بزناز مشرمل او ولد فشوش

بارت 12

ماجد :(شاف وليد كيشوف فيه كيفاش كايغني ليه او رتاح ليه كانو نضرات ديال على ماجد هز عينيه فعلى شاف فيه او حدر راسو خرج على ماجد نقد على لوليد بالبوسان حمقو) اح علا والديك حمقتيني خرجتي ليا لعقل ويتك ويتك اش هذ زين ها اش للفنون😘😘😍😍😍 اش هذ لجمال غادي طيح لينا لبشري ياك ها ها ههههه اشنو سميتو
على: (يالله داخل) بن يازيد
ماجد: (شاف فيه او جلس يلعب مع بن يازيد)
بن يازيد:(كيمص فصبعو يغرغر) غرررر اااااااااع ههه
خخخخخ
ماجد: واقيلة فيه جوع هاك دري نصوب ليه رضاعة
على: راه كولشي تماك
(مشا ماجد هز ميكات كانو فيهوم رضاعة او حليب او ليكوش الي اخيره داكشي ديال دراري صغار هز لي غادي يحتاج مشا دار ليه مياكل على شاف فالولد لي كايشوف فيه ببراءة مرة يضحك مرة يخنزر على ضحك كايلعب معاه هدر بصوتو جوهري)
على: اه سبع 🦁🦁 ديال باباه ياك ها هههههه
ماجد:(عطاه يرضعو او طلع لبيت تنهد على منين رضعو طلعو لبيت لقا ماجد جالس كايكل حط لوليد بدل ليه او نعس اما على مشا جالس حدا ماجد شاف فيه تنهد شد يديه بعدو ماجد مخنزر)
على: حتى لإمتى غادي نبقاو مخاصمين ها
ماجد:(صمت )
على: واش لهذ درجة حقتي راه مكنتش عارف عندي ولد من ديك لخانزة انا براسي مقادرش نتيق فهمني شوية انا مكدبت عليك والو واش عاجبك هذ لوضع لي حنى فيه ها
(يالله غادي يهدر او على خرج معصب تنهد مااجد مشا عنق بعلوك او نعس صبح صباااح عرف منعسش هنا تنهد مشا دوش او لبس عليه حتى تفرع عليه لباب شاف شكون)
مراد : يالله زيد راه تقبلتي فشركة بن جلون
ماجد:😱😱😱 بصح حلف
مراد: (ردخ عليه لباب او هدر) سربي اولا غادي نمشي
ماجد: معفر بارد كنكرهك هئ هئ ديما قمعني😠😡
(خرج هز معاه دري او مشا فطر كان على عاطيه مشي او نخال مهدروش مشا خرج اما ماجد طلب كمال او ساجد يقابلو بن يازيد ولا حاس بيه قطعة من روح ديالو جرو مراد او ركبو فطوموبيل واعرة حل فيها فمو كطكاط ماشي بحال على عندو ديك لخرشاشة ايلا بغات تحرك خاصها نص نهار هدشي لي قال فخاطرو وصلو لشركة او شد مراد فيه وصلو الطابق لي فيه على داير بيه حراس)
مراد: شوف بلا متشوه بيا خدم داك برطوكول لي كان فيك شحال هدا متعصبوش راه غادي يقلب عليك هذ شركة هاني حدرت
ماجد:😱(عاد مزاد خلعو رجليه فشلو) حرام عليك كتخلع فيا اجي واش مغاديش دخل معايا
مراد: واش انا لي غادي نخدم دخل دخل ايلا بغيتي دخل (ناري تعرف شكون لداخل) سير تهلا
ماجد: عفاك طلب معايا نتقبل
مراد:(حط يديه على كتفو ) غير دخل كولشي غادي يدوز بخير
(مراد مشا بقا هو فداك كولوار يدور فعينيه بلع ريقو دق سمع صوت كايزعزع دخل حاول ميبينش راه مخلوع بان ليه على محيد لافيست باقي غير بشوميز بيضة كاتنافس بشرتو شاف فيه مخنزر قاليه يلجس يتسنا فيه او هو كايراجع سيفي ديالو تكا على كورسي ديالو شاف فيه شعر مطلعو عينيه مفيكيسن فيه)
على: ممم ماجد سلطان واش ولد نزار سلطان (قالها بطريقة حاقدة)
ماجد:(تفكر باباه عينيه دمعو بلع خصة) اه انا ولدو الله يرحمو
على: ممم الله يرحمو اش وقع ليه
ماجد:(تعجب ) والو مات بسكتة قلبية علاش.
على: لا والو سمعت لي كانت مصاحبة معاه دات ليه حب او تبن ههه اصلان هو بو لعيالات اش غادي نتوقع منو
ماجد:😠😠 متهدرش على بابا بحال هكاك سمعتي انا لي جاي عندك خاصني لعصا
على: جلس بلاصتك حنى غير هدرنا نفاعلتي مهم شفت صيفي مهم عجبني واخا معمرك خدمتي فشي بلاصة راك مقبول
ماجد: شنو ندير
على: جيب لي قهوة قاصحة
ماجد: منيتك واش انا سكيرتير اولا كارسون
على: راه غير انا وياك فهذ طابق شكون غادي يجيبها عزرائيل ها
ماجد:(نفخ حناكو او مشا جابها يردخ فكيسان حطها ليه مشا يبدا خدمة مهز راس حتى ضرو جوع يالله غادي يهدر حتى دخلات صفريطة ديال بشري كاتعوج شافها ماجد عصباتو بداك تبعكيك مشات باست على لي باينة محاملش دير هكاك شاف فيهوم او تنهد بلا مايحس هدر فخاطرو)
ماجد: موعواقة كيف دايرة سيد مزيناتو او شايف فهذ عود سبسي تفوو وجها ديال تصرفيق
احم احم مسيو على وقت لغدا بغيتى شي حاجة
على: شنو شوف غادي نقوليهوم يجيبو شي حاجة
ماجد: انا غادي نطلب على دوقي عفااك
على:(ضحك) اوك سير على الله
ماجد:ياااس (مشا طلب من مطعم كايعرفهوم عندهوم ماكلة زوينة بقا يتسنا حتى داه نعاس فاق لقا راسو ليل ناض قافز كانت ماكلتو حداه)
ماجد: واش نعست بزااف
على: علا سلامتك نوض يالله كول او سير لدارك
ماجد: اوك(كلا مكلتو او يالله غادي يخرج يمشي طلب منو على يقرب ليه قرب ليه حط يديه على خسر ديالو او جرو عندو باااسو من فمو ماجد تصدم او هو يصرفقو)
ماجد:😠😠😡 اخير مرة تقرب ليا اولا غادي تكون هدرة اخر سمعتي
مشا لدار شد طاكسي وصل لقاهوم مجموعين وليد شادو كمال لي طورات علاقتو بمراد
كمال: شد لبعلوك ديالك مبغا يسكت بزز تربية صعيبة عندو شوف لي يشوفو مايقلش كان مقربل دنيا قبيلة
ساجد: ههههههههههه شافك دار فيها بريئ
ماجد: شابه باه اش غادي ندير ها
على دخل شافيه او طلع لبيت مشا تبعو ماجد حتى هو مشا دوش او لبس عليه مشا جلس فوق على لي شاف فيه كمل خدمة
ماجد: صافي مسامحة ههه(باسو) صافي
على: اصلا مكنش مقلق منك اوا اش درتي فخدمة عجباتك
ماجد:(بلع ريقو) ا اه مزيانة عندنا واحد مدير متعجرف معرفتش اش كايحسب ليه راسو غير هو لي دنيا اعععععع(تفكر لبوسة) مكبوت
على: (شداتو ضحكة) ههههههههه غير صبر اجي اسبع ديالي
(هز بعلوك فيديه كايلعب معاه او يضحك ماجد عحبوه كيف سبع او شبل ديالو كايبان كيف نملة صغيور )
.....................................................................
كانت 2 ديال ليل على كان ناعس اوحلم أمراءة اية فالجمال كتحمق كنت هازا ولد مواضحش كدور بيه لبسة كسوة زرقة او شعر حريري كايدور معاها لمعة فيعينيها ضحكتها مسموعة بحال شي رنة فودنيه او هو كايلعب معاها داك دري موضحاش ملاميحو بزاااف
ريماس: حبيبي العمر ديالي ليوم عيد ميلادك غادي تكمل ثلات سنين ياك اه اولدي نتا راك روحي عارف
على:(شاف فيها ببراءة او ضحكة مغطيا ليه لعين عطاها حلوة) ما ما هكي الواة
ريماس: وينو ولدي عطاني حلوة 😍 ههههه
عصام:(دخل بطوموبيل حلو ليه لحراس كان طبق لأصل على غير بالكريزمة داخل مهيب شافتو ريماس مشات عنقاتو او باستو)
ريماس : حبيبي جيتي
عصام: لا باقي ا حياتي هههههه
ريماس: واش. هذ طنز ديالك مبغيتيش تحيدو 😠😠
عصام: غير ضاحك العمر فين هو سبع ديالي ها
(على جا كايتعتر مشا عنقو من رجليه كايشوف فيه هزو عصام كايلعب معاه او ضحكا ماليا جردة عيطات خدامة تجيب حلوة ديال عيد ميلاد جابتها باش احتفلو بعيد ميلاد ديالو )
عصام: (باس ليه حنكو) سبع ديالي اخيرا غادي يكمل ثلات سنين ها بديتي تكبر
ريماس: ههههههه مالو غادي يبقي صغير حتى تقولها ليه نتا (دارت ليه بحجبانها زعما موت بسم حيت طنز عليها فالاول هادي هي علاقتهوم شاف فيها ببرودة ضحك)
عصام: واخا الالة ريماس غادي نشوفو فاليل اش غادي يوقع (غمزها هي حنكها حمرين)
ريماس:😠😡 براكة من لبسالة اععععع
(شوية سمعو قرطاس كايتشاير تخلعات شافت فعصام لي تعصب شكون لي تجرأ او هجم عليه مشا هز جوج الأسلحة او دار جيلي مضاض لي رصاص لبس عليه شوميز ديغيا هز ريماس خرجها برا فيلا)
ريماس: هئ هئ ه‍ئ علاش شكون هذو اعصام
عصام:(معصب) سيري اريماس دابا هربي نتي او على عفاك تهلاو فبعضياتهم ايلا وقعات ليا شي حاجة
ريماس: ششششش هئ ه‍ئ هئ لا متقولش هكاك أنا نموت بلا بيك منقدرش هئ هئ رجع علا قبلنا
عصام: صافي سيري عفاك (راسها او دفعها تهرب او شدات طريق كاتجري او تقول ماجريت او تنهج تسترح شوية او تكمل وصلات لشانطي يالله غادي دور تشوف ياكما جاي شي حد هي تحس بالفردي فوق راسها دارت هي تهدر )
ريماس:😠😠😠😡 نزار
........................................................................
بارت لي درت ليوم كيف جاكوم لكومنتير او لايك تهلاو