مالك الا لي ومالي الا لك

البارت ١٤

صباح العيد !

قامو الخالات يسوون فطور العيد والساعه كانت ٥:٠٠
والعيال بغرفه محمد يلبسون ثيابهم ويتجهزون
والخوال تحت بالصاله يعايدون بعض ويسولفون مع الجد
والبنات بغرفه هيا
لابسين بجايم عشان بيفطرون فطور العيد مع البيت بعدها بيكشخون مو الحين

عند العيال بغرفه محمد
حمد متجاهل نايف
ونايف نفس الشي
متجاهلين بعض
خالد سحب نايف وقال : تعال اسوي لك شماغك
وقعد يسوي شماغ نايف
ومحمد يرش عطر ويحط مسك وكذا
وحمد يظبط غترته وجنبه عبدالله نفس الشي
حمد وهو يعدل شماغه : الحين وش ذا العيد الي فطور الساعه ست بعدها نروح نجيب خروف الساعه تسع
محمد : احمد ربك بس
خالد وهو يعدل غتره نايف وبهمس : قم اعتذر ل حمد
نايف عقد حواجبه وقال : ماني معتذر له
خالد : بتعتذر له
نايف : لا
خالد قرب منه وبنبره حاده : بتعتذر له يانايف واكسر الشر
نايف بنبره حاده : خالد لا يعني لا
قام خالد سحب نايف من ثوبه ودفه عند حمد
صقع نايف بحمد ولف حمد عليه وهو عاقد حواجبه وقال : خير
نايف : ترا خالد الي دفني ولا بموت عليك أنا
حمد : تكفى ميت عليك
محمد بعصبيه : بس انت وياه
خالد : يلا يانايف اعتذر بسرعه
عبدالله بنبره حاده : اكسر الشر انت وياه ويلا
حمد بعصبيه : والله ما اعتذر
نايف بعصبيه : اعتذر ل ذا ؟ واشر على حمد من فوق لتحت
حمد بعصبيه وهو عاقد حواجبه : وش فيني أنا !
نايف بعصبيه : كل..
خالد بعصبيه وصراخ : قسممم بااالله الي مايعتذر مايصير له طيب وهذاني قلت لكم
هدا نايف
وهدا حمد
محمد بعصبيه : يلا اعتذرو لبعض بسرعه يمين بالله إنكم مبزره
فكر نايف بالموضوع بثواني وقرر يكسر الشر ويسكر على الموضوع
تقدم نايف ومد يده ل حمد بمعنى المسامحه
ناظر حمد يده وناظر وجهه ومد يده وتسامحو
قامو يصفقون العيال وهم مستنانسين : ااااخيرراا
ضحك نايف وحمد
وتقدم نايف يحضن حمد وهو يحضنه يقول : اسف ادري أني أخطيت بحقك وسبيتك
حمد وهو يبادله الحضن : مابينا يانايف انت اخوي
ابتسم نايف وضحك حمد ودقه على كتفه وقال : خلصنا رسميات ؟ يلا دز امها
ضحك نايف وقال : سري امها بس وراح عند المرايه يعدل شماغه
خالد ضحك وقال : مو وجه احترام قسم بالله
ضحكو العيال وقال عبدالله : يلا مشينا تحت يعيال
حمد : يلا
وطلعو من غرفه محمد ونزلو تحت المجلس
ودخلو
وتوجهو للجد وباسو راسه وعايدوه وعايدو كل الي بالمجلس والعيال قعدو يعايدون بعض
خالد ضحك وقال : تعايدون بعض ولا كأنكم قبل شوي متهاوشين
حمد ضحك وقال : والله ذا خبيث بيخلينا نرجع نتهاوش
نايف حط يده على كتف حمد وقال : لا ان شاء الله
دخلت ساره المجلس وقالت : يلا فطور
طلعو العيال من المجلس وراحو الصاله وعلى نزلت البنات لابسين بجامه حرير ونزلو وقعدو على السفره
وحمد عينه على هيا من نزلت الين جلست ويناظرها ويتاملها
عهود وهي تقطع الخبز وبتبدأ تفطر : مو الحين بنعايدكم بعد الصلاه
نايف ضحك وقال : عادي متى ماتبين
محمد دق كتفه خفيف وقال بهمس : بنعلمك الثقل ولا وش ؟
نايف بهمس : ما اقدر ياخي
ضحك محمد عليه