مانت عابر في حياتي والسلام انت حتى في غيابك لك حضور

بارت ٨

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين اللهم سخر لي الارض ومن عليها والسماء ومن فيها. لا اله الا انت سبحانك اني كنت من الظالمين ..لاتجعلو روايتي تلهيكم عن الصلاه

وصايف وهي تضربها / عن الغلط
تركي وهو برا /لمى يااااااالمى
لمى جت /هلا هلا
تنحنح ذياب وصد ولمى دخلت دخلت داخل مصدومه
تركي بحده / معي ذياب
لمى بإرتباك /اا م مرني
تركي بحده /يقول جدي تعالو سلمو مابه حد غريب
لمى وهي تقفل الباب مستعجله /طيب طيب
قفلت الباب ورجعت لوصايف
وصايف / وش يبغى تركي منش
لمى/بس يقول نسلم على جدي ناجي مابه حد غريب
راحو البنات يلبسون ويطلعون واول وحده قدامهم جدتهم ومهاتهم يساعدونها تمشي دخلت واول ماحطت عينها عليه وتلاقت عيونهم بكت من الشوق له (الجد ناجي اخ الجد بخيته )فز لها وقام وسلم عليها سلام حااااار
الجد ناجي ببتسامه / ارحبي يارفيقة دربي وعضيدي
الجده بخيته ببتسامه / الله يبقيك ياخوي
الجد ناجي /مابغينا نشوفش
الجده بخيته /لا  والله من اللي رايح وغايب عنا ٩ سنوات انا ولاانت
الجد ناجي / طيب مدامنا جينا ودي افاتحكم بموضوع
الجد حسين /سم
الجد ناجي وهو يناظر لابو فزاع / والله ان حن جاين نخطب احمد لرويدا
ارفعت رويدا راسها بسرعه وناظرت فيه بصدمه ونزلت راسها ماتبغا الدموع تنزل اما احمد اللي انصدم ليه مايفاتحونه بالموضوع ولا عرف وش يسوي اما ثامر الللي تجمد دمه من الكلام اللي قاله جده وانقهر ان حبه  وشقاه وصبره اللي يوم كان عمره ١٢ راح يروح كذا والنهاية كذا انقهر وعصب وناظر برويدا ومن ثم ناظر باأحمد اللي عارف انه مغصوب ولا فاتحه جده بالموضوع عشان كذا ماحقد عليه فسكت ينتظر رد ابو فزاع
ابو فزاع ببتسامه / والله هاذي الساعه المباركه حنا موافقين مراح نلاقي مثل احمد لبنتي رويدا
رويدا يوم سمعت كلمة "احمد لبنتي رويدا " بغت تنفجر بكي بس مسكت يد لمى تشد عليها عشان ماتبكي وليان تناظرها بهدوء وهي ساكته
الجد ناجي / اجل الاسبوع الجاي نخطب على مايزين بيتنا
الجد حسين ببتسامه / على خير ان شاء الله خطبة احمد ورويدا الاسبوع الجاي
زغرطو الامهات والجده ماعدا البنات رويدا كانت تتحمل انها ماتبكي قدامهم فقامت ليان ومسكتها وراحو ولحقتهم الهنوف
رويدا كانت ترتجف  وليان والهنوف كان يشدونها ودخلو للمقلط وقفلت الباب ليان جلست رويدا وهي ماسكه الصيحه
ليان بهدوء / انفجري هنا فضفضي هنا  وانا بسمعش لين النهايه انا والهنوف وش مبكيش ؟
انفجرت رويدا تبكي على حضن الهنوف والهنوف وليان انصدمو من بكائها اللي يدل انها كاتمته من زماااان
رويدا وهي تصيح /ليييييش انااا المححححرومه لييييش انااااا اللي مااااااخذ الللي في خاطري لييييييش اسكككككت عن حقييييي دايمن لييييييش هههههو انااااا غبيييه ماااخذ اللي ابييييه ولا محرررررومه من الدنيا ووناستها عممممري ماتهننننيت فيها بترووووح الدنيااااا وانا حتى ماطبيت باب بييييتنا يعننننني وشو مسويييين هم الللي يخافون علييينا ولا كل ذا انااااانيه يبوووون بس نففففذ طلباااااتهم علشان نررررررضيهم لككككن هنا وكفااااايه انا مراح اواااافق انا الللللي بعيش عمررررري معه وبجييييب منه عيييييال ولا ههههممممم ماترررررردون ؟
ليان بهدوء /انتي انتي اللي بتعيشين معه ارفضي وانا ورويدا والبنات بنكون معش سند لش وعكازه تشدين عليها مو لازم هالمره نرضيهم صح ؟
الهنوف ببتسامه /صادقه ليون مو لازم نرضيهم هالمره بعدين انتي في خاطرش احد
رويدا بانفجار وصياح / ايييييييه في خااااااطري احححححد واللله لاضحييييي علشانهههه ولاااا مااكون رويداااا
الهنوف ليان /ونعم
ليان بهدوء/تقدرين تقولين اسمه لنا
رويدا ببتسامة فخر /ايه اقدر وانا فاخره فيه
الهنوف وليان  /منهو
رويدا / ثامر
الهنوف صاحت وليان سكتتها
ليان /اسكتي شوي
الهنوف /مقدر مقدر عصافير الحب
ليان بصرامه /روحي ارفضي ضحي علشانه تراه يحبش
الهنوف ورويدا /شدراش
ليان /شفته كيف هو يناظر فيش وواضح مقهور روحي ارفضي
رويدا قامت وقامو معها ليان والهنوف / يله
اطلعو البنات والتقو بثامر اللي سئل رويدا سؤال ولااهتم باللي كانت معهم
ثامر بهدوء وغبنه / لا توافقين
رويدا / وليه
ثامر صد بوجهه يكتم غضبه / لاني بخطبش واول ماترفضين ترا انتي منتي مغصوبه تبغين توافقين وافقي هاذا مصيرش ترا
رويدا بحده/ ماني موافقه ويخسي واحد يجي ياخذ محلك
وراحت عند جدها وثامر اللي كان مصدوم ولا فهم حاجه
ليان / رايحه تضحي عشانك رح انت ضحي عشانها
راحو البنات عند رويدا ولحقهم ثامر اللي كان طاير من الفرحه
رويدا بصرامه وحده واقفه عند ابوها وقالت بكل ثقه / ماني موافقه
ابو فزاع بعدم استيعاب /كيف
رويدا نفس الصرامه والثقه /ماني موافقه
وقف الجد حسين وابو فزاع والجد ناجي / وليه ان شاء الله ماتوافقين
لفت رويدا على جدها ناجي / العذر والسموحه ياجد بس عادني صغيره على ذي السوالف وابي اكمل دراستي واهتم بمستقبلي اذا خلصت ذيك الساعه اوفق
كان ابو فزاع يبغا يضربها كف بس وقفه ثامر اللي قال بحده وهدوء / لا ياعم مااتفقنا على كذا
الجد حسين / وانت وش دخلك
ثامر قالها بكل شموخ / انتم فاهمين التربيه غلط اذا فاهم ان التربيه تضربها وتسترجل عليها فانت كذا منت برجال انت الرخمه وعقلك عقل طير وتاخذ الموافقه بدالها من بيتزوج انت ولاهي من بيجيب عيال ويتعب انت ولاهي
واما بس انكم تذلونا على ارضاكم ياما ضحينا بأشياء عشان نرضيكم وحن ماكلين تبن وجالسين نضحي يعني لمتى نضحي ونسكت عن حقوقنا ايه ياعم انا احب رويدا ولا سويت شي حرام انا جاي اخطبها واذا تحسبني العب عليها كان ماضحيت ذي التضحيه وقلت ذا الكلام انا ابغاها بالحلال وتكون زوجه لي وانا اكون سندها من بعدكم ...
انصدمو كل اللي بالمجلس وخصوصا ابوه وخواته وامه ماكانو يتوقعون ثامر يحب يوم من الايام ولا عرفو ان تفكيره كذا كانو مقتنعين من كلامه وكلامه ميه بالميه صحيح والاهم من ذا كله انه يبغاها بالحلال ..
الجد ناجي / ماكنت اعرف انك بذي الوقاحه
ثامر ببرود /مهب وقاحه فاهم غلط ياجد
الجد ناجي ببرود / يارضاي يارضاها
انصدم ثامر والكل وتجمد قلب رويدا من الصدمه طيب وش الفرق بينه وبين احمد
منصور ( ابو ثامر)/ يبه استهد بالله شفيك على الولد مااله ذنب ترا يوم تقول ذا الكلام يبه لاتفرق بين قلبين بعدين احمد كلنا عارفين انه مغصوب خلاص وبعدين يمكن ماينجح زواج احمد ورويدا وبتكون انت السبب واحمد انشوفله وحده ثانيه ...قاطعه الجد ناجي وهو يقول / رضاي ولا رضاها
ثامر مسك راسه ووقف لما جده جاه وقال /تكلم ياثامر رضاي ولا رضاها
ثامر بغبنه /تكفى ياجد لا تكسرني
اضربه جده وبعصبيه /ماعندنا رجال ينكسر عشان مره تفهم ولالا وكمل كلامه بهدوء.. رضاي ولا رضاها ياثامر
ثامر انفجر عليه صياااااح / رضاااااااااك رضاااااااااك رضاااااك خلاص ارتححححححت تككككككلم ارررررتحت دااااايما نضحححححي علششششانكم وانتو مممماقد ضححححيتو علششششانا
اضربه جد كف لدرجه طبع على وجهه وشفايفه تنزف دم بسبب خاتم جده قال بكل هدوء وحده / الله يذوقكم اللي ذوقتوني ياه  مدامك ضربتني اجل والله لو تحرق علي اراضي نجران اني لااخذها مراح يروح حبي كذا
تسمع
ابو فزاع ابتسم / ابشر بعد المغرب جب الشيخ وتعال اخطبها .
ابتسم ثامر له وقرب وحب راس عمه وابوه وجده ناجي وقال /العذر والسموحه مو لازم نعيش على ارضاكم
وطلع وهو ناقد (زعلان )على جده واجد وانه موقف في طريقه

وبكذا خلصنا البارت اتمنى يعجبكم وابي تفاااعل علشان انزل لكم ثلاث ايام بالاسبوع (مااحلل احد قرأ بدون تفاعل واذا تبون تنزلون روايتي اكتبو اسمي وحسابي والقصايد عادي اخذوها اذا اعجبتكم )

-هل تصرف ثامر مع جده صحيح ولا تشوفونه غلط
اكتبو لي في التعليقات ....