الكاتم "قيود الفيد"

بارت15

الگاتم "قـيود الفـيد"

_اللهم صلِّ على محمد وآل محمد ❤.

_لاتنسون التصويت والتعليق بين الفقرات.

البارت بدون مراجعه غلسوا على الأخطأ🙈💔.
......

الأحساس الي جتاحني ب لحـظتها حـسيت هذا حلمَ ومـاريد واحـد يصحيني منهَ ، باس باطني أيدي واني بعدني مستسلمهَ بأيده مغمضه عيوني
همست قريب منه

:: انـي جـاي احـلم صح؟!

رجع بادلني وحط رأسه على رأسي وهمس

:: هـسه تأكدتي مو حلم.

غمضت عيوني بعد ما أخذني الحضنه ونمت ماحاسه بشي بعدها..

ماكعدت غير الصبح وعلى وقت متأخر لكيته ماموجود وهمزين ما موجود َ ، دخلت سبحت ونضفت الغرفهَ واني اتذگر گلشي صار فعلي.

احس نفسي خجلانه من نفسي ما اعرف بس هذا احساسي واني واگفه گبال المرايهَ

طلعت من الغرفهَ ولگيت روُشانَ واگفه تسوي ريوك ب المطبخ ،

نيرانَ:: صـباح الخـير.

:: صباح النور عمري.

:: لـعد فاطمه وين.
سألت واعدل بنفسي وهيه ندارتلي مستغربهَ رافعه حاجبها

:: شًبيج غـير ب الصـالون وي سـجى.

صدك حسيت نفسي ثوله شلون نسيت اني
وكفت وياها اساعدها ب الريوك والزلم گلهم ما موجودين طالعينَ من الصبح عدهم شغل

روُشان:: گلبي نيرانَ عوفي الي بيدج وصيحي بيبي وخاله جنان خل يجون يتريگون.

وفعلاً رحت الغرفة بيبي صحتلها على الريوك وصعدت الغرفة خاله جنان دگيت الباب واجاني صوتها فا دخلت

نيرانَ:: صباح الخير عمه.

جنان:: هلا صباح النور حبيبه.

:: يلا عمه تعالي على الريوك.

حجيت وعدلت الحجاب، ما اعرف شبيها باوعتلي وبتسمت تقدمت عليه حضنتني بفرحَ صدمتني ب صراحه ما ادري شبيها وهذا اصلاً مو أسلوبها

جنان:: يابعد گلبي الف مُبارك إن شاءلله الولد الصالح.

تبوس بيه فرحانه واني جامده بکاني لحظات يلا ستوعبت عليمن تحجي، صدك خجلت منها ونزلت رأسي وهيه تضحك

جنان:: مايصير من أول يوم دگومين روحي ابقي بس بغرفتجَ منا الأسبوع يلا نوب تمدين أديج.

:: احنه من زمان متزوجين يعني ما أشوف اكو فرق.

ماقبلت ولا هتمت الگلامي اخذتني بأيدها للغرفهَ