ماهـذا إلا انتقـام حُب

«6»

بْسـم آلُلُہ آلُرحٍـمـنْ آلُرحٍـيَم .
•
•
- في اليوم الثاني -
يصحى تشان من النوم ويبدل ملابسه ويدخل للمطبخ  ،،
تشان: بيلا (طبعا يمكن اجيب العيد اسميها بيلو لكن افهموها تراها الخادمه)
بيلا: امرك سيد تشان؟
تشان: روحي لتوانا وصحيها
بيلا: حاضر وراحت لها وصحتها  ،
توانا بنعاس: ماراح اروح!
بيلا: اء توت يلا سيد تشان ينتظرك واذا تاخرتي بيزعل عليك
توانا: خليه يزعل اكرهه!
بيلا باستغراب: توت؟
توانا: مابي روحي وقولي له توانا تكرهك وماتبي تداوم!
بيلا ابتسمت وجت جنبها وجلست: وش فيك زعلانه؟
توانا: مافي شي
بيلا: اكيد فيه شي ولا هالوجه الحلو يزعل كذا؟
توانا: بس انا مو حلوه
بيلا: من قال هالكلام؟!
توانا: البنات
بيلا بدت تفهم الموضوع والسالفه: امم اتوقع عرفت سبب زعلك، سخرو منك صح؟
توانا اشرت بزعل ” أيه “
بيلا: انتي حلوه واحلى البنات تدرين ولالا؟ ولايهمك كلامهم هذولي غيرانين وحاقدين عليك
توانا: اوف تمام عشانك، وراحت تلبس وتجهز وبيلا راحت تبتسم وتضحك بخفه ،،
- في السياره -
تشان: اخيرا بدري؟
توانا بزعل: لاتكلمني!
تشان ابتسم وهو يحب يستفزها لما تعصب حرفيا نسى ليه خطفها من اهلها؟ وليه رباها؟   ،
تشان: عادي مايهم
توانا: ايه انت اصلا وحش محد يحبك
تشان باستفزاز: اامم تمام اجل ليه راكبه معي؟
توانا: نزلني
تشان وقف السياره وتوانا انصدمت وتشان كان بس يبي يلعب معها عشان يروح الوقت ومايقابل زينب
توانا: ليه وقفت؟
تشان بتمثيل الحده: انزلي
توانا: امم ترى امزح معك
تشان بحده: انزلي!
توانا: اف عشان بس كذبت عليك تصدق؟ امزح
تشان: ماعندي مزح
توانا بدت تخاف وبكت
تشان مشى وهو شبه يبتسم: انا بعد امزح
توانا طقته بخفه وهي تبكي: خوفتنني ماراح اروح!
تشان: مزحنا معك لاتزيدين
وصلو لروضة توانا ودخل تشان معها ودخل ع مكتب المديره  ،،
المديره: اوه سيد تشان  ،  تفضل تفضل
تشان جلس بحده وعيونه تطلع شرار: صحيح اللي سمعته امس؟
المديره: اء ايش اللي سمعته؟؟
تشان: البنات والمعلمات والمديره متنمرين عليها واشر لتوانا
المديره بدت ترتبك وقالت: ااءء انت من؟
تشان بحده: ولي امرها
المديره انصدمت وعدلت جلستها: ااء اعذرنا والله سيد تشان  ..
تشان قاطعها وهو يضرب بالطاوله: ماابغى الكلام هذا  كله، انا ماجيت اتناقش! انا جيت عشان شيئين اذا الكلام صح او غلط وعشان اخذ ملفها
المديره انصدمت واسود لون وجهها: اء ايه بس لاتفهمنا غلط..
تشان عصب وطلب يعطيها ملف توانا وعطته المديره وتشان طلع ومعه توانا
توانا: تشان وش صار؟
تشان: ماصار شي قدامي وركبو للسياره وتشان رجعها للبيت وراح للمدرسه  ،
- في ثانوية كوليج -
يدخل تشان وكالعاده يكون متاخر ،
الاداري: بدري توك تجي؟
تشان ناظره بحده
الاداري اعطاه دفتر المخالفات: امسك وقع تاخير
تشان وقع: امسك ولاتغثني من صباح الله
الاداري بحده:الفاظك ياولد ولا والله ارفع اسمك للمدير
تشان ضحك باستفزاز: ترفع اسمي؟ ههاي شكلك جديد وماتعرف تشان جان  اك؟
الاداري كان جديد ومايعرفه لكن ماكان مهتم له ومستعد لاي تصرف مثل هالطلبه ، لكن وين؟ وتشان الوحيد اللي مسيطر عالكل بحدته وهيبته ويكفي انه (تشان جان ايف اك) من اغنى العائلات واشهرها بهالمدرسه وبأسطنبول كبرها
الاداري: ماراح نرفعه لكن بيوصل الخبر للاشراف ويتفاهمون معك ولاتحسب الموضوع واسطات ترى المدير والمالك ممنوع يتدخلون بالموضوع يكون بينك وبين الاشراف
تشان هنا انصدم وناظر الاداري ب كره ومشى وهو مو بالعه ومو مرتاح له ،،
- في الفصل -
المعلم: اوه صح النوم؟ متاخر اليوم بزياده
تشان بملل: صار لي ظرف ماقدرت اجي
المعلم: رح اجلس وراح تشان وجلس
وفاء بهمس: تعال انت! من امس وانا ابغى اعرف وش سالفة البنت؟ مو انت تقول ماعندك اخوان وكلهم ماتو واساسا مالك اخت!؟؟
تشان ناظره: بفهمك بعدين   ،
مر الوقت وانتهت الحصه وكان وقت فسحه
وتشان مشى وهو يقول لوفاء: اسمع هذي سلمك الله بنت عمي وطلعت مع السواق حقي وجت تاخذني بس واضح زعلانه
وفاء بشك: تشان؟ انت قلت ان بنات عمك حولك؟ يعني مو صغار واصغرهم يمكن اكبر من هالبنت
تشان زفر بقهر من كشفه: اف مسوي قفطه؟ شف بيني وبينك هذي اخت واحد من معارفي وهو سافر وخلى اخته عندي وتعرف ماعندي احد وفاضي ووافقت
وفاء ناظره بصدمه: مجنون؟ وشلون بنت صغيره انت وياها؟!!
تشان: وش بيصير؟ بعدين هي كل مره تجي معه وتعرفني وانا مهمتي انتبه لها لا اكثر
وفاء ضحك بصدمه: تستهبل؟! لا انت انهبلت!
تشان بحده: قصر حسك! ولايدري احد ياوفاء! هذا سر بيننا
وفاء: طيب اعمامك يعرفون؟
تشان: ولاراح يعرفون!
وفاء انصدم اكثر: الله يستر منك وانا اخوك
ابتسم تشان بخفه: عشان كذا سكر حلقك  .
-
بينما ليا وزينب يتمشون
زينب: ليا قسم قهرنني وشلون كذاا ليه يقول كذا؟؟
ليا: افاا وراك زعلتي؟ صدقيني هو ترى من امس حالته حاله ومن جت اخته عنده وهي تبكي كان منصدم واضح عنده سالفه
زينب بصدمه: اخته؟؟ ماذكر عنده
ليا ببتسامة: الا عنده جت امس وهي تبكي ودخلت بالفصل وحضنته وكانت تقول له اشياء ماسمعتها وهو انصدم وعصب وطلع واخته ماشاءالله تبارك الله تهببل مرره تعرفين القمر؟ احلى منه بس يقولون الطلاب انها أبداً ماتشبهه ويوم شفتها فعلا ماتشبهه كل واحد له جماله الخاص!
زينب بصدمه: كم عمرها؟
ليا بضحك: نونو يمكن 4 او 5
زينب: جاني فضول اشوفها
ليا: نشوف تجي اليوم او لا وقاطعهم تشان ووفاء اللي شافوهم وهم يمشون
ليا: هذول همم اسمعي بروح لتشان واضبط الوضع اوكي؟
زينب: زين وراحت ليا عدلت شكلها وجت لهم
تشان بهمس: اللهم صبرك ياروح
ليا: ااء تشان
تشان: نعم؟
ليا: اء سمعت امس الطلاب يقولون ان اختك اخذتك
تشان ناظر وفاء وقال: ايه؟
ليا: بس مااذكر لك خوات؟
تشان: اء هذي مو اختي
ليا باستغراب: اجل من؟ الكل يقول انها اختك لكن ماتشبهك
تشان: لالا مو اختي غلطانين
ليا: اء اها حسبتها اختك
تشان ضحك بسخريه: مافينا شبه عشان نصير اخوان
ليا: تمام طولت معك بس ينفع اليوم اقابلك عندي شي مهم بقوله لك
تشان ناظر بحده: مااقدر ، وفاء تعال بالله ابغاك بشيء وراحو  ،
ليا بعصبيه: اجل انا تسوي فيني كذا؟؟ هين والله مااخليك ياتشان تمشي كذا ولا بعد ذي العوبه زينب تبيه! ومشت يمر الوقت وتنتهي الحصص ويرجع تشان للبيت   ....

1445/11/15 (الخميس)
الكاتبه✍🏻 | نُوني