ماجد شداتو صخفة او رجليه كيترعدو بزز باش واقف واخا كانت برودة فوجهو لداخل كايغوت من هذ دنيا لي كول مرة ضربة قبل من ختها شاف فيه نيزار او شدو من خصرو شاف فيه غمز ليه زعما توكض معايا (اما نيزار معرفوهش حيت دار عملية ديال تجميل ماشي حمق باش ايجي بوجهو الحقيقي)
على:(باقي مصدوم هو او مراد حسو بحال سطل ديال ماء تكب عليهوم على يديه كايترعدو ولات كتبان ليه غير ضبابة ناض سلام عليهوم) احم مسيو دافيد مرحبا بيكوم عندنا
نيزار:(تبسم) شكرا أمسيو على شرف لينا نكونو شركاء اولا أحبيبي هههه بالمناسبة نقدم ليك أليكس خطيبي هه (شاف ماجد لي خرجو عينيه من ديك لكلمة ديال حبيبي بلع ريقو فاش شاف نضرة لي دار ليه شاف فعلى او فيه او تبسم )
ماجد: احم أ اه شرف لينا (سلم على علي او ضربهوم ضوء محسو براسهوم حتى نغزو نيزار هلي فاق حيد يديه او جلسو كايناقشو موضوع ديال شركة لي غادي تكون بيناتهوم نيزار شاف ماجد كيف كايشوف فعلى تعصب منين سالاو سلم على علي)
على: فرصة سعيدة هاذي انا عرض عليكوم من هنا ثلات أيام فداري نثمنى تجيو
نيزار: (شد فخصر ماجد لي شاف فبلاصة لي شادو او فوجه نيزار مكرهش ينزل عليه بداك ميحفضة لي هاز لراس ) اه نشاء الله علاش نردوها فوجهك ياك أليكس
ماجد: ا اه و واخا
على: مراد قول شي حاجة (شاف فيه لقاه مزال صدمة لعبة عليه من كول جوايه)
مراد: احم سمحو ليا مكنتش معاكوم اه عندو لحق مرحبا بيكوم عندنا
نيزار: اوك نخليكوم هذ ساعة باي
على: بسلامة
خرجو بجوج ماجد معصب بزااف وصلو فطوموبيل ركبو مشاو حتى لبلاصة خاوية غير لبحر او صغر خرج ماجد معصب غوات حتى عيا كاينهج تبعو نيزار
نيزار:(شد فك ديالو ضغظ عليه او شاف فيه ماجد تحدي فعينيه) سمع أماجد عندك ايمشي يسخن عليك راسك تفكر تنطق بكلمة اولا دير شي تصرف لي يبين ليهوم شي حاجة حيت نتا لي غادي يخسر فالخر سمعتي هاني هدرت والله وتمشي دير شي حاجة حمقة اولا تهور دير لي فراسك انا لي غادي نحرقك او نتا حي راك عارف انا لي ربيتك عارف فاش كتفكر غادي نديرها سمعتي مصلحتى هى لولة والله منعقل عليك مغاديش رحمك دير عقلك غادي تربح
ماجد:(كان كايشوف فيه او عينيه فيهوم حقد من سنين ) ساليتي خليني نهدر (قرب ليه ) نتا أديتيني فرقتي عليا كبدتي خويا عائلتي حتى هوما بسبابك انا دابا جسد بلا روح بسبابك ايمتى غادي طلق سراحي هئ هئ مبقيتش باغي شي حاجة بغيت غير نهرب نمشي لشي قرينة كحلة مايعرفتي حتى حد واش مفقلبك ضمير ها هئ هئ عامين انا بعيد على ولدي مشميتش ريحتو مشفتوش كايكبر بسبابك قتلتيني انا حى كنت كنقول نتا ملاك ولكن هدشي لي عشت معاك بينتي ليا وجهك حقيقي تبين انك شيطان فصفة بنادم غير صبر صبر على روحك نوبتك جايا غادي تكون أبشع موتة غير صبر حيت لي بحالك نهايتهوم مكتكونش على غير عقل على كلامي
مشا الطوموبيل جلس فيها نيزار كايفكر فكلامو من بعد مشا ركب او نطالق لقصر ديالو ماجد كيف وصل مشا بجرا لبيتو دخل دوش حيد حوايجو دوش كايبكي قلبو محروق بزاااف هدشي كولشي على قبلهوم منين صالة مشا نعس معقلش باقي
........................................................................
اما على هو او مراد بقاو مصدومين مراد قاليه من شبه اربعين على شوية قتنع شوية لا مشاو لقصر جالس فجردة بالبيجامة من بعد ما دوش او سيف بين يديه كايشوف فيه كان كايشبه ماجد فبزااف الحوايج تنهد نعس بعلوك جات ريماس خدات سيف عطاتو خدامة طلعو او جلسات حدا على حطات يديها فشعر علي او هدرات
ريماس : ولدي ايمتى غادي تزوج مع أدم ها ايمتى واش مزال مبغيتش تنسا ماجد ها من نهار دخل لحياتك خربقها ليك واش حساب ليك معرفاش انك منسيتيهش شحال من مرة كنفيق على بكاك فاليل او تصويرتو بين يديك اولا على تعلوق بسيف غير حيت كايشبه لماجد نساه راه مات شوف مستقبل براكة راه هلكتي راسك صافي براكة
على:(ببرودة) واش تقدري تنساي لواليد ها جاوبي اكيد لا فامطلبينيش نسا ماجد سمعتي نتي ضغظي عليا نتزوج أدم غير حيت كايعامل ولادي مزيان خطبتو ولكن متسنايش نعطيه قلبي حيت ماشي من حقك ولا حتى انا سمعتي أدم عمري نبغيه فهميها
ناض مع دار لقا ادم وافق كايشوف سمع كولشي دموع في عينيه تنهد جرو من يديه مشا ورا لبيسين تماك هادئ تاواحد مكايهدر قرر على يهدر شاف فأدم او هدر
على: داكشي لي سمعتي قبيلة هو لي كاين سمح ليا هدشي هو جهدي
ادم: باقي كتبغيه مغاديش تنساه ها هئ هئ هئ
على: منقدرش حيت هو لي كنت كنتنفس على قبلو هو لي بدل ليا حياتي من بعد كانت ضلام ولادي لي مصبريني
ادم: هئ هئ هئ هئ هئ عفااك انا غادي نحاول نسيك فيه هئ هئ هئ عفاك عطيني فرصة ا علي
علي:(شاف فيه او حيد ليه يديه او هدر) سمح ليا مبغيتش نعطيك أمل على والو (او مشا خلاه كايبكي )
.....................................................................
دازت ديك ثلات أيام ريماس لي تكلفات بكولشي لبسو لدراري صغار حيت عندهوم ضياف مهمين عصام حتى هو كان لي متبادل فيه والو رفايل مكانش معاهوم حيت كاين فاليونان عمار او ساجد حاديرين معاهم بنتهوم ولدوها يالله عندها شهور او حتى كمال مع مراد أدم لبس لدراري او هز سيف شد بيدين بن يازيد او هبطو لابس مزيان كايتسناو واقفة طوموبيل ديال نيزار حدا لقصر ديال علي قبل ميحل ماجد شد فيه نيزار
نيزار: عندك دير شي تصرف حمق بلا منعاود هدرتي
ماجد: (قلب عينيه ) واش كول مرة تبقى تهدد فيا ولا كيفاش 😠😠😠😠
نيزار: ايلا درتي عقلك مغاديش نبقا تهدد
ماجد:(شاف فيه او نزل دخلو نيزار شد خصر ماجد ستقبلهوم على ريماس شافتو هي او لخرين تصدمات 😱😱 دار راسو مصدوم او مفهم والو تعرف عليهوم شاف سيف قلبو ضرب او شداتو بكية رعدة شداتو حس براسو غادي يطيح زاد كمل عليه على منين عرفو على أدم صافي كملات حس بضغظ )
نيزار: سي علي نتا او سي أدم جيتو كوبل زوين هههه ياك أليكس
ماجد:(قلبو طاب كمل عليه نيزار شاف فيه ماجد ببرودة تبسم بزز) احم ع ع عندو ل حق اه بصح 😥😥
أدم: (حشمان ) شكرا حتى نتوما زوينين
علي:(مفهمش مال أليكس ولا حالتو ) نتا بخير أمسيو اليكس
ماجد: ا ا الا انا مزيان بخير
أدم: حبيبي سيف اجي عند بابا اجي (سيف شاف فيه او بتاسم غادي عندو كايطيح او ينوض حتى وصل عند أدم هزو ماجد حس بخنجر دبح قلبو مقدرش يتحمل هبط راسو او دموعو هبطو كايشوف أدم بحقد كيفاش خدا ليه ولدو لي شرك عليه كرشو او هزو سبع شهور او تعدب على فراقو فالاخير كايقول ليه بابا باردة بغا غير ايغوات حيت صافي وصلات بيه لفان )
ادم: قول بابا احبيبي قولها هههه
سيف: (شاف فماجد او هدر) ب غغغغغغر ب بابا
ادم:(تعجب علاش شاف فماجد او قالها معجبوش لحال ماجد معرفش واش أيبكي اولا يفرح كولشي تعجب سيف هبط من حضن ديال ادم مشا عند ماجد بحال ايلا عارف شكون باه وقف حداه كايشوف فيه بلا حس طلع فوق حضن ماجد او ميل راسو حيت ماجد مهبط راسو ضحك ضحكة بريئة او مسح ليه دموعو او عنقو ماجد ضربو ضوء حس بإحساس اب كولو كايترعد بلع ريقو شاف فيهوم لقاهوم مصدومين مفهمو والو )
ماجد:(حط يديه على حنكو او هدر فخاطرو) قريب اولدي نتجمعو حتى حد مغادي يفرقنا حتى حد اه شحال توحشتك توحشت ريحتك احبيبي لا نتا لا بن يازيد قريب نتجمعو هذي محنا غادي دوز حتى هذاك أدم لي كايحاول يخد بلاصتي
سيف: (ضحك او باسو فحنكو هبط مشا او تلفت فماجد لي تبسم ليه بحال ايلا سيف فهم اشنو لي قال ماجد من عينيه مشا تخشا فعلى او نعس )
نيزار: احم بان ليا ولدك رتاح لأليكس بزااف
علي: لا لا سيف مكيتقبلش شي حد بسهولة مفهمتش
ماجد: 😱😱
......................................................................
هذ لبارت لحتو ليكوم دابا حيت غدا ما مسالياش نتمنى يعجبكوم
أنت تقرأ
بزناز مشرمل او ولد فشوش
Fantasyماجد ولد فشوش كان عايش رفاهية مفشش باباه غادي يدير افلاس غادي يغادر لمدينة لي عاش فيها يمشي يعيش فمدينة غريبة عليه معارف عليها والو يمشي يعيش حياة لي عمرو توقع غادي يعيشها فنضركوم اشنو غادي يوقع تصنيف : قصة مغربية مثلية 🌈 الأبطال رئسين: ماجد او ع...
