ماهـذا إلا انتقـام حُب

« 13 »

بْسـم آلُلُہ آلُرحٍـمـنْ آلُرحٍـيَم .

- اليوم الثاني -
صباح جديد ويوم جديد غريب مليء بالحماس لتوانا والكآبه لتشان يوم الوداع والفراق يوم تعارف توانا لأسرتها عائلتها الحقيقيه اللي يشبهونها واللي تنتمي لهم  .
تصحى توانا من النوم بحماس تغسل وجهها تسوي عنايتها وتروح لغرفة تشان بدون مقدمات تتجه له
توانا بضحك وحماس: تشاان ققم تشان!
تشان بنعاس: توانا؟
توانا ابتسمت بضحك وحماس: ايه! يالله قم سرعه
تشان: شوي توانا: تشان مافيه شوي يالله! افف وسحبته مع يده وقام بصدمه: خرشتيني!
توانا ابتسمت: اسفه بس هذا الحل الوحيد معك
تشان ناظرها بهدوء: ياصبر ، وتوجه يغسل وجهه ويبدل لبسه وينزل تحت ويشوف توانا تفطر وتتابع بايبادها مسلسلها
تشان: ماشاءالله وش تسوين؟ توانا ابتسمت: افطر خذ جرب انا سويتها تشان ابتسم ياخذها: امم لذيذه اهنيك! توانا ابتسمت: شكراً
تشان شاف الساعه: افطري بسرعه وبدلي ملابسك واجهزي لان الوقت مايساعد توانا ابتسمت: تمام وحلو انك فهمت كل شي بدون مااقول تشان: طيب وقفي فلسفه وخلصي
ولبسو وتجهزو وركبو ،
توانا ابتسمت بحماس: تشان عادي لو مرينا محل الورود واخذنا فيه باقة ورد لماما وبابا؟
تشان ابتسم: وتسألين؟ اكيد عادي ومروه واخذو باقتين ومرو الكوفي بحكم انه الطريق طويل  ،
توانا ابتسمت: تشان متحمسسه مرره تشان ابتسم: من يلومك؟
-  قصر الجده جانو -
ياغيز: يعني بتخلونه يروح؟ منجدكم!
نيزات: تشان مو صغير ولا غبي هو يعرف ويدري بمصلحته اكثر مننا
ياغيز: يعني راضين ان ولد اخوكم الناجي الوحيد يموت بين ايدي عدوكم؟ وبكامل رضاكم!!
كرم: لا، محد راضي لكن تشان علاقته ببنت سيركان قويه! ومستحيل يخليك تقربها! وغير هذا هو وعدها تبيه، يخلف الوعد!!؟
ياغيز عصب: اووف تشان اوف!!
اليسا: ياغيز اهدى اهدى ،
ياغيز: شلون اهدى منه؟؟ علميني
سنان: ادق عليه؟ ياغيز: دق! نيزات: تعال هيه وش تدق؟! وش بتقول؟!
سنان: عمي لو سمحت اعرف اتصرف ترى ودق وبعدها بوقت سمع صوته  ،
تشان: هلا سنانو؟ سنان ابتسم: اهلين تشان فاضي؟
تشان: عندي مشوار اذا خلصته رديت لك خبر ليه؟
سنان: ابيك تجي الحين مجتمعين في بيت الجده جانو وكذا وابيك معنا
تشان: لاسلامتكم عندي مشوار طويل سنان: تمام اذا خلصته تعال
تشان: مااضمن لك الجيه باي سنان: تمام جنم باي وقفل
كرم: احس انه بالطريق! نيزات: اكيد!
-
وصلو لقصر السيد سيركان اودور توانا بدت تتوتر وتخاف من شافت المكان محاط بالحراس والبوديقارد الموجود بكل مكان ومسكت ذراع تشان بتوتر: اء تشان خ خ خلنا نرجع
تشان: تستهبلين؟ يوم وصلنا امشي مايخوف جنم عادي ومشو
الحارس: لحظه! من انت؟ تشان بحده: سيد سيركان موجود؟
الحارس: ايه، ليه من تكون؟ تشان بحده: شخص بيهديه هديه
الحارس شاف باقات الورود واشر للبوديقارد يفتحون البوابه وكلم سيركان وقاله وسيركان نزل وانصدم من شافهم ماعرفهم أبداً  .
سيركان: من انتو؟ تشان: ماعرفتني؟ لا كبيره!
سيركان ناظره باستغراب: امم لا من هذي؟
توانا خافت وراحت ورا تشان خوف من نظرات سيركان لها الغريبه والحاده
تشان: سيركان بدخل معك على طول  ،  انا تشان جان ايف اك واللي معي هي بنتك وحيدتك تيا واذا مو متاكد؟ معي جميع الاثباتات اللي تثبت بهالشي انهبل سيركان وناظره بصدمه كبيره
سيركان من الصدمه طاح (لكن مااغمى عليه)
توانا خافت: يمه! تشان انصدم ومسكه يرفعه: اهدى اهدى بسم الله تعال نجلس وبعلمك كل شي
سيركان برجفه واضحه يناظر توانا: اءء تيا؟؟ هذي هذي تيا؟ تشان: ايه والله تيا والله دخله سيركان لأحد الجلسات وجلسو
سيركان شرب المويه وقال: عطني الاثبات وعطاه تشان بحده وحذر وسيركان فتحه واخذه وانصدم حرفيا هي نفسها بنته!
سيركان ناظرها بصدمه ودمعته بدت تنزل بيروح لتوانا يضمها لصدره لكن توانا خافت اكثر وبدت تبكي تحضن تشان
تشان انبلش: تيا هذا ابوك وش فيك خايفه؟ توانا بخوف: هذا بابا؟ تشان: ايه هذا ابوك توانا بخوف: ااء مابي خله يبعد ابي ماما
سيركان: اناديها لك جنم بس تكفين امسحي دموعك علميني من اخذك من بين يديني؟؟؟ توانا: بتعرف كل شي بس ناد ماما اول سيركان ابتسم وخف بمشيه يروح يناديها  ،
تشان: توت؟ توانا حضنته بقوه: تشان بفقدك اصلا خايفه افارقك وتنساني تشان بادلها بقوه يبتسم: ياعيوني انتي انا اللي بفققدك! اهخ
توانا ابتسمت تمسح دموعها من جت امها تركض تحضنها وتوانا ابتسمت تبادلها بكل قوتها وثنتينهم بكو
سيلان مسحت دموعها تضمها لصدرها: اهخ يابنتي وين لقيتوها؟ وشلوون؟ تيا ماما وش صار لك عذبوك سوو لك شي؟
توانا ابتسمت: اذا انا مع تشان ف طبيعي مايصير فيني شي! كان يلعبني ويدلعني ويشتري اللي ابي كأني بنته امم لا كأني اخته
انصدمو كلهم والتفتو له
تشان بهدوء يسلم نفسه: تمام سو فيني اللي تبي انا خطفتها من عندك بيوم ولادتها ولااحد كان يدري واعمامي توهم امس درو وسوو سالفه وهاوشوني ودامها عرفت قلت لازم ارجعها لاهلها على طلبها
سيركان ناظر تشان بحده ومسكه: انت حرمتني من بنتي تدري كم سنه؟! 15سنه!
توانا خافت: بابا خله تكفى سيركان: هذا اللي خطفك!
توانا: خله! والله ماارجع معكم واكرهكم بعيشتكم لو سويتو فيه شي اتركه! سيركان ناظر تشان بحده وتركه
توانا: تشان كان يوم خطفني منكم نيته ينتقم منكم ويقتلني لانكم قتلتو اهله لكنه تراجع من هالقرار بأول اسبوع من خطفه لي وقرر يعتني فيني وكبرت معه وانا ممتنه له كثيير
سيركان انصدم من كلامها وسكت ولااعطى رد واكتفى انه يطلع من القصر  ،
تشان: سيركان! سيركاان ولحقه لكن اختفى عن الاثر
ورجع لهم  ،
سيلان بحكمه: تشان  .. خله بحاله هو اساساً مو مستوعب كل اللي صار وتيا ضغطته زياده انه مايسوي لك شي بيرجع يهدى ويستوعب
تشان: ماني راجع الا وسيركان هنا موجود يقرر براحته
سيلان: بس.. تشان قاطعها: بدون بس كلامي قلته مره وحده وبيصير!
سيلان سكتت وناظرت توانا تبتسم بقلة حيله: تيو ماما تروحين الحين مع الخادمه توريك غرفتك وكل شي يخصك
توانا ابتسمت: تمام ماما بس برتاح شوي هناك
سيلان ابتسمت: خذي راحتك يماما توانا راحت مع الخادمه وحطو الخدم امتعتها ويرتبونها بالدولاب بشكل سريع ومرتب وعلمو توانا اساسيات الغرفه والحمام وإلخ  ..
- منزل الجده جانو -
بمرور الوقت ينضرب الباب بقوه والكل يستغرب وتفتح الخادمه ويدرعم سيركان متوجه لنيزات يمسكه مع ياقته
سيركان: الحين بتجي معي للقصر وتسمع ولد اخوك وش يقول!!
نيزات: وش قال؟ سيركان: ***** ياغيز انصدم
كرم: تمام المشكله بينك وبينه احنا وش دخلنا؟
سيركان بتلف اعصاب: ابي اقتله! بس ماني قادر!
نيزات: رح اقتله عندك يدين ورجلين سيركان بعصبيه: بنتي تحبه! بنتي متعلقه فيه! وقالت لو اسوي شي له لاهي بنتي ولا انا ابوها!
ياغيز باستغراب ودهشه: المطلوب؟ سيركان: تمسكون ولدكم وتبعدونه عنها!
كرم: الشيء هذا فيه تشان ابعدني منه! الولد مصّر وكلامه ثابت وبنتك عنيده وخذت من طبعه وصار اصرارها قوي مثله، تتوقع كل الانسجام وتشابه صفاتهم بنقدر نفرقهم؟ الجواب لا طبعاً
سيركان غمض عيونه بغضب: عطني رقمه وعطاه ودق والكل معطيه وضعية البرود وحط سبيكر
تشان: نعم من معي؟
سيركان: تشان الحين تروح بيت جدتك تشان: جدتي فيها شي؟؟ ياحقييير وش سويت فيها؟؟؟؟ قلت لك اقتلني سو فيني اللي تبي جدتي شدخلها؟؟ والله مااسامحك ياسيركان لادنيا ولاآخره الحين جايك واشوف نهايتك ياكلب! ووصل وسمعو صوت خطواته المستعجله وبدون استيعاب شافه وجاء مسكه يثبته بحذر وعصبيه: وش سويييت وينها جدتي؟؟؟؟؟
سيركان انصدم او نقدر نقول الكل انصدم! جانو: تشان؟؟ تشان تركه والتفت لها: اانتي بخير؟؟؟ وراح لها يحب راسها ويدينها  ، ٠
تشان: نعم؟ وش جابك هنا؟
سيركان: انت تدري ليش تشان ابتسم: اهلي مالهم شغل في هذا الموضوع
سيركان: الا لهم! واسمعني راح تروح وتبعد عن بنتي ابيها تنساك! تفهم؟؟؟
تشان ببرود: بس؟ سيركان: هذا المهم
تشان: اجل انت ابعد عن عائلتي سامع؟
سيركان: ببعد وبخليك تعيش حياتك واحنا كذلك لكن علاقتك ببنتي امسحها! وانا الحين اوعدك اني مااقرب ولا اسوي شي لا لك ولا لأقربائك واهلك!
تشان ضحك باستفزاز: وانا مااوعدك اني بمسحها توكل سيركان طلع من زود الصدمه وسكر تشان الباب
تشان ابتسم: انحلت المشكله، بابسط الاضرار
نيزات: بتقطع علاقتك ببنته سامع؟؟
تشان ابتسم بعناد: امم مااسمع شي احد يتكلم؟
ملتم ضحكت بصدمه: مو صاحي
تشان: ايه ملتم اسمعك بس عمي وش قاعد تقول؟
ياغيز بحده: تشان! تشان: عمي أبداً مااسمعك لو تعلي صوتك شوي
ياغيز زفر: مايتوب خله خله
تشان ابتسم يغمض عيونه: اتفق معك خلوني
ياغيز: لو اني مااحبه كان رفسته مع وجهه مستفز! وضحك تشان  ،
- قصر سيركان -
توانا (تيا) تضحك: ولما ركبت السياره دريت تشان بالمدرسه ورحت له هناك بنصف اختباره وجلست اصيح
سيلان: ياعمري بنتي، انتي جميله
توانا:  اوريك صوري وانا صغيره؟ سيلان بحماس: ايه وريني بس مو الحين اذا جاء ابوك تمام؟ توانا: تمام
سيلان: بس وين خذيتي الصور؟ توانا: تشان كان يصورني كل سنه بالاستديو ويحطها بدفتر خاص واليوم اعطاني اياه وصورني اخر صوره
سيلان انصدمت بس سكتت وقتها وصل سيركان وبدل ملابسه وجاء وتوانا ابتسمت تحضنه: بابا
ابتسم سيركان بصدمه يناظر سيلان
توانا ابتسمت: اسفه كنت خايفه منك ومن نظراتك فما سلمت لكن خلاص الحين فهمت واستوعبت
سيركان ابتسم: تعالي يابابا اجلسي وجلست معه
سيلان: ترى بتورينا الحين صورها وهي صغيره
ابتسمت توانا: اي صح بابا تشوفها مع ماما؟
سيركان: ليه لا وجو جنبها وفتحت توانا الصفحه الاولى وكانت توها مولوده  .....

1445/12/27 (الاربعاء)
الكاتبه✍🏻 | نُوني