الكاتم "قيود الفيد"

بارت 17

الگاتم"قـيود الفـيد"

_اللهم صلِّ على محمد وآل محمد ❤.

_لا تنسون التعليق بين الفقرات والتصويت.

..........

:: ماصحيت غير واني بـ الغرفهَ فتحت عيوني بخمول واحس روحي دايخه من الريحه ولـسه رأسي مصدع منها باوعت واحس غواش على عيوني واني اشوف أيهم گاعد يمي

حنـين:: أيهم.

رأساً فز وتقدم عليه تفقدني

:: گليلي شجرالج لگيتج بـ غرفة المخزن مغمى عليج ومستفرغه.

باوعتله وما اعرف شگله اگله امك تسوي سحوره شلون يصدگني واني لسه ما مصدگه الي شفته.

حنين:: رحـت اجيب الـسطل وما تـحملت الحراره هناك.

هز رأسه وگام جابلي علاجي وگلاص عصير خلاني اشربه َ،

:: انـتَ وين جنت.

:: طالع بشغله، يلا رتاحي.

طلعَ وخلاني، رجعت رأسي على الجربايهَ واحس بطني توجعني تلويني حيل گمت بصعوبه غسلت وجهي وسبحت، اخذت مبايلي وتصلت ب الحَجيهَ

حـنين:: هـلا شلونج بيبي.

:: هلا بيج حبيبتي شلون صحتج.

:: الحمدلله، بيبي تدكدرين تجيني هسه.

:: اگيد اجيج بس شگو صاير شي.

اول ما سألتني نفجرت بواجي فرفحت وگأن جنت انتضر واحد يسألني هل سؤال

:: حبابه تعالي ليه.

:: يابعد گلبي مسافة الطريق اجيتج.

سدت الأتصال وياي واني مدري شبيه نفلتت اناشغ َ من گل گلبي، وفعلاً ما طولت اجت ليهَ

اول مادخلت حضنتها احس روحي حاضنه امي

الحـجيه:: يابعد گلبي شمالج ييمه.

:: تعالي حجيه فوتي.

دخلت گعدت على الجربايه وتباوعلي تتنتضر اگلها شبيه

حنين:: بيبي گليلي جبتي وياج السبوحات.

:: ولـج انه جـيبتج بـطرك العبايه گليلي عليمن تبجين.

مسحت على وجهي بقهر وحجيت

:: عرفت شي.

:: شعرفتي.

:: أم أيهم هيه تسوي سحوره.

گلت هيج وهيه جفلت ضربت على صدرها بصدمه