الأسود السود

𝔓𝔄ℜ𝔗 58 🦇

الأســود الســود

الكاتبــــه " تاليــــــن "

📍لطفـا التصـويـت والتعليــق بيـن الفقــرات
📍متابـعـه حسـاب الواتـبـاد tallen9n

ˋˏ✄┈┈┈┈┈┈┈┈┈┈┈┈┈┈┈┈┈┈┈┈┈┈┈┈

تـوجان ..........

اشهر مروا يووم اتعس واصعب من يوم ويضيقون علينا نطااق العيش جنا عايشينها تحت أمره افراد ما يتشبهوون حتى بالوحوش احس اني اتهسترت من كعده البيت لا شغل لا مصدر للعيش لازم ندبر المعيشه اني وماماا وماكوو وارد ولا احد يشتغلنا ساعات بالليل اطلع اناام بغرفتي وابجي من اشووف العيشه راح تصعب بعد اكثر واني ماما باقين لا سند ولامعيل وحدناا

طول الليل والنهار مكابلين بعض وكاعدين ويوميا نفس الروتين ما عيتغيرر لو ما خاله تجي تكعد وياها ويتسولفوون وأريج تجي عليه وصحتهاا شويه تحسنت وتشافت نوعاا ما ورجعت اريج الاحتاجها بهيج اياام جاان من زمان طكيت ومتت من التفكير والقهر

اي شي نريده من خارج البيت اني ارووح اجيبه فبيوم بدلت ولبست اللباس المفروض علينا غصبب ولعت للسوك كل فتره اطلع اتسووك كميه جبيره واخليهاا بالبيت رحت للسوك وحدي وتعودت على هالشي اشتريت كم غرض خفاف وكفت يم محل ملابس من برا ادحك عليهم عجبوني بس ولا واحد اكدراشوف لونه الحقيقي لابسه الخمار ومنزله طبقه شفافه لون اسود على عيوني وكل لوون اشوفه واشتريه ارجع للبيت لون ثاني مختلف تماماا

رفعت الطبقه الثانيه وبقيت بطقه تغطيه الوجه وكفت ادحك على القطع واكلب بالموديلات والالوان مندمجه وناسيه نفسي اني وين ومحاوطه بمنوو

جفلت على صوووت جاا من يمي رفعت عيوني دحكت عليه جاان واحد منهم حجه يدحك عليه بغضب ويحجي بعصبيه

_ لماذا انتي رافعه الطبقه الثانيه عن وجهك

دحكت عليه وهزيت راسي

_ ما رافعتها عن وجهي بس عيوني دشووف القطعه

_ لا يجوووز ابراز اي شي من الوجهه

_ شفت لوون القطعه وراح انزلهاا

_ لا ترفعيها عنكي ابداا

لويت شفتيوحجيت بتذمر

_ واشوون اشووف ضاله بس الدنيا بعيني ابيض واسود

صررخ بيه بصووت نززني

_لا تجادلين يا مرأه

_ هن كلمتين اي مجادله؟!

_ صوووتج ماا ينسمع ولا تتكلمين وانتي بوسط السووق

رفت حواجبي وحجيت بتفاجئ

_ هاا طلع الحجي هم حرراام

جظ عيونه عليه شكله مررعب