ماهـذا إلا انتقـام حُب

« 9 »

بْسـم آلُلُہ آلُرحٍـمـنْ آلُرحٍـيَم .
•
•
-- باليوم الثاني --
وكان صباح اليوم وتوانا وتشان جالسين يفطرون ويناظرون بعض بطرف عيونهم وساكتين
تشان: بيلا!
بيلا جت: امرك سيد تشان؟
تشان: اجلسي! وجلست بالكنب غسل يدينه وجلس
تشان بحده: بتفهميني الحين ليه ماسويتي امس العشاء!
بيلا سكتت تناظر توانا بخوف وتوتر وتناظر تشان
قالت توانا: لاني انا قلت لها لاتسوي
تشان لف عليها: وليه ان شاءلله؟!
توانا: انت امس زعلتني وبما اني ماذقت شي امس خلك مثلي لاتذوق شي! بعدين للحين زعلانه ترى
تشان ضحك بصدمه وبحده يناظر توانا وقام معصب من تصرفها طالع للبحر  ،،
تشان: اوووفف والله غلطه! وخطفي لها اكبر غلطه!!
ااووف كل مره اقول بيزين الحال لكن مااش اووف ياربي وش اسوي؟! ويقطع كلامه وتفكيره دق جواله ويطلعه يرد  ..
تشان: هلا؟
نيزات: تشان، تعال اليوم لبيت جدتك بنجتمع
تشان: اء بس الجامعه..
نيزات: جدولك اليوم اوف!
تشان باستغراب: نعم؟ شلون اوف انا متأكد اليوم عندي!
نيزات: تأكد وتشان شاف وفعلا اليوم ماعنده شي
تشان: ايه والله اوف!
نيزات: بتجي
تشان: والله ماودي ياعمي
نيزات بحده وعصبيه: الا بتجي! وان ماجيت انا اجيبك! سمعت؟!
تشان بلع ريقه بخوف وتوتر: اء ابشر وقفل  ،،
تشان: كملت!!   ،  وفعلا تشان كانت مشغول باله! ومشاكله كثييره وعمانه اللي بدو يهتمون له واموره ويبدون يركزون عليه وهذا الشيء خلى تشان يتوتر ويخاف يكتشفون سره!
رجع للبيت اخذ شاور وبدل ملابسه عشان يريح نفسه ويتذكر توانا وانه لازم يقول لها عشان ماتخاف او من هالقبيل ودخل على غرفتها
توانا بتكابر: الواحد يطق الباب قبل يدخل!
تشان ناظرها بحده وسكوت وكان مو فاضي وله موضوع ثانييي اهم من مشاكله مع توانا
تشان بهدوء وبرود: اليوم بطلع لبيت جدتي واحتمال ماارجع الا الفجر ويمكن انام بعد انتبهي تفتحين لاحد الباب!
توانا وهي تركب لعبتها: امم تمام بس بتتركني وانا تعبانه؟
تشان ناظرها بملل: وش تعبانه؟ بدون كذب انا ماسك وجهك بارد! وشلون تعبتي؟!
توانا اللي بدت تكح او بالاصح تتصنع الكحه
تشان قرب يمسك جبينها وكان حار
وقال بصدمه: اح! حرارتك مرتفعه!
توانا بكحه والعرق يصب بجبينها: وانا.. مو قلت لك!
تشان فسخ معطفه مستعجل يجيب كمادات ومويه وجاء عندها يحطها عليها بخوف واهتمام  ،
الله الله لعبت عليه هالبنت الصغيره في كلمتين والعرق اللي كان يصب منها كان من المشي والركض اللي مشته عشان تكذب على تشان وتتعب وترهق  ، لكن شلوون مشت على تشان؟؟؟ هذا وهو اخر شخص ينلعب عليه بالاخير بنت اعدائه تنجح في الكذبه وهذا هي «طفله»
تشان بصوت هادي وهو يعصر الكماده
يحطها لتوانا: ليه ماقلتي لي؟ مو انا قلت لك اذا تعبتي علميني!
توانا ببراءه: كنت زعلانه منك وانت معصب مني
تشان ناظرها بحزن وهو فعلا كان خايف عليها وخاف اكثر ووده يجلس معها يداريها بدال مايروح لكن فات الاوان  ،،
تشان ناظرها بتأنيب ضمير: المره الجايه تقولين لي تمام؟
توانا هزت رأسها بتمام وجلس تشان يعالجها ومايدري كلها هذا كان كذب! 
تشان شاف ساعته صارت 3:45 العصر والكل يتصل عليه
تشان: يووه تاخرت! ولبس جزمته
توانا بتعب تمثيلي: طيب تشان
تشان لف: هلا؟
توانا نزلت راسها تحت: للحين معصب مني؟
تشان ناظرها يبتسم ويدق خشمها بخفه: عصبت شوي
توانا عطته بوسه على الهواء وتشان ضحك
يقول: لا الحين رضيت! تمام باي
توانا: باي وراح تشان  ،
-- في بيت الجده --
(ملاحظه : الجده اسمها جانو)
جانو: وينه تشان تأخر!!
نيزات بعصبيه: انا قايل له ومعلمه!
ياغيز: اهدو اكيد بيجي ان شاءلله وراكم كذا خايفين؟
جيمري: الله يستر بس!
ويدخل تشان يقول: سلام عليكم
الكل: عليكم السلام
كرم: تأخرت مره!!
تشان ابتسم: كان عندي ظرف ف تاخرت وجلس معهم وقال: هاه كيفكم؟
ياغيز: طيبين الحمدلله، هاه كيفك انت؟
تشان: بخير الحمدلله
جانو وهي تضمه لصدرها: اهخ من زمان عنك!
تشان ابتسم: ومن زمان عنك جدتي
جانو: تشان لازم تجيني وتنام عندي يومين ثلاث تراني امل لحالي!
تشان ابتسم: من عيوني بس الشغل وش نسوي
جانو: لا ان شاءلله بتفضى وتجيني
تشان: ان شاءلله
بيلين: اء تشان تبي قهوه؟
تشان: لا مشكوره
ملتم: تصدق تشان من زماان شفناك يمكن آخر مره كان يوم المخيم ومعك هذيك البنت الحلوه
جانو: اي بنت؟
ياغيز: ايه امي كنا مجتمعين في مخيم وتشان جاء هو وبنت قبل سنتين مدري ثلاث
اولكو: صدق كيفها ان شاءلله انها بخير؟؟
تشان ضحك يتذكر: ايه بخير بخير الحمدلله
جيمري: ليتها تجي مره ثانيه!
رابيا: ايه والله ياليته
تشان ابتسم يضحك: مسرع حبيتوها!
مراد: يكفيني انها جميله جمال لا اله الاالله وكلامها يهبل!
تشان حس بشعور غريب لكن تجاهله
جانو: ليتني موجوده اشوفها، بس من هي ليه جت معك؟
تشان: اء اخت صديقي، خلاها عندي لانه رايح وتعرفين عندي الخادمه والمكان فاضي وجت وعمي قال اننا بنطلع قلت مارح اتركها وجبتها معي
جانو: شسمها؟
تشان: توانا
جانو: ايه.. ياحليلها غريبه ماخافت منك
ياغيز: ههه تخاف؟! كانه ابوها
جانو: ماشاءالله
سنان: اقول تشان ترى قسم فيه وحده اسمها زينب ابثرتنا فيك انا ومراد طول وقتها تسأل عنك!
تشان بصدمه: بالله؟!
سنان: قسسم
تشان: اقولك! تدري انها ناشبة لي من اول مادخلت ثاني ثانوي
سنان: الله يعينك صدق
مراد: ايي وذيك بنت اسمها ليا الظاهر دايم تسال
تشان: ماردى من ذي الا ذي
ضحك سنان: اقولك شي؟ متى تتزوج واشوفك زوجتك احسها حلوه ادع لي تصير زوجتي مثل اللي ابي
تشان تسند عليه وهو وسنان علاقتهم ببعض حلوه مره: والله احساسك اخاف منه  ، بس مايحتاج انت اختار لك من هنا شفهم ماشاءالله تبارك الله
سنان: لا وش ابي فيهم
ضحك تشان: عشان ماتلومني اذا قلت لك ماابي وضحكو لكن يقطع سوالفيه دق جواله وكان من رقم البيت استغرب لكن قفل لكن يتفاجأ بالرقم يدق مره ثانيه
كرم: رد ياتشان وراك تقفله؟ وتشان رد
تشان: مرحبا بيلا؟
بيلا بخوف: سيد تشان توانا طاحت على الدرج ومغمى عليها والدم ينززف بكل مكاان
تشان انصدم يقوم: وشووو؟!!  تمزحين؟! يلا جاي جاي وقفل وهو خايف على توانا وخايف يصير لها شي لبس معطفه وركض يطلع  ،،
جانو: وش فيه؟
ياغيز: مدري  ،
--
يوصل تشان للبيت وينصدم لما يشوف الدم بكل مكان ويركض يشيل توانا ويركب السياره متجه للمستشفى ويدخلها الطوارئ   ،
تشان وهو كان بالانتظار يدور وخايف ويدعي ودموعه اللي بدت تنزل وخايف ومتوتر وبعد انتظار ساعتين ونصف يطلع الدكتور  ،
تشان: بشر يادكتور؟؟؟
الدكتور: تعدينا مرحلة الخطر ولحقنا المريضه لكنها للان ماصحت واحنا خايفين ان لو ماصحت ف هذا معناه انها يمكن تدخل غيوبه ايه صح ابغى اعرف من تصير لها؟
تشان اللي مادرى وش هبد لكن قال: ابوها
الدكتور: تمام تقدر تعطيني بطاقة الاحوال
تشان اللي كان مستعد لهذه اللحظه وكان مزور بطاقة احوال  وهميه غير الاساسيه
الدكتور: تمام ،  المريضه اذا صحت بتتنوم هنا اقل شي لمدة اسبوع ولازم مرافق
تشان: تمام بكون مرافق لها
الدكتور: حلو واعطاه يسجل البيانات ودخل على توانا  ،
وجلس جنبها وهو يشوفها لحد الان ماقامت ومسك يدينها ينطق: توانا اصحي تكفين اشتقت لك  ..  تراني كذاب انا احبك واخاف عليك انتي مثل بنتي ومثل صديقتي وحبيبتي واختي وكل شي بس تكفين اصحي والله لو قمتي اشتري لك اللي تبين نروح للمول وناكل مع بعض ومااعصب عليك خلاص بس قومي يالله وتشان فعلا كان من اليوم اللي قرر انه يعتني فيها وهو حابها بالمرة لكن كان يكابر ويحسسها انه مايبيها عشان ماتتعلق فيه ولاهو يتعلق فيها وتوانا بدت تتحسس بيدين ماسكه كفيها ....

1445/11/28 (الاربعاء)
الكاتبه:  نُوني✍🏻