ماهـذا إلا انتقـام حُب

«11»

بْسـم آلُلُہ آلُرحٍـمـنْ آلُرحٍـيَم .

بكير: تمام ماتبين تحلين؟؟ نقصت منك درجه اجلسي!   ...

بعد مرور وقت وانتهت الحصه وتوانا طلعت للحمام تجدد مكياجها  ،
تمسكها تارا وتجي فتون قدامها
توانا: ههيي؟! اانتيي وياهاا خيير!!
فتون ضحكت بخبث: امم اسمع نباح
تارا: ايه مثلك
توانا: اعلمك النباح هذا ايش! ورفست فتون ومسكت تارا تدفها معها
فتون: هيههيه!! وبدون يضربون بعض  ،
ويدخل احد الاداريين ويشوف الوضع ويبلغ المدير ويسحبونهم للاداره  ،
--
داخل مكتب تشان اللي كان جالس ومو طايق شي لكن يجيه اتصال من احد الاداريين: السلام عليكم
تشان: عليكم السلام؟؟
الاداري: تعال حالا للمدرسه ياولي امر توانا
تشان: سلامات وش صاير؟؟
الاداري: تعال وبتعرف تشان قفل الخط مصدوم جت بباله توقعات كثثيير لكن شالها من باله وطلع من مكتبه متجه للسكرتير شاكر ينطق: اسمع ياشاكر انا رايح
شاكر: سيدي شلون تروح؟ وبعد نصف ساعه بالتمام بيكون فيه اجتماع مهم مع الشركه الاخرى ولو اجلناه بيروح العقد!
تشان: خلاص كلها نصف ساعه وراجع
شاكر: اء تمام وراح تشان متجه لمدرسته القديمه اللي صارت الان مدرسة بنت عدوه اللدود «سيركان» واللي كان الكل يتذكره ومافي احد نساه لا من طلاب ولا من معلمين ودخل تشان المدرسه خايف والكل التفت عليه والاداريين والمدير ومصدومين وفوقها انه صار اجمل من قبل
الاداري انصدم (تذكرون الاداري اللي هدد تشان بأنه لو شاغب ولا سوا شي مخالف انه راح يوديه للاشراف؟ ايه هذا هوو بنعطيه اسم سليم)
سليم: من انت؟
تشان بعجله وخوف وصدمه وغضب بنفس الوقت: ولي امر توانا
انصدم سليم من فهم انه ابوها كيف كبر وتزوج وجاب بنوته حلوه ولطيفه لكنها ماتشبهه
سليم مشى وتشان مشى وراه ودخلو وكانو في اداريين واساتذه ومن بينهم المدير  ،
المدير: اوه اهلا
تشان: اهلين  ،  ودخل سليم توانا وفتون وتارا
توانا شافت تشان وركضت ترتمي لحضنه تبكي وتشان مصدوم يبادلها بخوف وحنيه: افا افا وش فيك؟!
المدير انصدم ليه تحضنه؟! ومن يكون لها تشان؟!
تشان: توانا جنم ابوي انتي علميني وش صاير!
سليم: اء سعادة المدير، ترى هذا هو ولي امر توانا
المدير: اها
توانا بعدت تمسح دموعها وقال تشان: وش صاير؟
سليم: يافتون تارا اطلعو شوي وطلعو
المدير قاله اللي صار وتشان انصدم يناظر توانا: توانا؟!
توانا ببكي: والله انهم بدو وجابو معهم بعد كم ولد يطقوني! مااقدر اسكت عن حقي واخليهم!
بكير: اساسا جميع درجاتك نازله من اول الترم! هذا شي معقول؟!
سليم: اذكر طالب عندنا كان ذكي ياتوانا ذكي وفاهم وشاطر لكن مشكلته انه كان عنيد ومو مهتم لشي اسمه مدرسه ومشهوور جدا يمكن الي معك بالمدرسه كلهم يعرفونه لان الكل كان يتكلم فيه
توانا: طيب انا شدخلني فيه؟!
سليم: هو الحين كبر وماندري وش صار عليه لكن للحين محد نساه ودخلك فيه انك تنتبهين! مانبيك ترسبين تعيدين السنه!
المدير: عالعموم بنضطر نعطيك تعهد ومخالفه
توانا أنصدمت
تشان بحده: ماراح تعطيها شي، اعتقد البنت ماسوت شي غلط! اللي سوته كان شي ضروري تسويه واللي هو تدافع عن نفسها لكن والله لو سكتت لكان تمادو! وان كانكم ماتهتمون لهالشيء انا اللي راح اقلب الموضوع عليكم واعرف اتصرف عاد
المدير انصدم: اء لا انت فاهم الموضوع غلط احنا بس بس..
تشان: لابس ولا شي! وطلع البطاقه من جيبه: معاك مالك ومدير شركة ايفيه " تشان جان ايف اك "
المدير والكل انصدمو وناظروه كيف تغير وزاد جمال اكثر ولابعد شركه!  ،
تشان: اذا درجاتها نازله عندك يااستاذ بكير ف هذا مو مهم! لاني اعرفك زين واعرف بلاويك واذا بتعدل اسلوبك او برضو افضحك قدام الاشراف
المدير: صل عالنبي واذكر الله ماله داعي نكبر الموضوع
تشان: اسمعوني انت وياه لاتحسبون تشان القديم راح وخلاص عقل ماراح يسوي لنا شي ولا بيجننا؟
ترى تشان للحين مانسى ويقدر يجننكم بثواني من اللي بيسويه ويمين بالله لو احد مس شعره وحده بس ولا قال اء لها اني لاانهيكم انتو ووظايفكم  ، توانا يلا
توانا ابتسمت بانتصار تطلع وهي تضحك مستانسه  ،
سليم: كذا بتخرب بنتك ياتشان!
تشان: اخربها مااخربها مو شغلك! الحق ينقال
المدير وهو يتأمله: والله وتغيرت ياتشان وتزوجت وبعد عندك بنت؟ غريب والله يعني انا مستغرب
تشان وهو يدخل اغراضه من العصبيه: من قالك اني متزوج؟ المدير باستغراب: هاه؟ واجل هذي مين؟
تشان ابتسم بخفه يقول: اذا كنت تذكرني زين ف بتذكر البنت اللي دخلت علي الفصل تحضني وراح  ،
وانصدم المدير يناظر توانا بصدمه وهي فعلا كانت مره تشبه البنت اللي حضنته لكن لحد الان ماعرف وش تصير له والجميع عارف ان جميع عائلة تشان توفو! وبالاساس تشان ماله خوات!
--
طلع تشان ماسك يد توانا ومعصب من مدرستها بأكملها!  ،
لكن جوال تشان اللي بدء يدق واخذه تشان يرد  ،
تشان: هلا شاكر؟
شاكر: سيد تشان تاخرت مرهه على الاجتماع وقد هم وصلو!
تشان بعجله: احه! خلاص الحين جاي بس جهز ملفاتي والاوراق
شاكر: حاضر، انتظرك وقفل  ،،
وتشان لف لشركته ووصل ودخل وتوانا معه مستغربه لكن الموظفين كانو اكثر استغراب، من هذي؟ وليه تمشي مع تشان؟ استبعدو انها اخته بسبب فرق الشبه بينهم!
تشان: شاكر خذ توانا وخلها تروح لقسم البنات واشرح لها وش تسوي
شاكر: حاضر وتفضل هذي اغراضك
واخذها تشان مستعجل وراح تحت انظار الكل  ،،
شاكر: اجل موظفه جديده؟ تعالي اعرفك على قسمك وراحت معه توانا لكن قالت: انا مو موظفه! بس تشان تأخر عشان كذا جابني معه
شاكر: اها اجل خلاص روحي لمكتبه
توانا: امسك الشنطه وشالها باستغراب
توانا شمرت اكمامها وقالت: اعرف للحواسيب تقدر تدخلني على هالاقسام؟
شاكر: بس تش..
توانا رفعت حاجب: تشان يولي! انا مسؤوله ماعليك وودني لقسم البنات تحديدا للحواسيب واذا تعرف المدير القديم ياغيز ايف اك ترى لي معرفه فيه ومعرفه قويه! ف لاتضيع وقتي
شاكر خاف لانها مع تشان كان مستعجل ومثل معطيها الحريه والحين جابت طاري ياغيز! ف سمع لامرها يمشي وقال: حاضر اء سيدتي وابتسمت  ،
صحيح توانا صغيره بعمرها انها تدخل شركه وتشرف على شي لكن عقلها اكبر وتعرف اشياء اكبر من عمرها وهالشي تعلمته من تشان اللي كان معيشها هالشعور  ،
- داخل قسم البنات -
بعرفكم عليهم بشكل سريع  ،
هند: ليدر القسم للبنات تحديدا الحاسب شايفه نفسها بزياده ليش ان تشان اختارها من بينهم وهو مادرى عنها
جمان: عمليه ومايهمها احد غير شغلها وهي السكرتيره الخاصه لتشان وهند تغار منها
مينيه: حالها حالل نفسها فلاويه حش سوالف كل شي عندها
مياده: مكتوبه تصير البست فرند لمينيه وكلهم نفس الطبايع
ناز: صديقه لهند لكنها موظفه عاديه مثل مياده ومينيه  ،
ابطيت صح؟
--
شاكر: تفضلي سيده توانا الكل لف ومصدومين
هند بغرور: شاكر من هذي البزر ليه جايبها مو قال تشان ممنوع الصغار والغرباء؟! والله يويلك
توانا: تمام شاكر تفضل اطلع وحط شنطتي بمكتب تشان واول مايخلص تشان اجتماعه قل له توانا تعطيك بوسه
ضحك شاكر: حاضر وطلع  ،
توانا: ايوه عرفوني على انفسكم
مينيه ابتسمت: هلابي، انا مينيه وهذي صديقتي مياده واكبر مغرور بالعالم هند وصديقتها ناز واخيرا
الهاديه حقتنا جمان
توانا ابتسمت: ااها تشرفت بمعرفتكم
البنات ماعدا ناز وهند: الشرف لنا
توانا: طيب وش شغلكم هنا؟
وبدو يقولون لها  ،
توانا: اها حلو، وراحت جلست على احد الكمبيوترات
هند: هيه بنت! تخرب!
توانا: امم اقول عطوني مهمة طلبها تشان
مينيه: امم افتحي الملف اللي جنبك فيه مهمه
توانا ابتسمت وفتحت الملف: بدينا بسم الله وبدت تشتغل والبنات عيونهم عليها مستغربين  ،،
--
بعد مرور ربع ساعه من الاجتماع وتم العقد بين الشركتين وانتهى  .
خرج تشان من الغرفه متجه لقسم البنات
ودخل  ،
وكلهم وقفو ماعدا توانا مشغوله بأخر مهمه لكن صرخت من سمعته دخل ويتكلم بصوت خشن حاد!
تشان ناظرها: وعمى!! وسكت من استوعب
توانا لفت: خرشتني ياخي كنت بخلص!
تشان: اتركيه بنشوفه سوا  ،  عالعموم هاه هند جهزتي اوراقكم؟
هند بغرور: ايه تفضل توانا ناظرتها بقرف
تشان: حلوين، خلاص اجل اخذو راحتكم بالسوالف
توانا: خير؟ وموضوعي؟!
تشان ضحك بخفه: اجلسي وعلميني وش جبتي العيد فيه وتوانا ورته وعدله تشان وضبط
تشان: خلاص كذا زين ،
جمان: ايه صح سيد تشان اتصل علي سيد ياغيز يقول بيقابلك ويشوف اوضاع الشركه وخمس دقايق وبيكون عندك
تشان انصدم: صادقه؟!
جمان: ايه
توانا وتشان ناظرو بعض
توانا: وش السوات الحين؟!
تشان: اصبري اصبري!، مشكلة عماني بيعرفونك من لبسك! واسلوبك وحركاتك!
توانا بتفكير: تشان عندك زي رسمي للدوام؟
تشان: عندي لشريكة المدير
توانا ابتسمت تناظره بخبث وهو فهمها والبنات مصدومين
تشان بصدمه: مجنونه؟
توانا ابتسمت: والله اضبط الدور بس عطني فرصه
تشان: اجل الحقيني وركضت توانا معه وراحو  ..

( لم يتم كتابة التاريخ لكنه كان في عام 1445)
الكاتبه✍🏻 | نُوني