الـكاتم "قيود الفيد"
_اللهم صلِّ على محمد وآل محمد ❤.
_لا تنسون التعليق بين الفقرات والتصويت..
......
أقرهَ الرسالهَ بتمعن وخوفَ الگلمه الأخيره خلة رعشه بگلبي شنو الورقه الرابحه!! الگلام جان ما مفهوم بالنسبه الي فجأه وبعدني ما مستوعبه
حضرني الحساب! زادتَ صدمتي وأستغرابي ما اعرف منو هذا نوب
لطمت گصتي وأندب حضي
روُشان:: خرب حضي خرب حضي المشاگل شوگت تعوفني.
حسيت نفسي فگر گد ما توگع المشاگل على رأسي
، فضلت ما أحجي الأحدَ من غير شي قبل أسبوع صايره مشگله وهم اني بيها نوب احجيلهم،
عفت الموضوع وگلت ما احجي شي بس بقيت أفگر بي وشاغل بالي ، طلعت من غرفتي ومبين عليهَ
مسلولهَ سل حتى وجهي أصفر من الخوفَ بعدني دا أمشي بخطوات بطيئه وماأحس اله رجليه تنكمش
گبل نزيت وأشوفها بيانَ باوعتله وصاحت
:: بعععَ خوافه نزيتييي طلعتي خوافهَ.
تضحك وبتسمت وي ضحكتها، ما ادري شلون ورطت نفسي ورطت هل طفله وياي واجيت وياهم
شلتهاا واضحك وهيه مندمجه تحجيلي، مدت أيدها للعيوني وتحجي
بيانَ:: عموو فـَيد يحب عيونجَ.
أختفتت ضحگتي بسرعه وتحولت ملامحي ألى جديه!
:: حبيبتي عـيبَ هيج تحجين، بعدين انتِ شعرفج.
بيانَ:: والله هوا گل مايحطني بحضنه يگلي اختجَ عيونها يموتني وما اعرف شيحجي وراها صوتهَ ينصى ما اسمع.
نزلتهه من حضني والصدمهَ علت وجهي ، صحيح سمعتها منه مرهَ بس شلون يحجي گدامَ طفله هل گلام؟ باوعتله هيه بخوف
:: حبابه لا تصيحين عليه ماعليه اسفه هوا عموو هيج يگول.
بتسمتَ أريد ازيل خوفها مني ونزلت المستواها
:: لا ماصيح عليج بس لا تحجين هل گلام الأي أحد ممنوع اي شي يحجي عمو تعالي گولي الي وبس .
هزت رأسها ، بستها وطلعتها للحديقه حتى تلعب وگعدت يمها وبالي مشغول معقوله يحبني؟ شلحك يحب مني شنو السالفه
شايف من تلتم عليك المصايب تحتار بيامصيبه تفگر..
واني گاعده وضاربه صفنهَ أجتي سجى تمشي ناحيتي
باوعتلي وتأشر بأيدها عود تعالي
روُشان:: خـير ياطـير.
أنت تقرأ
الكاتم "قيود الفيد"
Romanceمُگر وقـيود.. "_ماذا تريد؟ _اريد الموت هذا مايدور في عقلي الان"
