الكاتم "قيود الفيد"

مُقتطف📍.

أهـلاً بـگم.
عُـدنا من جديد..

من ثنايا مدينة البصره الفيحاءَ..

هناكَ جسد من الفولاذ َ ..

سَاحر ، مُتجبر..

غريب اطوار..

لعنةٌ تَحل على گل من اراد إن يؤذيه..

صَفن لهُ ابليس وباعهُ فنونه..

اهلاً بگم في

"الگاتم قيود الفيد"

......
مشهدَ::

واگفه على الدرج والظلام محاوطني من گل مگان
ما جاي اشوف شي بس اسمع اصوات ما اگدر اميزها بس تخوف اصوات بينَ الانينَ
اريد ارجع الغرفتي بس ما اكدر خايفه خايفه مدري شسوي عصرت وايدي واني اسمع الصوت يعلىَ اگثر واهل البيت عبالك مَوته لسه محد گعد

ما ادري شلون ومنين اجتني الشجاعهَ حتى انزل نزلت بخطوات بطيئه واسمع صوت همسات

:: اششَ درس هذا درس الچ حتى بعد متعيدين الي سويتي

اسمع صوت مبحوح يهمس والونينَ بعده هناا كمت ارجف وعيوني بدة تدمع منين جاي هذا الصوت ضليت جامده بمگاني واسمع صوت بنيهَ! ترد على الگلام

:: گافي ايدي راحتَ انتَ انسان مخُتل والله مُختل مستحيل عاقل مستحيل!

گلبي يريد يوگف واني اسمع هاي الاصوات الي فجأه وگفت واعتلگت الاضواء مال صاله گلها ضليت اتلفت بمگاني واشوفه طلع من الغرفه ملابسها بيهاا دم! ناضرني برود تام واکال

:: شعندجَ گاعده الوقتَ متأخر.

يحجي برود ولا عبالك مسوي شي وملابسه كلها دم

:: دم دم ملابسك بيها دمَ

حجيت واديه وشفايفي ترجف وهوا يرمقني برود

:: وشنو يعني ولي الغرفتچ وماعليج.

تعداني وطلعَ لحديقة البيت واني رگضت اللغرفه الي طلع منها واشوفها مابيها شي اصلا محد بيها لعد وي منو جان يحجي!!
هناصدك حسيت كاعده بفلم..

.....

مشهد"
گاعده بلحديقه والهوى يلاعب خصلات شعري وهوا گاعد مقابيلي يشرب قهوتهَ، ويناضرلي بس نضراته ما احبها تخوفني والله

:: لا تباوع هيج فدوه اخاف.
حجيت ونزلت راسي فعلاً خايفه منه
:: اغمض يعني اغمضَ اذا انتِ دجاجهَ وتخافين شسويلج اني.

حجه ويشرب من قهوتهَ حسيت روحي توترت اگثر گمت من مگاني اريد ادخل لداخل وصاح

:: لا ترحين تعالي گعدي يمي احجي وياج

نداريت اله وهزيت راسي بأيجاب واني خايفه رحت گعدت يمه وهوا بتسم بوجهي! يمگن هاي ثاني مره يسويها وياي بادلته الابتسامه بس مال خوف لان فعلاً خايفه منه

مد ايده الي واني فوراً ابتعدت بخوف

:: اشش شبيج خايفه بس ردت الزم ايدچ

حجه وگمش ايدي بهدوء وايدي ترجف بأيده ما متعوده ما متعوده هيج يسوي اخاف من لطفه هذا وراه مصيبه

جر ايدي بأيده يلعب بأصابعي واني ابلعم، عبر ايده الثانيه على متني حاضني اله واني اطكطك

:: ليش. ليش هيج تسوي تخوفني

حجيت بنبره مرتجفه وهوا ضحك بعلى صوته وکال

:: حبيبي خافي منهم ومني لا تخافين.

سگتت وهوا سگت يناضر الغراف شوي وحسيت بأيده الي كرصت زندي گمزت بألم امسح مكان الكرصه

:: شوفي.

حجه ويأشر على مگان فارغ واني اباوع باستغراب

:: شنو؟

:: ما تشوفين شوفيهم شلون واكفين

اباوع للمكان ماكو شي، بس من حجه هيج عرفته جاي يشوف شي اني أصلاً ماشايفته هنا خفت خوفه بس الله يدري بيها بلعت ريكي وكمت بسرعه خايفه منه، من شافني اتلاطم وگمتت ضحك وكال

:: وين حبيبي

:: اا. اني اريد اروح ضل وحدك باوعلهم.
حجيت خايفه منه ادري ادري بي يريد يخبلني والله يخبلني

ضحك وگال

:: احبج لج َ تعالي، احرگج بناريَ مو بس انتِ گلگم گلگم.

ضحك واكتافه تهتز حطيت رجلي وشحطتت اركض لجوه وجهيةيبس من الخوف ادري وره هاي سوالفه مصيبه ما راح ينسه اليةسويته

...........

الـغـلاف مـن أيـديِ الـمُبـدعـه 🧡.

Rayman_18

إنـتظرونـا قـريبـاً🌚.

#الـروايه حـقيقه وإذا وجـد َ شـك تـجاهَ
گلـمه داخـل الـروايه

يـُمـكنه الـمغادره بـلا تَعلـيق سـلبي🐍.