بزناز مشرمل او ولد فشوش

بارت15

على: (تلف معرف باش تبلا هز لماء لي كان حداه شربو كامل تبسم حاول يخفي صدمة فوجهو حس بيه عصام شاف فرافايل ) احم مهم مرحبا لينا شرف نتعملو مع سيادتكوم
عصام: حتى حنا اسي على مهم خليناك على غير نتشاوفو مرة اخرى (يالله غادي يخرج هو يدور شاف على لي وجهو صفار ) احم سي على مرحبا بيك عندنا غدا تغدا عندنا نتسناوك (او خرج)
على: 😯😱😰 لا لا ميمكنش زعما يكون هو اح اش ندير (هدر مع واحد شخص قاليه يجيب معلومات على هذ شخص لي غادي يصيفط ليه او قطع دخل ماجد كيف رعدة)
ماجد: مسيو على هاك ها لوراق بغيت توقيع ديالك (شاف فيه لقاه ساهي ) موسيو على على (على قفز شاف فيه )
على:😠😡 مالنا منخافوش
ماجد: سمح ليا ولكن كنت كنهدر معاك مكتجاوبنيش
على: احم احم صافي غادي نوقع مهم غير سير لدارك ليوم عندك عطلة
ماجد: اوك بسلامة
(ماجد خرج مشا لدااار لقا واحد صفريطة جالسة او هزا بن يازيد لي كايبكي غادي يحماق محملهاش غير ماجد سمع لبكا طلعات ليه طلعات قنديشة او بقات مسعودة عقل عليها عرفها صاحبت على مشا خطف ليها لولد من يديها لي غير شم ريحتو او سكت لبعلوك كايشوف فيه ماجد جبد كنينيكس مسح ليه خنونتو او دموع لي فعينيه او تكمش فيه كايضحك معاه مولفو)
ماجد:(عطا دري لكمال لي ولا كايتمشا عادي هزو كايراري بيه ) اش بغيتي ها باش من حق تهزي ولدي هدري 😡😠😠
زينب: شكون نتا اصلا ها
ماجد: ماشي سوقك نوضي قودي عليا من هنا يالله
زينب: لا مغاديش حتى يجي على سمعتي
ماجد: انا حبيب ديال على سمعتي يالله سيري تقودي يالقحبة
زينب:(يالله غادي تهز يديها عليه حتى شد يديها مخرج فيها عينيه او قجها لاحها) اخير مرة تبقاي تحطي يديك عليا الخانزة خورجي عليا من داري
زينب: غادي ندمك الكلب
(او خرجات هربات كتبكي هو تنهد حط يديه على عنقو او تصمر عينيه خرجو كايقلب على سنسلة ديالو بغا يحماق عينيه غرغرو)
كمال: اش واقع ليك مالك ا ماجد
ماجد: سنسلتي فين هي هئ ه‍ئ هئ ه‍ئ ناري مي مشات
كمال: (شاف حالتو لي ولا حالة) تهدن غادي نلاقاوها غير صبر عفاااك اوك عفااك غادي نلاقاوها
ماجد: هئ هئ ه‍ئ هئ كمال سنسلتي سنسلتي ا كمال
(بقا غير كيدور فيعينيه خلعو دخل على هو او مراد متعجبين مفهمو والو شافو حالتو على تخلع مشا عندو كايجري شد فيه)
على: ماجد ماجد شوف فيا اش واقع ها
ماجد: سنسلتي ا على منين حليت عيني هي فعنقي عمري حيدتها فين هي تجلات ليا نحماق بلا بيها هئ هئ ه‍ئ خاصني ليوم نلقاها عفااك
مراد:(قلب عينيه او شاف فيه ببرودة) اش غادي يوقع كاع ايلا ملقيتيهاش ياك غير سنسلة 😒

ماجد:😠😡 هاديك راه روحي ايلا ملقيتيهاش سمعتي نتا راك معارف والو
(بداو كايقبلو فدار كاملة مراد كان واقف شاف فواحد جيها بانت ليه واحد حاجة كتبري مشا هزها او شافها كانت نفس سنسلة لي عطا لخوه هادي 17 عام بقا مصمر او حلقو نشف حل سنسلة او يديه كايترعدو غير حلها او عينيه خرجو من بلاصتهوم شاف ماجد لي كايبكي كايقلب مشا عندو او رجليه فاشلين عطاه سنسلة او خرج كايجري كولشي تصدم بيما فيهوم على تبعو)
على: مراد مراد اش واقع (ركب فطوموبيل تبعو حتى وصلو لواحد صغرة فالبحر كايبكي) مراد مالك اصاحبي هدر
مراد: عرفتي شكون ماجد
على: (تعجب ) شكون ها مالك فهد لحالة
مراد: هداك لي فداار خويا هئ ه‍ئ خويا ا على كان قريب ليا شحال من مرة حسيت بشعور من حيهتو فشكل هئ هئ ه‍ئ كانقول نعل شيطان صدق خويا ا على هئ هئ ه‍ئ علاش دنيا ديما كاتلعب معانا واش كتسمتع فاش كاتشوفنا كنتعدبو عيت اخويا صابر هاني لقيتو اش غادي نقول ليه ها رميتو لنار بيدي هادو ✋✋✋🙌👐 اش ندير قوليا
على:(مصدوم صدمة ورا صدمة واش مغاديش يعيشو هانين مشا عنقو) شششششش اصاحبي شش حتى واحد مالقها كيف بغاها براكة اخويا اش غادي دير
مراد: (شاف فيه) غادي نقولها ليه
على: اوك لقا لوقت مناسب او قولها ليه
مراد: اوك يالله لبرد هنا
(مشاو دخلو لقاو صقيل حيت ليل كولها مشا لبيتو شاف على ماجد باقي فايق مشا طلع فوقو ماجد شافو او ضحك نخليوهوم ....)
صبح صباااح فاق ماجد كان عريان ناض دوش عليه او لبس عليه ليوم عندو روبو مغاديش لخدمة
ماجد: ساجد زين ديالي وجد ليا واحد حليب او شكلاط عفاااك
ساجد : سير بعد مني عندك يديك
عمار: حب ديالي ماشي خدام عندك
ماجد: دابا كتحماو ها واخا عقلو عليها غادي نقولها اعلى
عمار: هههههه😂😂😂
ناض على دوش عليه ملقاش ماجد او بن يازيد عرفهوم لتحت مشا لبس عليه او هبط سلم عليهوم او مشا شد طاكسي كيف لعادة مشا لقصر فين عايش لبس عليه كوستيم بلا كرفاط او طلع شعرو جا زاز لوز كايحمق 😍😍😍 لقا شيفور مايتسناه
على: با حماد غير سير رتاح ليوم غادي نسوق شوف وليداتك
با حماد: الله يكثر خيرك اسي على
على:(دور معاه تدويرة صحيحة عطاه جوا عامر ) سير ساري ولادك او تبرع عندك سيمانة اه متبقاش تقول ليا سي ياك انا بحال ولدك
با حماد: (شداتو بكية) الله يكثرهوم عليك اولدي الله ينقي طريقك من شوك
على:(ضحك هو كايركب) امين امين
مشا مسافة حتى وصل لقصر ديال ليوناني قبل ما يدخل قصر سمع ميساج شافو لقا شخص لي وصاه على معلومات كول ما كايقرا كول ما عينيه كايخرجو شاف فالقصر كايتمعن فيه او عينيه حمارو مسح دمعة بالعحرفة او تنهد كمل طريق هدر لحاريس فالأباري ديال وذنو او قاليه يدخل مشا مسافة حل ليه واحد من حاريس هبط بشوية يد واحدة فجيب تنهد او دخل فتحات خدمة او طلبات منو يدخل شم دار واخا كبيرة ولكن دافيا فيها روح قلب بعينيه
على:(بانت ليه مرأة نازلة بشوية عليها كانت أية فالجمال كتحمق نفس لمرأة لي شاف فالحلم يعني ماماه بلع ريقو قلبو 💞💓💔 كان كايضرب او مجروح معرفش كيفاش ايفصر احساس هي كايشوفها هابطة بحال شي حمامة بيضاء او ضحكة بريئة فوجهها لبسا كسيوة حمراء او صندالة كحلة او شعر طايح على وجها لحض شبه لي بينو او بينها بلع ريقو شافها وقفات حداه )
ريماس: (كانت كترعد او كتمعن فيه بزااف سلمات عليه باليد) س سلام احم اولدي نتا هو شريك راجلي ياك
على: (فاش قالت ولدي حس بديفئ غريب هدشي جديد عليه مكايعرفش ايعبر عمرو عرف حنان)
احم اه انا تشرفت معريفتك ا مدام
ريماس:(بتسمات) ريماس اولدي تفضل جلس
على: (جلس حاول مايبينش توتر ) احم فين هو مسيو عصام
ريماس: هاهو جاي تبغي تشرب شي حاجة
على: ايلا كان ممكن قهوة كحلة قصحة
ريماس: هههه اش عندكوم مع قهوة نتا او عصام اوك بلاتي سميرة سميرة (جات لبنت) عفاك قهوة كحلة ابنتي
سميرة: واخا الالة
مشات بقاو جالسين شي يشوف فشي حتى دخل عصام هو او رفايل كايضحكو لبسين سورفيط باينة كانو فشي كونبا
عصام:(مشافش على) هههههههههه شفتي باقي صحيح حساب ليك غادي تحكرني ها والله حتى نطويك 😂😂😂
رفايل:(معصب حيت باه ربحو) صافي صافي بزاعت اش غادي يوقع كااع ايلا ربحتيني ها 😒😠 (مرضاش )
عصام: تقبل خسارة هههه
على:(شافهوم كان تمنى حتى هو كون كان معاهم بلع ريقو ريماس شافت لبلان عصام يالله دار او بان ليه على جالس كايشوف فيهوم)
عصام: ولدي على لباس سمح لينا تعطنا عليك
على: ماشي موشكيل أمسيو عصام
رفايل :(مشا عنقو) لبااس عليك اخويا
على:(بلع ريقو ) اه حمدالله او نتا مزيان
رفايل: حمد الله ههههه تفضل نتغداو سمح لينا دقائق ها حنا معاك
على: ماشي موشكيل خود راحتك
.......................................................................
لبنات اش بان ليكوم فهذ لبارت مهم فالعيد مغاديش نكتب نشاء الله مسافرة حتى نجي مهم بزز باش لحت تفووو عصبني هههه يالله تهلاو