مالك الا لي ومالي الا لك

البارت ١٣

الصباح
اول يوم ل هيا و نايف وعهود للجامعه !!
قامت هيا وشافت المنبه الساعه ٦:٧
قامت وغسلت وجهها وخذت شاور
وخلصت وطلعت لغرفه عهود
دقت الباب وفتحت عهود وهي لابسه بجامه وشعرها منكوش وشبه نايمه وقالت : ها شتبين
هيا شهقت وقالت : يلاااا مافي وقت قومي تروشي والبسي
وسعت عيونها عهود وحطت يدها على جبهتها وقالت : نسيييت اليوووم اول يوم جامعه !! وسكرت الباب بوجه هيا وراحت تتروش وكذا
ضحكت هيا وراحت غرفتها تتجهز
وسوت شعرها ويفي خفيف وحطت ميكب خفيف ولبست لبس ناعم واكسسوارات خفيفه وجهزت التوت باق حقتها الناعمه الي فيها دفاتر وأقلام وشويه كتب وميكب ومويه وعطرت عبايتها السوداء البشت ولبستها
وخلصت وطلعت لغرفه عهود تتاكد خلصت ولا لا

عند عهود بالغرفه

تروشت وطلعت لبست لبس ناعم وأنيق وسوت شعرها ستريت ومن تحت ويفي وحطت ميكب خفيف مره وعطرت عبايتها البيج الناااعمه وخذت التوت باق الي فيها ميكب ودفاتر وأقلام ولبست عبايتها وطلعت وهي متجهزه وانيييقه

فتحت الباب وإلا هيا قدها بتفتح الباب وقالت عهود : خلصت وحطت يدها على خصرها وتطالع فوق وتقول : شرايك ؟
هيا ضحكت وقالت : عهوود شكلك يهبببللل
ضحكت عهود وقالت : حبيبي انااا
هيا حطت يدها على خصرها وقالت : طيب أنا ؟؟؟
عهود : تهبللليين صدق
هيا : قلبييي
عهود : طيب امشي نفطر تحت وشوي شوي عشان مانصحي البيت
هيا : يلا مشينا
ونزلو تحت ودخلو المطبخ
وسوو فطور وطلعو الصاله يفطرون
وجلسو بالأرض مع صحونهم وياكلون

عند نايف ..
صحى نايف على منبه وقام وشعره منكوش بيوصل السقف
قام وهو منخرش يحسب انه متاخر
دخل الحمام وتروش بسرعه وغسل وجهه
وطلع ولبس ثوبه الجديد ومشط شعره وحط كريم على وجهه ورش عطر وحط مسك وطلع من الغرفه
وتوجه على طول غرفه حمد
فتح الباب بقوه وفتح اللمبات
حمد انفجع نايم بسابع نومه فجاءه احد يدرعم عليه كذا
قام وشعره مغطي على عينه ومسكر عين وفاتح عين وقال بنبره نوم : خير من انت
نايف وهو متوجه لتسريحه حمد ويرش عطوره وقال : أنا نايف ياغبي
حمد وخر شعره عن عينه وقال بعصبيه : شتبي داخل علي وانا نايم انقلع برا !!
نايف بروقان : اصبر برش عطرك عطورك حلوه
ومسك العطر وبدا يرش
حمد من العصبيه لف على الطاوله الي جنبه وشاف علبه مويه مسكها وحذفها على نايف
نايف : احح طيب خلاص بطلع
حمد بعصبيه : يلا انقلع
شمق له نايف وقال : نفسيه وطلع وسكر اللمبات وسكر الباب وراه
ونزل نايف وهو نازل يسمع صوت ضحك خفيف وسوالف
نزل وإلا هيا وعهود قاعدين بالصاله بالأرض ويفطرون بعبايتهم
نايف بصدمه : أما صاحين من بدري
عهود : أكيد يعني اول يوم جامعه
هيا : طبيعي من الحماس بنجهز بدري
نايف ضحك وقال : طيب على الاقل افصخو عباياتكم مين يفطر بعبايه
هيا وهي تشرب حطت يدها على رأسها بمعنى كيفنا
نايف ضحك وراح المطبخ وسو له فطور وجا وهو ماسك الصحن وجلس جنب هيا وقال : طيب زحفي شوي
هيا وهي تزحف : طيب وين أروح قم اجلس بالكنبه
نايف : مابي ابي بالأرض
وحط صحنه وقعد يفطر ويسولف مع هيا وعهود