مانت عابر في حياتي والسلام انت حتى في غيابك لك حضور

بارت ١٧

يقول الله تعالى في كتابه الكريم {وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ }

(مااحلل احد قرأ بدون تفاعل ولا كومنت واقتبس روايتي الا بذكر المصدر )

نجمه ⭐ /تقديراً لتعبي

نبدأ بسم الله
طلع فزاع برا وداخل داخل البيت يبغا يرووح لغرفته
ابو فزاع /يبه ماكنك قسيت عليهم شوي
الجد حسين بحده / حمد قم احرق ذي الأوراق وقل لفزاع ولليان بكره يذلفون للرياض ولاعاد يجوني هنا الا بعد ماينتهون الدراسه حتى الإجازات لايجوني
ابو تركي /يبه ت..
الجد حسين /رب بنتك تربيه زينه حتى سياره عندها سياره والباقين لا أحمد ربك اني ماجلستها في البيت شوف بنتك وين تروح وتجي وانت
ابو فزاع /سم يبه
الجد حسين / نفس الكلام لك وام تركي وفزاع انتبهوو لعيالكم ولاعاد تهملونهم
قام وراح يرقد (غرفته فوق ) دخل داخل ورقى فوق الدرج ولقى باب غرفة ليان مفتووح ومطفي اللمبات دخل وشاف مافيه احد واغراضها مهب موجوده وقال بعصبيه /هين تطلعين من البيت بدون علم احد شكل مابه حد رباش زين لكن معليه بربيش انا
فلاش باك سريع ...
عند ليان طلعت من المجلس ودموعها تسبقها والبنات يلاحقونها دخلت غرفتها وسكرت الباب بوجههم لمت اغراضها كلها وفتحت الباب ولقت الهنوف والبنات قدامها / شقومش وين بتروحين
ليان بعصبيه / شرايكم تخلوني ارووح قبل لااحط حرة القهر
فيكم
رويدا بعصبيه /نبهناش ولا سمعتي من قالش تجينا
ليان بعصبيه / كيفيييي كيفييي لاعاد تدخلين فيني وفكيني شرش انقلعيي
دفت البنات ونزلت من الدرج الا وتلاقي فزاع يرقى الدرج مشت قدامه ومشى قدامها ولااحد نطق بحرف طلعت ليان من البيت ودموعها سابقتها وبينما وهي تمشي سمعت جدها يصارخ ومافهمت وش قاعد يقولل وتجاهلته وطلعت برا البيت وركبت سيارتها وحركت من البيت
انتهى فلاش باك ..

مكان جديد وعائله جديده عند اخوان تهاني
—————————————–——
سيف بخبث الدنيا /متى بنلحق
هملان وهو يفكر / خل تركي يطلع من العسكريه ومن ثم نبدا بالخطه
سيف / طيب انا عندي خطه احسن منها ويمكن ماننمسك بسرعه
هملان وهو يدخن /عطنا من ابداعك
سيف / شوف ياطويل العمر والسلامه مدام شركة صالح (ابو راشد ) طاحت وهو في التحقيق فلازم نبدا الخطه بسرعه
هملان ناظره وقال بعدم فهم /كيف بسرعه وانت شناوي عليه
سيف / ناوي نخطفهم
هملان بعصبيه /انت صاحي ولا خبل تبغانا نخطف هادي واللي معه مستحيل بننمسك كذا
سيف ضرب راس هادي /ياغبييي ماقصدي هادي قصدي بناتهم
هملان بخبث /قصدك لمى وليان
سيف صفق /ايههه يعجبني الفاهم ايه لمى وليان
هملان بخبث /طيب شرايك باللي يخطف خوات هادي وكاسر وعبدالرحمن
سيف بأستغراب /لييه كاسر وعبدالرحمن عندهم خوات
هملان /ايييه ومزايين بعد
سيف ضحك وقال /طيب من بنبداء نخطفه
هملان /سمعت ان ليان تدرس في الرياض والجمعه والسبت تمسك خط لنجران فأنا اقول نخطفها هي اول وحده
سيف /طيب اسمع إذا خطفناهم كلهم كل وحده في مكان معين
هملان بأستغراب /وليه
سيف /علشان إذا حصلو وحده فيهم وقتها ماننمسك كلنا والبنات مايلاقونهم بسرعه
هملان /وبكذا نلعب بأوتارهم
سيف /ياسلام عليكك فهيم
هملان /انشهد انك ذيبٍ امعط
سيف ضحك وقال /مابعد شفت شي
هملان /بس ياخيي هادي وكاسر وعبدالرحمن كل واحد له رتبه عاليه !!
سيف / وانت شدراك ؟
هملان /سمعت واحد يقول ان هادي فريق وكاسر عميد وعبدالرحمن عقيد
سيف بأستغراب /طيب والمطلوب
هملان بحده /كيف والمطلوب ماتخاف ننمسك انت خابر ليه ذولي رتبتهم عاليه ولا منت بخابر
سيف /الا خابر بس كذا ولا كذا بننمسك بس انا قصدي ناخذ حق جابر (خويي عزيز ) قبل ماندخل السجن