مالك الا لي ومالي الا لك

البارت ١١

المغرب
الحريم بالمطبخ يجهزون الغدا مع البنات
والعيال كلهم بالمجلس الكبير
ساره : يلا قومو حطو السفره بسرعه
عهود : جنى قومي
جنى : شدخلني قومي انتي
ساره : بسرعه وحده منكم تقوم
قامت عهود وحطت السفره
وحطو الأكل
وقعدو كلهم على الصحن الا هيا وحمد
قعدو يناظرون بعض
ساره : هيا تعالي أكلي
هيا : مابي مالي نفس
هزت رأسها ساره وبدت تاكل
فيصل : حمد تعال تغدا
حمد وهو منفس : مابي بالعافيه
بدو يأكلون الا حمد وهيا وقاعدين يناظرون بعض
وهيا مجروحه ومنقهره من كلمه حمد امس
وحمد متضايق من هيا وللحين شايل بقلبه
هيا وهي تناظر حمد : خير ؟
حمد : خير انتي
هيا شمقت وقالت : الحمدلله والشكر
حمد : شفي امك انتي ترا ماسويت لك شي
هيا : كيفي
حمد : لا مو كيفك
هيا : إلا كيفي
حمد : لا مو كيفك
هيا شمقت له وسكتت
خلصو اكل وغسلو ورجعو يجلسون
والجد يسولف وهم يضحكون ويسولفون
ليان فجاءه راسلت حمد واتس وقالت : تعال الحوش الخلفي
حمد رد عليها وقال : طيب
قامت ليان طلعت من المجلس وراحت الحوش الخلفي تنتظر حمد
قام حمد وطلع من المجلس وتوجه للحوش الخلفي
حمد : شفيك ليان
ليان : تعال قرب بسرعه
قرب حمد عندها وقال : هاا
ليان : حمد بقولك شي بس لاتقول ل احد تكفى ياحمد
حمد : وشو اخلصي
ليان ضربته على كتفه وقالت : حمد قول والله ما تقول ل احد إني قلت لك
حمد تافف وقال : والله ماراح اقول بس يلا تكلمي
ليان : ترا امس هيا اعترفت لنا
ضحكت بقوه وحطت يدها على فمها
حمد عقد حواجبه ومو فاهم شي وقال : مافهمت شفيها هيا
ليان : اعترفت امس أنها تحبك
حمد وسع عينه ومسك راسه وبصوت عالي : ااااحلللفي
ليان : اص اااصصص قصر صوتك
حمد وهو مبتسم : احلفي بالله ليان
ليان ضحكت وقالت : والله بس لا تقول ل احد تكفى
حمد من الفرحه صفق راس ليان وقام يرقص ويحرك كتفه
ليان وهي ماسكه رأسها : وووجععع اححح
حمد كمل يرقص وتقدم عندها وقال : ليان تكفين احلفي
ليان تاففت وقالت : حمد ترا بعطيك كف والله
حمد : عادي عطيني كفين بعد راضي
ضحكت ليان وقالت : طيب اسمع لا تقول ل احد إني قلت لك ولا تقول ل هيا
حمد ضحك وقال : يلبيه بس
ليان ضحكت ودخلت داخل المجلس وجلست وهي تضحك
دانه : شفيك ليان الابتسامه شاقه وجهك
ليان : مافيني شي بس تذكرت شي يضحك
دانه هزت رأسها ب تمام
دخل حمد المجلس بثقه وهو مبتسم ورافع ثوبه ويناظر هيا
الجد : ما شاء الله الابتسامه شاقه وجهك شعندك
ضحك حمد وجلس وقال : ابد والله بس كذا روقت احححببب وااااععشششق الروقان وناظر هيا وضحك
وكان يقصد هيا بس قال الروقان
ضحك الجد وضحكت ليان وهي توسع عينها ل حمد بمعنى لاتجيب العيد
وكملو يسولفون
حمد دق كتف نايف وقال : نايف
نايف : هلا
حمد : احس أن بيغمى علي
نايف بصدمه : بسم الله ليه
ضحك حمد وقال بهمس : هيا تحبني
شهق نايف وضحك
حمد دق كتفه وقال : فضيحه طول عمرك اسكت
نايف حط يده على فمه يكتم الضحكه بعدها قال ل حمد بهمس : احلففف
حمد ضحك وقال : والله
نايف : كيف يعني هي اعترفت لك ؟
حمد : لا لا اعترفت لليان وليان قالت لي
نايف ضحك وقال : طيب وانت وش وضعك
حمد ضحك وقال : ماني معترف لها
نايف : ليه طيب حرام عليك
حمد ضحك وقال : أبغا العب عليها شوي
نايف ضحك وقال : قسم بالله وصخ
ضحك حمد
وقام نايف بيروح يجيب الشاحن من الصاله
وقام وطلع من المجلس
قامت عهود جت بتعطس بس مافي منديل قامت ركضت للصاله تجيب منديل
طلعت من المجلس وهي تركض طاحت
ونايف كان قدامها لان سابقها
لف نايف لان سمع صوت طيحه قويه
لف ولقى عهود طايحه
ضحك نايف بقوه ومسك بطنه وقال : حوله انتي ؟
عهود وهي تصارخ : ساااعدنننني ياكككلبب
قام نايف يحاول يقومها وهو يضحك بقوه وماهو قادر من الضحك
قومها وهي شعرها على وجهها ويضحك
رجعت شعرها على ورا وضربته على راسه وقالت بعصبيه : طحححتتت!!
نايف ضحك وقال : طيب معلومه جديده ادري شفتك
وضحك بقوه
عهود بعصبيه : ليه ماساعدتني تعورت!!
نايف : بسم الله عليك تعالي تعالي احضنيني وتقدم عندها
عهود دفته وقالت : وخر وخر بس زعلتني
نايف : عهود اسف ماقدرت امسك نفسي
عهود : انقلع لاتكلمني ومشت تجيب منديل من الصاله
ضحك نايف على حركتها ولحقها يآخذ شاحنه