قمر الصعيد

الفصل التاسع عشر🦋

التفاعل قل كدا ليه يا بنوتاتي يالا عاوزه تفائل كبير عشان الاحداث الجاية من ناااار🤍😉
فوت قبل قراءة الفصل يا حلوين🤍😊
جاهزين للفصل الجديد يالا بينا🤍😊

عند كارما......
كانت قاعدة بتغلي وعماله تولول
كارما بغضب وحسره: اه يا كارما يالي متعوده علي المصايب ياختي اه دماغي هتفرقع هعمل اي ياربي
وافتكرت الي حصل لما يزن جه ليها البيت
#Flash back
بعد ما كارما شافت الورقة الي اداهالها يزن اتصدمت
كارما بصدمه: قول ان دي ورقة عاملها عشان تسيب اعصابي قول والنبي
يزن ببرود: ودي حاجه فيها هزار برضو يا كراميلا
كارما بعصبيه: لا انت اتجننت علي الاخر بقي يوصل بيك الاستغلال انك تعمل ورقة عرفي وتتجوزني وانا مغيبه كدا
يزن بإبتسامة بارده: ماهو لو كنتي بتلمي لسانك وتنفذي شغلك علطول وبعد ما قرصة ودنك المرة الي فاتت بدل ما تعملي الي عملتيه كنتي تتهدي شويه لا لسانك طول اكتر فكنتي محتاجه قرصة زيادة المرة دي
كارما بعصبيه: انت مجنون بجد او مشوفتش بربع جنيه تربية قرصة اي دي الي تخليك تسوء سمعة بنت وتتجوزها غصب عنها لا وكمان عرفي
يزن ببرود: عادي تعالي نروح نتجوز رسمي عند اي مأذون لو مضايقك العرفي اوي
كارما نزلت بقلم علي وشو وقالت: يا حقير
يزن وشو احمر وكان في قمة غضبو
كارما اول ما شافت حالته دي جريت علي اوضتها علطول وقفلت الباب
يزن وهو بيخبط علي الباب بعنف: افتحي الباب يا كارما بدل ما اطربقه فوق دماغك
كارما: لا مش فاتحه انتي عاوزني اموت في عز شبابي اجدع
يزن بغضب: امسكك بس يا كارما هلعمك الادب من اول وجديد اصبري عليا
كارما بغيظ: ده لو عرفت تشوف وشي بس
يزن بغضب: ماشي يا كارما خليكي بقي عندك
يزن لقي مفتاح الشقة وتيليفونها علي الترابيزة ابتسم بخبث علي حظها
يزن بخبث: ابقي وريني هتشوفي الشمس ازاي يا كراميلا باي يا حب
كارما بتولول بصوت واطي وبتقول: يالهوي يالهوي يالهوي يا صغيرة علي الموت يا حلوة
يزن خد المفاتيح والتيليفون وطلع وقفل باب الشقة بالمفتاح
كارما اول ما سمعت صوت قفل الباب فتحت باب الاوضة براحة وفضلت تبص في جميع الاركان تشوفه مشي ولا لا لما مش لاقته طلعت
كارما بإبتسامة انتصار: فاكر هتنتصر عليا انا ده انا كارما والاجر عالله
فتحت التيلفزيون وقعدت تتفرج بإستمتاع ومخدتش بالها من حاجه خالص
بعدها قالت في نفسها: اما اقوم البس وانزل اجبلي بيتزا واروق علي نفسي
لبست واتشيكت جايه تفتح الباب لقتو مش بيفتح بصت علي التربيزه ملقتش المفاتيح
كارما وهي بتبلع ريقها بمرارة: يا ليلتك الي شبه وشك يا كارما
فضلت تدور علي التيليفون عشان تشوق حد يفتحلها الباب ملقتهوش هو كمان
كارما بعياط: كملت كملت يا كارما لعبتها صح يا يزن يا ابن الرفضي
#نرجع للحاضر
كارما بحسره: اه يا نفوخي ياني اه كل ما افتكر الي عملو قلبي بيغلي نار
عند هاشم في الشركة.....
هاشم اتصل علي واحد من رجالتو عشان يجيلو المكتب اول ما وصل خبط ودخل
عامر: اؤمرني ياباشا
هاشم: بص يا عامر انا جصدتك في الموضوع ديه عشان عارف انك مش هتجصر رجبتي وهتخلي الموضوع ده مابينا بس
عامر: انت تؤمرني ياباشا
هاشم: بص البت السكرتيرة الي اسمها هدي عاوزك تحط عنيك عليها وتعرف بتجابل مين وبتعمل اي
عامر: عنيا ياباشا
هاشم: اول ما تعرف حاچه تخبرني علطول
عامر: حاضر
هاشم: يالا روح انت
عامر طلع
هاشم في نفسو: لما نشوف يا هدي هتطلعي عضيتي الإيد الي اتمدتلك ولا لا
في شركة الهواري....
كان مروان قاعد مضايق من اسلوبو مع قمر ومش عارف يركز في الشغل وكل ما يشوف قمر بتضحك مع عمر يتعفرت اكتر
فجأه الباب اتفتح
يزن ومازن في صوت واحد: سربرايز
مروان قام وراح حضنهم وهو بيقول: وحشتوني يا كلاب
مازن: متعرفش تكمل كلمة من غير شتيمه
يزن: الطبع غلاب بقي
مروان بضحك: وحشتني رزالتكم والله
اقعدو ده انا محتاجكم اوي
يزن: بدأنا المصالح يا ابن خالتي
مازن لمروان: سيبك من يزن قولي انا شايف وجوه جديدة
مروان: اه قصدك علي قمر وعمر دول الي جاين عشان مشروع كريم بتاع الزراعة استنو هعرفكم عليهم
مروان امر السكرتيرة تبلغ قمر وعمر انه عايزهم
قمر لعمر بقرف: انا مش طايقه اشوفو
عمر بضحك: اعصري علي نفسك زتونه هنعمل اي
قمر بتريقه: زتونه يا بايخ
عمر فضل يضحك عليها بعدين راحو مكتب مروان
خبطو ودخلو
مروان لقمر وعمر: اعرفكم بمازن ويزن شركائي
شاور علي يزن: ده يزن المدير التفيذي لشركة M الهواري الي في القاهرة
قمر وعمر سلمو عليه
وده مازن: مدير الشركة الي في القاهرة برضو
قمر وعمر سلمو عليه برضو
مروان ليزن ومازن: ودول قمر وعمر الي قلتلكم عليهم
قمر بغيظ لمروان: ياريت يكون مستر مروان قال كل خير عننا اصلو بيحبنا اوي
مروان برق لقمر وقال: ازاي وده حدث ميتقالش وهو كام سنة في العمر مصر بتنجب حد بالهدوء والعقل والرزانه واللسان السكر ده
قمر من تحت الضرس: ميرسي
كل ده ويزن ومازن وعمر مايتين من الضحك علي منظرهم
قمر: علفكرة يا مستر يزن ويا مستر مازن انا صاحبتي بتشتغل في الشركة دي
مازن بتساؤل: بجد اسمها اي
قمر: كارما الدخيلي
يزن كان بيشرب القهوة اول ما سمع اسمها شرق وتف الي شربه
مروان بخضه: مالك يا يزن
يزن عماله بإيدو تمام
يزن: كارما تبقي صاحبتك
قمر: ايوه وصاحبة الطفولة كمان
مازن: يعني انتي صاحبة سارة سليمان
قمر بإستغراب: وانت تعرفها منين
بعدين استوعبت وقالت بترسع: اه استني هو انتم يزن التور ومازن الخرتيت اوبس اسفه اصدي يزن ومازن يزن ومازن صح
يزن بصدمه: تور
مازن بنفس الصدمه: خرتيت
مروان بضحك عليهم: مش قولتلكم قمر لسانها بينزل سكر
قمر مسكت ايد عمر وقالت بإحراج: طب نستأذن احنا
عمر بعد ما طلعو سمح لنفسو انه يضحك ومش قادر يبطل
قمر بتكشيره: يوه ما تبطل يا عمر انت مش مقدر الي انا عملتو وعمال تضحك عليا
عمر بضحك: انتي فظيعه وكارثة ماشيه علي الارض بقي ده كلام تقوليه
قمر بتمثيل العياط وهي مطلعه لسانها  وبتقلد محمد هنيدي في رمضان مبروك ابو العلمين حموده: مش اني هو دي الي ينشك دي
عمر فضل يضحك عليها
قمر ضربتو في كتفو وقالتو: ياسمج
وسابته وراحت المكتب تخلص الشغل
في المكتب عند مروان.....
يزن بغضب: بقي انا السلعوه دي تقول عليا تور لما اشوف وشك يا كارما ده انا مخزنلك
مازن بغضب: وانا ام اربعه واربعين تقول عليا خرتيت ده انا هخلي الخرتيت ده يجيب اجلك
مروان بضحك: لا ده انتو تحكولي بقي مين كارما وسارة دول
يزن ومازن حكو لمروان كل الي حصل ما بينهم مع كارما وسارة من اول ما قابلوهم لحد دلوقتي
مروان عمال يضحك عليهم ومش قادر يسكت
مازن: تبا لك يا مروان بقي بتضحك علي احزان صحابك
يزن بإسلوب الست اللتاته: يا فااااارسني
مروان بضحك: اتوقع حاجه زي كدا منهم مش صحاب ام قردان دي وبعدين انا من الي سمعتو اقدر اقول يا شباب انكم طبيتو
مازن بردح: ايه يا عنيا انا يوم ما اطب اطب لواحده شرشوحه
مروان بضحك وبغمزه: شوف اديك لقط منها
مازن سرح وافتكر سارة وابتسم وقال: هي اه شرشوحه بس لمست قلبي من جوا بطفولتها دي بس هعلمها الادب الاول
يزن غمز لمازن وقال لمروان: صاحبك واقع من الدور العشرين
مروان بضحك:  انت وهو واقعين من الميه وحياتك
يزن بغضب: ده بعدك اقع في ام لسانين دي ده انا حتي كسرت غرورها واتجوزتها عرفي بإمضتها من وراها
مروان ومازن بصدمه: عملت اي يا روح امك
يزن حكالهم علي الي عملو والحوار الي دار بينه وبين كارما وانه خد تيليفونها والمفاتيح وسابها محبوسة
مروان: لا يا يزن الي انت عملتو ده ميصحش خالص دي بنت برضو وانت كدا هتسوق سمعتها وده مش اسلوب ناس متربين خالص
يزن بغضب: اومال اسبها تقعد تهزق فيا في الرايحه والجايه واسكتلها
مازن: بس ده مش اسلوب انتقام ابدا
يزن: اهو ده الي جه في بالي بقي وانا لما انزل مصر هقولها نتجوز رسمي
مازن ومروان بصو لبعض بخبث وقالو: باين انك مش بتحبها خالص
يزن: ولا بطيقها انا بس هعمل كدا عشان لو عندي اخت بنت مش هرضي يحصل فيها كدا
مروان بغمزه: باين باين
يزن كشر لمروان وطلعلو لسانو
مازن ضحك علي شكل يزن
مازن: وانت يا مارو رئيسة العصابة عامله معاك اي
مروان ابتسم وحكي ليهم عن كل الي حصل من قمر
مازن بضحك ليزن: ده طلع انقح مننا يا صاحبي
يزن بضحك: وانا الي كنت فاكرك معلم وبتعلم منك
مازن بغمزه: ده طب خلاص وبقي في غيره وحركات
مروان بغضب: بطلو تريقه ياض منك ليه علفكرة مطبتش ولا حاجه انا عادي خوفت عليها زي اختي مش غيرت ولا حاجه
يزن بغمزه: بأمرة ما بررتلها موقفك واعتذرت كمان
مروان بغضب: عادي عشان ضيفه واكرام الضيف واجب
مازن بغمزه: طب عمر
مروان بعصبيه: متجبش سيرة الحلوف ده تاني
يزن لمازن بخبث: بطل يا مازن مروان مش طب ولا حاجه ده حتي باين عليه بطل تدايق فيه بقي
مروان محاولا تغير الموضوع: سيبكم من المواضيع دي عاوزين نجهز للحفلة الثانويه عشان عاوزين نعملها المرة دي بدري عشان انتبه للمشروع
مازن: تمام هنتفق ونبدء نجهز ليها
فضلو يتكلمو حبه في الشغل وحبه علي الحفلة وحبه هزار وضحك طبعاً
عند هاشم في الشركة......
كان قاعد بيخلص شغل لقي تيليفونو بيرن بإسم عمار
هاشم رد عليه وقال: ها يا عمار في اخبار حلوه اباي
عمار: اخبار مش عارف ياباشا هتفرحك ولا هتزعلك
هاشم: جول يا عمار
عمار: لجيت البت هدي عاد نزلت من الشركة وبتكلم حد وهي موطيه صوتها وبعدين ركبت تاكسي دلوجتي وعماله تدخل من شوارع وحواري مجطوعه جولت اجول ليك ياباشا
هاشم وهو بيقوم بسرعه: ابعتلي العنوان بسرعه يا عمار واوعاك تخليها تاخد بالها منيك ولا تهرب ولو خلصت الي رايحه عشانو جبل ما اچي امسكها هي والي بتجابلو انت والرچاله
عمار: حاضر ياباشا
عمار بعت العنوان لهاشم ووصل للعنوان
عمار اول ما وصل: اهي يا باشا هناك اهي مستنيه حد باين
فضلو مراقبين الجو لحد ما جه راجل وقف معاها وعمال يتلفت يمين وشمال
الراجل: هاه عملتي الي جولتلك عليه
هدي: عيب عليك يا باشا
هاشم طب عليهم وهو بيقول: بتعملي اي اهنيه يا هدي
هدي بتوتر: هاشم باشا انا كنت.....
ولسه هتكمل هاشم قال: متكمليش
وراح واخد الملف من ايديها وفتحو واتصدم من الي كمية المعلومات عن المشروعات الي بيخططو ليها في الشركة والصفقات وامضائات لهاشم
هاشم بغضب: الله الله يا ست هدي بعتينا بكام بجي عاد
هدي بتوتر: بعت اي يا باشا
هاشم بغضب: بطلي لف ودوران عاد يا بت اتكشافتي خلاص هاتهم يا عمار انت والرچاله
بعدها هاشم راح بيتها ورجالتو فتشت البيت وطلعت الصندوق الي قالت عليه سعدية وفي معلومات وسيدهات للشركة تثبت انها كانت بتعمل كل ده
هدي بعياط: والله ياباشا معرف اي حاچه عن الحاچات دي انا ايديك اليمين
وراحت عشان تبوس ايديو وتستسمحو عشان يصدقها
هاشم شد ايده بعنف وقال: وانتي عضيتي الإيد الي اتمدتلك يا هدي يا خسارة
ولف للراجل الي كان معاها وقال ليه: جول عاد مين الي بعتك تعمل اكديه
الراجل ساكت ومش راضي يتكلم
راحو رجالة هاشم فضلو يضربو فيه لحد ما تعب وقال: خلاص خلاص هجول انا ياباشا في ناس أمروني اني اشوف حد من الشركة يسربلي معلومات يوقعوكم بيها بس والنعمة يا باشا معرف مين دول لانهم كانو بيبعتولي فلوس علي التيليفون وبيتصلو كل شويه من رقم شكل وخليت واحد قريبي عارف هدي يجولها تسرب معلومات مقابل فلوس ياما في الاول كانت رافضه وبعدين لما زودنا الفلوس وافجت
هدي بصدمه وهي بتعيط: والله ياباشا ما عملت حاچه من الكلام ده مظلومه والله
بعدها رجاله هاشم جابو صحبتها وحكت كل الي قالتو سعدية وانها كانت بتقولها تنقل معلومات وبعدين لما اكتشفتها ورفضت انها تعمل كدا تاني قطعتها
هدي بعياط: حتي انتي يا حنان حرام عليكي انا عملتلك اي ده انتي صحبتي
هاشم لهدي: انا لولا اهلك ولاد الاصول كنت حبستك زي الكلاب في السچن بس لو شوفتك جربتي من الشركة ولا شوفت وشك مش هتشوفي خير ابدا
وخد رجالتو ومشي
انتظروا الفصل العشرين.....
ياتري يزن ومازن هيعملو ايه في كارما وسارة؟
وياتري كارما هتوافق تتجوز يزن وتسكت علي الوضع ده؟
وياتري اي الي مستني ابطالنا في الحفلة الثانوية؟
وياتري هاشم هيرجع سعدية البيت تاني؟
كل ده هنعرفوا مع قدر وبس🤍😉
اكتبولي توقعاتكم علي الاسئلة دي في الكومنتات يا قمرات ومتابعه وشير لصحابكم عشان الروم يكبر وانزل الفصول بسرعه واهم حاجه يا قمراتي الفوت قبل قراءة الفصل🤍😊
باي باي يا قمراتي الحلوين 🤍😊