشية
تستنزِفُ كلَ طاقَتِك
وتعبثُ في امانيكَ الخصبة
تأتي حتى تبقى سمومُها كدرسٍ قاسٍ لا تنساه
كلَّما ابتغيتَ الهُروبَ لأرضٍ لا تليق بك..
ــــــــــــــــــــــــــــــــــــــــــــــــــــــــــــــــــــــــــــــــــ
سبحت وطلعت مالي خلك انشف شعري ماوكفت بجي لحد هسا خسرت حلمي اني بسببه راح يروح كل تعبي ومابيدي شي حسبي الله تمددت بقيت ابجي كارهه روحي غمضت عيوني وفزيت على ثقل راسه خفت يرجع يضربني رجعت لي ورى اريد اكوم سحبني كرص ايدي نزلن دموعي خله راسه ع صدري وغمض عيونه بقيت ابجي بلا صوت گلبي محترك اني وهو ماهامه شي بجيت بغصه رفع راسه يباوعلي
ادهم. عليمن تبجين على حبيبج لان بعد ماتشوفيه
جواهر. كافي تكولي هيج ليش تظن بيه سوء ماعندي شي وياه مو كتلك ماعندي شي وكلت تدري
ادهم. اي وبعدج تحبيه
جواهر بجي. ماحبه اكرهه والله اكرهه وداعت امي وابوي اكرهه كلش ولو يبقى اخر رجال بالعالم هم ماخذه
ادهم. لاتجذبين
جواهر. والله مااجذب اني
ادهم. كلتيلي نفس الشي لو يبقى اخر رجال ماخذه وهسا تزوجنا
جواهر برجفه. شمدريك لو مو صدك
شبك ايدي حيل عض مكان عظم الترقوه صرخت وبجيت
ادهم. شمسويلج تبجين ضاربج بوكس
جواهر بدموع. رجال اني كل هذا سويته بيه تكولي شمسويلي انت تدري كميه الاذى لتعرضتلها ضاربني حيل وجسمي كله يرجف من الوجع مداتحمل فوك كلشي جاي تهين بيه وتكول
ادهم. وانتي شسويتي؟ شردتي من زوجج مايهمج السمعه شنو يحجون عليج وعليه زين شلون تطلعين وحدج لو احد متعرضلج لو انخطفتي
جواهر. ماجان يهمني كلشي اكثر من كلامك وياي انت على لسانك كلتها وحسيتك دتطردني بغير طريقه انت تريد تطردني من البيت بس ليش دورت عليه
ادهم. ماطردتج انتي حسيتي هيج لان اكو شي مافهمتي
جواهر. شنو هو
ادهم. مو الوقت المناسب
جواهر. يعني شنو شوكت راح انتظره
ادهم. هواي راح تنتظرينه جواهر بس بعدها راح تلكين شخص مختلف مو ادهم الي انتي تعرفيه
جواهر. ليش ماتتزوج حبيبتك
ادهم. انسي كتلج لاتحجين عنها
جواهر. بلى يمكن هي هاي فاطمه مو
ادهم. انتي ليش فصوليه؟ منو فاطمه
جواهر. تكولي ليش فضوليه وانت كل لحظه تحجي عنها كدامي من تنام تبجي وتنطق اسمها ومادري شتحجي ومره اتذكر من حضنتني هذا اليوم جنت تحسب هاي هيا يعني ماضميتني لان جواهر مرتك بس لان حسيت حضن حبيبتك وهسا انت جاي تحضني من حبك الها صرت تتخيلها اني.. ادهم ليش ماتحجي انت شكد تحبها
ادهم. احبها اكثر من روحي 13سنه وراح تخلص هالسنه واني ماناسيها ولامره لفتت انتباهي غيرها حبي الها كل يوم يزيد اكثر من قبله تمرضت عانيت اكتئبت انتحر**ت شمدريج كل هذني جزعت منهن ومالكيت حل
أنت تقرأ
جواهر الأدهم (الرحيل الأبدي)
Romanceالحب من أجمل التجارب التي يمر بها الإنسان، ولكن عندما يفارق الإنسان حبيبه يصبح الحب عندها أصعب ذكرى، ودون سابق إنذار يفارقونا بعد أن امتلكوا كل شيء فينا فأصبحنا نتنفسهم وينبض قلبنا بوجودهم معنا. #جواهر
