بزناز مشرمل او ولد فشوش

بارت 18

دازت 15 ايام ماجد مكايهدرش مع على لي ولا غير ساهي كايفكر اش غادي يدير مع هد كاريثة لي ولات عندو حتى ماجد لوحم لعب عليه مزيان حتى لواحد نهارر فليل مع 2 ديال ليل جالس ماجد كايشمشم ريحة ديال رفيسة معرفش منين جايا بغا يحماق ناض بلا هواه لبس عليه مونطو فوق بيجامة او هبط بشوية كايشوف فجنابو لي يحصل واقف فدروج يالله غادي يحل لباب سمع صوت لي ثمنى مايسمعوش دابا بلع ريقو او مغمض عينيه شاف وراه كان على لي مربع يديه كايتسنا تفسير منو
على: (ببرودة) فين غادي فهاد ليل اسي
ماجد:(😠😡) نتا اخر واحد يدخل فيا نمشي فين بغيت ماشي شغلك كتسمع
على:(تجهل كلامو) فين غادي فهذ ليل اولا غادي يسمعونا جيران انا معندي منخسر
ماجد:😠😠 بغيت نخرج يضربني هواء تخنقت منك صافي هذشي لي بغيتي تسمع
على:(شاف فيه) مقتنعتش فين كنتي غادي
ماجد:(عارف مغاديش يتفك حتى يقول ) اوففف 😒 تشهيت رفيسة او بغيتها
على:(تعجب ) فهد ليل
ماجد: اه جاتك غريبة مالك اش فيها مفهمتش لواحد مبقاش لواحد يتشها ( ولا غير كايدخل او يخرج فهدرة شاف فيه على تنهد)
على: غير جلس انا غادي نمشي نجيبو ليك واخا راه معرفتش واش لقا هذ رفيسة فهذ ليل
ماجد:(كايسيلو ريقو ) واخا صربي صربي
شاف فيه على او خرج هز سوارت مشا ماجد مشا جلس كايتسنا ايمتى غير ايجي اما على دار حتى عيا ملقاش هو يهدر مع واحدة من خدمات لي عندو قاليها توجد ليه رفيسة ضهشرات خدامة مسكينة ناضت على واعدها او سعدها دغيا وجداتو ليه لقاها على يالله كتسقي فيه هزو او شكرها مشا داه ليه على وسعدو او وعدو وصل لدار لقا ماجد كايدور فبلاصتو حطو ليه غير ماجد شم ريحة طاار عليه هز لبواطة كايكل على تصدم ولا غير كايشوف فيه مسكين معرفش علاش ولا كايتصرف هذ تصرف هذ ليامات
ماجد: مممننمم شحال بنين وااااو احححح شحال لذيذ ههههه الله على راحة
على:(بلع ريقو ) صافي صافي نوض تنعس
ماجد:(شاف فيه مخنزر خرج مشا طلع لبيتو او نعس )
صبح صباااح فاق ماجد كايتجبد فاق لقا بن يازيد كايلعب او يغرغر بوحدو او يلعب ماجد عنقو او كايبوس فيه
ماجد: اححححح على موك نموت فوالديك هههه اعععع 😍😍😍
بن يازيد: ههههه غرررررر اعععع كووو با بو ههههه 😍😍😍😂😂
ماجد:(خاصني نهرب فأقرب واقت تنهد ناض دوش او دوش بن يازيد لبس عليه حوايجو او لبس بن يازيد هبطو بزوج شافهوم كاملين كايفطرو او جالس عادي او متجاهل على لي كايشوف فيه تنهد على ناض خرج مشا لشركة بقا خدام حيت كان مزيرة عندو خدمة مهز راس حتى ليل شاف لقا 12 ديال ليل نهار كامل ما كلا نعمة خرج مشا لداار لقا ماجد حاط لمكلة )
ماجد:(ببرودة) ها ماكلة كول بنتي ليا نهار كامل مكليتي
على: (بتسم) شكرا بزااف
ماجد:(شاف فيه او طلع لبيتو غير طلع جمع حوايجو او جالس كايبكي ضرهوم تحت ناموسية او جلس يتسنى لوقت لي غادي يمشي فيه هز بن يازيد شبعو بوسان بن يازيد بحال ايلا حس انو عمرو غادي يشوفو جالس كايبكي سكتو لعب معاه حتى نعس او داه عند على لبيت لي ولا جالس فيه حطو حداه بقا كايشوف فيهوم باس على او طول فيها دموع معمرين عينيه تنهد او مشا خرج دخل لبيت مراد لقاه ناعس او معنق كمال ضحك باسو هو او كمال بحال ايلا كايدعهوم او خرج مشا لبيت ساجد او عمار باسهوم حتى هوما او حط شي حاجة رجع لبيت على حط ليه شي حاجة دخل لبيتو هز باليزتو لي كان مخبيها او خرج بشوية شاف فدار لأخر مرة او مشا حط يديه على كرشو ركب فطوموبيل ديالو حط لباليزة فالكوفر او شد طريق لمدينة سويسرا مدينة لأفران  كان بغا يمشي لبرا ولاكن عارف غادي يمشي يسول فالمطار هو لأول داكشي علاش بدل لويجهة لإفران مقدرش يسمح لعلى جاتو صعيبة خاصو وقت براسو براكة كان كايفكر لناس او جا لوقت فين ايفكر فراسو كانت طريق طويلة وا أخيرة وصل لإفران كان ثلج فيها واحد منضر كايريح نفوس يا سلام شم هواء نقي ديالها كايقلب على سمسار بمشقات النفوس باش لقاه سلم عليه طلب منو يخد دااار وراه واحدة على قدو كانت زوينة بزاااف كولشي خشب او بناية ديالها أروبي دار اجراءات ديالو او مشا نعس معقل حتى ليل ناض لبس عليه مشا باش يتقدا ما يكل كانت افران هادئة بحال ايلا مافيها حد تقدا او رجع لدااار دار كراتان كلا حتى شبع مشا نعس دودة
.....................................................................
على كان فاق لقا بن يازيد حداه مخشي فيه بحال شي قطيط 🐈 جرو كايلعب معاه او يفيق فيه فاق بن يازيد عاقد حواجبو مايشوف او يصتوعب اش طاري حداه شاف باه او عينيه ضحكو او جالس كايهدر بلغة طفولية جرو على يلعب معاه او يضحك بغا يكلو بدل ليه او طرف ليه او هزو
على: اجي اسبع ديال باباه نشوفو بابي فين هو
(مشا دخل لبيت لي كان فيه ماجد ملقاهش او هبط لقا دراري جالسين او مهمونين تعجب شاف حس ماجد مقطوووع )
على: مالكوم بحال ايلا جنازة عندكوم ها
دراري:😱😱😱 على
على: مالكوم شفتو شبااح فين هو ماجد مبانش ليكوم
مراد:(تنهد) ماجد مكاينش مشا
على: كيفاش مشا فين مشا هدرو تكلمو متعصبونيش اولا غادي نحرق لحزاااق كامل
عمار: تهدن اصاحبي كولشي كايتحل بالعقل مالك اصاحبي
على:(حط بن يازيد مشا بجرا طلع لبيتو قديم شاف بلكار لقاه خاوي غمض عينيه مشا لبيتو او جالس ساهي محس غير عينيه دمعو شاف واحد لحاجة محطوطة هزها كانت تصويرة ديال بيبي ديالها عندو شهر شنو معناها بقا مصدوم دور لورقة لقا ملاحضة مكتوبة ( انا غادي لبلاصة بعيدة بغيت نرتاح ماشي سهل عليا نسمحك غادي ندي معايا طرف منك )
بقا مصدوم جالس كايضحك شوية نهار بالبكا تنهد كايشوف فتصويرة كايمس فيها
على: علاش علاش عزيز عليك تعذبني اه غلط ولكن مكنستهلش منك هذ لعقاب لقاصي عليا قصح بزااف عليا نقدر نموووت فيها هئ ه‍ئ هئ ه‍ئ لا
😭😭
ناض معصب خرج كايعطو ليه دراري ولكن مداها فحد خرج معصب ركب فطوموبيل ديالو مشا بسرعة معرفش فين غادي غير مقدم او صافي تفكر كااع دكريات لي عاشو كايزيد بسرعة حتى دخل فيه كاميو او تبجغات طوموبيل حل عينيه بزز او دم عمر وجهو قبل ما يغيب
على: ماجد ما ما ماجد و و ولدي (او غمض عينيه ستسلم لمووت )
.......................................................................
ماجد كان ناعس حتى حلم بحلم خايب ناض قافز قلبو كايضرب حتى كايحس بيه غادي يسكت ليه او لعرق فيه عينيه مدمعين مفهمش مالو
ماجد: على هئ هئ ه‍ئ هئ لا اربي غادي نموت مالي قلبي كنحس بيه مزير عليا اوف اوف مممم اربي هئ هئ على واقعة ليه شي حاجة ايمكن
.....................................................................
سلام عارفة راسي غيرت ولكن ماشي لخاطري كنت فبلاصة مفيهاش ريزو كااع كيف جاكوم لباارت تهلاو