පාර්ශ්වික

2වන දිගහැරුම

"මන් මුලින්ම උඹලෑ මල්ලිව දැක්කෙ අවුරුදු දෙකකට කලින්. දැක්ක ගමන් මට ලස්සනයි කියල හිතුනා. කොහොමත් එයා උඹට වඩා ලස්සනයි."

"කව්ද උඹට මම ගැන කියන්න කිව්වෙ මගෙන් කුනුහර්ප නාහා ඉදින්."

"හරි හරි ඒකට love at first sight කියන්න බෑ. මොකද මම එයාව දැක්ක ගමන් අඩේ මෙයා ලස්සනයි මට මෙයාව ඕන වගේ සීන් එකක් ඔලුවට ආවෙ නෑ මොකද මට මගෙ gender orientation එක ගැන එහෙම idea එකක් තිබ්බෙ නෑ.

මට කවදාවත් හිතිලා නෑ මම ආදරෙ කරන්න ඕනෙ කොල්ලෙක්ටද කෙල්ලෙක්ටද කියලා. මට එහෙම හිතන්න උවමනාවක් තිබිලත් නෑ. එහෙම හිටපු මගේ mindset එක වෙනස් කරලා ඒක ගැන ටික දුරක් හිතන්න මට හේතුවක් උනේ දේව්"

"අඩෝ දේව්??මොකද්ද ඒ සීන් එක ew බන්"

සසේන්ට හිනා ගියෙ හන්සක එක පාරටම එයා නොදන්න දේව් කෙනෙක් ගැන කියවන්න ගත්ත නිසයි.

"නෑ ඕයි. මල්ලිගෙ නම ඒකනෙ"

"මම දන්න මගෙ මල්ලිගෙ නම නම් ප්‍රිත්වි දෙ-
අඩෝ නෑ උඹ ඒ ටිකට නමකුත් දැම්මද ඌට"

"උඹට කතාව අහන්න ඕනෙද නැද්ද?"

හන්සක බැරිම තැන ඇහුවෙ සසේන්ගෙ මෝඩ විහිලුවට එයාට හිනා ගියෙ නැති නිසා.

"හරි හරි කියපන්කො"

"මට මුලින්ම idea එකක් තිබ්බෙ නෑ මට මොකද්ද ඒ හිතෙන්නෙ කියලා. මට මම ගැනම හිතාගන්න බැරි උනා. මට මුලින්ම මාවම පිළිගන්න බැරි උනා. මම මගෙන් මේ වගෙ දෙයක් කවදාවත් බලාපොරොත්තු උනේ නෑ. මම කොල්ලෙක්ට තියා කවදාවත් කෙල්ලෙක් ටවත් ආදරේ කරයි කියලා මම හිතුවෙ නෑ. මට උවමනාවක් තිබ්බෙත් නෑ. ඒ උනාට එයා මාව වෙනස් කලා. එයා නිසා මම මාව තේරුම් ගන්න try කලා. මාව මම විදියට දැක්කා.
මොකද මේ 'මම' මාවම accept කර ගන්නකන් මාව එයාගෙන් accept වෙන විදියක් මට හිතාගන්න බැරි උනා.

ඒ නිසා මම community එක ගැන idea එකක් ගන්න පොඩ්ඩක් මේක ගැන හෙව්වා. ඒකෙන් උනේ මට තවත් චුට්ටක් අවුල් ගිය එක විතරයි. ඇයි කිව්වොත් බලපන් ලන්කාවෙ community එක දිහා උඹටම පේනවනෙ මම කියන්න ඕනෙ නෑනෙ. මට නිකන් ඒක ගැන අප්පිරියාවක් ඇති උනා ඒකෙන්. ඒ උනාට එහෙන් මෙහෙන් මේක ගැන හරියට තේරුම් ගත්ත දෙතුන් දෙනෙක් එක්ක මට කතා කරන්න පුලුවන් උනා. එයාලා නිසා මට මේකෙ dark side එක avoid කරලා හරි පැත්තට යන්න පුලුවන් උනා. ඒත් මට මේක දේව්ට කියන්න ඕනෙ නෑ. එයා තාම පොඩියි එයාගෙ ඔලුවට මේ විකාර දාලා මම go through කරපු දේවල් එයත් go through කරනවා මට බලන්න ඕනෙ නෑ. අනික එයා කැමති කෙල්ලොන්ට. මම ගිහින් මල්ලි මම ඔයාට කැමති කිව්වොත් එයා බලයි මේ මොන අසහනකාරයෙක්ද කියලා. මට එහෙම වෙන්න ඕනෙ නෑ.