مانت عابر في حياتي والسلام انت حتى في غيابك لك حضور

بارت ٣

يوم جديد على ابطالنا
ببيت جديد بيت الجد ناجي
وهم يفطرون قاطعهم الجد ناجي
الجد ناجي / اسمعو بفاتحكم بموضوع
صقر /امر ياجد
الجد ناجي /مايامر عليكم عدو ترا شريت بيت في نجران مير تجهزو يوم الخميس بنتحرك
وصايف بفرحه /احلف ياجد يعني بنعيش مع جدي حسين
الجد ناجي بضحكه /اي خلاص خلصت شغلي اللي هنا وبننقل لنجران وشاري بيت جنب بيت الجد حسين
احمد بعتراض/أنا والله ودي ياجد اني اروح معكم بس تعرف شغلي هنا فصعبه
عبدالرحمن / عادي يرجال خذ اجازه ولا استقيل
احمد / ليتني والله اقدر رافضين اخذ اجازه لمده شهر لاني ماخذ اجازه لمدة شهرين
راشد /لانك ثور
ثامر بضحكه / ابك شقوم (شفيه) المتزوجين متجمعين عليك لايكون مسويلهم شي
راشد بتمثيل الملل /سخيف
بعد ماانتهو من الفطور قام كل واحد على شُغله
عند البنات
----•-----
رزان بتضجر /يع يعني الحين بنعيش مع ليان والشله
وصايف بعصبيه /ابفهم انتي ليه كارهتم؟
ريما بدلع/لان الصراحه مسترجلات وماعندهم انوثه بعدين هم مزعجات وقليلات حيا
ملاك بهمس لوصايف / على ساس الحين طالعه منها وكل يوم وهي عند اخوي صقر طاقه الميانه ذي ولا وش سالفتها
وصايف بنفس الهمس / الا قولي حاطه عينها عليه
ملاك بعصبيه / الا قولي جعل عيونها تنفقع
وصايف بضحكه / تبغين اخيش (اخوش) مايعطيها وجه بتاتاً
ملاك / اكيد تبغيني ازوجه ذي السعليه والله اخسي
وصايف بضحكه/ اجل شوفي الاكشن
وصايف / الا اقول ريما
ريما بدلع /هلا
ملاك تمثل انها الطرش(ترجع ،تغيث)من دلعها الخايس
وصايف بضحكه بعد ماشافت وش ملاك سوت /شفت خلطه شعر تهبل نفس اللي مثلش البنات هابين فيها بقوه
ريما بفضول وفرحه / وش هي
وصايف بفرحه ان خطتها بتنجح/ سدر مع ثوم تهبل تنعم الشعر وتكثفه
ريما باستغراب / اول مره اشوف خلطه بثوم
وصايف / اي عشان كذا قلتلش البنات هابين فيها
ريما بفرحه / تصدقين كنت ادور على خلطه كذا تنعم شعري بس مالقيت فربي جابش لين عندي
وصايف / لا شدعوه مابينا لو تبين خلطات كذا انا موجوده
ريما / بروح اجربها
ملاك / روحي روحي كون ربي ياخذ روحش ونفتك
وصايف انفرجت ضحك ومعها ملاك غافلين عن الشخص ياللي يتأملهم
: يوههه يازين ضحكتها زيناه انشهد اني طايح على كنز

بيت الجد حسين
-----•------
لمى وهي تكلم وصايف فيديو
وصايف /وريني الاجواء عندكم
لمى وهي عاكسه الكاميرا توري وصايف الاجواء الفضيعه عند البنات ليان حاطه حنا في راسها وحاطها ماسك اسود ومشاركتها رويدا والهنوف ريم وهي تضرب لمار لانها جايه مكياجها وهيام اللي تاكل اندومي وحاطه زيت في شعرها واخيرا لمى تاكل قشطه ورديه (يارب عرفتوها 😭) وفول بشاير قاعده تسفط ملابسها
لمى / هاه كيف انطباعش
وصايف / والله انطباعي شين وكل شي شين ( خايس)
ملاك جات جنب وصايف تشوف البنات انفجعت بشكل ليان والهنوف ورويداء طبعاً ليان والهنوف ورويداء جالسين جنب بعض ويناظرون الكاميره
ملاك / ابك ذا وشو
لمى / جاثوم القوايل
انفجرو وصايف ولمى وملاك ضحك
ليان بتكبر / خير وش يضحك
لمى / ولاشي بس سمعنا ذبه وضحكنا
رويدا / الا عندش علم من تكلمين جعلني فوقش
ملاك قلبت لهجة امارات / ارحبيييييي مرحبا الساع مرحبا ملاين
رويدا فزت والبنات معها
ليان / ارحبوووووووو ثم ارحبوووو
وصايف وملاك / الله يبقيكم
بشاير /قالو انكم بتجونا صدق
وصايف / اهوووه وشارين بيت بجنبكم
ريم بتسأول /البيت الحليبي
وصايف / ايه
ليان والبنات /الله يعني جنبنا
ملاك وصايف بفرحه /ايه وناسه
ليان /كل يوم وانا مسيره عندكم
وصايف /لا لا مو كل يوم نخاف غيرة الحبيب تتحرك
انصدمت ليان من ردها والبنات يحاولون يرقعونها ( طبعاً البنات يدرون بحب فزاع لليان الا ليان )
رويدا بأرتباك  / ههههههه قصدها قصدها....
قاطعتها ريم / قصدها اخيش تركي
ليان /اها طيب شفيكم ارتتبكتو
البنات معرفو وش يقولون
لمى بتغير الموضوع / اسمعو شرايكم اذا جيتو على طول للبر
وصايف بتفكير /والله مهب شينه تم
ملاك / اول الحاضرين
بشاير / مهب عرس الله يسعدش
ضحكو البنات وراحو يتجهزون لسهرة الجازي
عند ليان
---•-----
خذتلها  دش ساعتين وماجات ساعتين الا وهي طالعه من الحمام (يكرم القارئ)بروبها الابيض راحت للتسريحه ترطب بشرتها وشعرها بعد ماخلصت البست فستان مريح علاقي ضيق من الصدر وواسع من تحت لونه ابيض سوت شعرها ستريت بعد ماخلصت سوت كحلتها بعدها حطت بلاشر وحطت روج نود طبعا هي اول وحده خلصت خذت عبايتها
ونزلت من الدرج وهي تنزل من درج قالت للبنات / تراني بروح ذلحين (الحين ) طلبت مني الجازي اجهز معها
البنات /تمام رويدا وهي تركض /شوي شوي انتظريني كاني تجهزت
ليان / وشذا الحلاواه ياقمر
رويدا بخجل وتكبر / مهب (مو )شي جديد
ليان بضحكه /اقول امشي امشي تأخرنا
اطلعو للحوش وكانو العيال موجودين ومن حسن حظ رويدا وليان انهم لابسين نقاباتهم ومخلصين
ابو تركي (سلطان)/على وين رايحين بذي الكشخه كلها
تقدمت ليان تبوس راس ابوها وتسال عن حاله
ليان ببتسأمه /والله يايبه بنت سالم مسويه جمعة بنات وعازمينا حن يابناتك وبنات عمي
تركي / بدون موافقة احد
ليان / ابشرك جدي وافق
تركي ضحك لانه درا (عرف ) انه نرفز ليان
فزاع /اوصلكم
رويدا / لا ميحتاج البيت عند الباب دقيقتين وحن واصلين
ابو تركي (سلطان )/الا الا يوصلكم حتى لو انه قريب
ليان /ابشر تامر على شي يالغالي
ابو تركي /لا سلامتش مير استانسو (بس انبسطو)
رويدا بأبتسامه/ابشر يعم
اطلعو البنات وفزاع هم اللي يوصلهم
فزاع /شحالش يبنت العم
ليان وهي متناظره /بخير الحمد لله شحالك انت
فزاع بدون مايناظرها /بخير يسرش الحال ،الا متى بترجعون (طبعا من الاحترام والذوق ان رجل مايحط عينه على بنت والعكس صحيح )
رويدا سكتت تبغاهم يتكلمون مع بعض لو موضوع واحد
ليان وهي متحلفه في رويدا /مدري والله بس انها سهرة بنات يمكن نتأخر
فزاع /ليه مو اهلهم عندهم
رويدا سكتت(رويدا مسجله صوت )
ليان /لا والله مهب (مو) موجدين بس بنتهم اتوقع انهم في البر بيمسون (ينامون) هناك فهي قالت نسوي جمعة بنات مدام اهلها مهب فيه
فزاع / اها طيب اذا خلصتو دقو علي
رويدا بغمزه/ تمام ياحبي
ادخلو البنات وكان في استقبالهم زغاريط الجازي /قللللللوش هاارحبو ثم ارحبو ملاين تو مانور البيت
ليان ورويدا وهم ينزلون عبايتهم /منور باهله
الجازي / وشذا الزين والله انكم ماخذين الجو
رويدا /حبيبتي والله الله يسعدش
الجازي /مير وين البنات ليه ماجّو
ليان / والله يتجهزون وانا وتيا (ذي)(قصدها رويدا)خلصنا قبلهم
رويدا /الا من عزمتي
الجازي /مفاجئه
استغربو رويدا وليان بس مااهتمو ودخلوا داخل يجهزون باقي الاشياء
عند العيال
------•------
ذياب /يعيال شرايكم نعزم هايف وجزاع وباقي العيال ونسمر في الحلال هناك
فزاع /لا يارجال هايف بعيد منك ماهو حولك هو وجزاع
محمد / شقصدك
فزاع /قصدي انه بالبر هو واهله
حسين/طيب عادي نعزم خويانا وندجها (نتحرك )صوب (نحّو ،زي كذا )نجران
حمد /مهب شينه
عبدالله  /اجل خلاص تم بكلم العيال واردكم خبر

وبكذا وقفنا هنا اشوفكم بالبارت الجاي ياحباني احبكم {لااستبيح القرأه بدون تفاعل ولالنقل بدون اسمي }

-تتوقعون من الشخص اللي كان يتأمل وصايف وملاك ومن كان يقصد
-وهل سهرة البنات بتمر على خير ولالا
كل ذا بنعرفه في البارتات الجايه سيوووو