بزناز مشرمل او ولد فشوش

بارت 25

ماجد حل عينيه من بنج او سدهوم باقي شد فيه دازت ساعة عاود فاق كايشوف راسو فين كيسمع صوت دقات قلب شاف يديه فيها مقبط او لحريق فكرشو ناض بشوية شاد تحت كرشو كايتمشا شعر طايح على عينيه بلع ريقو عندو بزااف أسئلة فراسو متكررة مشا حدا لباب او كيضرب بزز فيه
ماجد: ح حلو هئ هئ فين انا فين ولدي على ح حلو عليا ا اش و واقع هئ هئ حلو (تحل لباب سكت من بكا كايتسنا شخص لي حل لباب او راجع بالور شاف نيزار تصدم )
ماجد: هذا ن نتا شنو كدير هنا ف فين هو على او و ولدي او م مراد هدر اش كندير هنا خليني نمشي
نيزار:(شافو غادي خرج رجعو لوور او هدر ببرودة) من ليوم ماليك خروج نتا مبقاتش سميتك ماجد دابا سميتك اليكسندر نتا ميت بالنسبة ليهوم او ولدك كاين مع سيك على غادي يبكيو شهر اولا كااع ثلات شهور ينساوك بحال ايلا عمرك كنتي ههههه دابا تكمش او نساهوم حنا ماشي فالمغرب بااش تكون فالبال حنا فؤستراليا نساهوم عليك
ماجد:(كيبكي شد فكرشو لبس حوايج كنينيك بغا يحماق) هئ هئ ه‍ئ لا لا حراام عليك اش درت ليك هئ هئ فاش أديتك كنكرهك من قلبي اش بغيتي مني نتا راك ماشي نتاقمتي من على نتاقمتي حتى انا هئ هئ حرمتيني من ولادي حرمتي من خويا حرمتيني حتى من راجل لي كنتنفس على قبلو هئ حرام عليك هئ (كان كايضرب لي فصدرو حتى بشوية بشوية كاينزل فالأرض عنق رجليه نهار ) حرام عليك قتلتيني انا حي هئ هئ بغيت نشم ريحت فولدي لأخير مرة عفاااك هئ ه‍ئ هئ
نيزار: اوك بشرط
ماجد: اشنو هو ندير لي بغيت هئ هئ
نيراز: (شد فالفك ديال وجهو ) غادي نديك تشوفو ولكن ايلا درتي شي حركة تبغي دير فيها ذكي غادي ندمك داك على ديالك غادي يموت قدام عينيك لا هو لا لي كتبغي حتى ولادك هاني هدرت
ماجد:(كايشوف فيه نيزار دفعو ) ايمتى غادي نمشيو
نيزار: فاليل هاني هدرت سميتك اليكسندر سمعتي
ماجد: (شاف فيه ) اوك
فاليل جا ماجد ثوتر دوش بشوية عليك دار دواء احمر او لبس عليه حوايج سخان دار طاكية فراسو دخل عليه نيزار او جرو من يديه طلعو لسطاح او لقا هيليكوبتر كاتسنا ركبو فيها او مشاو من بعد 3 سوايع وصلو حدا سطاح ديال قصر على هبط ماجد كولو كايقفق حدرو نيراز او هبط فالسانسور وصل لطابقة لي فيها على وصل لشومبر كان ليل او صقيل دخل لقا على ناعس معنق واحد تريكو ديالو او بن يازيد مخشي فيه وقف حدا راسو او دموع حبسهوم روحو بغات تخرج حط يديه على راسو كايقيس ليه شعرو او باسو فالجبهتو عينيه لي مدمعين او فشفايفو تيبوس يقول ما بست كايبكي مشا لبن يازيد باسو حتى هو عنقو شم ريحتو طفولية عنق على حتى حس بيه غادي يفيق او هرب مشا كايقلب على ولدو حتى لقا واحد شومبر حلها بان ليه كائن قد كمشة مديور فقرعة او لغرفة معقمة بان ليه لباس بحال طبلية دالميكة زرقة او كمامة لبسها او مشا عندو حط يديه على زاج او يديه صغيورة لي خارجة من برا باسها او كايشوف فيه كاع تيوات فيه مقدرش يصبر صخف بالبكا باسو غمض عينيه بقا كايشوف فيه منين شاف راسو تعطل حيد دوك لحوايج او صورو او خرج تلاقا على يالله خارج عينيه خرجو بلع ريقو محس براسو حتى هرب كايشوف موراه نسا راسو راه فاتح بالخلعة شاف على تابعو طلع فالأسانسور وصل سطاح ركب فالهيليكوبتر او خلعة شاداه اما على باقي مصدوم مفهمش واش كان كايحلم اولا كيفاش بيديه دفنوه مفهمش كايشوف طائرة كتغبر بين عينيه ريح مجهد كايضرب فوجهو مشا بالجرا فرع لباب على مراد
على: مراد مراد نوض تهز ماجد باقي حي نوض
مراد:(ناض مضهشر مفاهم والو) اش واقع اصاحبي واش ضربك حمار ليل سير تنعس اصاحبي
على: ننوض اصاحبي نوض والله حتى شفتو يالله فيق نشوف اش غادي نديرو
مراد: واش منيتك موتو خلاك غير كتخربق حمقك سير أصاحبي حتى لصباح او نهضرو
على: ايلا متبعتينيش متلومنيش من بعد هاني قلتها ليك سمعتي
مراد: همنمم واخا (خرج على مراد رجع نعس شوية ناض كايسب تبعو شافو على تبسم) يالله هدر اش واقع اشنو لي خلاك تقول هكاك
على: (عاود كولشي ليه مراد بقا حال فمو مفهم والو مراد هدر  ) ميمكنش حنا بعينينا شفناه فااش مات او طبيب قالها
على: حتى انا براسي قالت هكاك معرفتش اش واقع واش تخيلك داك برد فاش طيارة مشات او دموع لي لقيت فوجهي اش نقول فيه اوف درني راسي
مراد: سمع ا على نسا انا متأكد غير تخيلتي دابا عيش على قبل ولادك اخويا نسا حيت من صبع موستحيلات ايعيش حتى دفناه بيدينا الله يهديك او شفنا جسد ديالو سير تنعس (بقا كايفكر لقا كلامو منطيقي واخا شاك تنهد او سها)
.....................................................................
ماجد منين رجع حيد حوايجو شاف جرحا لي تبجغات شوية حيت فورصا على راسو بزاااف مشا دوش او دواء جرحا او تكا كايشوف فسقف او دموع هبطو ليه غمض عينيه نعس
دازو لأيام مشات او جات دابا بضبظ دازت عامين   بضبظ فؤستراليا فاق ماجد كايتجبد شاف فالسقف او تنهد مشا دوش لبس عليه او هبط ببرودة بان ليه نيزار جالس كايشرب فالقهوة ديالو او كايفطر
جلس حتى هو فطر او شاف فيه ببرودة
ماجد: هانا غادي لشركة تبعاتي بزااف مايدار
نيزار: (ببرودة) وجد راسك غادي نرجعو لمغرب
ماجد:(شاف فيه او خرج ) تفووو على زامل كرهتو من قلبي
.....................................................................
كانو طوموبيلات بزاف واحدة وقفات حدا وحدا خرجو حراس كثار واحد فيهم حل لباب هبط على بالهيبة ديالو او لبرودة لي عطاتو هيبة دخل لشركة مشا لمكتب خداام عادي فهذ لمدة ولا بارد عايش على قبل ولادو قلبو برد بقا خدام حتى ضلام لحال او خرج مشا لقصر حلو ليه دخل لقا سيف لي عندو عام او تسع شهور كايلعب او ضحكة ماليا مكان او بن يازيد حداه كايلعب معاه حتى هو شاف فيهوم تبسم كيشوفهوم كي رتاح شوية حس بيدين غمضو ليه عينيه تبسم حيد يديه كان ولد أية فالجمال كايشبه لماجد شوية عنقو حتى هو تبسم ابتسامة خفيفة عنقو
ادم: (عينيه كايبريو) حبيبي جيتي توحشتك
على: هاني راك عارف خدمت ليوم كانت لخدمة شوية كثيرة كيف دايرين دراري ياكما سدعوك او نتا كليتي
ادم: هههه لا ضريفين انا متشطنش عليا كليت نتا لي خاصك تاكل اجي (شد يديه داه كلا او ناض باش يدوش( عارفاكوم تخربقتو ) ادم هو مربي ديال دراري نهار شافو على تصدم حيت كان كايشبه ماجد ريماس ستغلات هذ نقطة بقات كضغظ علي على او تخطبو)

اما ماجد حط رجليه فالأرض بلادو شم ريحتها حس بروح رجعات ليه شدو نيزار او داه مشاو لقصر قديم ديالهوم دوشو او نعسو من عيا

على ناعس او ادم ناعس حداه معنقو كايشوف فيه واخا شباه فالوجه ايلا تصروفات ماشي بحال بحال ماجد قلبو بيض دغيا كيحن فالنفس لوقت عندو شخصية قوية معندوش مع لحكرة اما ادم واخا كايتهلا فالولاد ايلا مصلاحتو هى لولة تنهد او عطاه بالضهر هز تصويرة ديال ماجد كان معنقو او ضحكة فالوجهو تنهد باسها او نعس
صبح صباح ليوم ماشي بحال أيامات اخرى فاق ماجد شاف فصقف لبس عليه او هبط قاليه نيزار غادي يمشيو لشركة ديال شخص لي غادي يديرو معاه شركة او مشاو ماجد مفهمش علاش قلبو كيضرب وصلو شاف فالشركة او شاف فنيزار عينيه خارجين
ماجد:(مصدوم)😱😱 واش منيتك علاش ناوي هذ لمرة واش مكفاكش داكشي لي درتي اش باغي دير لاش كتخطط😠😠
نيزار: قدامي بلا هضرة
ماجد: صبر صبر نهايتك قربات غير بلاتي
او مشا دخل موراه نيزار وصلو لمكتب اجتماعات حلو لباب دخل نيزار موراه ماجد دخل بكل ثقة
نيزار: سلام
على او مراد:😱😱😱😱😱
......................................................................
نهاية قريبة اش بان ليكوم فالبارت انا او تفقصت ههههه عايشة معاهم شكرا ليكوم راه كنقرا كااع لي كومنتر طنحبكوم انا