ماهـذا إلا انتقـام حُب

« 12»

بْسـم آلُلُہ آلُرحٍـمـنْ آلُرحٍـيَم .

- في مكتب تشان -
وكانت معهم جمان لانها السكرتيره ،
توانا: كيف؟
تشان: امم حلو نوعا ما
جمان: انتظري وعدلت شعرها
تشان: ايه حلو، حاولي تصيرين جديه والاستهبال مو وقته زين؟
توانا ابتسمت: بتنصدم مني
تشان: الله يستر
جمان: اووه جاء جاء وعدلو جلساتهم وطلعت جمان تستقبله: اهلا سيد ياغيز تفضل
ياغيز: مشكوره ودخل ،
تشان: اهلين عمي
ياغيز: اهلين تشان، اوه مرحبا من انتي؟
توانا ابتسمت متورطه وش تقول لكن صافحته تنطق: معاك شريكة المدير تيا اودور تشان وياغيز انصدمو تشان كان مصدوم انها قالت اسم عائلتها الحقيقيه واسمها الحقيقي اللي كان اسمها تيا اما ياغيز انصدم بأنها من الاودور وبنت عدوهم وكل المدينه كانت تعرف بأنها مفقوده وناس كثير قالو ماتت ،
ياغيز طاحت منه الاوراق وتوانا استغربت منه واللي اثار استغرابها صدمة تشان لها وكان مصدوم اكثر!
توانا: اء فيه شي؟
ياغيز ناظرها: اء انتي بن بنت سيركان المفقو.. ده؟؟
توانا ضحكت مستغربه: وش تقول؟ غلطان لا مو مفقوده انا
ياغيز ناظر تشان: تشان! هذي بنت سيركان اللي قتلت عائلتك!، اصبري كيف نجيتي؟! من خطفك!
توانا بدت تخاف من شافت تشان متوتر ويناظرها
وبدت تدمع: لاتصارخ
تشان: عمي اهدى نتفاهم بالموضوع بعدين
ياغيز: تشان تستهبل معي؟! البنت مفقوده من ولادتها واهلها بحثو عنها لين ماتت روحهم والحين تقول الموضوع بعدين!
تشان: وشلون تصير مفقوده من 15 عام وهذي كبيره! عمي ركز شوي
ياغيز ناظرها: بس وجهها برضو طفولي! وتشبه ابوها كثيير ،
تشان يوم يخطف توانا ماكان يعرف اسمها الحقيقي ف سماها توانا لانه كان معنى اسمها اول قطرات المطر وهو خطفها بالشتاء وكان وقت المطر ،،
دخلت هند وشافت توانا وحقدت وقالت: اوه بدلتي لبسك المدرسي! هنا توانا انصدمت وتشان تورط خلاص ماعاد يقدر يكذب
ياغيز انصدم: تتستتهبل معي!! تيا كيف جيتي الشركه؟! وليه جيتي
توانا: اوف دامك كشفتني بطّل تقول تيا تيا جيت مع تشان لاني تهاوشت مع بنت
ياغيز: وش معرفتك بتشان؟!!
توانا: كل شي، اعرف عنه كل شي
ياغيز انصدم: يابنتي لاتجننيني احاكيك
تشان بحده: جمان هند اطلعو برا ولاتدخلين ياجمان احد! وطبقو كلامه ،،
ياغيز: تشان بتفهمني وش صاير ولاكيف؟!
تشان: عمي اهدى
ياغيز ناظر توانا: تيا وش تسوين معه؟! لايكون تبين بعد تقتلينه مثل ابوك؟!
توانا: ماعندي ابو!
ياغيز: يووه وبعديين؟!
تشان: عمي هد من بالك وتراك تكلم بنت صغيره يمكن تخاف ماتفهمك كذا اهدى
ياغيز: تشان!
تشان زفر بتوتر خلاص انفضح: اء اطلعي توانا شوي
توانا طلعت باستغراب وتشان التفت لعمه: عمي مااقدر اعلمك شي هنا خلنا نروح للبيت او الكوفي واعلمك
ياغيز ناظره بحده
تشان بهدوء: عمي الموضوع خطير!
ياغيز: بنتظرك! وتشان اخذ اغراضه وطلعو ووصى تشان جمان تحرس المكتب وتمنع من اي شخص مهما كان يدخل وطلعو ،
تشان: يلا توانا انزلي وخذي الملفات هذي وحطيها بغرفتي
توانا: طيب وراحت ،
ياغيز التفت له بصدمه: يامجنون! كل امورك السريه معها!
تشان: عمي اهدى الله يخليك بتفهم وقف عند الدرايف ثرو ياخذ له قهوتين ويتجه لأحد الاماكن الخاليه من الناس وقف سيارته ينزلون ويجلسون على العشب
ياغيز بحده: تشان اخلص علي!
تشان ناظره: عمي اسمع
ياغيز: وشو؟!
تشان بلع ريقه بتوتر يناظره: اء تذكر لما ماتو اهلي؟
ياغيز ناظره: ايه الله يرحمهم
تشان: طيب تذكر لما ماتو بعد كم يوم سيركان جاب بنت
ياغيز: ايه! تيا!
تشان ناظره وبلع ريقه بصعوبه: اء انا انقهرت منه وو ءء
ياغيز ناظره بحده وعصبيه: وايش؟!! انقهرت وايش!!
تشان ناظر تحت: خطفت بنته بالليل
ياغيز انصدم يناظره: نعم!! تشان تستهبل! تخطفها ليهه؟!!
تشان ناظره ودموعه بدت تنزل: عمي انقهرت منه وحركته واخذت منه بنته
ياغيز: وتخليها تدرس وتمشي مع الناس عادي!! ولا كأن شي حاصل؟!؟
تشان: بس..
ياغيز صرخ بوجهه بعصبيه: ولااسمع نفس! اانت الحين تسببت في خطف فتاه وللحين خاطفها! وش سويتت بالبنت!
تشان: اسمعني، يوم خطفتها كنت ناوي نيه شينه وهي اعذبها او اقــًلها لكن يوم شفتها وجلستها بحضني عشان اعطيها رضاعتها تغيرت نظرتي وقررت اعتني فيها واربيها والحين شوفة عينك
ياغيز بقهر: عشان كذا ماكنت تجينا! عشان كذا كنت تتعذر دايم ماتنام!؟! تشان! وتشان سكت يمسح دموعه
ياغيز بصراخ: تككلمم!
تشان ناظره: عمي انا ماعلمت احد غيرك لاني اعرفك زين واثق فيك
ياغيز بغبنه ينطق: انت تدري لو درو اخواني وش بيصير فيك؟ والله ليكسرونك ياتشان!
وسكت وبعدها قال باستعجال: اسمع بتجيب البنت الحين وبتروح بيت امي
تشان انصدم: مجنون؟! تبيهم يكسروني؟!
ياغيز: اجل تخبيها عندك الين يقفطونك وتنسجن! والله وبالله وتالله ان تقوم الحين وتجيبها في بيت امي!
تشان زفر بقلة حيله: ابشر وقامو وتشان اتصل على بيلو تخلي السواق يجيب توانا لبيت اهله وبيلو طبقت كلامه ،
- بيت الجده جانو -
جالسه على كرسيها تغني ومعها شاهيها تشربه ،
لكن تستغرب من اتصال جايها من عيونها وجميلها واصغر عيالها ياغيز: اهلين ياحلمي؟
ياغيز بحده وصوت متغير: هلا امي دقايق وجايينك انا واخواني
جانو استغربت كلامه: حياكم بس وش فيه صوتك صاير شي؟
ياغيز: اء لا بس توي قمت من النوم
جانو شكت: تمام تمام ياروحي انتظركم وقفلو ،،
بعد دقائق يدخلون الكل لبيتها من بنات جانو وعيالها
جانو ابتسمت: اوه حياكم اجلسو والكل استغرب
توانا دخلت واستغربت يوم شافت عماته واعمامه وبناتهم
توانا: اوه .. سلام
الكل: عليكم السلام
جانو استغربتها: مرحبا بنتي؟ من انتي؟ مضيعه شي؟
ياغيز: امي، ماضيعت
توانا ناظرته بصدمه: انت مره ثانيه! وش تبي؟!
ياغيز: تشان اذا ماسكتت، لها تفاهم ثاني!
توانا: تشان وش يقول عمك!
تشان بهدوء: توانا اهدي واسكتي شوي
جانو قامت عشان تضيفها بحلا وقهوه ،
جيمري باستغراب: تشان ياغيز هذي مين؟!
نيزات: ياغيز؟!
ياغيز بحده: تكلم ياتشان! خلها تعرف الحقيقه واعترف باللي سويته! علمها يالله!
تشان بهدوء: مااقدر
ياغيز بعصبيه: تششاان!! لاتجنننيي بتعلمها انت ولا انا!
تشان بلع ريقه والتفت لها بهدوء: توانا
توانا: هلا
تشان ناظرها ثم ناظر تحت: لو قلت لك ماراح تزعلين؟
توانا باستغراب: تشان وش قصدك؟
تشان بلع ريقه وناظرها: اء انا .. وناظر ياغيز بخوف: مااقدر ياعمي مااقدر! لا
ياغيز: والله ياتشان!
تشان ناظرها: توانا انا
توانا: انت وش؟! تشان تكلم ترى بديت اتوتر
تشان: انا خطفتك الكل انصدم وناظروه وناظروها بصدمه كبيره
توانا ضحكت: هههه حلو المقلب ياتشان بس أبداً ترى مو وقته لاني خايفه منهم ابي ارجع للبيت
تشان ناظرها يمسك كفيها بخوف
وارتباك واضح: توانا انا جاد بكلامي وانا خطفتك من يوم ولادتك.. ابوك قتل اهلي وعائلتي ويوم امك انجبتك اخذتك منها.. كنت بردها لاهلي واقتلك لكن ... لكن انتي خربتي علي ببراءتك وخليتيني اعتني فيك واربيك الين ماكبرتي توانا انا اسف اني قبل كنت اضغط عليك وافرغ طاقتي عليك واعصب وبدون مااداري مشاعرك لكني انقهرت ياتوانا انقهرت
توانا ناظرته: تشان تمزح؟ وناظرتهم: احد يتكلم!
ياغيز: مو مزح! واللي صار شي حقيقي انتي الحين بيننا بين اعداءك واعداء ابوك وانتي الحين ممسكه بيد اشد عدو لابوك! توانا انصدمت تترك يدينها منه هي فعلا استوعبت انه هالشي حقيقي وان تشان اساسا ماقال لها صلة قرابتهم ودايم يهربها من مكان لمكان ويهددها تطلع قدام اهله
توانا بصدمه تناظر تشان: يعني انت مالك اي صله فيني؟ يعني انت لعبت علي؟ يعني انت كنت بتقتلني؟!
تشان بدت تنزل دموعه يمسحها بعنف وجاء بيروح وتوانا ناظرته تروح له تشد تيشرته بصوت مهزوز وبكي: ليه سويت فيني كذا؟؟! ليه خليتني اثق فيك!! ليه ياتشان ليه؟!! اعتبترك اخوي وابوي وصديقي! ليه كذا ليه؟
ملتم: ياويلي عليها
بيلين: من هذي مافهمت؟
ايلا: مدري
لكن التفت لتوانا لما عطت تشان كف قوي طلعت فيه كل مافي قلبها تشان سكت يناظرها ببروده المعتاد وكأن ماحصل له شي
توانا بحده: والله ياتشان ثم والله اذا ماطلعو اهلي حيين اني لأندمك حياتك! وينههم!! تعرف وينهم؟!!
نيزات: اهلك حيين ياتيا
توانا: اسمميي توانا! ماتفهم انت؟!
تشان ناظرها: لا اسمك تيا
توانا ناظرته: تستهبل؟!
تشان بنبرة حزينه: انا اللي سميتك توانا ياتيا
ملتم انصدمت: منجدك؟؟
تشان: ماكنت اعرف اسمها هذاك اليوم ولا كنت ابي اعرفه حتى!
توانا قامت واتجهت لياغيز بصراخ: بتطلع رقم اهلي وعنوان بيتهم!
كرم ضحك بسخريه: وش بتسوين؟ هذاك بيننا
توانا ابتسمت باستفزاز: زي مالعبت انا بعقل ولد اخوك وانا رضيعه بلعب بعقولكم وانا كبيره!
نيزات ناظرها بهدوء وقال: وش بتسوين؟
توانا ناظرته باستفزاز: بأندمك على اللحظه اللي فكر فيها تشان يشيلني من حضن امي وابوي!
اولكو بهمس: وش تهبد!
بيلين بهمس: احنا وش جابنا هنا جيتنا غلطط
ملتم بهمس: خلاص اسكتو محد رايق لكم!
مراد: اوه مع الاسف كنت بعترف لها لكن طلعت تيا بنت الكلب سيركان! اووف
توانا ناظرته بحده بتهجم عليه لكن مسكوها نيزات وكرم بحده
نيزات بحده يدفها: والله ان لمستي واحد مننا لاطلعها من عيونك!
توانا التفت لتشان: تشا.. لكن تنصدم من ياغيز ماسكه وبشده لانه كان بيفكها من اعمامه
توانا ببكي وصراخ: الله ياخذكمم كلكم! الله يذوقكم اضعاف اللي ذوقتوني اياه!
جانو جت لكن انصدمت من شافتهم ماسكينها بهالبشاعه والطرق العنيفه وكيف ماسكين تشان وتركت اللي بيدها: وش مسويين بالبنت؟!!!
جيمري: اء امي ..
جانو بعصبيه: نيزات!! وخر عن البنت فكهها
نيزات: اممميي هذي بنت سيركان القذر!! بنت اللي ذبح ولدك بنت اللي ذبح اخوونا وعياله بدون رحمه!
جانو بعصبيه: اقولك فكها!! انهبلت؟!
كرم: اممي..
جانو: ولاكلممهه ماسكين بنته وشتبون فيها؟! البنت ماأذتكم فكوهها وفكوها بهدوء
جانو: وليه ماسكين حفيدي؟!! فكه ياغيز!
ياغيز: بس..
جانو: ياغيز والله لو..
ياغيز: حاضر حاضر وفكه وركضت توانا لجهة جانو ترتمي بحضنها تبكي وجانو تمسح على ظهرها بحنيه
توانا ببكي: يبون يقتلوني يبون ينتقمون من ابوي!
جانو بهدوء: ماراح يسوون لك شي ولا لابوك ارتاحي جنم
توانا ببكي تناظرها ببراءه: بس هم قالو..
جانو مسحت دموعها تبتسم: اشكم، جنم اوعدك مايسوون شيء اهدي انتي
توانا ناظرتهم بهدوء وقالت بحزن: وش تبون مني؟
كانو بيتكلمون لولا رابيا اللي تدخلت: مايبون منك شي اجلسي الحين واهدي وامسحي دموعك ومسحت دموعها تناظرهم
جانو ابتسمت: ايه اجل انتي تيا بنت سيركان؟
توانا: توانا *
جانو ابتسمت: تمام ياتوانا يعني عمرك الحين كم؟ 14؟
توانا ابتسمت بتوتر: لا 15
جانو: ماشاءالله
توانا ناظرت تشان: بترجعني لاهلي
ياغيز بلع ريقه وناظرها بهدوء يسيطر على اعصابه: توانا ناظريني
توانا: هم؟ ياغيز: تبين تشان يموت؟! توانا انصدمت: لا
ياغيز: اجل لازم تجلسين هنا وماتتعرفين عليهم !
توانا: ليه؟!
نيزات: تيا ؟! اسمعي الكلام !
توانا: تشان بتعلمني ليه لازم اقعد عشان انت ماتموت؟!
تشان: توانا اهلك لو عرفو اني اخذتك منهم وحرمتهم منك لمدة 15 عام بيقتلوني اكيد !
توانا ناظرته: تشان والله مايسوون فيك شي اوعدك وعد بعد انهم بيشكرونك وبيحبونك بس انت اوعدني انك بكره بتوديني لهم
كرم: تشان! صحصح!
تشان ناظر توانا وابتسم يمسك وجهها: اوعدك بوديك لهم وبسلمك لهم وحتى لو نتيجة هذا وفاتي اوعدك ياتوانا وقام
ياغيز انصدم: انت مجنون؟! تشان ناظره بحده: ماني مجنون لكن من حقهم
ياغيز: وابوك .. اهلك اخوانك!
تشان: انتهى البنت ووعدتها واللي يفكر منكم يخرب ليندم اشد الندم !
توانا ابتسمت تضحك تحضنه ببراءه وسعاده لاتووصف: اخيييرا بشوف ماما وبابا تشان ابتسم بهدوء البسمه اللي يعرفونها كل اعمامه بسمة الفراق والحزن ابتسمها بعد فراقهم ودامه الحين ابتسها اكيد بيحزن حزن شديد هم انصدمو معقوله توانا اثرت فيه؟ معقوله هالبنت الصغيره البريئه دخلت قلبه بكل سهوله؟ معقوله هالبنت توقعه فيها؟ دامها توانا اكيد الاجابة « نعم » .....

• اطول بارت كتبته ! متى بديته ومتى انتهيته مشوار هالبارت 🤯 •

1445/11/24 (السبت)
الكاتبه✍🏻 | نُوني