في مكان بعيد وبالتحديد الصعيد في شركة الهواري... بيتفتح باب مكتب
مازن: اي يا حبيبي مطنشنا اليومين دول
مروان بعصبيه: انا مش مليون مرة يا بني ادم انت قولتلك متخوشش بالطريقة بتاعتك دي
مازن بسهوكه: لو مش عاجبك طلقني
مروان بقرف: جاتك القرف في شكلك وانت شبه البنات كدا ما تسترجل يالا وتخليك جد في حياتك
لسه مازن هيرد دخل يزن بنفس الطريقة
يزن: روني حبيبي صباح الفل
مروان: بيضرب كف بكف وبيقول لسه بهزهق الحيوان الاول جه الحيوان التاني واضح اني غلطت لما شغلت عيال معايا
يزن بضحك: مالك قفوش كدا ليه ده احنا حتي مخلينك الشركة عنب العنب
مروان بإستغراب: عنب العنب! والنبي ده لفظ واحد متعلم يالا برا منك ليه كل واحد علي شغله احسن والله انتو عارفين
يزن ومازن في نفس الصوت: طبعاً طبعاً الوش والعرق الصعيدي هيطلع وراحوا علي شغلهم.
نرجع لقمر تاني بعد ما خبطت في حد
قمر وهي بتبص للشخص بقرف: جرا اي يا أخينا مش تفتح عالم معندهاش دم صح
بيرد عليها الشخص: والله انتي كمان سرحانه ومش بتبصي قدامك وشيفاني غلطان انتي متعرفيش انا مين
قمر بقرف: يادي ام الافلام الي لحست دماغكم هتكون مين يعني حتة موظف في الشركة كحيان
الشخص بيرد عليها: كحيان! انتي ازاي اصلا دخلتي الشركة بإسلوبك السوقي ده
قمر بزعيق: نعم يا دلعادي سوقي سوقي مين يا بقف انت والله الم عليك الي ما يشتري والي ما يتفرج وفضلت تشتم فيه
لسه الشخص هيرد عليها جه الامن وخدهم علي مكتب المدير
في الحضانة عند سارة...
دخلت الحضانة وهي بتقول للأطفال: صباح الخير يا كتاكيت وحشتوني وحشتوني
العيال اتلموا عليها وفضلوا يحضنوا فيها وبيقولوا النهاردة جبنالك حبة اكل انما اي
سارة بإبنبهار: تربيتي والله عارفين المس بتاعتكم متعرفش تشتغل غير بالاكل جبتوا اي بقي
طفل منهم رد عليها: انما انا بقي يا برنس جبتلك حلة محشي تاكل صوابعك وراها
سارة بضحك: العب ياض يا بليه والله ماليش غيرك
طفلة جت وكلمتها وبتقول: وانا بقي معايا شويه اخبار عنب ليكي بس عاوزة الحلاوة
سارة بصلتها بقرف وقالت: القروبه جت اهي عرفاكي مصلحجيه عاوزه اي
ردت عليها الطفلة وقالت: انتي وزقك بقي... وغمزت 😉
ردت سارة وقالت بكره عندي الحاجه دي تكوني زودتي الاخبار
وبدأت اليوم بتاعها الذي لم يخلو من الهزار والضحك
في الشركة تحديدا مكتب المدير....
قمر دخلت وبتمثل العياط وبتقول: شوف حضرتك الاستاذ ده خبط فيا ومش مكفيه كدا وبس لا بيطول لسانه كمان
رد عليها الشخص وقال: انا رديت عليكي يا بت انتي ده انتي راديو ولما صدق فتح
لسه هترد راح كريم صاحب الشركة رد وقال: انا شوفت كل حاجه في الكاميرات مفيش داعي لكل كلامكم ده
قمر بإحراج: طبعاً لو قولت لحضرتك اني بمشي وبتكلم وانا نايمه مش هتصدق
كريم: اي يا قمر شغل العيال ده لولا انا قريت السي ڤي بتاعك كويس وعارف انك مجتهدة مكنتش قبلت انك تكملي وتحضري الانترڤيو يالا قدامي
رد الشخص الي اتخانق مع قمر بعصبيه: ايوه بس انا برضو مش خدت حقي منها وعلي لسانها الي طول عليا رد عليه كريم بزعيق: عمر اطلع دلوقتي مش وقتو الكلام ده
رد عمر: بس ولسه هيكمل
كريم بزعيق: قولت اي
طلع عمر وهو متنرفز
دخلت قمر الانترڤيو واتقبلت في الشركة
كريم بتحذير: قمر اكيد مش هعيد واقول انك اتعديتي حدودك واتخانقتي مع حد من اكفئ الناس في الشركة وان انا مقبلش بده ولولا طبعاً السي ڤي مكنتش قبلت ارجو الإلتزام في الشغل وميحصلش كدا تاني
قمر في نفسها: راجل لتات كل شويه ارجو ومش ارجو عملي فيها فلبيني هو يطول واحده زيي في الشركة
ردت عليه وقالت: حاضر يا فندم
كريم: معادك بكره الساعة 8 هتيجي وتعرفي اي نظام شغلك تمام
قمر: تمام
وخرجت وذهبت إلي منزلها...
في المساء في منزل قمر....
رجع ابوها وإياد من الشغل وقعدوا لقوا قمر طالعه ولابسه ترنج بينك بزنط
محمد بإستغراب: رايحه فين يا قمر
قمر: رايحه عند كارما وسارة جايه لينا هناك
محمد: وواخده في وشك كدا ولا بتقولي حتي
قمر: منا بقول اهو يا بابا
محمد بيرفع حاجبه وبيقول: لا والله كتر خيرك
قمر بتخبط علي كتفو وبتقول: عيب يا سيد متقولش كدا احنا أهل
محمد بضحك علي ابنته:والله مجنونه مستني اي منك انا روحي يا بنتي وخلي بالك من نفسك
قمر بتبوس ابوها من خده وبتقولو: والله الي ليا والحته الجوانيا
محمد بضحك: بكاشه
ضحكت قمر ولسه هتمشي راح إياد قالها: ربنا يتوب علينا منكم يا ثلاثي جلاب المصايب
قمر بتطلع لسانها وبتقول: ملكش دعوة انت
وبتنزل لشقة كارما.....
انتظروا الفصل الثالث.....
ياتري اي الي هيعملوه الثلاثي دول؟
وياتري عمر هيسيب حقه؟
واي الي منتظر ابطالنا وبطالتنا؟
كل ده هنعرفوا في الفصل الثالث مع قدر وبس 😉
رأيكم في الكومنتات يا قمرات 🤍😊
أنت تقرأ
قمر الصعيد
Humorماذا اذا وقعت في مجموعة من المجانين لكل واحد منهم طعم خاص هذا ما يجعل من قصتنا لذة خاصة🦋
