مالك الا لي ومالي الا لك

البارت ٤

وزي ماقلت لكم مرت الليله على خير
جا الصباح وجا الظهر والعصر والبيت للحين نايم من تعب امس وهم بالبر مرهقين جدا
قام نايف من النوم مسك جواله وشاف الساعه ٣ العصر عقد حواجبه واستغرب كيف للحين البيت هادي ومحد جا صحاه من النوم
قال نايف بنفسه دامهم نايمين خليني أقوم آخذ لي شاور خفيف وأخلص وأقومهم
قام من السرير وراح الحمام وأخذ شاور خفيف
قامت عهود على صوت واحد يغني بالحمام ( نايف يتسبح ويغني )
قامت منزعجه ومعصبه من الصوت مره
( غرفه عهود جنب غرفه نايف بظبببط  )
قامت عهود وهي متنرفزه ل ابعد درجه من الصوت
وهي على طلعتها من غرفتها
نايف طلع من الحمام ولاف المنشفه دار ما دار وبطنه طالع
وعضلاته مفتوله وشعره الناعم الكثيف الاسود
فتحت الباب عهود وشافت نايف بذي الحاله
انصدمت وانعجبت ومشاعر غريبه متلخبطه وهي بتوتر تودي شعرها ورا اذنها
نايف شافها وقال : عهود ؟ وش مصحيك الحين
عهود بنبره توتر وهي متجمده مكانها : لا بس صوتك
نايف بضحكه خفيفه : وشفيه صوتي ؟
عهود عقدت حواجبها وسوت نفسها ثقيله وعدلت وقفها وقالت : صوتك عالي قومتني من النوم في احد يغني بالحمام !
نايف وهو يضحك : معليش ماكنت ادري ان صوتي عالي
عهود شمقت له ورجعت غرفتها وراح نايف وهو يضحك غرفته يلبس
عند عهود بغرفتها
رجعت سريرها وحطت البطانيه على فمها وهي تضحك بصوت خفيف : كنت احسبه معظم هههه
ورجعت رأسها للمخده ورجعت نامت
نايف لبس وتعطر وتعدل وطلع من غرفته
وراح على طول غرفه محمد وفتح الباب وفتح اللمبه وقال : يلا قم قم من النوم
محمد وهو رافع راسه وحاط يده على وجهه وشبه نايم : استغففررراالله مافي خصوصيه ب هالبيت لاتفتح الباب كذا !
نايف وهو يأشر بيده وهو يمشي : قم ولا يكثر
وراح شاف حمد صاحي والعيال الباقين صاحين
ونزلو كلهم الا محمد نايم فوق مايبغا يقوم
( البنات قامو كلهم من بدري حتى الخالات )
مريم : يلا يلا يعيال فطور تعالو
العيال لحقو عمتهم مريم لين المجلس والفطور جاهز والكل جالس
جلسو العيال و بدو يفطرون
الجد وهو يأكل : الا وين محمد
نايف : صحيته ولا قام
الجد : طيب
وكملو يفطرون فجاءة ودخل محمد المجلس وقال بصوت عالي : السلام عليكم
البعض : عليكم السلام
بندر : مابغيت تصحى يولد
ضحك محمد وقال : والله تعبان مره
جلس وفطر
خلصو فطور وعينو من الله خير وقاعدين بالصاله كلهم ويشربون شاهي ويسولفون
قاطعهم حمد بوسط السوالف وقال : جدي
الجد لف عليه وقال : هلا
حمد : شوفولي حل مع مكيفي خربان وينقط ماي جيبو عامل يصلحه على الاقل
الجد : وتوك تتكلم يحمار ؟
حمد وهو يضحك : نسيت أقولكم توني أتذكر
الجد : خلاص اليوم بجيب عامل يصلحه
حمد : تمام
وكملو يسولفون
فجاءة شهقت نوره وهي ماسكه الجوال ووقفت : أم حلا راسله لييي رساله طويله وتقول حياكم الله بعرس بنتي حلا
ساره شهقت ووقفت وقالت : تو الناااس تتتكلم طيب ماتجهزنا ولا شييي
مريم وقفت وقالت : هدوووهدو اسمعي نوره ارسلي لها وقولي الساعه كم ؟
نوره جلست وجلست ساره ومريم معها وراسلت ان حلا واتس وقالت لها كم الساعه
ماهي الا كم ثانيه وإلا ردت أم حلا وقالت الساعه : ٩:٤٠
والحين الساعه ٦:٧
تكلمت نوره وقالت : ررردت علي أم حلاااا
الجوهره : ها بشررري
نوره : قالت الساعه ٩
وقفت مريم وقالت : يلا يلا نروح نتجهز مافي وقت يلا نستأذنكم يا شباب ورانا ردددح
ضحكو الشباب وصعدو البنات
بعد ما صعدو البنات نزل راسه حمد وضحك خفيف وكمل يشرب شاهي فجاءه طرت فكره على باله !
الفكره هي ان هو الي يوديهم العرس ويرجعهم عشان تصير عنده فرصه يشوف وش بتلبس هيا و شكلها فيه فضول ب هيا مو طبيعي
نزل بياله الشاهي ووقف وقال لحظه بروح فوق وبجيكم
قال خالد : ليكون بتروح تتجهز معا الحريم وتلبس
حمد وهو صاعد على الدرج على لف خالد بنبره عصبيه : اصبر علي بس
ضحك خالد وصعد حمد وراح غرفه هيا ودق الباب بشويش
وصوت البنات بغرفه هيا ازعاج وضحك وأصواتهم تتعالى : جيبييي الفونديييشن
قالت هيا بصوت عالي : مننننن
حمد : اناااا انااا
هيا حسبت انه خالها بندر لان صوته يشبه صوت حمد
فتحت الباب وإلا حمد عقدت حواجبها وتكت على الباب وقالت : خير ان شاء الله وش تبي ؟
حمد : تعالي معي شوي بقولك شي
استغربت هيا وقالت وهي تضحك ضحكه خفيفه وعاقده حواجبها : مين عمتك ؟؟ ( ترد الحركه الي سواها فيها بالبر امس )
ضحك حمد وبانت اسنانه وقال : مسويه بتردين الحركه ؟ هههه
هيا وهي تضحك : مالك دخل هههه المهم شتبي الحين ؟
حمد قال : قلت لك تعالي معي
طلعت هيا وسكرت الباب وقالت : ها وش
قال حمد : قولي حق عمتي ساره ( أم هيا ) ترا أنا الي بوديكم وبرجعكم
عقدت هيا حاجبها وقالت : لا تكفى الا انت
حمد : ليه ان شاء الله وش فيني أنا ؟
هيا : بس ما نبغاك
حمد : ااااا ( يقلد كلامها ) تكفين أنا أبغاكم ترا بس عشان عماتي ولا مو عشان سواد عينك انتي وياها
شمقت هيا وقالت : طيب طيب خلاص انقلع
جا حمد بيرد وإلا هيا دخلت الغرفه وسكرت الباب بوجهه
سكرت الباب وجا هواء على وجه حمد رفع حواجبه وقال : مريضه قسم بالله
عند البنات بالغرفه
جنى بصوت عالي : بنااات بحط أغاني شتبووون
عهود وهي ترطب وجهها بتبدأ الميكب : حطي يا ندمااانه
جنى : تم
وحطت جنى ورجعت الجوال على الطاوله وقامت تمشي بطئ وتصفق بيدها وترقص
ضحكت هيا وقالت : جنننى روحي تمكيجي قاعده ترقصين ؟
جنى وهي تصفق وترقص : لاحقين لاحقين
ضحكت هيا وكملت تحط ميكبها
دانه وهي فاتحه فمها ومركزه تركيييز وتحط مسكرا : بنات تهقون كيف شكل حلا
ليان وهي تحط بلشر ومبتسمه عشان تشوف شكلها كيف : شيفه زي كل مره الله يعين زوجها
ضحكو البنات وقالت عهود وهي تضحك : هههههه حرااام عليك ليييان
جنى وهي تحط كونتور ومسويه بوز عشان يظبط الكونتور : لوء لوء كوريها بنات لاتدافعون عونها
هيا وهي تضحك بقوه : شتقولين انتي ؟ كملي ادمجي كونتور بعدها تكلمي
ضحكت جنى وضحكو البنات
عند حمد
نزل تحت بالصاله وجلس وبكل هدوء والعيال يسولفون كلهم شاف عبدالله ماسك الجوال ويكتب بسرعه ومعصب وصوت ضرب أصابعه وهو يكتب بكل عصبيه
لف حمد عليه وحط يده على كتف عبدالله وقال : هد يبوي لو انك وش
تجاهله عبدالله وكمل يكتب وهو معصب
ناظر حمد شوي بالجوال وشاف المحادثه
طلعت بين ولد جيرانهم و عبدالله
وحمد قاعد يناظر لمح ولد جيرانهم قاعد يسب عبدالله سبات قويه
عقد حواجبه بكل عصبيه ولف على عبدالله وقال بنبره عصبيه : من ذا!
عبدالله همس وقال : قصر صوتك ياحمد !
حمد قصر صوته وقال تعال الحوش معي
قام حمد ولحقه عبدالله بيطلعون الحوش
الجد : على وين
حمد : بنشم هواء وبنجي
العيال ( محمد ونايف وخالد ) ما ارتاحو ل وضع حمد وعبدالله بس تجاهلو
وصلو حمد وعبدالله الحوش وحمد بكل عصبيه ومو ماسك يد عبدالله : وش ذي السبات وش بينك وبينه !!
عبدالله نفض يده وقال : ذا مطلق ولد جيرانا أنا متهاوش معه !
حمد عقد حواجبه وقال : ليه شسبب
عبدالله : بالجامعه وحنا بالكلاس صار مشادات بيني وبينه بالكلام وسب أبوي قمت أنا وعطيته وحده على عينه وضربني وضرب على ضرب الين جا الدكتور والعيال فككونا وماقلت ل احد للحين عشان ماتكبر المشكله وانت اول وحده علمته
حمد صفر وقال : العن ابوه ابن الكلب منجدك انت ؟ ليه ماناديتني ؟ طيب الحين وش قاعد يقولك ؟
عبدالله : قاعد مسوي يهدد ويقول حسابك معي يوم الأحد بالجامعه وانا قعدت اسبه ماقدرت اسكت
هز راسه حمد وقال : معليك خله علي بس اليوم ايش ؟
عبدالله : الخميس
قال حمد وهو يضرب الأرض برجله : افف مافيني اصبر لين الأحد
عبدالله وهو يطق ب أصبعه : جتني فكره ياحمممد
حمد بكل حماس : قول
عبدالله : برسله وبقوله كانك رجال قابلني عند البراحه الي ورا بيتنا وأوريك شغلك
حمد صفق بيده الثنتين وقال : تتتتم تممم يلا قول له
عبدالله مسك الجوال بحماس جا حمد ركض جنبه وتكى على كتفه يناظر الجوال
وفعلا كتب له عبدالله كانك رجال تعال البراحه الي ورا بيتنا وأوريك شغلك وقفل الجوال ولف على حمد وقال : خلاص أرسلت له يلا امش داخل لايحسون بشي وهم ماشيين بيدخلون طلع نايف وقال : شفيكم يعيال فيكم شي ؟
حمد بتوتر : لا لا مافينا شي
عبدالله بتوتر : لا مافي شي
نايف ضحك وقال : مامشت علي ترا
ضحك حمد ولف على عبدالله وقال : نقوله ؟
عبدالله هز راسه وضحك وقال : الشكوى لله قوله قوله
ضحك حمد وسحب نايف وقاله السالفه كلها
نايف وهو ماسك رأسها وضرب رجله بالأرض وقال : الملعوووون سب أبوك ؟؟؟
عبدالله : ايه الله ياخذه
نايف بكل عصبيه : والله مايسلم مني وانا ولد أبوي
ضحك حمد وقال : اركد فدييييتكك يالمهااايطييي
ضحك نايف وضرب حمد على صدره وقال : كلزق بس
ضحك حمد وعبدالله وقال نايف : طيب متى بنوريه شغله ؟
قال عبدالله : اذا رد علي
نايف : تمام
ومشو دخلو
عند البنات : هيا و عهود رشو مثبت ميكب وخلصو ميكبهم وراحو يلبسون ويتناقشون اي لون حلو عليهم
دانه وليان وجنى للحين يتمكيجون
دخلت عليهم خالتهم الجوهره : يلا يابنات خلصنا أنا و خالاتكم باقي نلبس بس
جنى : يلا يلا بس دقيقه
الجوهره : يلا وطلعت وسكرت الباب
جت هيا وعهود
هيا وهي لابسه الفستان الكحلي الفخم الضيق وراسم جسمها رسم ومخصصصر
عهود لابسه اسود وضيق ومن تحت منفوش شوي وجسمها طالع بيرفكت
جنى وهيا وعهود يتقدمون : ول ول ول وش ذا الزين يا هيو و دودوو
عهود وهي تضحك : عيونييي انتي
هيا وهي تضحك : حبيبي اناااا
دانه : يلللبببيه بناتتت بموت أشكالكم خياااال
ليان طيرت عيونها لفوق وقالت : تااااخذذذوون العقل
جنى وهي تأشر بيدها ل دانه وليان : يلا يلاااا مشينا نلبس وراحو لبسو
وطلعو
جنى لابسه بيبي بنك ومااااسك على جسمها وراسم جسمها رسم حرفيا وعليه لولو
ليان لابسه فوشي ومن عند الصدر مكشوف وضيق ومن تحت منفوش شوي
دانه لابسه زيتي كذا ومنفوش شوي وضيق من عند الصدر
هيااا شهقت وقالت : تباااااررك الرحمنننن شذا تهبلون
ضحكو وقالت ليان : تسلمين حبيبي
ضحكت هيا وقالت عهود : يلا يلا مشينا عند خالاتي نشوفهم
جنى : يلا يلا
مشو البنات وراحو الغرفه الي جنبهم دخلو وإلا خالتهم لابسين ومتكشخين
الجوهره لابسه احمر وشوي ضيق ومكشوف شوي من عند الصدر
مريم لابسه تنوره سوده ضييقه وبلوزه ماسسسكه على صدرها لونها ابيضّ
ساره لابسه بني وضيق وعليه لولو
نوره لابسه ابيضّ ماسك على جسمها وبيرفكككتتت
هيا وهي تتقدم ل خالاتها : الله الله شاهالجمال خالاتيييي يزينكممم
دانه وهي تتقدم ل أمها ساره : اللللله ماما جسمككك طالع يهههببل
جنى شهقت وقالت : ياررربببيهه ما شاء الله وتقدمت عند خالتها ساره وقالت ماتتتتشييي ماتشششيي ( ساره لابسه فستان فيه لولو زي جنى ) ضحكت ساره وقالت وهي تضحك : اهجدي اهجدي
ضحكت جنى
وقالت الجوهره : يلا يلا مشينا نلبس عباياتنا
طلعو البنات والخالات يلبسون عباياتهم ونزلو تحت
ناظر حمد الدرج وإلا اول وحده تنزل من الدرج هيا وهي رافعه شعرها عشان تشوف زين وماتطيح وتمشي ببطى وصوت الكعب
ناظر حمد جسمها المرسووووم رسسسم والمخصر وشعرها الاسود الناعم وعينها الجذااابه
نزلت بكل عفويه والبنات وراها للحين ينزلون من الدرج
وحطت يدها على خصرها وابتسمت ميلت جسمها وقالت : شرااايكمم؟؟
الخال بندر : والله حلوه ما شا الله
الجد : اييييه حفيدتي المزيونه أكيد حلوه
ضحكو كلهم
حمد استوعب انه هيا لابسه ضيق ومرسوم جسمها رسم ويجذب الواحد تضايق وعصب بنفس الوقت لأنه عرس يمكن يدخل ولد يسلم ويشوفها بالغلط !
حمد بنبره حاده وبنظرات واشر بيده ل هيا من فوق ل تحت : بتروحين ب ذا اللبس ؟
هيا عقدت حواجبها وقالت : أكيد شرايك يعني اروح ببجامه
حمد بنبره حاده : طيب اللبس ضيق مره !
هيا عقدت حواجبها وتنرفزت شوي انه ماله دخل فيها وبلبسها
الجوهره : شدعوه حمد ترا عرس أكيد بتلبس كذا
الجد : حمد خلاص
طبعا خالد بعاااالللم ثاااااني حاط يده على خده وقاعد يتأمل جنى وما شال عينه عليها حرفيا ويتأمل جسمها المخصر و شعرها كيف حرير ويلمع
حمد بكل أدب : طيب ابشر
بندر حاول يلطف الجو لان عم الصمت والغرابه بالمكان
: بس وااالله يا أنكم حلوااات ما شاء الله
عبدالعزيز : اي والله الله يحفظكم
جنى وهي تضحك : شككككراا
ليان : عيونكم الحلوه
قاطعهم حمد وقام وطلع وهو معصب وعروقه بارزه ويمشي بسرعه
طلع حمد وراح الحوش معصب
لحقه خالد ومحمد وعبدالله بسرعه وراحو الحوش
طبعا بتستغربون نايف وين
نايف طااااايح بغرام عهوووود وشكلها
ولا حتى درا أنهم قامو من الكنب وقاعد يتأمل ويدقق في عهود بشكل
عند حمد والعيال بالحوش
طلع حمد وهو معصب وعاقد حواجبه
كان في سياره بالحوش
تكى حمد على السياره وقاعد يفكر كيف شكل هيا وكذا وهناك اخوياه بالعرس ( عيال يقربون له من بعيد يعني ولد عم خاله وكذا )
طلعو محمد وخالد وعبدالله وشافو حمد متكي على السياره يفكر ومعصب
توجهو عنده وقال محمد : حمد ؟ شفيك انت على البنت ترا بنت طبيعي بتلبس فساتين كذا
خالد فهم ان حمد مايبي اي واحد يشوف هيا ولو بلغلط بذا اللبس الضيق والشكل الملللفتت
عبدالله : حمد ترا حركتك ماكان لها داعي الصدق
لف عليه حمد وقال بنبره حاده : طيب خلو هيا على جنب ! اختي ليان ! أنا ما أرضى احد يشوفها ولو بلغلط طيب
ضحك خالد وقال : اختك ليان محد بشايفها ترا كله حريم هناك ولو في عيال أكيد ماراح يدرعمون وكذا
حمد هز راسه وقال : طيب بروح اشغل السياره وانت ياعبدالله اشر على عبدالله وقال : رح نادهم أنا انتظرهم بالسياره
خالد وقفه بيده وقال : هي هي وين رايح ؟
حمد : اوصلهم
خالد ضحك وغمز وقال : حركات قمت توصلهم وكذا ها ؟
عبدالله ضحك وقال : حمد انت هالايام منت طبيعي
حمد ضحك وقال : حسابكم عندي بس ارجع وطلع راح يسخن السياره
دخلو العيال الصاله
وعلى دخلتهم طلعو البنات و ركبو السياره الي فيها حمد
الي قدام الجوهره
وورا هيا وجنى وليان بحضن عهود
و المقعد الي آخر شي ساره ومريم ودانه
( السياره كبيره )
شغل حمد السياره وبدا يحرك
وهم بالطريق وصوت الطريق
هيا تكلمت وقالت : شغلو شي
عهود : اي شغلو
ليان : شغلو عراااقي
ضحك حمد وقال : عراقي ؟ ما اعرفها مو اختي
ضحكو الي بالسياره كلهم وقالت ليان : مالك دخل شغل وانت ساكت
ضحك حمد وشبك بلوتوث بالسياره وقال لليان : ها وش تبين
ليان بصوت مو واضح : اغنيه ويلي طلع جذاب
حمد بصوت عالي : ما اسمع شتقول ذي ( ليان بالمقعد الي آخر شي صوتها مو واضح )
هيا : تقول حط اغنيه ويلي طلع جذاب
حمد : طيب
وشغل الاغنيه وليان ترقص وتصفق وهيا تحرك شعرها وترقص خفيف وجنى تقول : عاااشوو
الاغنيه مع اصواتهم وتصفيقهم