قمر الصعيد

الفصل الحادي عشر🦋

عند قمر ومروان.....

قمر كانت ماسكه التيليفون وبتتصل بحد وكانت فاتحه الاسبيكر
قمر فجآه بعلو صوتها: الناس الي عاوزه تتضرب بالجزم اين صحابي انا لا آراهم
سارة بضحك: الصحاب في اجازة يا برنس الليالي
كارما بضحك ايضا: متسمعيش منها يا مرمر انتي وحشانا والله وقطعتي بينا اوي
سارة بتريقه: شوفي وشك وإبتسامتك باين عليها فعلا انها قطعتك بيكي عقبال قطع رقبتك
كارما بعصبيه: قطع رقبتك انت يا جعفر والله لو مش سكتي هسيب عليكي ستك
سارة بعصبيه: انتي قد الكلام ده يا بسكوته
قمر بزعيق: بسسسس اسكتي منك ليها وبطلوا هوهوا هو انا مش هخلص منكم ابدا انا غلطانه اني اتصلت بيكم
مروان في نفسه: اي ياربي المصيبه دي شكلها هتبقي مرار وصحابها اجن منها وباين يقلبوا دماغي علي الصبح
سارة بإبتسامه: اهدي يا قمري علي الصبح وبلاش العصبيه دي
قمر: طول ما انتو في حياتي مش ههدي
كارما بتمثيل: اخس عليكي اخس مطمرش فيكي العيش والمفتقه
سارة مجاريا كارما: عندك حق يا كوكي ولا طمر فيها المحشي والبانيه بتوع المقاريض بتوعي
قمر ماسكه دماغها وبتقول: انتو مجانين بجد بقيتو دلوقتي مع بعض
سارة بتبعت لكارما بوسه وبتقول: دي حبيبتي كوكي
كارما: حياتي انتي يا صرصور
قمر: ارحمني ياربي مش كفايه الي انا فيه
مروان كان عاوز يخلي قمر تقفل التيليفون فعمال يبرقلها وهي ولا هنا 
مروان في نفسه: منك لله يا قمر انتي وصحابك بالصداع الي جبتهولي ده
مروان راح مزعق وقايل: قمر يالا عشان الشغل ده تعمليه
قمر بنرفزه: ما براحه شويه يا استاذ مروان
مروان بضحكه ساذجه: معلشي سيادتك اصلنا متأخرين
كارما بإستفسار: بت يا قمر مين مروان ده
سارة: باين عليه حته علي الفراسه باين من صوتو
قمر بتبلع ريقها وبتقول: بنات انا فاتحه الاسبيكر علي فكرة اقفلوا دلوقتي باي وقفلت التيليفون
وقمر اتكسفت تحط عينيها في عين مروان بعد الي قالته سارة
مروان: خدي الورق ده انتي ارسمي المكن والاجهزة الي في المشروع لحد ما انا ارسم بقيت المشروع
قمر: حاضر
راحت قمر قعدت علي كرسي قدام مكتب مروان وبدأت ترسم
بعد شويه....
قمر بفرحه: اتفضل خلصت
مروان راح ماسك الورقه ومقطعها
قمر بزهول: اي ده ليه كدا
مروان: مش حلوه عيديها تاني
قمر بعصبيه: انت عارف انا تعبت فيها قد اي
مروان: قولتلك مش حلوه ارسمي غيرها
قمر راحت وهي متنرفزه ورسمت غيرها وادتها لمروان وراح قطعها برضو وقالها ترسم غيرها رسمت غيرها وراحت تديها ليه راح قطعها
قمر بزعيق: لا بقي كدا كتير ودي فيها اي دي كمان دي احلي واحده فيهم
مروان بعصبيه: مش حلوه برضو ياريت تتحسني شويه وبطلي زعيق
قمر بعصبيه: مش هبطل وانا هوريك هعمل اي
مروان بضحكه ساذجه: وريني كدا
قمر بعصبيه وبتحدي: بقي كدا طب خد
مسكت ورق المشروع الي كان بيرسم فيه بقالو كتير وقطعتو
مروان بزعيق وهو ماسك ايديها جامد: انتي ازاي تعملي كدااااا
عند كارما....
كانت جهزت الورق الي طلبو يزن واشرفت علي الناس الي بيجهزوا اوضة الاجتماعات زي ما قال يزن
ويزن كان جه رجال الاعمال الشركة الي  هيعمل معاهم الاجتماع استقبلهم ودخلوا اوضة الاجتماع
وقعدوا كلهم وقعد معاهم يزن
بعدها طلب كارما وجتله بالورق خدو منها وفضل يشرح ليهم المشروع
كارما كانت قاعده وعلي وشها ابتسامة خبث وفرحه
يزن كان هيقوم عشان يوريهم المشروع علي شاشات العرض فلقي نفسو مش عارف يقوم
يزن في نفسه: في اي هو انا مش عارف اقوم ليه
يزن كل ما يحاول يقوم مش عارف
واحد من رجال الاعمال: في اي يا استاذ يزن مش كنت هتورينا المشروع
يزن بلع ريقو وقال: منا بقوم اهو
يزن جاي يقوم بقوة راح وقع بالكرسي
كل الي في المكان فضلوا يضحكوا واولهم كارما ويزن شايط منهم
يزن بعلو صوتو: برا كلكم برا دلوقتي
كلهم طلعوا كارما جايه تطلع يزن قالها: استني انتي
كارما بلعت ريقها وقالت: مش حضرتك قولت نطلع
يزن بعصبيه: وانا بقولك استني دلوقتي
كارما في نفسها: هو عرف ولا اي ربنا يرحمك يا كارما كنتي عسل يا مضروبه
يزن بعصبيه: دلوقتي حالا تشوفلي حد يخلصني من الي انا فيه
كارما: حاضر جايه تمشي يزن قالها: استني تعالي اعدليني الاول
راحت كارما عدلتو
يزن بعصبيه: يالا روحي هاتي حد يخلصني
كارما: تمام وراحت وجابت واحد عامل
يزن بعصبيه: هيخلصني منها ازاي ده تبع شغل النجارة
كارما محاولة كبت ضحكتها وبتقول: ماهو ده المطلوب حضرتك
يزن مش فاهم لحد ما شاف العامل طلع شنيور
يزن بعصبيه: انتو هتعملوا اي
كارما: هيفصل حضرتك عن الكرسي
يزن بعصبيه: ده كدا هيفصلني انا شخصيا
كارما بضحك: انت مضايق ليه هو عارف هيعمل اي متخافش
يزن بزعيق: كارما اطلعي دلوقتي انتي وهو وتجيبي حد يخلصني من المشكلة دي فاهمه
كارما راحت جريت من صوتو وخدت العامل معاها
بعد شويه جت وجابت معاها واحد
كارما بلعت ريقها وقالت: بص هو الموضوع ده مينفعش غير بحل واحد ان وسكتت
يزن بعصبيه: اي كملي
كارما: تتفصل عن الكرسي بمقص يقطع جلد الكرسي عشان تعرف تقوم
يزن بعصبيه: ايييه
كارما بخوف: هو ده الي هينفع
يزن بعصبيه: حسابك معايا استني
راح الشخص قطع جلد الكرسي ويزن قام وجلد الكرسي لازق في البنطلون وشكلو يضحك
كارما اول ما شفتو مقدرتش تمسك نفسها عن الضحك
يزن بزعيق: برررررا يا كارما مش عاوز اشوف وشك
كارما طلعت وهي علي وشها ابتسامة نصر وبتقول: ولسه يا يزو
في منزل الهواري....
كان هاشم قاعد في مكتبو بيعمل شغل وبيشرب قهوتو
فجأه لقه حد بيحط ايدو علي وشو وبيقول بصوت ناعم: يا تري انا مين
هاشم راح شال الايد بعنف وقال بعصبيه: انتي اي الي چابك هنا عاد انتي بتستهبلي
عند سارة....
كانت قاعده مع الاطفال
سارة بفرحه: والله حبايبي بقي كل ده ليا
طفل اسمو كرم بيقول: طبعاً يا برنس ده انت المعلم بتاعتنا ولازم نغذيك
فريد: شاطر يا واد يا كرم تربيتي وطمرت فيك التربية
كرم: اومال اي يا معلم
سارة بتضحك عليهم
فريد: وانا بقي يا معلمة النهاردة جبتلك كباب وكفته
سارة بتبلع ريقها وبتقول: الله الله جوعتني
فريدة: وانا بقي جيبالك اخبار اخر اصدار
سارة: اي يا مقروضه قولي
فريدة: بصي يا معلمة الابله سوسن كانت شغاله رط هي والابله احسان علي الست الناظره راحت قفشاهم ومدايهم اسبوع خصم
سارة: اسبوع بنت المفتريه هاه كملي
فريدة: والابله سميرة امبارح كانت جايه واخده في وشها لوكاميه مورمه عينيها وبتقول للأبله احسان ان جوزها الي عمل فيها كدا وانها مش هتسيب امو في محكمة الاسرة
سارة: احسن يستاهل طول عمره نطع مفيش اخبار تاني
فريدة بتنادي وبتقول: بت يا كنزي في اخبار تاني
كنزي: لا هو ده الي اتوصلنا ليه ولسه جاري البحث
فريدة: كويس عشان بكره المعلمة تلاقي حاجه تسليها
سارة: عفارم عليكي يا بت يا مقروضه شغلك عاجبني اليومين دول
فريدة: احنا عينينا ليكي
وبعديها مشيوا الاطفال وقعدوا مكانهم وهي ضحكت عليهم وقالت بشبه دموع: والله انتو الي مديني امل في الحياة اعيش عشانو الحمدلله يارب
لقت تيليفونها اعلن عن وصول رسالة من رقم غريب بيقول: يا مساء العناب
سارة بعصبيه: مين
مازن: لا انتي طلعتي غبية اوي مكنتش اتوقع كدا
سارة بعصبيه: عاوز اي يا مازن
مازن بضحك: احبك وانت مصحصح
سارة بعصبيه: ما تبطل قلة ادب ياض
مازن بضحك: مقبوله منك المهم كنت عاوز اقولك استني مفجأتي ليكي بجد هتتصدمي منها
سارة بعصبيه: هو انت موركش حاجه غيري غور شوفلك مصيبه تمشي فيها وتغور من وشنا وراحت قفلت التيليفون

انتظروا الفصل الثاني عشر....
ياتري مروان هيعمل اي في قمر؟
وياتري كارما ناويه علي اي تاني ليزن؟
وياتري يزن هيعرف ان كارما هي الي عملت فيه كدا ولو عرف هيعاقبها ازاي؟
وياتري مين الي دخل علي هاشم مكتبه؟
وياتري اي المفاجأة الي بيتكلم عنها مازن؟
ده كلو هنعرفوا مع قدر وبس 🤍😉