قمر الصعيد

الفصل الثالث عشر🦋

اسفه علي التأخير يا قمرات 🤍🥺
لاف قبل ما تقرأوا وشير لصحابكم يا حبايب قلبي 🤍😊
اتمني الفصل يعجبكم 🤍😊

عند قمر....
قمر بعدت عن عمر
قمر بصدمة: عمر انت بتعمل اي هنا
عمر بضحكة خبيثة: افتكر ده ميهمكيش
قمر بنرفزه: رجعنا لتقل الدم والمنخير الي في السما من تاني
عمر بضحكة ساذجه: ورجعنا لطول اللسان من تاني
قمر بتريقه عليه: يا باي عليك
قمر بصت عليه ولفت نظرها حاجه مخدتش بالها منها في الاول
قمر بصتلو بصدمه وقالت: ثانية بس انت ازاي واقف علي رجلك كدا وجيت هنا ازاي
عمر بخبث: اوبس يا قمر هو انا مش قولتلك
قمر بعدم فهم: تقولي اي
عمر بخبث: لا لا مليش حق بجد
قمر بنرفزه: ما تخلص
عمر بخبث: احب ارضي فضولك واقولك ان خطتك فشلت يا هانم
قمر بعدم فهم: يعني اي
عمر بخبث: احكيلك ياستي انتي كانت خطتك ماشيه صح لحد ما وقعت بس الي انتي متعرفهوش والي تاه عنك اني مش وقعت مسافة كبيرة زي ما كنتي عاوزه ولهفتك وفرحتك بنجاح الخطة عمتك واني لما شوفت ابتسامه الخبث علي عينك حبيت امثل عليكي دور اني هموت وكدا يعني وابينلك ان خطتك نجحت واخليكي تنامي في العسل وانتي مش عارفه الي هيحصلك والحقيقة بقي اني لما روحت المستشفى طلع مجرد خدش ومتكسرتش ولا حاجه
قمر بصدمة: نااااعم كل ده يطلع منك انت طب ازاي ده حصل وابوك قالي انك اتكسرت واني اجي بدالك هنا
عمر بضحك وبخبث: بعد الي عملتيه كان لازم تتعاقبي طبعاً عشان كدا قولت لبابا ومثلت عليه انك انسب حد للمشروع الي في الصعيد وانه يقولك اني اتكسرت عشان توافقي وتتحطي في الامر الواقع واديني خدت الي عاوزه وشايفك وانتي هتعيطي من الي بيحصل فيكي يا عين امك
قمر بصدمة:بقي كل ده بسببك انت وطلعت مدبرلي كل ده
عمر بضحكة ساذجه: اينعم
قمر بعصبيه: انت بني ادم بارد ومعندكش بربع جنيه دم انت بجد ازاي كدا اهم حاجه عندك مصلحتك وانك ترضي رغباتك وغرورك وبس وميهمكش الناس التانيه دي هتعمل اي
عمر بعصبيه: انتي بذات ملكيش انك تتكلمي عن ارضاء الغرور انتي مش عارفه اني لو كنت وقعت زي ما انتي عاوزه كنت زماني مكسور بسببك وانتي ولا كأنك عملتي حاجه
قمر بعصبيه: ايوه مكنش يهمني تتكسر رجلك ولا حتي دماغك لانك من يوم ما رجلي دخلت الشركة وانت طحن طحن وعاوزني اسكت واحط في بوقي جزمه كمان ده انا ابقي هبلة اوي
عمر بعصبيه: والله عجبك الشغل عجبك مش عجبك الباب يفوت جمل يا قموره وتعيشي وتاخدي غيرها
قمر بعصبيه: بقي كدا طب ابقي قابلني لو سبتك النهارده يا عمر الزفت
قمر فضلت تجري ورا عمر عشان تضربو وتوقعوا في الطينه لاكن لحسن حظها رجليها اتكعبلت ووقعت هي 😂
قمر بوجع: اه يا مفاصلي ياما مكنش يومك يا بنت وفاء
قمر هدومها كلها اتبهدلت طينه وجت علي وشها كمان وبقي شكلها يموت من الضحك
عمر بضحك علي قمر: من حفر حفرة لأخيه وقع فيها مش قادر شكلك موتني ضحك
عمر عمال يضحك علي قمر ومش قادر يسكت فجأه صوت من وراه قال: اي الي بيحصل هنا ده
عند سارة في الحضانة....
كانت قاعده بتعلم الواجب بتاع الاطفال ولحظت غياب فريد وفريدة واستغربت لانهم مش من عادتهم بعدها جت السكرتيرة الخاصة بالمديرة مدام عفاف
مدام عفاف: المديرة عوزاكي يا سارة ضروري
سارة: استر يارب ماشي جايه وراكي
مشيت السكرتيرة وراحت بعديها سارة مكتب المديرة
سارة خبطت علي الباب وسمحت ليها المديرة بالدخول
سارة: نعم يا استاذة زينب
استاذة زينب: كنت عاوزاكي في موضوع مهم يا سارة وتسمعي لحد الاخر من غير مقاطعه
سارة في نفسها: موضوع مهم واسمعها للنهاية لتكونش عاوزه تجوزني ابنها سواق التوكتوك الفاشل تبقي مصيبه
استاذة زينب: سرحتي فين يا سارة
سارة: هه ابدا اتفضلي يا استاذة
استاذة زينب: انتي طبعاً عارفه استاذ مازن
سارة في نفسها: وليه السيرة الزفت دي
سارة: ايوه طبعاً خال فريد وفريدة
استاذة زينب: بالظبط كدا هو المرة الي فاتت بعد ما اتخانقتو مع بعض كان عاوزني في المكتب في موضوع مستعجل وقالي انه عاوزك تدي درس خصوصي لفريد وفريدة في البيت عشان مش هيقدرو يجو الحضانة
سارة بصدمه ونرفزه: نعم وده مين الي قالو انشاء الله اني هوافق علي حاجه زي كدا
استاذة زينب: سارة صوتك العالي ده يهدي ده اولا وثانيا انتي لو مش وافقتي هتترفدي من الشغل هنا ومفيش نقاش
سارة بعصبيه: لا مؤاخذه بقي طظ مش عاوزه الشغل انا مش بيتلوي دراعي وانتي عارفه كويس اني مبديش دروس خصوصي واني من حبي للاطفال بس موافقة اقعد هنا في الحضانة
استاذة زينب بزعيق: لا انتي كدا يا سارة اتعديتي حدودك اوي وصوتك علي عليا ده غير طولة لسانك وقلة ادبك بس لولا ان استاذ مازن محلفني اني استحملك وانه عارف اسلوبك وعصبيتك وقالي اني استحملهم مكنتش خليتك تقعدي هنا لحظة واحدة ويالا علي شغلك دلوقتي كملي يومك وبعديها معاكي تلت ايام تفكري فيهم في الموضوع ده وهتوافقي
سارة بعصبيه: انا مش هستني الرفد انا هقدم استقالتي حالا
استاذة زينب بعصبيه: برا دلوقتي يا سارة بقولك فكري في الموضوع في التلت ايام دول اعتبريهم راحة لدماغك فيهم واعرفي مصلحتك فيهم وفكري بعقلك وشيلي من دماغك حوار الاستقاله ده دلوقتي
سارة: يا استاذة زينب انتي بجد مش مقتنعه اني مش موافقة
استاذة زينب: يابنتي فكري مش تاخدي الامور بتسرع كدا وبعدين فكري في اهلك الي استأمنوني عليكي قبل ما يموتوا وجدتك الي ملزومه منك فكري يا بنتي بعقل شويه
سارة: حاضر هطوعك وهقعد افكر التلت ايام دول بس انا عارفه قراري النهائي عن اذنك
سارة طلعت من مكتب المديرة
استاذة زينب بعد ما طلعت قالت: ربنا يهديكي يا سارة
عند سعدية....
كانت ماشيه وبتبص في اركان البيت زي الحراميه فجأه شافت الخدامه في وشها
سعدية بعصبيه: وه يا بت في حد يطلع في وش حد كديه
الخدامه: اسفه يا هانم
سعدية بعصبيه: هو ده الي انتو فالحين فيه بجولك يا بت هي ستك كريمة اهنيه
الخدامه: لا يا هانم طلعت مع هاشم بيه من الصبح وسمعتها بتجول انها رايحه عيند اهلها
سعدية ابتسمت ابتسامة خبث وقالت: طب غوري من وشي عاد دلوجت
الخدامه: حاضر يا هانم
بعدها سعدية راحت وهي علي وشها نفس الابتسامة الخبيثة ودخلت اوضة الغسيل
سعدية بخبث في نفسها: اما خليتك تجعدي عيند اهلك طول عمرك يا كريمة مبجاش انا
عند قمر.....
عمر لف وشاف حد اول مرة يشوفو
اما قمر فأول ما شافته قالت: كملت هي كانت ناقصه ابو اردان ده كمان الجلطة في سكتي جايه اهي
اكيد عرفتو قصدها علي مين طبعاً مروان
مروان بضحك في نفسه علي قمر: كدا اتشفي ناري بقي شكلها زي المهرج ولسه يا قمر
انتبه لعمر
مروان بتساؤل لعمر: مين حضرتك
عمر بتساؤل ايضا: انت الي مين
قمر وهي لسه قاعدة علي الارض قالت: انتو شاربين اي في ليلتنا دي انتو هتقضوها علامات استفهام وانت مين وانت مين وهتسبوني بستجم في الطينه كدا
مروان وعمر في صوت واحد: اخرسي انتي
قمر بخضه: اعوذو بالله شياطين ماشين علي الارض ياربي ده اكيد ابتلاء
مروان بزعيق: قولت اخرسي يا قمر
قمر بتريقه: خرسنا يا اخويا بس قبل ما اخرس هقول حاجه ده استاذ عمر المدير التنفيذي للشركة الي انا شغالة فيها ويا استاذ عمر ده استاذ مروان مدير شركة الهواري جروب وراحت محركة ايديها علي بوقها كأنها بتقفل السوسته كدا 😂
عمر بترحيب: اهلا يا مستر مروان
مروان بترحيب ايضا: اهلا يا عمر
راحت قمر فجأه ضحكت وقالت: اسفه بس مش قادرة قالك يا عمر شوفت عشان تعرف انك ملكش لازمه
عمر متنرفز من قمر ومروان جدا بس طبع وجه البرود فورا
مروان بتساؤل: مستر كريم مبلغنيش انك جاي يعني
عمر ببرود: عادي مش شرط نبلغ حضرتك لاني جاي هنا عشان اشرف علي قمر واظن ان ده شئ ميخصكش
قمر في نفسها: اوبا المنافسة عليت وانا دلوقتي يا حضرات شايف مروان سخن والنار طلعت من ودانو وكدا النتيجه واحد واحد بينا نتابع الي هيحصل
مروان بضحكه ساذجه: شكلك انت الي متعرفش يا عمر ان بابي باعت قمر الي مسئوله عن المشروع ومبعتش مشرف ليه وانها تعتبر هنا من مسؤليتي يبقي مفيش لازمه ليك هنا
قمر في نفسها: ولا كأني كورة في وسطهم عمالين يحدفوها لبعض
عمر ببرود: والله تقدر تكلم استاذ كريم ويأكد ليك اني جيت مشرف علي قمر بموافقتك او لا وانت عارف انها بنت ولازم حد يتابع شغلها
مروان بضحكه ساذجه: بنت راجل متفرقش طالما الشخص كفاءة وقد الشغل يبقي خلاص وبعدين باين علي قمر انها كفاءة وشاطرة ومش محتاجه اشراف ولا حاجه
قمر في نفسها بإستغراب: اوبا كوم التلج بيدافع عني انا وبتددعك عينيها وبتقول مش حلم لا
عمر ببرود: خلاص تقدر تقول بتابع الشغل بتاع المشروع مرتاح حضرتك كدا
مروان بضحكه ساذجةوبخبث: براحتك بقي انت حر
عمر: انا همشي انا اروح اشوف فندق ابات فيه وبكرة هتصل عليك عشان اجي الشركة
مروان ببرود: اوك
بعدها عمر مشي
قمر: مستر مروان هو انا هفضل كدا انا تقريبا شويه وهحطب وهيحطوني في متحف التماثيل
مروان بصلها بعصبيه وقال: انتي تسكتي خالص هو انا بعتك عشان تشتغلي ولا تلعبي بالطينه
قمر بتبرير: والله يا مستر الكائن الي لسه ماشي ده السبب
مروان بنفس النظرة: ربنا يصبرني هاتي ايدك يالا عشان نروح
قمر مدت ايديها ومروان قومها وروحو البيت
عند حور....
كانت راكبه عربيتها ومتجه لجهة معينه وعلي وشها ابتسامة خبث

انتظروا الفصل الرابع عشر....
ياتري سارة هتوافق علي طلب استاذة زينب؟
وياتري سعدية بتخطط لإيه؟
وياتري عمر ومروان شغلهم مع بعض هيبقي عامل ازاي؟
وياتري عمر مخطط اي لقمر؟
وياتري حور اي الوجهة الي رايحاها؟
كل ده هنعرفوا مع قدر وبس🤍😉
اكتبولي توقعاتكم علي الاسئلة دي في الكومنتات يا قمرات ومتابعه وشير لصحابكم عشان الروم يكبر وانزل الفصول بسرعة🤍😊