الگاتم "قيـود الفيدَ"
_اللهم صلِّ على محمد وال محمد❤.
_لاتنسون التصويت والتعليق بين الفقرات.
......
وگفت مصدومه وهوا حار شيسوي جر فالينته لبسها بسرعه واني من خوفي نسيت گلشي وگمت أرجف
أنخطف شلون! منو خطفه أصلاً أخر شخص اتوقع عنده عداوات أشتر، أشوف فـَيد يتحرك بسرعه
رگض الباب الهول يريد يطلع وگأن تذگر شي ورجع بسرعه باوعلي وگال بأستعجال
:: بسرعه صيحيلي مرت أشتر بسرعه.
ماگلت لا هزيت رأسي وأديه ترجف خايفه ومصدومه رحت بسرعه دگيت الباب على نيرانَ فتحته وتباوعلي بنعاس الوقت جان متأخر
نيرانَ:: ها روُشان خير صاير شي.
:: تعالي فـَيد يريد يحاجيج.
گبل حطت حجاب على رأسها وطلعت وياي وفـيد واگف يحوم ب الصاله ، باوعلها وأشرلها تتقدم
گبل نطقَ
فـَيد:: شوگت طلع أشتر من البيت؟
باوعتله بأستنگار عاقده حاجبها
:: من الخمسه العصر ليش؟
فـَيد:: صدككك تحجننن انتِ مره لو قندره شهللل ثول رجلججج ما تسألين عليه.
يصيح بحرگه الدرجه کلها طلعت من غرفها على صوت الصياح و جنان طلعت تعدل ب ملابسها وتنافخ بصوت عالي
:: خير خير يعني هذا البيت مابي راحه.
باوعلها هوا ومحترك دمه عيونه ب گصته جانت المزهريه على الميز شالها وشمرها عليها جانت راح تجي عدل وگبل ب رأسها بس الله ستر وأبتعدت
فـَيد:: أسگتي لا أبتلي بيج وعلي.
گلها تفاجأت منه ويصيحون شصاير شبيك
أرشد:: هسه غير يحجي شگوو يمعود.
الحجيه:: فـَيد مو نحجي وياك.
:: أجاني أتصال قبل شوي أشتر نخطف.
حجاها والگل عَلت وجوهم الصدمه والخوف، هنا جنان تخبلت وگامت تلطم على وجهاا وعمي خالد گوه گمشها
:: يمههه راح ابنييي راحح سوده بوجهج جنان سوده مصخمه يمهه أشتر.
أرشد:: اسگتي يامره أستهدي ب الرحمن إن شاءلله ماگو شي، بويه فيدَ ارجع أتصل ب الرقم بلگن يجاوب
أنت تقرأ
الكاتم "قيود الفيد"
Romanceمُگر وقـيود.. "_ماذا تريد؟ _اريد الموت هذا مايدور في عقلي الان"
